ترجمهٔ معانی سوره سوره واقعه - الترجمة البشتوية للمختصر في تفسير القرآن الكريم - دایرة المعارف قرآن کریم

الواقعة

از اهداف این سوره:

بيان أحوال العباد يوم المعاد.

د آخرت په ورځ د بنده ګانو د حالاتو بيان.

---

آیه: 1

اِذَا وَقَعَتِ الْوَاقِعَةُ ۟ۙ

او کله چې هرومرو قيامت را منځته شي.

آیه: 2

لَیْسَ لِوَقْعَتِهَا كَاذِبَةٌ ۟ۘ

هيڅوک به ونه موندل شي چې هغه درواغ وګڼي لکه څنګه يې چې په دنيا کې درواغ ګڼل کېدی.

آیه: 3

خَافِضَةٌ رَّافِعَةٌ ۟ۙ

بې لارې کافرانو لره اور ته په ننه اېستلو سره ښکته کوونکی دی، هغه مؤمنانو لره چې ځان ساتونکي دي د هغوی جنت ته په ننه اېستلو سره پورته کوونکی دی.

آیه: 4

اِذَا رُجَّتِ الْاَرْضُ رَجًّا ۟ۙ

کله چې ځمکه په لويه لړزه ولړزول شي.

آیه: 5

وَّبُسَّتِ الْجِبَالُ بَسًّا ۟ۙ

او غرونه ميده ميده ورژول شي.

آیه: 6

فَكَانَتْ هَبَآءً مُّنْۢبَثًّا ۟ۙ

نو هغه غرونه له رژولو څخه خور ګرد شي چې هيڅ قرار ورلره نه وي.

آیه: 7

وَّكُنْتُمْ اَزْوَاجًا ثَلٰثَةً ۟ؕ

او په دغه ورځ کې به تاسې درې ډوله وئ.

آیه: 8

فَاَصْحٰبُ الْمَیْمَنَةِ ۙ۬— مَاۤ اَصْحٰبُ الْمَیْمَنَةِ ۟ؕ

نو هغه د ښي لاس خلک چې خپلې عملنامې يې په ښي اخلي، څومره د لوړې او لويې مرتبې والا دي!

آیه: 9

وَاَصْحٰبُ الْمَشْـَٔمَةِ ۙ۬— مَاۤ اَصْحٰبُ الْمَشْـَٔمَةِ ۟ؕ

او د کيڼ لاس خلک چې خپلې عملنامې په کيڼ لاس اخلي، څومره سپک او بدې مرتبې والا دي!

آیه: 10

وَالسّٰبِقُوْنَ السّٰبِقُوْنَ ۟ۙ

او هغه کسان چې په دنيا کې د ښېګڼو په کولو مخکې کېدونکي دي همغوی په آخرت کې جنت ته په ننوتلو مخکې کېدونکي دي.

آیه: 11

اُولٰٓىِٕكَ الْمُقَرَّبُوْنَ ۟ۚ

همدوی د الله په وړاندې نېږدې کړل شوي دي.

آیه: 12

فِیْ جَنّٰتِ النَّعِیْمِ ۟

د نعمتونو والا په جنتو کې به وي، چې په ډول ډول نعمتونو به خوندونه اخلي.

آیه: 13

ثُلَّةٌ مِّنَ الْاَوَّلِیْنَ ۟ۙ

يوه ډله به له دغه امته او له پخوانيو امتونو وي.

آیه: 14

وَقَلِیْلٌ مِّنَ الْاٰخِرِیْنَ ۟ؕ

او په آخره زمانه کې به لږ خلک وي چې هغوی به له مخکېنيو نېږدې کړل شوو څخه وي.

آیه: 15

عَلٰی سُرُرٍ مَّوْضُوْنَةٍ ۟ۙ

پر داسې تختونو به وي چې له سرو زرو اوبدل شوي وي.

آیه: 16

مُّتَّكِـِٕیْنَ عَلَیْهَا مُتَقٰبِلِیْنَ ۟

پر دغو تکيو به يوبل ته مخامخ ډډه وهونکي ناست وي، يو به د بل څټ نه ويني.

از فواید آیات این صفحه:

• دوام تذكر نعم الله وآياته سبحانه موجب لتعظيم الله وحسن طاعته.

