Translation of the Meanings of the Noble Qur'an - Filipino Iranionian translation * - Translations’ Index

Translation of the meanings Surah: At-Toor   Ayah:
Surahs’ Index Page Number HTML

Al-Tur

Ayah: 1

وَٱلطُّورِ
1. lbut ko Palao a Tour a giyoto so Palao a Ron inimbitiyarai o Allah so Musa ko liyawaw niyan.
Arabic explanations of the Qur’an:

Ayah: 2

وَكِتَٰبٖ مَّسۡطُورٖ
2. Go so Kitab a misosorat (a giyo to so Qur'an)
Arabic explanations of the Qur’an:

Ayah: 3

فِي رَقّٖ مَّنشُورٖ
3. Ko karatas a makakayat,
Arabic explanations of the Qur’an:

Ayah: 4

وَٱلۡبَيۡتِ ٱلۡمَعۡمُورِ
4. Go so Baitil Ma-amor a giyoto so Walai a mbabalain a di-i thawa­pan mambo o manga Malaikat sa Langit.
Arabic explanations of the Qur’an:

Ayah: 5

وَٱلسَّقۡفِ ٱلۡمَرۡفُوعِ
5. Go so Atup a ipoporo (a giyo­to so Langit a Matatampar sa du­nya)
Arabic explanations of the Qur’an:

Ayah: 6

وَٱلۡبَحۡرِ ٱلۡمَسۡجُورِ
6. Go so kalodan a mapupuno,
Arabic explanations of the Qur’an:

Ayah: 7

إِنَّ عَذَابَ رَبِّكَ لَوَٰقِعٞ
7. Ka Mata-an! A so siksa o Kadnan Ka na phakatana dun,-
Arabic explanations of the Qur’an:

Ayah: 8

مَّا لَهُۥ مِن دَافِعٖ
8. Da-a phakarunon,-
Arabic explanations of the Qur’an:

Ayah: 9

يَوۡمَ تَمُورُ ٱلسَّمَآءُ مَوۡرٗا
9. Si-i ko Alongan a mabirbir so Langit sa titho a kabirbir,
Arabic explanations of the Qur’an:

Ayah: 10

وَتَسِيرُ ٱلۡجِبَالُ سَيۡرٗا
10. Go mamangikayontong so manga Palao a mikayambur.
Arabic explanations of the Qur’an:

Ayah: 11

فَوَيۡلٞ يَوۡمَئِذٖ لِّلۡمُكَذِّبِينَ
11. Na sangat a siksa sa Alongan noto a bagiyan o Miyamanaplis,
Arabic explanations of the Qur’an:

Ayah: 12

ٱلَّذِينَ هُمۡ فِي خَوۡضٖ يَلۡعَبُونَ
12. So siran na si-i ko ribat khi­kabibimban;
Arabic explanations of the Qur’an:

Ayah: 13

يَوۡمَ يُدَعُّونَ إِلَىٰ نَارِ جَهَنَّمَ دَعًّا
13. Si-i ko Alongan a ipanaro­mag siran ko Naraka Jahanam, sa mabasung a kapanaromag.
Arabic explanations of the Qur’an:

Ayah: 14

هَٰذِهِ ٱلنَّارُ ٱلَّتِي كُنتُم بِهَا تُكَذِّبُونَ
14. (Tharo-on kiran:) giya i so Apoi, a so piyakambokhag iyo sukaniyan!
Arabic explanations of the Qur’an:

Ayah: 15

أَفَسِحۡرٌ هَٰذَآ أَمۡ أَنتُمۡ لَا تُبۡصِرُونَ
15. Ino balik mata ini, antawa-a sukano idi phamakanono?
Arabic explanations of the Qur’an:

Ayah: 16

ٱصۡلَوۡهَا فَٱصۡبِرُوٓاْ أَوۡ لَا تَصۡبِرُواْ سَوَآءٌ عَلَيۡكُمۡۖ إِنَّمَا تُجۡزَوۡنَ مَا كُنتُمۡ تَعۡمَلُونَ
16. Sombowi niyo sukaniyan: Na Phantang kano, antawa a di kano Puphantang, na mulagid rukano. Aya bo a imbalas rukano na so Pinggolaola niyo.
Arabic explanations of the Qur’an:

