Translation of the meanings Surah An-Nās - Malayalam translation of Abridged Explanation of the Quran - The Noble Qur'an Encyclopedia

സൂറത്തുന്നാസ്

Purposes of the Surah:

الحث على الاستعاذة بالله من شر الشيطان ووسوسته.

പിശാചിൻ്റെ ഉപദ്രവത്തിൽ നിന്നും, അവൻ്റെ ദുർബോധനങ്ങളിൽ നിന്നും അല്ലാഹുവിനോട് രക്ഷ ചോദിക്കാൻ പ്രേരിപ്പിക്കുന്നു.

---

Ayah: 1

قُلْ اَعُوْذُ بِرَبِّ النَّاسِ ۟ۙ

പറയുക; -അല്ലാഹുവിൻ്റെ റസൂലേ!- ജനങ്ങളുടെ രക്ഷിതാവിനെ കൊണ്ട് ഞാൻ അഭയം തേടുകയും, അവനോട് ഞാൻ രക്ഷ ചോദിക്കുകയും ചെയ്യുന്നു.

Ayah: 2

مَلِكِ النَّاسِ ۟ۙ

ജനങ്ങളുടെ കാര്യത്തിൽ ഉദ്ദേശം പോലെ കൈകാര്യകർതൃത്വം നിർവ്വഹിക്കുന്ന, ജനങ്ങളുടെ രാജാവിനോട്. മനുഷ്യർക്ക് അവനല്ലാതെ മറ്റൊരു രാജാധിരാജനില്ല.

Ayah: 3

اِلٰهِ النَّاسِ ۟ۙ

അവരുടെ യഥാർഥ ആരാധ്യനോട്; ആരാധിക്കപ്പെടാൻ അർഹതയുള്ള മറ്റൊരു ആരാധ്യനും അവർക്കില്ല.

Ayah: 4

مِنْ شَرِّ الْوَسْوَاسِ ۙ۬— الْخَنَّاسِ ۟ۙ

അല്ലാഹുവിനെ കുറിച്ചുള്ള സ്മരണയിൽ നിന്ന് അശ്രദ്ധമായാൽ ദുർമന്ത്രണം നടത്തുന്ന പിശാചിൻ്റെ ഉപദ്രവത്തിൽ നിന്ന്. അല്ലാഹുവിനെ സ്മരിച്ചാൽ അതിൽ നിന്ന് പിന്മാറുന്നവനുമാണവൻ.

Ayah: 5

الَّذِیْ یُوَسْوِسُ فِیْ صُدُوْرِ النَّاسِ ۟ۙ

മനുഷ്യരുടെ ഹൃദയങ്ങളിൽ അവൻ തൻ്റെ ദുർബോധനം ഇട്ടുകൊടുക്കുന്നു.

Ayah: 6

مِنَ الْجِنَّةِ وَالنَّاسِ ۟۠

ജിന്നുകളിൽ പിശാച് ഉള്ളതു പോലെ മനുഷ്യരിലും പിശാചുക്കൾ ഉണ്ട്.

Benefits of the verses in this page:

• إثبات صفات الكمال لله، ونفي صفات النقص عنه.

* പൂർണ്ണതയുടെ വിശേഷണങ്ങൾ അല്ലാഹുവിനുണ്ടെന്ന് സ്ഥിരീകരിക്കലും, ന്യൂനതയെ അറിയിക്കുന്ന ഒരു വിശേഷണവും അവനില്ലെന്ന് നിഷേധിക്കലും.

• ثبوت السحر، ووسيلة العلاج منه.

* സിഹ്ർ സ്ഥിരപ്പെട്ടിട്ടുണ്ടെന്നും, അതിനുള്ള ചികിത്സാമാർഗം അറിയിക്കലും.

• علاج الوسوسة يكون بذكر الله والتعوذ من الشيطان.

* പിശാചിൻ്റെ ദുർബോധനങ്ങൾക്കുള്ള മരുന്ന് അല്ലാഹുവിനെ കുറിച്ചുള്ള സ്മരണയും, പിശാചിൽ നിന്ന് അല്ലാഹുവിനോട് രക്ഷ തേടലുമാണ്.