د الله د نعمتونو او د هغه پاک ذات د نښانو د يادونې دوام د الله د درناوي او د هغه د ښې پېروۍ لامل کيږي.

• انقطاع تكذيب الكفار بمعاينة مشاهد القيامة.

د قيامت په مخامخ ليدو سره د کافرانو د درواغ ګڼلو پای ته رسېدل.

• تفاوت درجات أهل الجنة بتفاوت أعمالهم.

د جنتيانو د مرتبو توپير به د هغوی د کړنو د توپير پر بنسټ وي.

آیه: 17

یَطُوْفُ عَلَیْهِمْ وِلْدَانٌ مُّخَلَّدُوْنَ ۟ۙ

پر هغوی به د خدمت لپاره يې داسې هلکان تاويږي چې زوړوالی او پای ته رسېدل به نه ورته رسيږي.

آیه: 18

بِاَكْوَابٍ وَّاَبَارِیْقَ ۙ۬— وَكَاْسٍ مِّنْ مَّعِیْنٍ ۟ۙ

پر هغوی به له داسې ګيلاسونو سره تاويږي چې لاستي نه لري او له داسې کوزو سره چې لاستي به لري، او د داسې روانو شرابو له پیالو سره چې هيڅ به نه ختميږي.

آیه: 19

لَّا یُصَدَّعُوْنَ عَنْهَا وَلَا یُنْزِفُوْنَ ۟ۙ

د دنيا د شرابو غوندې به نه وي، چې څښونکي ته به يې سرخوږی نه رسيږي، او نه به يې عقل له منځه ځي.

آیه: 20

وَفَاكِهَةٍ مِّمَّا یَتَخَیَّرُوْنَ ۟ۙ

او پر هغوی به دغه هلکان له داسې مېوو سره تاويږي چې هغوی يې خوښوي.

آیه: 21

وَلَحْمِ طَیْرٍ مِّمَّا یَشْتَهُوْنَ ۟ؕ

او د مارعانو له غوښو سره تاويږي چې زړونه يې غواړي.

آیه: 22

وَحُوْرٌ عِیْنٌ ۟ۙ

او هغوی لره به په جنت کې په ښايست کې پراخه سترګو والا مېرمنې وي.

آیه: 23

كَاَمْثَالِ اللُّؤْلُو الْمَكْنُوْنِ ۟ۚ

د ملغرو غوندې په پوښ کې ساتل شوې

آیه: 24

جَزَآءً بِمَا كَانُوْا یَعْمَلُوْنَ ۟

دا د هغوی لپاره د هغه څه بدله ده چې په دنيا کې يې کوم نېک عملونه کول.

آیه: 25

لَا یَسْمَعُوْنَ فِیْهَا لَغْوًا وَّلَا تَاْثِیْمًا ۟ۙ

په جنت کې به ناوړه خبره نه اوري، او نه داسې څه چې څښتن لره يې کومه ګناه وي.

آیه: 26

اِلَّا قِیْلًا سَلٰمًا سَلٰمًا ۟

هغوی به نه اوري مګر يوازې پرهغوی د پرېښتو سلام، او د ځينو سلام پر ځينو باندې.

آیه: 27

وَاَصْحٰبُ الْیَمِیْنِ ۙ۬— مَاۤ اَصْحٰبُ الْیَمِیْنِ ۟ؕ

او د ښي اړخ خلک به هغه کسان وي چې عملنامې يې په ښي لاسونو ورکړل شي، د هغوی به د الله په وړاندې ډېره لويه مرتبه او شان وي.

آیه: 28

فِیْ سِدْرٍ مَّخْضُوْدٍ ۟ۙ

په داسې بېرو کې به وي چې اغزي يې ترې پرې کړل شوي وي او هيڅ ستنوزه پکې نه وي

آیه: 29

وَّطَلْحٍ مَّنْضُوْدٍ ۟ۙ

او په داسې يو پر بل پاسه له پاسه زياتو کيلو کې به وي.

آیه: 30

وَّظِلٍّ مَّمْدُوْدٍ ۟ۙ

او په داسې اوږده غځېدلي سيوري کې به وي چې نه ختميږي.

آیه: 31

وَّمَآءٍ مَّسْكُوْبٍ ۟ۙ

او په داسې روانو اوبو کې به وي چې نه دريږي.

