ترجمهٔ معانی سوره سوره طارق - ترجمه ى هوساوى - ابوبكر جومى - دایرة المعارف قرآن کریم

Suratu Al'dariq

آیه: 1

وَٱلسَّمَآءِ وَٱلطَّارِقِ

Inã rantsuwa da sama da mai aukõwa da dare.

آیه: 2

وَمَآ أَدۡرَىٰكَ مَا ٱلطَّارِقُ

To, mẽ yã sanar da kai abin da ake cẽwa mai aukõwa da dare?

آیه: 3

ٱلنَّجۡمُ ٱلثَّاقِبُ

Shi ne taurãron nan mai tsananin haske.*

* Wannan ya yi kama da zuwan Annabi a cikin jahiliyya don ya haskaka duniya da ilimi kamar yadda girgije ke ba da ruwa saboda tsiron ƙasa, hantsar uwa ta ba da nono saboda jariri kuma maniyi ya zo lokacin Jima'i.

آیه: 4

إِن كُلُّ نَفۡسٖ لَّمَّا عَلَيۡهَا حَافِظٞ

Bãbu wani rai fãce a kansa akwai wani mai tsaro.

آیه: 5

فَلۡيَنظُرِ ٱلۡإِنسَٰنُ مِمَّ خُلِقَ

To, mutum ya dũba, daga mẽ aka halittã shi?

آیه: 6

خُلِقَ مِن مَّآءٖ دَافِقٖ

An halittã shi daga wani ruwa mai tunkuɗar jũna.

آیه: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Yanã fita daga tsakanin tsatso da karankarman ƙirji.

آیه: 8

إِنَّهُۥ عَلَىٰ رَجۡعِهِۦ لَقَادِرٞ

Lalle ne Shi (Allah), ga mayar da shi (mutum), tabbas Mai iyãwa ne.

آیه: 9

يَوۡمَ تُبۡلَى ٱلسَّرَآئِرُ

Rãnar da ake jarrabawar asirai.

آیه: 10

فَمَا لَهُۥ مِن قُوَّةٖ وَلَا نَاصِرٖ

Saboda haka, bã shi da wani ƙarfi, kuma bã shi da wani mai taimako (da zai iya kãre shi daga azãbar Allah).

آیه: 11

وَٱلسَّمَآءِ ذَاتِ ٱلرَّجۡعِ

Ina rantsuwa da sama ma'abũciyar ruwa mai kõmãwa yana yankẽwa.

آیه: 12

وَٱلۡأَرۡضِ ذَاتِ ٱلصَّدۡعِ

Da ƙasa ma'abociyar tsãgẽwa,*

* Dõmin fitar tsiro.

آیه: 13

إِنَّهُۥ لَقَوۡلٞ فَصۡلٞ

Lalle ne shĩ (Alƙur'ãni), haƙĩƙa magana ce daki-daki*

* Mai rabewa tsakanin ƙarya da gaskiya.

آیه: 14

وَمَا هُوَ بِٱلۡهَزۡلِ

Kuma shĩ bã bananci* bane

* Kãkãci.

آیه: 15

إِنَّهُمۡ يَكِيدُونَ كَيۡدٗا

Lalle ne sũ, suna ƙulla kaidi na sõsai.

آیه: 16

وَأَكِيدُ كَيۡدٗا

Kuma Ni, Ina mayar da kaidi (gare su) kamar yadda suke ƙulla kaidi.

آیه: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Saboda haka, ka yi wa kafirai jinkiri, ka dakata musu, sannu-sannu.