ترجمهٔ معانی سوره سوره مرسلات - الترجمة البشتوية - رواد - دایرة المعارف قرآن کریم

المرسلات

آیه: 1

وَالْمُرْسَلٰتِ عُرْفًا ۟ۙ

په پرله پسې لېږل شوو بادونو باندې قسم.

آیه: 2

فَالْعٰصِفٰتِ عَصْفًا ۟ۙ

بيا پر سختو توپاني چلېدونكو باندې.

آیه: 3

وَّالنّٰشِرٰتِ نَشْرًا ۟ۙ

بيا (دورېځو) پرخپروونكو بادونو باندې.

آیه: 4

فَالْفٰرِقٰتِ فَرْقًا ۟ۙ

بيا (د حق او باطل) په بېلوونكو.

آیه: 5

فَالْمُلْقِیٰتِ ذِكْرًا ۟ۙ

بيا د ذكر (قرآن) پر راښكته كوونكو باندې.

آیه: 6

عُذْرًا اَوْ نُذْرًا ۟ۙ

چې د عذر يا وېرونې په توګه وي.

آیه: 7

اِنَّمَا تُوْعَدُوْنَ لَوَاقِعٌ ۟ؕ

بېشكه څه چې درسره ژمنه كيږي هغه هرومرو پېښېدونكي دي.

آیه: 8

فَاِذَا النُّجُوْمُ طُمِسَتْ ۟ۙ

نو كله چې ستوري پيکه شي.

آیه: 9

وَاِذَا السَّمَآءُ فُرِجَتْ ۟ۙ

اوکله چې آسمان څيرې کړل شي.

آیه: 10

وَاِذَا الْجِبَالُ نُسِفَتْ ۟ۙ

اوغرونه ميده ميده والوزول شي.

آیه: 11

وَاِذَا الرُّسُلُ اُقِّتَتْ ۟ؕ

او هر کله چې د رسولانو وخت پوره کړی شي.

آیه: 12

لِاَیِّ یَوْمٍ اُجِّلَتْ ۟ؕ

د كومې ورځې لپاره (دا كار) ځنډول شوى دى؟

آیه: 13

لِیَوْمِ الْفَصْلِ ۟ۚ

د پريكړې ورځې لپاره.

آیه: 14

وَمَاۤ اَدْرٰىكَ مَا یَوْمُ الْفَصْلِ ۟ؕ

او ته څه شي خبركړى يې چې د پريكړې ورځ څه ده؟

آیه: 15

وَیْلٌ یَّوْمَىِٕذٍ لِّلْمُكَذِّبِیْنَ ۟

تباهي ده په هغه ورځ درواغ ګڼونكو لره.

آیه: 16

اَلَمْ نُهْلِكِ الْاَوَّلِیْنَ ۟ؕ

آيا موږ مخکېني نه دي تباه كړي؟

آیه: 17

ثُمَّ نُتْبِعُهُمُ الْاٰخِرِیْنَ ۟

بيا به وروستني هم ورپسې كړو.

آیه: 18

كَذٰلِكَ نَفْعَلُ بِالْمُجْرِمِیْنَ ۟

دغسې کار کوو موږ د مجرمانو سره.

آیه: 19

وَیْلٌ یَّوْمَىِٕذٍ لِّلْمُكَذِّبِیْنَ ۟

په هغه ورځ درواغ ګڼونكو لپاره تباهي ده.

آیه: 20

اَلَمْ نَخْلُقْكُّمْ مِّنْ مَّآءٍ مَّهِیْنٍ ۟ۙ

آيا تاسې مو له سپكو (خوارو) اوبو څخه نه يئ پيدا كړي؟

آیه: 21

فَجَعَلْنٰهُ فِیْ قَرَارٍ مَّكِیْنٍ ۟ۙ

چې هغه مو بيا يو خوندي ځاى كې وساتلې.

آیه: 22

اِلٰی قَدَرٍ مَّعْلُوْمٍ ۟ۙ

تر يوې ټاكلې مودې پورې.

آیه: 23

فَقَدَرْنَا ۖۗ— فَنِعْمَ الْقٰدِرُوْنَ ۟

بيا مو اندازه كړ نو (ګوره) موږ ښه اندازه كوونكي يو.

آیه: 24

وَیْلٌ یَّوْمَىِٕذٍ لِّلْمُكَذِّبِیْنَ ۟

تباهي ده په هغه ورځ د درواغ ګڼونكو لپاره.

آیه: 25

اَلَمْ نَجْعَلِ الْاَرْضَ كِفَاتًا ۟ۙ

آيا موږ ځمكه راغونډېدونكې نه ده ګرځولې؟

آیه: 26

اَحْیَآءً وَّاَمْوَاتًا ۟ۙ

د ژوندويو او مړيو لپاره.

آیه: 27

وَّجَعَلْنَا فِیْهَا رَوَاسِیَ شٰمِخٰتٍ وَّاَسْقَیْنٰكُمْ مَّآءً فُرَاتًا ۟ؕ

او په هغې كې مو لوړ لوړ غرونه پيدا كړي او تاسې ته مو خوږې اوبه درڅښلې دي.

