Traducción de significados Capítulo Sura An-Naazi'aat - Traducción al filipino (tagalo) - Enciclopedia del Sagrado Corán

An-Nāzi‘āt

Versículo: 1

وَٱلنَّٰزِعَٰتِ غَرۡقٗا

Sumpa man sa mga [anghel na] nag-aalis^[706] sa isang paghatak [na marahas],

[706] ng kaluluwa ng tagatangging sumampalataya

Versículo: 2

وَٱلنَّٰشِطَٰتِ نَشۡطٗا

sumpa man sa mga [anghel na] humahablot^[707] sa isang paghunos [malumanay],

[707] ng kaluluwa ng mananampalataya

Versículo: 3

وَٱلسَّٰبِحَٰتِ سَبۡحٗا

sumpa man sa mga [anghel na] lumalangoy sa isang paglangoy,^[708]

[708] mula sa langit papunta sa lupa

Versículo: 4

فَٱلسَّٰبِقَٰتِ سَبۡقٗا

saka sa mga [anghel na] nag-uunahan sa isang pag-uunahan [sa pagtalima],

Versículo: 5

فَٱلۡمُدَبِّرَٰتِ أَمۡرٗا

saka sa mga [anghel na] nagpapatupad ng utos,

Versículo: 6

يَوۡمَ تَرۡجُفُ ٱلرَّاجِفَةُ

sa araw na yayanig ang tagayanig,^[709]

[709] sa unang pag-ihip sa tambuli

Versículo: 7

تَتۡبَعُهَا ٱلرَّادِفَةُ

at susunod dito ang kasunod [na pag-ihip sa tambuli].^[710]

[710] na pag-ihip sa tambuli

Versículo: 8

قُلُوبٞ يَوۡمَئِذٖ وَاجِفَةٌ

May mga puso sa araw na iyon na kakabug-kabog.

Versículo: 9

أَبۡصَٰرُهَا خَٰشِعَةٞ

Ang mga paningin ng mga ito ay nagpapakumbaba.

Versículo: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Nagsasabi sila [sa Mundo]: “Tunay bang kami ay talagang mga pababalikin sa dating kalagayan?

Versículo: 11

أَءِذَا كُنَّا عِظَٰمٗا نَّخِرَةٗ

Kapag ba kami ay naging mga butong nabukbok?”

Versículo: 12

قَالُواْ تِلۡكَ إِذٗا كَرَّةٌ خَاسِرَةٞ

Magsasabi sila: “Iyon samakatuwid ay isang pagbalik na lugi.”

Versículo: 13

فَإِنَّمَا هِيَ زَجۡرَةٞ وَٰحِدَةٞ

Ngunit ito^[711] ay nag-iisang bulyaw lamang,

[711] ang ikalawang pag-ihip sa tambuli sa pagkabuhay

Versículo: 14

فَإِذَا هُم بِٱلسَّاهِرَةِ

saka biglang sila ay [buhay] sa balat ng lupa.

Versículo: 15

هَلۡ أَتَىٰكَ حَدِيثُ مُوسَىٰٓ

Nakarating kaya sa iyo ang sanaysay kay Moises?

Versículo: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Noong nanawagan sa kanya ang Panginoon niya sa pinabanal na lambak ng Ṭuwā:

Versículo: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Pumunta ka kay Paraon – tunay na siya ay nagmalabis –

Versículo: 18

فَقُلۡ هَل لَّكَ إِلَىٰٓ أَن تَزَكَّىٰ

saka magsabi ka: Ukol kaya sa iyo na magpakabusilak ka

Versículo: 19

وَأَهۡدِيَكَ إِلَىٰ رَبِّكَ فَتَخۡشَىٰ

at magpatnubay ako sa iyo tungo sa Panginoon mo para matakot ka [sa Kanya]?”

Versículo: 20

فَأَرَىٰهُ ٱلۡأٓيَةَ ٱلۡكُبۡرَىٰ

Kaya ipinakita niya^[712] rito ang tandang pinakamalaki^[713] [na himala ng tungkod at puting kamay],

[712] si Moises
[713] na himala ng tungkod at putting kamay

Versículo: 21

فَكَذَّبَ وَعَصَىٰ

ngunit nagpasinungaling ito^[714] at sumuway ito.

