Translation of the Meanings of the Noble Qur'an - الترجمة اللوهيا * - Translations’ Index

Translation of the meanings Surah: Al-Insān   Ayah:
Surahs’ Index Page Number HTML

Al-Insan (OMUNDU)

Ayah: 1

هَلۡ أَتَىٰ عَلَى ٱلۡإِنسَٰنِ حِينٞ مِّنَ ٱلدَّهۡرِ لَمۡ يَكُن شَيۡـٔٗا مَّذۡكُورًا
Toto biabura ebise ebirambi khumundu, olwa yaali naalali eshindu shirumbulwa tawe.
Arabic explanations of the Qur’an:

Ayah: 2

إِنَّا خَلَقۡنَا ٱلۡإِنسَٰنَ مِن نُّطۡفَةٍ أَمۡشَاجٖ نَّبۡتَلِيهِ فَجَعَلۡنَٰهُ سَمِيعَۢا بَصِيرًا
Toto efwe khwaloonga Omundu okhurulana nende imwo yobulamu, yesasania, (yomusatsa nende omukhasi) khulwokhumutema, kho nikhumukholaye okhuwulila muno, nende okhulola po.
Arabic explanations of the Qur’an:

Ayah: 3

إِنَّا هَدَيۡنَٰهُ ٱلسَّبِيلَ إِمَّا شَاكِرٗا وَإِمَّا كَفُورًا
Toto efwe khwamulunjisia kunjira ilunjifu, niyenya asubire Nyasaye mana abe wokhupa orio, nohomba alonde khunjira ya obukhayi (alobe injira ya Nyasaye).
Arabic explanations of the Qur’an:

Ayah: 4

إِنَّآ أَعۡتَدۡنَا لِلۡكَٰفِرِينَ سَلَٰسِلَاْ وَأَغۡلَٰلٗا وَسَعِيرًا
Toto efwe khwarecheshela Abakhayi eminyororo, nende tsirimba nende omulilo omululu.
Arabic explanations of the Qur’an:

Ayah: 5

إِنَّ ٱلۡأَبۡرَارَ يَشۡرَبُونَ مِن كَأۡسٖ كَانَ مِزَاجُهَا كَافُورًا
Toto Abandu abalayi balinywa eshinywebwa shiasasibwamwo ‘kafura’.
Arabic explanations of the Qur’an:

Ayah: 6

عَيۡنٗا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرٗا
Ne Isebele ya Abandu ba Nyasaye balinywamwo, bali ikhola ikhulukusie mubunji.
Arabic explanations of the Qur’an:

Ayah: 7

يُوفُونَ بِٱلنَّذۡرِ وَيَخَافُونَ يَوۡمٗا كَانَ شَرُّهُۥ مُسۡتَطِيرٗا
Bakholanga kabalaka, ne baritsanga inyanga yobusiro bwayio buliswana.
Arabic explanations of the Qur’an:

Ayah: 8

وَيُطۡعِمُونَ ٱلطَّعَامَ عَلَىٰ حُبِّهِۦ مِسۡكِينٗا وَيَتِيمٗا وَأَسِيرًا
Ne balisinjia eshilibwa shia abene bashiyanza Abamanani, nende Abafwilwa nende Ababoye.
Arabic explanations of the Qur’an:

Ayah: 9

إِنَّمَا نُطۡعِمُكُمۡ لِوَجۡهِ ٱللَّهِ لَا نُرِيدُ مِنكُمۡ جَزَآءٗ وَلَا شُكُورًا
“Toto efwe khubalisinjia khulwokhwenya obweni bwa Nyasaye, shikhubenyakhwo omurungo nohomba orio muno tawe.
Arabic explanations of the Qur’an:

Ayah: 10

إِنَّا نَخَافُ مِن رَّبِّنَا يَوۡمًا عَبُوسٗا قَمۡطَرِيرٗا
Toto efwe khuritsaanga okhurulana khu Nyasaye wefu Omulesi, inyanga yobutinyu nende Omusando.”
Arabic explanations of the Qur’an:

Ayah: 11

فَوَقَىٰهُمُ ٱللَّهُ شَرَّ ذَٰلِكَ ٱلۡيَوۡمِ وَلَقَّىٰهُمۡ نَضۡرَةٗ وَسُرُورٗا
Kho mana Nyasaye alibashinga okhurulana nende obusiro bwe inyanga eyo, ne alibakhola okhulolekha obulayi po, khandi abasangafu.
Arabic explanations of the Qur’an:

Ayah: 12

وَجَزَىٰهُم بِمَا صَبَرُواْ جَنَّةٗ وَحَرِيرٗا
Ne alibarunga omukunda kwomwikulu nende tsingubo tsieshironyo, khulwa okhwifwila khwabu.
Arabic explanations of the Qur’an:

Ayah: 13

مُّتَّكِـِٔينَ فِيهَا عَلَى ٱلۡأَرَآئِكِۖ لَا يَرَوۡنَ فِيهَا شَمۡسٗا وَلَا زَمۡهَرِيرٗا
Omo baliyekha khubisaala bioluyali, shibalilolamwo omubasu omululu nohomba omunyiri omululu tawe.
Arabic explanations of the Qur’an:

Ayah: 14

وَدَانِيَةً عَلَيۡهِمۡ ظِلَٰلُهَا وَذُلِّلَتۡ قُطُوفُهَا تَذۡلِيلٗا
Ne ebiinikha biliba ahambi ninabo, ne ebiamo biamwo bilieletsanga muno.
Arabic explanations of the Qur’an:

Ayah: 15

وَيُطَافُ عَلَيۡهِم بِـَٔانِيَةٖ مِّن فِضَّةٖ وَأَكۡوَابٖ كَانَتۡ قَوَارِيرَا۠
Ne balitendelwa khubindu bie ifedha nende bikombe bia tsigilasi.
Arabic explanations of the Qur’an:

Ayah: 16

قَوَارِيرَاْ مِن فِضَّةٖ قَدَّرُوهَا تَقۡدِيرٗا
Tsihilasi tsia ifedha inzwenufu shinga shiwoo, tsiachelwa khushichelo.
Arabic explanations of the Qur’an:

Ayah: 17

وَيُسۡقَوۡنَ فِيهَا كَأۡسٗا كَانَ مِزَاجُهَا زَنجَبِيلًا
Ne omo balinywesibwamwo eshinywebwa shasasibwamwo itangawizi.
Arabic explanations of the Qur’an:

Ayah: 18

عَيۡنٗا فِيهَا تُسَمَّىٰ سَلۡسَبِيلٗا
Eyo isebele iliyo ilangwa mbu Salsabil.
Arabic explanations of the Qur’an:

Ayah: 19

۞ وَيَطُوفُ عَلَيۡهِمۡ وِلۡدَٰنٞ مُّخَلَّدُونَ إِذَا رَأَيۡتَهُمۡ حَسِبۡتَهُمۡ لُؤۡلُؤٗا مَّنثُورٗا
Ne balibetsela luno nende lulia okhubatenda abasiani bashili ababukha. Nobalola, olapara mbu bo ni tsisole tsing'enang'ena tsiomunyanza tsiasaalasibwa.
Arabic explanations of the Qur’an:

Ayah: 20

وَإِذَا رَأَيۡتَ ثَمَّ رَأَيۡتَ نَعِيمٗا وَمُلۡكٗا كَبِيرًا
Ne nolenga eyo, olalola obwokholo nende obwaami obukhongo.
Arabic explanations of the Qur’an:

Ayah: 21

عَٰلِيَهُمۡ ثِيَابُ سُندُسٍ خُضۡرٞ وَإِسۡتَبۡرَقٞۖ وَحُلُّوٓاْ أَسَاوِرَ مِن فِضَّةٖ وَسَقَىٰهُمۡ رَبُّهُمۡ شَرَابٗا طَهُورًا
Hekulu wabu tsiliba tsingubo tsia Hariri (tsingwalafu) tsiobukondo bwamasafu, ne balifwala emikasa chieyifedha, ne Nyasaye wabu Omulesi alibanywesia eshinywebwa eshilafu muno.
Arabic explanations of the Qur’an:

Ayah: 22

إِنَّ هَٰذَا كَانَ لَكُمۡ جَزَآءٗ وَكَانَ سَعۡيُكُم مَّشۡكُورًا
(Alibaboolela mbu) “Toto kuno nikwo omurungo kwenyu, ne okhukhalabana khwenyu khufuchililwe.”
Arabic explanations of the Qur’an:

Ayah: 23

إِنَّا نَحۡنُ نَزَّلۡنَا عَلَيۡكَ ٱلۡقُرۡءَانَ تَنزِيلٗا
Toto efwe khwakhwishilia Ikurani indutu, indutu.
Arabic explanations of the Qur’an:

Ayah: 24

فَٱصۡبِرۡ لِحُكۡمِ رَبِّكَ وَلَا تُطِعۡ مِنۡهُمۡ ءَاثِمًا أَوۡ كَفُورٗا
Kho linda okhula shingala Nyasaye wuwo Omulesi alabusia eshina, ne olaulila yesiyesi mubo owetsimbi nohomba omukhayi tawe.
Arabic explanations of the Qur’an:

Ayah: 25

وَٱذۡكُرِ ٱسۡمَ رَبِّكَ بُكۡرَةٗ وَأَصِيلٗا
Ne itsulila elira lia Nyasaye wuwo Omulesi nibushia nende nibwila.
Arabic explanations of the Qur’an:

Ayah: 26

وَمِنَ ٱلَّيۡلِ فَٱسۡجُدۡ لَهُۥ وَسَبِّحۡهُ لَيۡلٗا طَوِيلًا
Ne mushilo murerere obweni hasi, ne mutswenule oluwono olurambi lweshilo.
Arabic explanations of the Qur’an:

Ayah: 27

إِنَّ هَٰٓؤُلَآءِ يُحِبُّونَ ٱلۡعَاجِلَةَ وَيَذَرُونَ وَرَآءَهُمۡ يَوۡمٗا ثَقِيلٗا
Toto Abandu bano bachama obulamu bwokhushialo, ne balekhanga inyuma wabu inyanga isiro.
Arabic explanations of the Qur’an:

Ayah: 28

نَّحۡنُ خَلَقۡنَٰهُمۡ وَشَدَدۡنَآ أَسۡرَهُمۡۖ وَإِذَا شِئۡنَا بَدَّلۡنَآ أَمۡثَٰلَهُمۡ تَبۡدِيلًا
Efwe khwabaloonga, ne nikhubaramwo amaani, ne nikhwenya, khunyala okhukalukhasia abandi bali shingabo.
Arabic explanations of the Qur’an:

Ayah: 29

إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلٗا
Toto bwene kano ni ametsulisio. Kho, owenya, atiile injila itsia ewa Nyasaye wuwe Omulesi.
Arabic explanations of the Qur’an:

Ayah: 30

وَمَا تَشَآءُونَ إِلَّآ أَن يَشَآءَ ٱللَّهُۚ إِنَّ ٱللَّهَ كَانَ عَلِيمًا حَكِيمٗا
Ne shimwakhenya tawe okhula Nyasaye achame. Toto bwene Nyasaye niye Omumanyi muno, Owamachesi po.
Arabic explanations of the Qur’an:

Ayah: 31

يُدۡخِلُ مَن يَشَآءُ فِي رَحۡمَتِهِۦۚ وَٱلظَّٰلِمِينَ أَعَدَّ لَهُمۡ عَذَابًا أَلِيمَۢا
Yenjisinjia owayenya mutsimbabasi tsitsie, ne abamabii yabarecheshela eshinyasio eshilulu.
Arabic explanations of the Qur’an:
 
Translation of the meanings Surah: Al-Insān
Surahs’ Index Page Number
 
Translation of the Meanings of the Noble Qur'an - الترجمة اللوهيا - Translations’ Index

ترجمة معاني القرآن الكريم إلى اللغة اللوهيا صادرة عن الجمعية الدولية للعلوم والثقافة.

close