آیه: 28

وَیْلٌ یَّوْمَىِٕذٍ لِّلْمُكَذِّبِیْنَ ۟

درواغ ګڼونكو لره په هغه ورځ تباهي ده.

آیه: 29

اِنْطَلِقُوْۤا اِلٰی مَا كُنْتُمْ بِهٖ تُكَذِّبُوْنَ ۟ۚ

اوس ځئ د هغه شي لور ته چې تاسي درواغ ګڼلو.

آیه: 30

اِنْطَلِقُوْۤا اِلٰی ظِلٍّ ذِیْ ثَلٰثِ شُعَبٍ ۟ۙ

روان شئ دريو څانګو والا سيوري خوا ته.

آیه: 31

لَّا ظَلِیْلٍ وَّلَا یُغْنِیْ مِنَ اللَّهَبِ ۟ؕ

چې هغه نه يخوونكى او نه د لمبو مخنيوونكى دى.

آیه: 32

اِنَّهَا تَرْمِیْ بِشَرَرٍ كَالْقَصْرِ ۟ۚ

هغه د ماڼيو غوندې (لوى) بڅركي غورځوي.

آیه: 33

كَاَنَّهٗ جِمٰلَتٌ صُفْرٌ ۟ؕ

لكه چې هغه زېړ توربخن اوښان وي.

آیه: 34

وَیْلٌ یَّوْمَىِٕذٍ لِّلْمُكَذِّبِیْنَ ۟

تباهي ده په هغه ورځ درواغ ګڼونكو لره.

آیه: 35

هٰذَا یَوْمُ لَا یَنْطِقُوْنَ ۟ۙ

داهسې ورځ ده چې هغوى به څه نه شي ويلاى.

آیه: 36

وَلَا یُؤْذَنُ لَهُمْ فَیَعْتَذِرُوْنَ ۟

او نه به اجازه وركولى شي چې څه عذر وړاندې كړي.

آیه: 37

وَیْلٌ یَّوْمَىِٕذٍ لِّلْمُكَذِّبِیْنَ ۟

تباهي ده په هغه ورځ درواغ ګڼونكو لره.

آیه: 38

هٰذَا یَوْمُ الْفَصْلِ ۚ— جَمَعْنٰكُمْ وَالْاَوَّلِیْنَ ۟

همدا د پريكړې ورځ ده، تاسي او پخواني مو (ګرد) راټول كړي ياست.

آیه: 39

فَاِنْ كَانَ لَكُمْ كَیْدٌ فَكِیْدُوْنِ ۟

اوس كه څه چل لرئ نو جوړ يې كړئ.

آیه: 40

وَیْلٌ یَّوْمَىِٕذٍ لِّلْمُكَذِّبِیْنَ ۟۠

تباهى ده په هغه ورځ د درواغ ګڼونكو لپاره.

آیه: 41

اِنَّ الْمُتَّقِیْنَ فِیْ ظِلٰلٍ وَّعُیُوْنٍ ۟ۙ

بېشكه متقيان (ځان ساتونکي) به په سيورو او چينو كې وي.

آیه: 42

وَّفَوَاكِهَ مِمَّا یَشْتَهُوْنَ ۟ؕ

او له هغو مېوو څخه چې هغوى يې غواړي.

آیه: 43

كُلُوْا وَاشْرَبُوْا هَنِیْٓـًٔا بِمَا كُنْتُمْ تَعْمَلُوْنَ ۟

خورئ او څښئ په خوند سره د هغو عملونو په بدله كې چې تاسي به كول.

آیه: 44

اِنَّا كَذٰلِكَ نَجْزِی الْمُحْسِنِیْنَ ۟

بېشكه موږ نېكانو ته همدغه شان بدله وركوو.

آیه: 45

وَیْلٌ یَّوْمَىِٕذٍ لِّلْمُكَذِّبِیْنَ ۟

په هغه ورځ درواغ ګڼونكو لره تباهي ده.

آیه: 46

كُلُوْا وَتَمَتَّعُوْا قَلِیْلًا اِنَّكُمْ مُّجْرِمُوْنَ ۟

لږه موده خورئ او مزې كوئ په رېښتيا تاسې مجرمان ياست.

آیه: 47

وَیْلٌ یَّوْمَىِٕذٍ لِّلْمُكَذِّبِیْنَ ۟

په هغه ورځ درواغ ګڼونكو لره تباهي ده.

آیه: 48

وَاِذَا قِیْلَ لَهُمُ ارْكَعُوْا لَا یَرْكَعُوْنَ ۟

او كله چې ورته وويل شي (د الله پر وړاندې) ټيټ شئ نو هغوى نه ټيټيږي.

آیه: 49

وَیْلٌ یَّوْمَىِٕذٍ لِّلْمُكَذِّبِیْنَ ۟

تباهي ده په هغه ورځ درواغ ګڼونكو لره.

آیه: 50

فَبِاَیِّ حَدِیْثٍ بَعْدَهٗ یُؤْمِنُوْنَ ۟۠

نو له دې وروسته په كومه خبره ايمان راوړي؟