آیه: 32

وَّفَاكِهَةٍ كَثِیْرَةٍ ۟ۙ

او په داسې ډېرو مېوو کې چې نه منحصريږي.

آیه: 33

لَّا مَقْطُوْعَةٍ وَّلَا مَمْنُوْعَةٍ ۟ۙ

له هغوی به هيڅکله نه ختميږي، هغو لره به موسم نه وي، او نه به په هيڅ وخت کې د هغوی په مخکې خنډ راځي چې هغوی دغ مېوې غواړي.

آیه: 34

وَّفُرُشٍ مَّرْفُوْعَةٍ ۟ؕ

او په اوچتو لوړو داسې فرشو کې به وي چې پر تکيو اېښودل شوي وي.

آیه: 35

اِنَّاۤ اَنْشَاْنٰهُنَّ اِنْشَآءً ۟ۙ

پرته له شکه موږ دغه يادې حورې په يو غير عادي پيداکولو سره پيداکړې دي.

آیه: 36

فَجَعَلْنٰهُنَّ اَبْكَارًا ۟ۙ

هغوی مو داسې پېغلې ګرځولې دي چې له دې مخکې هيڅ لمس شوې هم نه دي.

آیه: 37

عُرُبًا اَتْرَابًا ۟ۙ

خپلو مېړونو ته به يې ګرانې وي، په عمر کې به ورسره برابرې وي.

آیه: 38

لِّاَصْحٰبِ الْیَمِیْنِ ۟ؕ۠

هغوی مو د هغو ښي لاس خلکو لپاره پيداکړې دي چې د ښي لاس خلک به يې اخلي د هغوی د نېکمرغۍ د نښې په توګه.

آیه: 39

ثُلَّةٌ مِّنَ الْاَوَّلِیْنَ ۟ۙ

هغوی د پخوانيو نبيانو له ډلې څخه دي.

آیه: 40

وَثُلَّةٌ مِّنَ الْاٰخِرِیْنَ ۟ؕ

او بله ډله د محمد صلی الله عليه وسلم له امت څخه چې هغه تر ټولو وروستی امت دی.

آیه: 41

وَاَصْحٰبُ الشِّمَالِ ۙ۬— مَاۤ اَصْحٰبُ الشِّمَالِ ۟ؕ

او د ګيڼ اړخ خلک به هغه کسان وي چې عملنامې يې په چپو لاسونو ورکړل شي، د هغوی به ډېر بد حال او د ورګرځېدو ځای وي.

آیه: 42

فِیْ سَمُوْمٍ وَّحَمِیْمٍ ۟ۙ

په سختو ګرمو بادونو، او په سختو ګرمو اوبو کې به وي.

آیه: 43

وَّظِلٍّ مِّنْ یَّحْمُوْمٍ ۟ۙ

او د تک تور دود په سيوري کې به وي.

آیه: 44

لَّا بَارِدٍ وَّلَا كَرِیْمٍ ۟

نه به خوندور چلېدونکی وي او نه ښه منظر والا.

آیه: 45

اِنَّهُمْ كَانُوْا قَبْلَ ذٰلِكَ مُتْرَفِیْنَ ۟ۚۖ

پرته له شکه دې عذاب ته له ور ګرځېدو مخکې هغوی په دنيا کې په نعمتونو کې وو، يوازې د خپلو نفسي غوښتنو په غم کې يې وو.

آیه: 46

وَكَانُوْا یُصِرُّوْنَ عَلَی الْحِنْثِ الْعَظِیْمِ ۟ۚ

او هغوی پر الله د کفر کولو او له هغه پرته د بوتانو لمانځلو ټينګ هوډ لرلو.

آیه: 47

وَكَانُوْا یَقُوْلُوْنَ ۙ۬— اَىِٕذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ ۟ۙ

او هغوی له بېرته را ژوندي کېدو څخه نټه کوله، د ملنډو او لېرې ګڼلو په توګه به يې ورته ويل: کله چې موږ مړه شو، خاورې وراسته هډوکي وګرځو؛ نو له دغه وروسته به بيا را پاڅېږو؟!

آیه: 48

اَوَاٰبَآؤُنَا الْاَوَّلُوْنَ ۟

او آيا زموږ لومړني پلرونه چې له موږ مخکې مړه شوي دي هغوی به هم بيا را څول کيږي؟!

