Translation of the Meanings of the Noble Qur'an - Filipino Translation (Maguindanaon) - Rowad Translation Center * - Translations’ Index
وَلَقَدۡ ءَاتَيۡنَا لُقۡمَٰنَ ٱلۡحِكۡمَةَ أَنِ ٱشۡكُرۡ لِلَّهِۚ وَمَن يَشۡكُرۡ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ ٱللَّهَ غَنِيٌّ حَمِيدٞ
Endu saben-sabenal a inenggay nami kani Luqman i kataw, edsukur ka (Luqman) sa Allah, san den sa taw a edsukur na lekanin i balas nu sukur nin, su taw menem a egkafir na su Allah na kawasa a pebpugin.
Arabic explanations of the Qur’an:
وَإِذۡ قَالَ لُقۡمَٰنُ لِٱبۡنِهِۦ وَهُوَ يَعِظُهُۥ يَٰبُنَيَّ لَا تُشۡرِكۡ بِٱللَّهِۖ إِنَّ ٱلشِّرۡكَ لَظُلۡمٌ عَظِيمٞ
Endu labit ka (Muhammad i nanggula) nu bityala a pidtalu ni Luqman kanu wata nin sa sekanin na pangindawn nin, Oh wata ku! Di ka pedsakutu su Allah, ka saben-sabenal su kasakutu na tidtu a kadupangan a sampurna (masela).
Arabic explanations of the Qur’an:
وَوَصَّيۡنَا ٱلۡإِنسَٰنَ بِوَٰلِدَيۡهِ حَمَلَتۡهُ أُمُّهُۥ وَهۡنًا عَلَىٰ وَهۡنٖ وَفِصَٰلُهُۥ فِي عَامَيۡنِ أَنِ ٱشۡكُرۡ لِي وَلِوَٰلِدَيۡكَ إِلَيَّ ٱلۡمَصِيرُ
Inibpalyugat nami kanu manusya i kabpiya-pya nin kanu duwa a lukes nin, nawgatan si ina nin sa kagingay nin, kinambata nin lun, duwa lagun na menda sumusu, edsukuri aku nu endu su duwa a lukes nengka, sya kanu makambalingan sa laki.
Arabic explanations of the Qur’an:
وَإِن جَٰهَدَاكَ عَلَىٰٓ أَن تُشۡرِكَ بِي مَا لَيۡسَ لَكَ بِهِۦ عِلۡمٞ فَلَا تُطِعۡهُمَاۖ وَصَاحِبۡهُمَا فِي ٱلدُّنۡيَا مَعۡرُوفٗاۖ وَٱتَّبِعۡ سَبِيلَ مَنۡ أَنَابَ إِلَيَّۚ ثُمَّ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ
Amayka pegesen ka nilan sa sumakutu ka sa laki sa dala ilmu lun na di ka baginuguti silan, idtagapeda nengka silan sa mapya sa dunya endu ya ka tuntul su lalan nu midtawbat sa laki ka sya kanu bun makambalingan sa laki, inggay ku sa lekanu su balas nu manga galebek nu (lu sa dunya).
Arabic explanations of the Qur’an:
يَٰبُنَيَّ إِنَّهَآ إِن تَكُ مِثۡقَالَ حَبَّةٖ مِّنۡ خَرۡدَلٖ فَتَكُن فِي صَخۡرَةٍ أَوۡ فِي ٱلسَّمَٰوَٰتِ أَوۡ فِي ٱلۡأَرۡضِ يَأۡتِ بِهَا ٱللَّهُۚ إِنَّ ٱللَّهَ لَطِيفٌ خَبِيرٞ
Hay, wata ku apiya ngin den i kanawt a kadusan a itagu nengka sa lakungan sa didalem atawaka sya kanu langit atawaka sya sa lupa na italingguma bun nu Allah sa gay a mawli, su Allah na matuntul nin endu katawan nin mapambuwat.
Arabic explanations of the Qur’an:
يَٰبُنَيَّ أَقِمِ ٱلصَّلَوٰةَ وَأۡمُرۡ بِٱلۡمَعۡرُوفِ وَٱنۡهَ عَنِ ٱلۡمُنكَرِ وَٱصۡبِرۡ عَلَىٰ مَآ أَصَابَكَۖ إِنَّ ذَٰلِكَ مِنۡ عَزۡمِ ٱلۡأُمُورِ
Hay wata ku itindeg nengka su sambayang endu isugu nengka su mapya endu isapal nengka su mawag endu edsabar ka kanu makasugat sa leka, ka entu ba i mapya sa langun a pakarajan.
Arabic explanations of the Qur’an:
وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٖ فَخُورٖ
Endu da ka ebpapulu (memamasela) kanu manga taw, endu da ka lumakaw kanu lupa sa kamamasela, su Allah na dili nin kaliniyan i langun na kadsandag (kapagambug).
Arabic explanations of the Qur’an:
Translation of the Meanings of the Noble Qur'an - Filipino Translation (Maguindanaon) - Rowad Translation Center - Translations’ Index
translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.