ترجمهٔ معانی سوره اعلی - ترجمه‌ى گرجی ـ در حال اجراى آن است. - دایرة المعارف قرآن کریم

اعلی

آیه: 1

سَبِّحِ ٱسۡمَ رَبِّكَ ٱلۡأَعۡلَى

შენი ღმერთის სახელის უნაკლოება ღაღად ჰყავ – უზენაესისა.^[1]

[1] ‘უყბა ბინ ‘ამირ ალ-ჯუჰენი გადმოგვცემს: როდესაც ჩამოევლინა აიათი: „მაშ, შენი ღმერთის სახელის უნაკლოება ღაღად ჰყავ – დიდებულისა(ალ ვააყი'ა:74).“ ალლაჰის შუამავალმა ﷺ ჩვენ გვითხრა: „რუქუ’ზე შეასრულეთ იგი“. ხოლო როდესაც ჩამოევლინა აიათი: „მაშ, შენი ღმერთის სახელის უნაკლოება ღაღად ჰყავ – უზენაესისა(ალ ა'ლაა:1).“ ალლაჰის შუამავალმა ﷺ გვითხრა: „სეჯდეზე შეასრულეთ იგი“. (იბნუ მააჯა, იყაამათუ სალაათ 20/887.)

آیه: 2

ٱلَّذِي خَلَقَ فَسَوَّىٰ

რომელმაც შექმნა და გაათანაზომიერა,

آیه: 3

وَٱلَّذِي قَدَّرَ فَهَدَىٰ

რომელმაც ყველაფერი წინასწარ განსაზღვრა და(შესაფერისი) მიმართულება მისცა,

آیه: 4

وَٱلَّذِيٓ أَخۡرَجَ ٱلۡمَرۡعَىٰ

რომელმაც აღმოაცენა საძოვრები,

آیه: 5

فَجَعَلَهُۥ غُثَآءً أَحۡوَىٰ

შემდეგ შავ ნარჩენებად აქცია იგი.

آیه: 6

سَنُقۡرِئُكَ فَلَا تَنسَىٰٓ

წაგაკითხებთ (ყურანს) და არ დაივიწყებ,

آیه: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

გარდა იმისა, რაც ინება ალლაჰმა. ჭეშმარიტად მან უწყის გაცხადებულიც და დაფარულიც.

آیه: 8

وَنُيَسِّرُكَ لِلۡيُسۡرَىٰ

და გაგიადვილებ(კეთილ საქმეებს) რათა იყოს იოლი.

آیه: 9

فَذَكِّرۡ إِن نَّفَعَتِ ٱلذِّكۡرَىٰ

მაშ შეაგონე თუკი არგებს შეგონება,

آیه: 10

سَيَذَّكَّرُ مَن يَخۡشَىٰ

შეიგონებს ის, ვინც (ღვთის) მოშიშია

آیه: 11

وَيَتَجَنَّبُهَا ٱلۡأَشۡقَى

და განუდგება (შეგონებას) ყველაზე უბედური.

آیه: 12

ٱلَّذِي يَصۡلَى ٱلنَّارَ ٱلۡكُبۡرَىٰ

რომელიც შევა უდიდეს ცეცხლში.

آیه: 13

ثُمَّ لَا يَمُوتُ فِيهَا وَلَا يَحۡيَىٰ

შემდეგ არც მოკვდება მასში და არც იცოცხლებს.^[1]

[1] ურწმუნო ჯოჯოხეთის ცეცხლში არ მოკვდება, რომ სასჯელს გადაურჩეს და დაისვენოს და ვერც შერგებული სიცოცხლით იცოცხლებს. ალლაჰის შუამავალმა ﷺ თქვა: „ჯოჯოხეთის ცეცხლის მკვიდრნი, რომლებიც სრულად მისი მკვიდრნი არიან, მასში არც დაიხოცებიან და ვერც (შერგებულად) იცოცხლებენ. ხოლო ადამიანები, რომლებიც იქ მოხვდნენ თავიანთი ცოდვების გამო ისინი ნახშირად იქცევიან და დაიხოცებიან, შემდეგ მათ მიმართ ქომაგობის (შაფაათის) ნება გაიცემა, ჯგუფ ჯგუფად მოიყვანენ, სამოთხის მდინარეებთან დასვამენ და იტყვიან: ეი სამოთხის მკვიდრნო, მათ სამოთხის წყალი მოასხურეთ! ისინიც ისე გამოცოცხლდებიან და გამრთელდებიან, როგორც ღვარცოფის მინალექებში ბალახი ამობიბინდება ხოლმე.“ (მუსლიმ, იიმაან 82/185.)

آیه: 14

قَدۡ أَفۡلَحَ مَن تَزَكَّىٰ

მართლაც გადარჩა ის, ვინც განიწმინდა.^[1]

[1] ვინც განიწმინდა შირქის, ურწმუნოების და ცუდი საქციელისგან ან ერთ-ერთი ვერსიის თანახმად ვინც ფითრას მოწყალება გაიღო. იხ. თაფსირუ ბეღავი.

آیه: 15

وَذَكَرَ ٱسۡمَ رَبِّهِۦ فَصَلَّىٰ

ახსენა მისი ღმერთის სახელი და ილოცა.

آیه: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

მაგრამ, თქვენ მაინც ამქვეყნიური ცხოვრება გირჩევნიათ.

آیه: 17

وَٱلۡأٓخِرَةُ خَيۡرٞ وَأَبۡقَىٰٓ

თუმცა იმიერ სოფელი უკეთესი და მარადიულია.

آیه: 18

إِنَّ هَٰذَا لَفِي ٱلصُّحُفِ ٱلۡأُولَىٰ

ჭეშმარიტად, ეს იყო უწინდელ წერილებშიც.^[1]

[1] ზემოთ მოყვანილი ოთხი აიათი.

آیه: 19

صُحُفِ إِبۡرَٰهِيمَ وَمُوسَىٰ

იბრაჰიმისა და მუსას წერილებში.^[1]

[1] ‘იქრიმე და სუდდი განმარტავდნენ, რომ ეს სურა იბრაჰიმ და მუსა შუამავლების წერილებშიც იყო ჩამოვლინებული. იხ. თაფსირუ ბეღავი.