آیه: 49

قُلْ اِنَّ الْاَوَّلِیْنَ وَالْاٰخِرِیْنَ ۟ۙ

ای رسوله! دغو له بېرته را پاڅېدو څخه نټه کوونکو ته ووايه: پرته له شکه لومړني خلک او له هغوی وروستني (ټول به).

آیه: 50

لَمَجْمُوْعُوْنَ ۙ۬— اِلٰی مِیْقَاتِ یَوْمٍ مَّعْلُوْمٍ ۟

هرومرو به هغوی د قيامت په ورځ د حساب او بدلې لپاره را غونډ کړل شي.

از فواید آیات این صفحه:

• العمل الصالح سبب لنيل النعيم في الآخرة.

نېک عمل په آخرت کې د نعمتونو ترلاسه کولو لامل دی.

• الترف والتنعم من أسباب الوقوع في المعاصي.

عيش او عشرت په ګناهونو کې د اخته کېدو له لاملونو څخه دي.

• خطر الإصرار على الذنب.

پر ګناه د ټينګار کولو خطر.

آیه: 51

ثُمَّ اِنَّكُمْ اَیُّهَا الضَّآلُّوْنَ الْمُكَذِّبُوْنَ ۟ۙ

بيا اې د بېرته را پورته کېدو نټه کوونکو چې له نېغې لارې لار ورکي ياست د قيامت په ورځ به د زقوم له ونې د مېوې خوړونکي ياست په داسې حال کې چې هغه تر ټولو بده او خبيثه مېوه ده.

آیه: 52

لَاٰكِلُوْنَ مِنْ شَجَرٍ مِّنْ زَقُّوْمٍ ۟ۙ

بيا ای د بېرته را پورته کېدو نټه کوونکو چې له نېغې لارې لار ورکي ياست د قيامت په ورځ به د زقوم له ونې د مېوې خوړونکي ياست په داسې حال چې هغه تر ټولو بده او خبيثه مېوه ده.

آیه: 53

فَمَالِـُٔوْنَ مِنْهَا الْبُطُوْنَ ۟ۚ

او له دغې ترخې ونې به خپلې وږې ګېډې ډکوونکي ياست.

آیه: 54

فَشٰرِبُوْنَ عَلَیْهِ مِنَ الْحَمِیْمِ ۟ۚ

بيا به له سختو ګرمو اوبو څښونکي وي.

آیه: 55

فَشٰرِبُوْنَ شُرْبَ الْهِیْمِ ۟ؕ

او له هغه به زيات څښونکي وي لکه اوښان چې د سختې تندې له امله زيات څښاک کوي.

آیه: 56

هٰذَا نُزُلُهُمْ یَوْمَ الدِّیْنِ ۟ؕ

دغه ياد شوي ترخه خواړه او ګرم څښاک د هغوی هغه مېلمستيا ده چې د بدلې په ورځ به يې هرکلی پرې کيږي.

آیه: 57

نَحْنُ خَلَقْنٰكُمْ فَلَوْلَا تُصَدِّقُوْنَ ۟

ای درواغ ګنونکو! موږ تاسې پيداکړئ وروسته تردې چې تاسو نشته وئ، نو ولې باور نه کوئ چې موږ تاسو له مرګ وروسته مو بېرته ژوندي را پورته کوو؟!

آیه: 58

اَفَرَءَیْتُمْ مَّا تُمْنُوْنَ ۟ؕ

ای خلکو! هغه مني مو ليدلي چې د خپلو مېرمنو په رحمونو کې يې څڅوئ؟!

آیه: 59

ءَاَنْتُمْ تَخْلُقُوْنَهٗۤ اَمْ نَحْنُ الْخٰلِقُوْنَ ۟

آيا تاسې دغه مني پيداکوئ، او که موږ يې پيداکوونکي يو؟

آیه: 60

نَحْنُ قَدَّرْنَا بَیْنَكُمُ الْمَوْتَ وَمَا نَحْنُ بِمَسْبُوْقِیْنَ ۟ۙ

موږ ستاسو ترمنځ مرګ ټاکلی، ستاسو هر يوه لپاره ټاکلې نېټه ده چې له هغې نه مخکې کيږي او نه وروسته کيږي، او موږ عاجزه کېدونکي نه يو.