[714] si Paraon

Versículo: 22

ثُمَّ أَدۡبَرَ يَسۡعَىٰ

Pagkatapos tumalikod ito na nagpupunyagi [laban kay Moises].

Versículo: 23

فَحَشَرَ فَنَادَىٰ

Kaya kumalap ito [ng mga kawal] saka nanawagan

Versículo: 24

فَقَالَ أَنَا۠ رَبُّكُمُ ٱلۡأَعۡلَىٰ

saka nagsabi: “Ako ay ang panginoon ninyong pinakamataas.”

Versículo: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Kaya nagpataw rito si Allāh ng parusang panghalimbawa^[715] sa Kabilang-buhay at Unang-buhay.

[715] sa pamamagitan ng pagkalunod sa Mundo at pagpasok sa pinakamatinding pagdurusa sa Kabilang-buhay.

Versículo: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Tunay na sa gayon ay talagang may maisasaalang-alang para sa sinumang natatakot [kay Allāh].

Versículo: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Kayo ba ay higit na matindi sa pagkakalikha o ang langit, na ipinatayo Niya?

Versículo: 28

رَفَعَ سَمۡكَهَا فَسَوَّىٰهَا

Nag-angat Siya ng tuktok nito at humubog Siya nito.

Versículo: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Nagpakulimlim Siya ng gabi nito at nagpalabas Siya ng kaliwanagan nito.

Versículo: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Sa lupa, matapos niyon, ay naglagak Siya nito.

Versículo: 31

أَخۡرَجَ مِنۡهَا مَآءَهَا وَمَرۡعَىٰهَا

Nagpalabas Siya mula rito ng tubig nito at pastulan nito.

Versículo: 32

وَٱلۡجِبَالَ أَرۡسَىٰهَا

Sa mga bundok ay nag-angkla,

Versículo: 33

مَتَٰعٗا لَّكُمۡ وَلِأَنۡعَٰمِكُمۡ

bilang natatamasa para sa inyo at para sa mga hayupan ninyo.

Versículo: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ngunit kapag dumating ang Tagapag-umapaw na Pinakamalaki –

Versículo: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

sa Araw na magsasaalaala ang tao sa pinagpunyagian niya [na mabuti o masama]

Versículo: 36

وَبُرِّزَتِ ٱلۡجَحِيمُ لِمَن يَرَىٰ

at itatanghal ang Impiyerno para sa sinumang makakikita –

Versículo: 37

فَأَمَّا مَن طَغَىٰ

hinggil sa sinumang nagmalabis

Versículo: 38

وَءَاثَرَ ٱلۡحَيَوٰةَ ٱلدُّنۡيَا

at nagtangi sa buhay na pangmundo,

Versículo: 39

فَإِنَّ ٱلۡجَحِيمَ هِيَ ٱلۡمَأۡوَىٰ

tunay na ang Impiyerno ay ang kanlungan;

Versículo: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

hinggil sa sinumang nangamba sa pagtayo sa [harap ng] Panginoon niya at sumaway sa sarili laban sa pithaya,

Versículo: 41

فَإِنَّ ٱلۡجَنَّةَ هِيَ ٱلۡمَأۡوَىٰ

tunay na ang Paraiso ay ang kanlungan.

Versículo: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Nagtatanong sila sa iyo tungkol sa Huling Sandali kung kailan ang pagdaong niyon?

Versículo: 43

فِيمَ أَنتَ مِن ذِكۡرَىٰهَآ

Nasa ano ka para bumanggit niyon?

Versículo: 44

إِلَىٰ رَبِّكَ مُنتَهَىٰهَآ

Tungo sa Panginoon mo ang pagwawakasan [ng kaalaman] niyon.

Versículo: 45

إِنَّمَآ أَنتَ مُنذِرُ مَن يَخۡشَىٰهَا

Ikaw ay isang tagapagbabala lamang ng sinumang natatakot doon.

Versículo: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Para bang sila, sa Araw na makikita nila iyon, ay hindi namalagi [sa Mundo] maliban sa isang hapon o isang umaga nito.