Firo maanaaji Simoore Simoore saafaati - Eggo e ɗemngal Felipiin (Tagalog) - ñiiɓirde Rowad ngam eggo. - Tonngoode hello ngoo 446 - Mawsuuwa al-quraan tedduɗo oo

As-Sāffāt

Aaya: 1

وَٱلصَّٰٓفَّٰتِ صَفّٗا

Sumpa man [ni Allāh] sa mga [anghel na] nakahanay sa isang hanay [para sa pagsamba sa Kanya],

Aaya: 2

فَٱلزَّٰجِرَٰتِ زَجۡرٗا

saka sa mga [mga anghel na] tagapagtabog sa isang pagtatabog [ng mga ulap],

Aaya: 3

فَٱلتَّٰلِيَٰتِ ذِكۡرًا

saka sa mga [anghel na] bumibigkas ng isang paalaala [ni Allāh];

Aaya: 4

إِنَّ إِلَٰهَكُمۡ لَوَٰحِدٞ

tunay na ang Diyos ninyo ay talagang nag-iisa,

Aaya: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

ang Panginoon ng mga langit at lupa at anumang nasa pagitan ng mga ito at ang Panginoon ng mga silangan.

Aaya: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Tunay na Kami ay gumayak sa langit na pinakamababa ng gayak: ang mga tala,

Aaya: 7

وَحِفۡظٗا مِّن كُلِّ شَيۡطَٰنٖ مَّارِدٖ

at bilang pangangalaga laban sa bawat demonyong naghihimagsik.

Aaya: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

Hindi sila nakikinig-kinig sa konsehong pinakamataas [malibang] habang pinupukol sila mula sa bawat gilid

Aaya: 9

دُحُورٗاۖ وَلَهُمۡ عَذَابٞ وَاصِبٌ

sa isang pagpapalayas. Ukol sa mga ito ay isang pagdurusang palagian,

Aaya: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

maliban sa sinumang humahablot ng hablot [na salita] ngunit sinusundan siya ng isang ningas na nanunuot.

Aaya: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

Kaya magsiyasat ka sa kanila [na nagkakaila ng pagkabuhay]: “Sila ba ay higit na matindi sa pagkakalikha o ang [ibang] nilikha Namin?” Tunay na Kami ay lumikha sa kanila mula sa isang putik na malagkit.

Aaya: 12

بَلۡ عَجِبۡتَ وَيَسۡخَرُونَ

Bagkus namangha ka [sa kapalaluan nila] habang nanunuya sila [sa iyo at sa Qur’ān].

Aaya: 13

وَإِذَا ذُكِّرُواْ لَا يَذۡكُرُونَ

Kapag pinaalalahanan sila ay hindi sila nag-aalaala.

Aaya: 14

وَإِذَا رَأَوۡاْ ءَايَةٗ يَسۡتَسۡخِرُونَ

Kapag nakakita sila ng isang tanda ay ipinatutuya nila.

Aaya: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

Nagsasabi sila: “Walang iba ito kundi isang panggagaway na malinaw.

Aaya: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Kapag namatay ba kami at kami ay naging alabok at mga buto, tunay bang kami ay talagang mga bubuhayin [mula sa pagkamatay]

Aaya: 17

أَوَءَابَآؤُنَا ٱلۡأَوَّلُونَ

at ang mga ninuno ba naming sinauna?”

Aaya: 18

قُلۡ نَعَمۡ وَأَنتُمۡ دَٰخِرُونَ

Sabihin mo: “Oo, at kayo ay mga aabahin.”

Aaya: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

Saka ito ay nag-iisang bulyaw lamang, saka biglang sila ay nakatingin.

Aaya: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Magsasabi sila: “O kapighatian sa amin! Ito ay ang Araw ng Pagtutumbas.”

Aaya: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

[Sasabihin sa kanila:] “Ito ay ang Araw ng Pagpapasya na kayo dati dito ay nagpapasinungaling.”

Aaya: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

[Sasabihin sa mga anghel]: “Kalapin ninyo ang mga lumabag sa katarungan, ang mga kauri nila, at ang anumang dati nilang sinasamba

Aaya: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

bukod pa kay Allāh, saka patnubayan ninyo sila tungo sa landasin ng Impiyerno,

Aaya: 24

وَقِفُوهُمۡۖ إِنَّهُم مَّسۡـُٔولُونَ

at patigilin ninyo sila; tunay na sila ay mga pananagutin.”