آیه: 61

عَلٰۤی اَنْ نُّبَدِّلَ اَمْثَالَكُمْ وَنُنْشِئَكُمْ فِیْ مَا لَا تَعْلَمُوْنَ ۟

چې ستاسې هغه حالت به بدل کړو پر کوم پيدايښت او تصوير چې ياست چې پرې پوه ياست او له نوي سره به مو داسې پيداکړو چې پر هغه پيدايښت او صورت تاسې نه پوهېږئ.

آیه: 62

وَلَقَدْ عَلِمْتُمُ النَّشْاَةَ الْاُوْلٰی فَلَوْلَا تَذَكَّرُوْنَ ۟

او پرته له شکه تاسې پوه ياست چې ستاسې لومړنی پيدايښت مو څنګه کړی دی، نو آيا پند نه اخلئ او نه پوهېږئ چې چا لومړی ځل پيداکړي ياست هغه ستاسو له مرګ وروسته په بېرته را پاڅولو ځواکم دی؟!

آیه: 63

اَفَرَءَیْتُمْ مَّا تَحْرُثُوْنَ ۟ؕ

نو آيا د هغه تخم خبر به راکړئ چې په ځمکه کې يې اچوئ؟!

آیه: 64

ءَاَنْتُمْ تَزْرَعُوْنَهٗۤ اَمْ نَحْنُ الزّٰرِعُوْنَ ۟

آيا تاسې هغه څوک ياست چې دغه تخم را شين کوئ، او که موږ يې شين کوو؟!

آیه: 65

لَوْ نَشَآءُ لَجَعَلْنٰهُ حُطَامًا فَظَلْتُمْ تَفَكَّهُوْنَ ۟

که موږ د دغه کښت ټوټه ټوټه کول وغواړو هرومرو به يې وروسته تردې ټوټه ټوټه کړو چې پخېدو او رسېدو ته نېږدې شوی وي، نو وروسته تردې له هغه څه تعجب کوئ چې ورته ورسېدل.

آیه: 66

اِنَّا لَمُغْرَمُوْنَ ۟ۙ

وايئ به: پرته له شکه موږ په عذابېدونکي يو د هغه څه په له لاسه ورکولو سره چې لګولي مو دي.

آیه: 67

بَلْ نَحْنُ مَحْرُوْمُوْنَ ۟

بلکې موږ بيخي له روزي بې برخې يو.

آیه: 68

اَفَرَءَیْتُمُ الْمَآءَ الَّذِیْ تَشْرَبُوْنَ ۟ؕ

آيا هغه اوبه مو ليدلې دي چې څښئ يې کله چې تږي شئ؟!

آیه: 69

ءَاَنْتُمْ اَنْزَلْتُمُوْهُ مِنَ الْمُزْنِ اَمْ نَحْنُ الْمُنْزِلُوْنَ ۟

آيا تاسې په آسمان کې ورېځې نازلې کړې دي، او که موږ هغه څوک يو چې نازلې کړې مو دي؟!

آیه: 70

لَوْ نَشَآءُ جَعَلْنٰهُ اُجَاجًا فَلَوْلَا تَشْكُرُوْنَ ۟

که موږ د دغو اوبو سخت ترېووالی غوښتی چې د څښلو او بل ته د ورکولو ګټه نه ترې پورته کېدلای هرومرو به مو سخته تروې ګرځولې وای، نو ولې د هغو پر خوږو اورولو د الله شکر نه باسئ چې پر تاسو يوه لورېينه ده.

آیه: 71

اَفَرَءَیْتُمُ النَّارَ الَّتِیْ تُوْرُوْنَ ۟ؕ

آيا هغه اور مو ليدلئ چې تاسو يې د خپلو ګټو لپاره بلوئ؟!

آیه: 72

ءَاَنْتُمْ اَنْشَاْتُمْ شَجَرَتَهَاۤ اَمْ نَحْنُ الْمُنْشِـُٔوْنَ ۟

آيا تاسو د هغې ونه پيداکړې چې بلول کيږي، او که موږ يې پيداکوونکي يو پر تاسو د مهربانۍ له مخې؟!

آیه: 73

نَحْنُ جَعَلْنٰهَا تَذْكِرَةً وَّمَتَاعًا لِّلْمُقْوِیْنَ ۟ۚ

موږ دغه اور ستاسو لپاره پند ګرځولی چې تاسو ته د آخرت اور در په يادوي، او له تاسو څخه مو مسافرو ته ګتور ګرځولی دی.