Ayah: 17

إِنَّ ٱلۡمُتَّقِينَ فِي جَنَّٰتٖ وَنَعِيمٖ
17. Mata-an! A so Miyamanang­gila na si-i ko manga Sorga, go kadarandang,-
Arabic explanations of the Qur’an:

Ayah: 18

فَٰكِهِينَ بِمَآ ءَاتَىٰهُمۡ رَبُّهُمۡ وَوَقَىٰهُمۡ رَبُّهُمۡ عَذَابَ ٱلۡجَحِيمِ
18. A mabababaya siran sabap ko inibugai kiran o Kadnan niran; go piyakalidas siran o Kadnan niran ko siksa ko Naraka Jahim.
Arabic explanations of the Qur’an:

Ayah: 19

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ
19. (Tharo-on kiran:) Kangkano, go inom kano sa kapipiya ginawa, sabap ko Pinggolaola niyo;
Arabic explanations of the Qur’an:

Ayah: 20

مُتَّكِـِٔينَ عَلَىٰ سُرُرٖ مَّصۡفُوفَةٖۖ وَزَوَّجۡنَٰهُم بِحُورٍ عِينٖ
20. Gi-i siran shasandasandang ko manga kantir a khirarantarun; go Pakaphamangaroma-an Ami sir­an sa manga tataid, a manga pipiya i kapumata.
Arabic explanations of the Qur’an:

Ayah: 21

وَٱلَّذِينَ ءَامَنُواْ وَٱتَّبَعَتۡهُمۡ ذُرِّيَّتُهُم بِإِيمَٰنٍ أَلۡحَقۡنَا بِهِمۡ ذُرِّيَّتَهُمۡ وَمَآ أَلَتۡنَٰهُم مِّنۡ عَمَلِهِم مِّن شَيۡءٖۚ كُلُّ ٱمۡرِيِٕۭ بِمَا كَسَبَ رَهِينٞ
21. Na so Miyamaratiyaya go tiyondog siran o manga Moriyatao iran ko Paratiyaya, -na pakiraot Ami siran ko manga Moriyatao iran, go da-a korangun Ami kiran ko galubuk iran a maito bo. Oman i isa a tao na sanda ko galubuk iyan.
Arabic explanations of the Qur’an:

Ayah: 22

وَأَمۡدَدۡنَٰهُم بِفَٰكِهَةٖ وَلَحۡمٖ مِّمَّا يَشۡتَهُونَ
22. Na phagomanan Ami siran sa Onga, a go Sapo, a pukhababaya-an niran.
Arabic explanations of the Qur’an:

Ayah: 23

يَتَنَٰزَعُونَ فِيهَا كَأۡسٗا لَّا لَغۡوٞ فِيهَا وَلَا تَأۡثِيمٞ
23. Gi-i siran ro-o ndadawaga sa inomun, a da-a ilangon, go da-a ikhadosa on;
Arabic explanations of the Qur’an:

Ayah: 24

۞ وَيَطُوفُ عَلَيۡهِمۡ غِلۡمَانٞ لَّهُمۡ كَأَنَّهُمۡ لُؤۡلُؤٞ مَّكۡنُونٞ
24. Go phulibutun siran o manga ngongoda iran, lagid o ba siran Montiya a totongkopun;
Arabic explanations of the Qur’an:

Ayah: 25

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ
25. Go puphagadapun o saba-ad kiran so saba-ad, a puphamagishai siran:
Arabic explanations of the Qur’an:

Ayah: 26

قَالُوٓاْ إِنَّا كُنَّا قَبۡلُ فِيٓ أَهۡلِنَا مُشۡفِقِينَ
26. Tharo-on niran: A Mata-an! A sukutano na miyabaloi tano go­wani ko shisi-i tano ko manga ton­ganai tano a ma-aluk tano.
Arabic explanations of the Qur’an:

Ayah: 27

فَمَنَّ ٱللَّهُ عَلَيۡنَا وَوَقَىٰنَا عَذَابَ ٱلسَّمُومِ
27. Na ini Kalimo tano o Allah, go piyakalidas tano Niyan ko siksa, a phakarobrob.
Arabic explanations of the Qur’an:

Ayah: 28

إِنَّا كُنَّا مِن قَبۡلُ نَدۡعُوهُۖ إِنَّهُۥ هُوَ ٱلۡبَرُّ ٱلرَّحِيمُ
28. Mata-an! sukutano na miya­baloi tano gowani: A Puphamangu­ni tano Rukaniyan. Mata-an! A Sukaniyan na Sukaniyan so Pu­phangompiya, a Makalimo-on!
Arabic explanations of the Qur’an:

Ayah: 29

فَذَكِّرۡ فَمَآ أَنتَ بِنِعۡمَتِ رَبِّكَ بِكَاهِنٖ وَلَا مَجۡنُونٍ
29. Na Puphanguthoma Ka ka sabap ko Limo o Kadnan Ka, na kuna a ba Ka paririmar, go di Ka tataraponan.
Arabic explanations of the Qur’an:

Ayah: 30

أَمۡ يَقُولُونَ شَاعِرٞ نَّتَرَبَّصُ بِهِۦ رَيۡبَ ٱلۡمَنُونِ
30. Kuna, ka gi-i ran Tharo-on: A Pababayok! Na dara-an tano Ru­kaniyan so phangababago o masa!
Arabic explanations of the Qur’an:

Ayah: 31

قُلۡ تَرَبَّصُواْ فَإِنِّي مَعَكُم مِّنَ ٱلۡمُتَرَبِّصِينَ
31. Tharowangka: Dadara kano, ka Mata-an! A Sakun na pud iyo a pud ko khidadara!
Arabic explanations of the Qur’an:

Ayah: 32

أَمۡ تَأۡمُرُهُمۡ أَحۡلَٰمُهُم بِهَٰذَآۚ أَمۡ هُمۡ قَوۡمٞ طَاغُونَ
32. Ba kiran naya sosogo-on o manga gudaguda iran; kuna, ka sir­an na pagtao a manga darowaka?
Arabic explanations of the Qur’an:

Ayah: 33

أَمۡ يَقُولُونَ تَقَوَّلَهُۥۚ بَل لَّا يُؤۡمِنُونَ
33. Ino iran gi-i Tharowa: A piyangumba-alan Niyan naya a Katharo? Kuna, ka di siran Mapa­paratiyaya!
Arabic explanations of the Qur’an:

Ayah: 34

فَلۡيَأۡتُواْ بِحَدِيثٖ مِّثۡلِهِۦٓ إِن كَانُواْ صَٰدِقِينَ
34. Na bugai siran sa Tothol a lagid iyan, o siran i manga bunar!
Arabic explanations of the Qur’an:

Ayah: 35

أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ
35. Ba siran Miya-adun sa da-a Miyangadun, antawa-a ba siran i Miyangadun?
Arabic explanations of the Qur’an:

Ayah: 36

أَمۡ خَلَقُواْ ٱلسَّمَٰوَٰتِ وَٱلۡأَرۡضَۚ بَل لَّا يُوقِنُونَ
36. Ba iran Inadun so manga Langit a go so Lopa? Kuna, ka di ran tatangkudun.
Arabic explanations of the Qur’an:

Ayah: 37

أَمۡ عِندَهُمۡ خَزَآئِنُ رَبِّكَ أَمۡ هُمُ ٱلۡمُصَۜيۡطِرُونَ
37. Ba kiran shisi-i so manga kakawasa-an o Kadnan Ka, anta­ wa-a ba siran i phamakaba-as?
Arabic explanations of the Qur’an:

Ayah: 38

أَمۡ لَهُمۡ سُلَّمٞ يَسۡتَمِعُونَ فِيهِۖ فَلۡيَأۡتِ مُسۡتَمِعُهُم بِسُلۡطَٰنٖ مُّبِينٍ
38. Ba adun a towak iran (ko Langit) a makapuphamakinug siran non? Na talingoma-an o miyama-makinug kiran i katantowan, a ma­payag!
Arabic explanations of the Qur’an:

Ayah: 39

أَمۡ لَهُ ٱلۡبَنَٰتُ وَلَكُمُ ٱلۡبَنُونَ
39. Ba aya ruk iyan na so manga Wata a Babai, na ruk iyo so manga Wata a Mama?
Arabic explanations of the Qur’an:

Ayah: 40

أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ
40. Na ba Ka kiran puphanguni sa sokai, na siran na po-on ko ka­ pakambayadan na kapupunudan siran?
Arabic explanations of the Qur’an:

Ayah: 41

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ
41. Ba kiran shisi-i so Migagaib, na siran i puphamanoraton?
Arabic explanations of the Qur’an:

Ayah: 42

أَمۡ يُرِيدُونَ كَيۡدٗاۖ فَٱلَّذِينَ كَفَرُواْ هُمُ ٱلۡمَكِيدُونَ
42. Kuna, ka aya antap iran na antangan a marata, na so Miyaman­gongkir na siran i piyangakakaidan!
Arabic explanations of the Qur’an:

Ayah: 43

أَمۡ لَهُمۡ إِلَٰهٌ غَيۡرُ ٱللَّهِۚ سُبۡحَٰنَ ٱللَّهِ عَمَّا يُشۡرِكُونَ
43. Ba adun a Tohan niran a salakao ko Allah? Soti so Allah mawatan ko ipuphanakoto iran!
Arabic explanations of the Qur’an:

Ayah: 44

وَإِن يَرَوۡاْ كِسۡفٗا مِّنَ ٱلسَّمَآءِ سَاقِطٗا يَقُولُواْ سَحَابٞ مَّرۡكُومٞ
44. Na o makailai siran sa sagin­tas ko Langit a pukhaolog, na Putharo-on niran: A gabon a tho­torogan!
Arabic explanations of the Qur’an:

Ayah: 45

فَذَرۡهُمۡ حَتَّىٰ يُلَٰقُواْ يَوۡمَهُمُ ٱلَّذِي فِيهِ يُصۡعَقُونَ
45. Na Botawaningka siran, ta­man sa mimbaratumowa iran so Alongan niran, a so khada-an siran non sa tanod,-
Arabic explanations of the Qur’an:

Ayah: 46

يَوۡمَ لَا يُغۡنِي عَنۡهُمۡ كَيۡدُهُمۡ شَيۡـٔٗا وَلَا هُمۡ يُنصَرُونَ
46. Alongan a di kiran makang­gai a gona so ikmat iran sa maito bo, go di siran pangatatabangan.
Arabic explanations of the Qur’an:

Ayah: 47

وَإِنَّ لِلَّذِينَ ظَلَمُواْ عَذَابٗا دُونَ ذَٰلِكَ وَلَٰكِنَّ أَكۡثَرَهُمۡ لَا يَعۡلَمُونَ
47. Na Mata-an! A adun a bagi­yan o siran a Mindadarowaka, a siksa a salakao ro-o, na ogaid na so kadakulan kiran na di iran kata­wan.
Arabic explanations of the Qur’an:

Ayah: 48

وَٱصۡبِرۡ لِحُكۡمِ رَبِّكَ فَإِنَّكَ بِأَعۡيُنِنَاۖ وَسَبِّحۡ بِحَمۡدِ رَبِّكَ حِينَ تَقُومُ
48. Na phantang ka ko kokoman o Kadnan ka; ka mataan! a ska na sii ko pangilailayan o mga mata ami: Go pthasbikn ka so podi o Kadnan ka, ko wakto a kangganat ka;
Arabic explanations of the Qur’an:

Ayah: 49

وَمِنَ ٱلَّيۡلِ فَسَبِّحۡهُ وَإِدۡبَٰرَ ٱلنُّجُومِ
49. Go si-i ko kagagawi-i na Puthasbik Ka Rukaniyan, go so kapamakasudup o manga bito-on!
Arabic explanations of the Qur’an:
 
Translation of the meanings Surah: At-Toor
Surahs’ Index Page Number
 
Translation of the Meanings of the Noble Qur'an - Filipino Iranionian translation - Translations’ Index

Translation of the meanings of the Noble Qur’an into the Filipino-Iranionian language, translated by Sheikh Abd al-Aziz Gru Alim Saro Mantang.

close