Translation of the meanings Surah Al-Hajj - Luhya translation - International Society for Science and Culture - Page Number 333 - The Noble Qur'an Encyclopedia

Ayah: 6

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّهُۥ يُحۡيِ ٱلۡمَوۡتَىٰ وَأَنَّهُۥ عَلَىٰ كُلِّ شَيۡءٖ قَدِيرٞ

Endio nilwokhuba mbu Nyasaye niye watoto, ne toto mbu Ye alamusinjia abafu. Ne mbu Ye nomunyali wabuli eshindu.

Ayah: 7

وَأَنَّ ٱلسَّاعَةَ ءَاتِيَةٞ لَّا رَيۡبَ فِيهَا وَأَنَّ ٱللَّهَ يَبۡعَثُ مَن فِي ٱلۡقُبُورِ

Ne mbu toto indukho ilitsa, obukanakani bubulaho tawe, ne toto mbu Nyasaye alilamusia abali mubilindwa.

Ayah: 8

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ

Ne mubandu baliho abayingananga khu Nyasaye nibabula obumanyi tawe, nohomba obulunjifu nohomba eshitabu shiobulafu.

Ayah: 9

ثَانِيَ عِطۡفِهِۦ لِيُضِلَّ عَن سَبِيلِ ٱللَّهِۖ لَهُۥ فِي ٱلدُّنۡيَا خِزۡيٞۖ وَنُذِيقُهُۥ يَوۡمَ ٱلۡقِيَٰمَةِ عَذَابَ ٱلۡحَرِيقِ

Abashukhasinjia amakosi kabu mushireka khulwokhukosia Abandu ehale nende injila ya Nyasaye, balinyoola khushialo eshinyasio, ne khulitisia shiamulala wabu inyanga yeyinduukho eshinyasio shiomulilo.

Ayah: 10

ذَٰلِكَ بِمَا قَدَّمَتۡ يَدَاكَ وَأَنَّ ٱللَّهَ لَيۡسَ بِظَلَّٰمٖ لِّلۡعَبِيدِ

Kano nilwokhuba akemikhono chiabu chiaranjilisia, ne mbu toto Nyasaye shakholelanga Abasumba bebe obubii tawe.

Ayah: 11

وَمِنَ ٱلنَّاسِ مَن يَعۡبُدُ ٱللَّهَ عَلَىٰ حَرۡفٖۖ فَإِنۡ أَصَابَهُۥ خَيۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡيَا وَٱلۡأٓخِرَةَۚ ذَٰلِكَ هُوَ ٱلۡخُسۡرَانُ ٱلۡمُبِينُ

Ne Mubandu baliho balaamanga Nyasaye khundulo. Obulayi nibumuulila, abukumakhwo. Ne obutinyu nibumunyoola, akalukhana khubweni bubwe, yatiba khushialo nende mwikulu. Okho nikho okhutiba okhwa habulafu.

Ayah: 12

يَدۡعُواْ مِن دُونِ ٱللَّهِ مَا لَا يَضُرُّهُۥ وَمَا لَا يَنفَعُهُۥۚ ذَٰلِكَ هُوَ ٱلضَّلَٰلُ ٱلۡبَعِيدُ

Alamanga ebilali Nyasaye, ebilakhamukhola eshindu eshibii nohomba okhumukhoonya tawe. Obo nibo obukori buli ehale muno.

Ayah: 13

يَدۡعُواْ لَمَن ضَرُّهُۥٓ أَقۡرَبُ مِن نَّفۡعِهِۦۚ لَبِئۡسَ ٱلۡمَوۡلَىٰ وَلَبِئۡسَ ٱلۡعَشِيرُ

Alaamanga bilia ebia obubii bwabio buli hambi muno ninaye okhushila obukhoyi bwabio. Ni ebihabini ebibii po, ne ni ebikho ebibii muno.

Ayah: 14

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۚ إِنَّ ٱللَّهَ يَفۡعَلُ مَا يُرِيدُ

Toto Nyasaye alinjisia balia abasuubila mana nibakhola amalayi mumikunda chomwikulu chiburangamwo emialo hasi wachio. Toto Nyasaye akholanga shiayenya.

Ayah: 15

مَن كَانَ يَظُنُّ أَن لَّن يَنصُرَهُ ٱللَّهُ فِي ٱلدُّنۡيَا وَٱلۡأٓخِرَةِ فَلۡيَمۡدُدۡ بِسَبَبٍ إِلَى ٱلسَّمَآءِ ثُمَّ لۡيَقۡطَعۡ فَلۡيَنظُرۡ هَلۡ يُذۡهِبَنَّ كَيۡدُهُۥ مَا يَغِيظُ

Ulia uparanga mbu Nyasaye shalimuhabina (Omurumwa wuwe) tawe khushialo nende mwikulu, awo aboye omukoye hekulu mana yemiche, mana alolekhwo ebifwanga bibie ebo nibiyiniaho kalia kamusinyisiyie.