آیه: 74

فَسَبِّحْ بِاسْمِ رَبِّكَ الْعَظِیْمِ ۟

نو ای رسوله! د خپل لوی پالونکي پاکي بيانوه له هغه څه څخه چې وړ يې نه دی.

آیه: 75

فَلَاۤ اُقْسِمُ بِمَوٰقِعِ النُّجُوْمِ ۟ۙ

الله د ستورو په ځايونو او موقعيتونو لوړه کوي.

آیه: 76

وَاِنَّهٗ لَقَسَمٌ لَّوْ تَعْلَمُوْنَ عَظِیْمٌ ۟ۙ

او پرته له شکه پر دغو ځايونو لوړه کول که چېرې تاسو د هغه پر لوی والي پوهېږئ ډېر لوی قسم دی، ځکه په هغو کې داسې نښانې او پندونه دي چې نه منحصره کيږي.

از فواید آیات این صفحه:

• دلالة الخلق الأول على سهولة البعث ظاهرة.

د لومړي پيدايښت دلالت د بېرته را پورته کولو په آسانتيا څرګند دی.

• إنزال الماء وإنبات الأرض والنار التي ينتفع بها الناس نعم تقتضي من الناس شكرها لله، فالله قادر على سلبها متى شاء.

د اوبو اورول، د ځمکې را شنه کول او د داسې اور بلول چې خلک ګټه ترې پورته کوي داسې نعمتونه دي چې له خلکو د الله د شکر اېستلو غوښتنه کوي، چې الله يې په بېرته اخېستلوځواکمن دی کله چې وغواړي.

• الاعتقاد بأن للكواكب أثرًا في نزول المطر كُفْرٌ، وهو من عادات الجاهلية.

دا عقيده لرل چې د باران په اورولو کې ستوري اغېز لري کفر دی، او دا د جاهليت له عادتونو څخه دی.

آیه: 77

اِنَّهٗ لَقُرْاٰنٌ كَرِیْمٌ ۟ۙ

پرته له شکه ای خلکو! پر تاسو لوستل شوی قران يو عزتمن قرآن دی، ځکه په هغو کې لويې ګټې دي.

آیه: 78

فِیْ كِتٰبٍ مَّكْنُوْنٍ ۟ۙ

د خلکو له سترګو په ساتل شوي کتاب کې دی، چې هغه لوح محفوظ دی.

آیه: 79

لَّا یَمَسُّهٗۤ اِلَّا الْمُطَهَّرُوْنَ ۟ؕ

هغه ته له ګناهونو او عيبونو پاکو پرېښتو پرته بل څوک لاس نه ور وړي.

آیه: 80

تَنْزِیْلٌ مِّنْ رَّبِّ الْعٰلَمِیْنَ ۟

د مخلوقاتو د پالونکي له لوري پر نبي محمد صلی الله عليه وسلم نازل شوی دی.

آیه: 81

اَفَبِهٰذَا الْحَدِیْثِ اَنْتُمْ مُّدْهِنُوْنَ ۟ۙ

نو آيا اې مشرکانو! تاسو د دغې خبرې درواغ ګڼونکي ياست رېښتيني ګڼونکي يې نه ياست؟!

آیه: 82

وَتَجْعَلُوْنَ رِزْقَكُمْ اَنَّكُمْ تُكَذِّبُوْنَ ۟

او له الله سره په هغه څه کې شرک کول چې هغه تاسو ته کوم نعمتونه دررکړي پرته له شکه تاسې هغه درواغجن ګڼئ، چې باران د نوء په نوم ستوري ته يې منسوبو، نو وايي: پر موږ د فلاني ستوري له امله واورېدل او يا فلاني ستوري له امله.

آیه: 83

فَلَوْلَاۤ اِذَا بَلَغَتِ الْحُلْقُوْمَ ۟ۙ

نو ولې هغه وخت چې روح مرۍ ته ورسيږي.

آیه: 84

وَاَنْتُمْ حِیْنَىِٕذٍ تَنْظُرُوْنَ ۟ۙ

او په دغه وخت کې تاسو په خپلو مخونو کې حاضر کړل شوی وينئ.

