Translation of the meanings Surah At-Tawbah - Luhya translation - International Society for Science and Culture - Page Number 195 - The Noble Qur'an Encyclopedia

Ayah: 48

لَقَدِ ٱبۡتَغَوُاْ ٱلۡفِتۡنَةَ مِن قَبۡلُ وَقَلَّبُواْ لَكَ ٱلۡأُمُورَ حَتَّىٰ جَآءَ ٱلۡحَقُّ وَظَهَرَ أَمۡرُ ٱللَّهِ وَهُمۡ كَٰرِهُونَ

Okhurula khale benya okhubarerera obutswanzwani, mana nibakhukalukhanilia amakhuwa okhula shingala obulamba bwetsa, ne likhuwa lia Nyasaye niliba habulafu nabo nibalachamile tawe.

Ayah: 49

وَمِنۡهُم مَّن يَقُولُ ٱئۡذَن لِّي وَلَا تَفۡتِنِّيٓۚ أَلَا فِي ٱلۡفِتۡنَةِ سَقَطُواْۗ وَإِنَّ جَهَنَّمَ لَمُحِيطَةُۢ بِٱلۡكَٰفِرِينَ

Ne mubo balimwo baboolanga mbu; “Mbe obwiyangu, ne olandema tawe.” Lola! Toto abo bamala okhukwa mumatemo. Ne toto Jahannam iliterera Abakhayi.

Ayah: 50

إِن تُصِبۡكَ حَسَنَةٞ تَسُؤۡهُمۡۖ وَإِن تُصِبۡكَ مُصِيبَةٞ يَقُولُواْ قَدۡ أَخَذۡنَآ أَمۡرَنَا مِن قَبۡلُ وَيَتَوَلَّواْ وَّهُمۡ فَرِحُونَ

Obulayi nibukhunyoola, nibubasinyisia. Ne amasila nikakhunyoola, nibaboola mbu; “Khwahenga obulayi amakhuwa kefu okhurula khale (okhukhaya okhunyoolwa namasila)", ne bakalukhananga nibabwao nibasangalile.

Ayah: 51

قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوۡلَىٰنَاۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Boola mbu; “Sishitsa okhunyoola shiosishiosi tawe habula shilia shia Nyasaye yakhuhandichila. Ye ni Omwami wefu.” Kho, abasuubili besiche Nyasaye butswa.

Ayah: 52

قُلۡ هَلۡ تَرَبَّصُونَ بِنَآ إِلَّآ إِحۡدَى ٱلۡحُسۡنَيَيۡنِۖ وَنَحۡنُ نَتَرَبَّصُ بِكُمۡ أَن يُصِيبَكُمُ ٱللَّهُ بِعَذَابٖ مِّنۡ عِندِهِۦٓ أَوۡ بِأَيۡدِينَاۖ فَتَرَبَّصُوٓاْ إِنَّا مَعَكُم مُّتَرَبِّصُونَ

Boola mbu; “Enywe shimulindilanga efwe shiosishiosi tawe halali okhunyoola shilala khubulayi bubili. Ne efwe khulindanga Nyasaye abasandie nende eshinyasio okhurula khuye nohomba okhurulana nende emikhono chiefu. Kho, linde butswa, fwesi khuliindanga ninanyu."

Ayah: 53

قُلۡ أَنفِقُواْ طَوۡعًا أَوۡ كَرۡهٗا لَّن يُتَقَبَّلَ مِنكُمۡ إِنَّكُمۡ كُنتُمۡ قَوۡمٗا فَٰسِقِينَ

Boola mbu; “Rusie emiandu chienyu nimuchamile nohomba nimulachamile, shichilafuchililwa okhurula khwinywe tawe. Toto enywe muli Abandu barumanga amalako.’’

Ayah: 54

وَمَا مَنَعَهُمۡ أَن تُقۡبَلَ مِنۡهُمۡ نَفَقَٰتُهُمۡ إِلَّآ أَنَّهُمۡ كَفَرُواْ بِٱللَّهِ وَبِرَسُولِهِۦ وَلَا يَأۡتُونَ ٱلصَّلَوٰةَ إِلَّا وَهُمۡ كُسَالَىٰ وَلَا يُنفِقُونَ إِلَّا وَهُمۡ كَٰرِهُونَ

Ne sishiabekalila okhuchamilwa eshihanwa shiabu halali mbu khulwa bakhaya Nyasaye nende Omurumwa wuwe. Ne shibetsanga okhulama tawe halali nibali abatofu, ne shibahininjia eshihanwa tawe halali nibalachamile ta.