د معناګانو ژباړه سورت الطارق - هوساوي ژباړه - ابوبکر جومي - د قرآن کریم دائرة المعارف

Suratu Al'dariq

آیت: 1

وَٱلسَّمَآءِ وَٱلطَّارِقِ

Inã rantsuwa da sama da mai aukõwa da dare.

آیت: 2

وَمَآ أَدۡرَىٰكَ مَا ٱلطَّارِقُ

To, mẽ yã sanar da kai abin da ake cẽwa mai aukõwa da dare?

آیت: 3

ٱلنَّجۡمُ ٱلثَّاقِبُ

Shi ne taurãron nan mai tsananin haske.*

* Wannan ya yi kama da zuwan Annabi a cikin jahiliyya don ya haskaka duniya da ilimi kamar yadda girgije ke ba da ruwa saboda tsiron ƙasa, hantsar uwa ta ba da nono saboda jariri kuma maniyi ya zo lokacin Jima'i.

آیت: 4

إِن كُلُّ نَفۡسٖ لَّمَّا عَلَيۡهَا حَافِظٞ

Bãbu wani rai fãce a kansa akwai wani mai tsaro.

آیت: 5

فَلۡيَنظُرِ ٱلۡإِنسَٰنُ مِمَّ خُلِقَ

To, mutum ya dũba, daga mẽ aka halittã shi?

آیت: 6

خُلِقَ مِن مَّآءٖ دَافِقٖ

An halittã shi daga wani ruwa mai tunkuɗar jũna.

آیت: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Yanã fita daga tsakanin tsatso da karankarman ƙirji.

آیت: 8

إِنَّهُۥ عَلَىٰ رَجۡعِهِۦ لَقَادِرٞ

Lalle ne Shi (Allah), ga mayar da shi (mutum), tabbas Mai iyãwa ne.

آیت: 9

يَوۡمَ تُبۡلَى ٱلسَّرَآئِرُ

Rãnar da ake jarrabawar asirai.

آیت: 10

فَمَا لَهُۥ مِن قُوَّةٖ وَلَا نَاصِرٖ

Saboda haka, bã shi da wani ƙarfi, kuma bã shi da wani mai taimako (da zai iya kãre shi daga azãbar Allah).

آیت: 11

وَٱلسَّمَآءِ ذَاتِ ٱلرَّجۡعِ

Ina rantsuwa da sama ma'abũciyar ruwa mai kõmãwa yana yankẽwa.

آیت: 12

وَٱلۡأَرۡضِ ذَاتِ ٱلصَّدۡعِ

Da ƙasa ma'abociyar tsãgẽwa,*

* Dõmin fitar tsiro.

آیت: 13

إِنَّهُۥ لَقَوۡلٞ فَصۡلٞ

Lalle ne shĩ (Alƙur'ãni), haƙĩƙa magana ce daki-daki*

* Mai rabewa tsakanin ƙarya da gaskiya.

آیت: 14

وَمَا هُوَ بِٱلۡهَزۡلِ

Kuma shĩ bã bananci* bane

* Kãkãci.

آیت: 15

إِنَّهُمۡ يَكِيدُونَ كَيۡدٗا

Lalle ne sũ, suna ƙulla kaidi na sõsai.

آیت: 16

وَأَكِيدُ كَيۡدٗا

Kuma Ni, Ina mayar da kaidi (gare su) kamar yadda suke ƙulla kaidi.

آیت: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Saboda haka, ka yi wa kafirai jinkiri, ka dakata musu, sannu-sannu.