آیه: 85

وَنَحْنُ اَقْرَبُ اِلَیْهِ مِنْكُمْ وَلٰكِنْ لَّا تُبْصِرُوْنَ ۟

او موږ د خپلې پوهې، خپل ځواک او خپلو پرېښتو له اړخه ستاسو مړي ته له تاسو زيات ور نېږدې يو، خو تاسو دغه پرېښتې نه وينئ.

آیه: 86

فَلَوْلَاۤ اِنْ كُنْتُمْ غَیْرَ مَدِیْنِیْنَ ۟ۙ

نو که تاسو ګومان کوئ چې د خپلو کړنو د بدلې لپاره به نه را پاڅول کېږئ.

آیه: 87

تَرْجِعُوْنَهَاۤ اِنْ كُنْتُمْ صٰدِقِیْنَ ۟

دغه روح چې ستاسو له مړي څخه وزي ولې نه راستنوئ که تاسې رېښتيني ياست؟! او تاسې دا نه شئ کولای.

آیه: 88

فَاَمَّاۤ اِنْ كَانَ مِنَ الْمُقَرَّبِیْنَ ۟ۙ

نو که هغه مړی ښېګڼو ته له مخکې کېدونکو څخه وي.

آیه: 89

فَرَوْحٌ وَّرَیْحَانٌ ۙ۬— وَّجَنَّتُ نَعِیْمٍ ۟

نو هغه لره به داسې هوسايي چې له هغه وروسته به ستړيا نه وي، ښه روزي، لورېينه، او هغه لره داسې جنت وي چې په هغه څه به خوندونه اخلي چې زړه يې غواړي.

آیه: 90

وَاَمَّاۤ اِنْ كَانَ مِنْ اَصْحٰبِ الْیَمِیْنِ ۟ۙ

او که هغه مړی د ښي لاس خلکو څخه وي؛ نو پر حالت يې مه خپه کېږه، هغوی لره سلامتي او امن دی.

آیه: 91

فَسَلٰمٌ لَّكَ مِنْ اَصْحٰبِ الْیَمِیْنِ ۟

او که هغه مړی د ښي لاس خلکو څخه وي؛ نو پر حالت يې مه خپه کېږه، هغوی لره سلامتي او امن دی.

آیه: 92

وَاَمَّاۤ اِنْ كَانَ مِنَ الْمُكَذِّبِیْنَ الضَّآلِّیْنَ ۟ۙ

او که هغه مړی د هغه څه له درواغ ګڼونکو څخه وي چې رسول صلی الله عليه وسلم ورسره راغلی له نېغې لارې څخه لار ورکی وي.

آیه: 93

فَنُزُلٌ مِّنْ حَمِیْمٍ ۟ۙ

نو د هغه مېلمستيا چې هرکلی به يې پرې کيږي سختې ګرمې اوبه به وي.

آیه: 94

وَّتَصْلِیَةُ جَحِیْمٍ ۟

او هغه لره به د دوزخ په اور سوزول وي.

آیه: 95

اِنَّ هٰذَا لَهُوَ حَقُّ الْیَقِیْنِ ۟ۚ

ای رسوله! دغه څه چې موږ يې کيسه درته بيان کړه، هرومرو داسې باوري حق دی چې هيڅ شک پکې نشته.

آیه: 96

فَسَبِّحْ بِاسْمِ رَبِّكَ الْعَظِیْمِ ۟۠

نو د خپل لوی پالونکي په نوم دې پاکي بيانوه، او له عيبونو يې پاکي بيانوه.

از فواید آیات این صفحه:

• شدة سكرات الموت وعجز الإنسان عن دفعها.

د مرګ د سلګيو سختوالی او د انسان د هغو له مخنيوي څخه بې وسي.

• الأصل أن البشر لا يرون الملائكة إلا إن أراد الله لحكمة.

اصل دادی چې انسان پرېښتې نه شي ليدلای مګر دا چې الله د کوم حکمت له مخې وغواړي.

• أسماء الله (الأول، الآخر، الظاهر، الباطن) تقتضي تعظيم الله ومراقبته في الأعمال الظاهرة والباطنة.

د الله نومونه (الاول، الآخر، الظاهر، الباطن) د الله د درناوي او په ښکاره او پټو کړنو کې د هغه د څارنې غوښتنه کوي.