ترجمهٔ معانی سوره مدثر - ترجمه‌ى اردو - محمد جوناكرهى - شماره صفحه 575 - دایرة المعارف قرآن کریم

مُدثِّر

آیه: 1

یٰۤاَیُّهَا الْمُدَّثِّرُ ۟ۙ

اے کپڑا اوڑھنے والے.(1)

(1) سب سے پہلے جو وحی نازل ہوئی وہ «اقْرَأْ بِاسْمِ رَبِّكَ الَّذِي خَلَقَ» ہے اس کے بعد وحی میں وقفہ ہوگیا اور نبی (صلى الله عليه وسلم) سخت مضطرب اور پریشان رہتے۔ ایک روز اچانک پھر وہی فرشتہ، جو غار حرا میں پہلی مرتبہ وحی لے کر آیا تھا۔ آپ نے دیکھا کہ آسمان و زمین کے درمیان ایک کرسی پر بیٹھا ہے، جس سے آپ پر ایک خوف سا طاری ہوگیا اور گھر جاکر گھر والوں سے کہا کہ مجھے کوئی کپڑا اوڑھا دو، مجھے کپڑا اوڑھا دو۔ چنانچہ انہوں نے آپ کے جسم پر ایک کپڑا ڈال دیا، اسی حالت میں وحی نازل ہوئی۔ (صحيح البخاري، ومسلم، سورة المدثر وكتاب الإيمان) اس اعتبار سے یہ دوسری وحی اور احکام کے حساب سے پہلی وحی ہے۔

آیه: 2

قُمْ فَاَنْذِرْ ۟ۙ

کھڑا ہوجا اور آگاه کردے.(1)

(1) یعنی اہل مکہ کو ڈرا، اگر وہ ایمان نہ لائیں۔

آیه: 3

وَرَبَّكَ فَكَبِّرْ ۟ۙ

اور اپنے رب ہی کی بڑائیاں بیان کر.

آیه: 4

وَثِیَابَكَ فَطَهِّرْ ۟ۙ

اپنے کپڑوں کو پاک رکھا کر.(1)

(1) یعنی قلب اور نیت کے ساتھ کپڑے بھی پاک رکھ۔ یہ حکم اس لئے دیا گیا کہ مشرکین مکہ طہارت کا اہتمام نہیں کرتے تھے۔

آیه: 5

وَالرُّجْزَ فَاهْجُرْ ۟ۙ

ناپاکی کو چھوڑ دے.(1)

(1) یعنی بتوں کی عبادت چھوڑ دے۔ یہ دراصل لوگوں کو آپ کے ذریعے سے حکم دیا جا رہا ہے۔

آیه: 6

وَلَا تَمْنُنْ تَسْتَكْثِرُ ۟ۙ

اور احسان کرکے زیاده لینے کی خواہش نہ کر.(1)

(1) یعنی احسان کرکے یہ خواہش نہ کر کہ بدلے میں اس سے زیادہ ملے گا۔

آیه: 7

وَلِرَبِّكَ فَاصْبِرْ ۟ؕ

اور اپنے رب کی راه میں صبر کر.

آیه: 8

فَاِذَا نُقِرَ فِی النَّاقُوْرِ ۟ۙ

پس جب کہ صور میں پھونک ماری جائے گی.

آیه: 9

فَذٰلِكَ یَوْمَىِٕذٍ یَّوْمٌ عَسِیْرٌ ۟ۙ

تو وه دن بڑا سخت دن ہوگا.

آیه: 10

عَلَی الْكٰفِرِیْنَ غَیْرُ یَسِیْرٍ ۟

جو کافروں پر آسان نہ ہوگا.(1)

(1) یعنی قیامت کا دن کافروں پر بھاری ہوگا کیونکہ اس روز کفر کا نتیجہ انہیں بھگتنا ہوگا، جو جرم وہ دنیا میں کرتے رہے ہونگے۔

آیه: 11

ذَرْنِیْ وَمَنْ خَلَقْتُ وَحِیْدًا ۟ۙ

مجھے اور اسے چھوڑ دے جسے میں نے اکیلا پیدا کیا ہے.(1)

(1) یہ کلمہ وعید و تہدید ہے کہ اسے، جسے میں نے ماں کے پیٹ میں اکیلا پیدا کیا، اس کے پاس مال تھا نہ اولاد، اور مجھے اکیلا چھوڑ دو، یعنی میں خود ہی اس سے نمٹ لوں گا، کہتے ہیں کہ یہ ولید بن مغیرہ کی طرف اشارہ ہے۔ یہ کفر و طغیان میں بہت بڑھا ہوا تھا، اس لئے اس کا خصوصی طور پر ذکر کیا ہے۔ واللہ عالم۔

آیه: 12

وَّجَعَلْتُ لَهٗ مَالًا مَّمْدُوْدًا ۟ۙ

اور اسے بہت سا مال دے رکھا ہے.

آیه: 13

وَّبَنِیْنَ شُهُوْدًا ۟ۙ

اور حاضر باش فرزند بھی.(1)

(1) اسے اللہ نے اولاد سے نوازا تھا اور وہ ہر وقت اس کے پاس ہی رہتے تھے، گھر میں دولت کی فروانی تھی، اس لئے بیٹوں کو تجارت و کاروبار کے لئے باہر جانے کی ضرورت پیش نہیں آتی تھی بعض کہتے ہیں کہ اس کے تین بیٹے مسلمان ہوگئے تھے، خالد، ہشام اور ولید بن ولید (فتح القدیر)

آیه: 14

وَّمَهَّدْتُّ لَهٗ تَمْهِیْدًا ۟ۙ

اور میں نے اسے بہت کچھ کشادگی دے رکھی ہے.(1)

(1) یعنی مال و دولت میں ریاست و سرداری میں اور درازی عمر میں۔

آیه: 15

ثُمَّ یَطْمَعُ اَنْ اَزِیْدَ ۟ۙ

پھر بھی اس کی چاہت ہے کہ میں اسے اور زیاده دوں.(1)

(1) یعنی کفرو معصیت کے باوجود، اس کی خواہش ہے کہ میں اسے زیادہ دوں۔

آیه: 16

كَلَّا ؕ— اِنَّهٗ كَانَ لِاٰیٰتِنَا عَنِیْدًا ۟ؕ

نہیں نہیں، وه ہماری آیتوں کا مخالف ہے.(1)

(1) یعنی میں اسے زیادہ نہیں دونگا۔
(2) یہ کلا کی علت ہے۔ عنید اس شخص کو کہتے ہیں جو جاننے کے باوجود حق کی مخالفت کرے اور اس کو رد کرے۔

آیه: 17

سَاُرْهِقُهٗ صَعُوْدًا ۟ؕ

عنقریب میں اسے ایک سخت چڑھائی چڑھاؤں گا.(1)

(1) یعنی ایسے عذاب میں مبتلا کروں گا جس کا برداشت کرنا نہایت سخت ہوگا، بعض کہتے ہیں، جہنم میں آگ کا پہاڑ ہوگا جس پر اس کو چڑھایا جائے گا۔ ارھاق کے معنی ہیں۔ انسان پر بھاری چیز لاد دینا۔ (فتح القدیر)

آیه: 18

اِنَّهٗ فَكَّرَ وَقَدَّرَ ۟ۙ

اس نے غور کرکے تجویز کی.(1)

(1) یعنی قرآن اور نبی (صلى الله عليه وسلم) کا پیغام سن کر، اس نے اس امر پر غور کیا کہ میں اس کا جواب دوں؟ اور اپنے جی میں اس نے وہ تیار کیا۔