Firo maanaaji Simoore Simoore saafaati - Nantinaande e Kinyarwanda - Rwanda Muslims Association - Tonngoode hello ngoo 449 - Mawsuuwa al-quraan tedduɗo oo

Aaya: 77

وَجَعَلۡنَا ذُرِّيَّتَهُۥ هُمُ ٱلۡبَاقِينَ

Maze dusigaza abamukomokaho.

Aaya: 78

وَتَرَكۡنَا عَلَيۡهِ فِي ٱلۡأٓخِرِينَ

Tunamuha kuzasigara avugwa neza mu bazabaho nyuma ye.

Aaya: 79

سَلَٰمٌ عَلَىٰ نُوحٖ فِي ٱلۡعَٰلَمِينَ

Amahoro nabe kuri Nuhu mu biremwa byose.

Aaya: 80

إِنَّا كَذَٰلِكَ نَجۡزِي ٱلۡمُحۡسِنِينَ

Mu by’ukuri uko ni ko tugororera abakoze neza.

Aaya: 81

إِنَّهُۥ مِنۡ عِبَادِنَا ٱلۡمُؤۡمِنِينَ

Mu by’ukuri yari umwe mu bagaragu bacu b’abemeramana (twarokoye).

Aaya: 82

ثُمَّ أَغۡرَقۡنَا ٱلۡأٓخَرِينَ

Hanyuma turohamisha abandi (bahakanye).

Aaya: 83

۞ وَإِنَّ مِن شِيعَتِهِۦ لَإِبۡرَٰهِيمَ

Mu by’ukuri no mu bamukurikije harimo Ibrahimu.

Aaya: 84

إِذۡ جَآءَ رَبَّهُۥ بِقَلۡبٖ سَلِيمٍ

Ubwo yaganaga Nyagasani we n’umutima ukeye.

Aaya: 85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

Ubwo yabwiraga se n’abantu be ati “Ibi mugaragira ni ibiki?”

Aaya: 86

أَئِفۡكًا ءَالِهَةٗ دُونَ ٱللَّهِ تُرِيدُونَ

“Ese ibigirwamana mwihimbiye muretse Allah ni byo mushaka?”

Aaya: 87

فَمَا ظَنُّكُم بِرَبِّ ٱلۡعَٰلَمِينَ

“Ese mutekereza iki kuri Nyagasani w’ibiremwa byose?”

Aaya: 88

فَنَظَرَ نَظۡرَةٗ فِي ٱلنُّجُومِ

Nuko (Ibrahimu) yitegereza inyenyeri.

Aaya: 89

فَقَالَ إِنِّي سَقِيمٞ

Maze aravuga ati “Mu by’ukuri njye ndarwaye”.^[1]

[1] Ibyo yabikoze ari amayeri yo kugira ngo asigare aho basengeraga ibigirwamana byabo kugira ngo abijanjagure, ndetse no kugira ngo atajyana na bo mu mihango yabo ya gipagani

Aaya: 90

فَتَوَلَّوۡاْ عَنۡهُ مُدۡبِرِينَ

Nuko barahindukira barigendera.

Aaya: 91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

Maze yinyabya (mu ibanga) ku bigirwamana byabo, nuko aravuga ati “Ese ntimurya (aya mafunguro mwateguriwe)?”

Aaya: 92

مَا لَكُمۡ لَا تَنطِقُونَ

“Bite byanyu ko mutavuga?”

Aaya: 93

فَرَاغَ عَلَيۡهِمۡ ضَرۡبَۢا بِٱلۡيَمِينِ

Maze arabyadukira (mu ibanga) abijanjaguza ukuboko kwe kw’iburyo.

Aaya: 94

فَأَقۡبَلُوٓاْ إِلَيۡهِ يَزِفُّونَ

Nuko (ba babangikanyamana) bagaruka bamugana bihuta.

Aaya: 95

قَالَ أَتَعۡبُدُونَ مَا تَنۡحِتُونَ

Arababwira ati “Ese mugaragira ibyo mwihangiye”,

Aaya: 96

وَٱللَّهُ خَلَقَكُمۡ وَمَا تَعۡمَلُونَ

“Kandi Allah yarabaremye, mwe n’ibyo mukora?”

Aaya: 97

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

Baravuga bati “Nimumwubakire itanura maze mumujugunye mu muriro ugurumana.”

Aaya: 98

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

Bamucuriye umugambi mubisha, nuko turabasuzuguza.

Aaya: 99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

Nuko (amaze kurokoka umuriro) aravuga ati “Mu by’ukuri ngannye kwa Nyagasani wanjye, azanyobora.”

Aaya: 100

رَبِّ هَبۡ لِي مِنَ ٱلصَّٰلِحِينَ

“Nyagasani wanjye! Mpa (umwana) uzaba umwe mu ntungane.”

Aaya: 101

فَبَشَّرۡنَٰهُ بِغُلَٰمٍ حَلِيمٖ

Nuko tumuha inkuru nziza yo kuzabyara umuhungu witonda (ari we Isimayili).

Aaya: 102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

Maze (umuhungu we) amaze kugera mu kigero cyo kugendana na we, (ise) aravuga ati “Mwana wanjye! Mu by’ukuri narose nkubaga (ngutangaho igitambo kwa Allah), mbwira uko ubibona. Aravuga ati “Dawe! Kora icyo wategetswe, Allah nabishaka uzansanga mu bihangana.”