Firo maanaaji Aaya 100 Simoore Simoore Yuusuf - الترجمة الفولانية للمختصر في تفسير القرآن الكريم - Mawsuuwa al-quraan tedduɗo oo

Aaya: 100

وَرَفَعَ أَبَوَيۡهِ عَلَى ٱلۡعَرۡشِ وَخَرُّواْ لَهُۥ سُجَّدٗاۖ وَقَالَ يَٰٓأَبَتِ هَٰذَا تَأۡوِيلُ رُءۡيَٰيَ مِن قَبۡلُ قَدۡ جَعَلَهَا رَبِّي حَقّٗاۖ وَقَدۡ أَحۡسَنَ بِيٓ إِذۡ أَخۡرَجَنِي مِنَ ٱلسِّجۡنِ وَجَآءَ بِكُم مِّنَ ٱلۡبَدۡوِ مِنۢ بَعۡدِ أَن نَّزَغَ ٱلشَّيۡطَٰنُ بَيۡنِي وَبَيۡنَ إِخۡوَتِيٓۚ إِنَّ رَبِّي لَطِيفٞ لِّمَا يَشَآءُۚ إِنَّهُۥ هُوَ ٱلۡعَلِيمُ ٱلۡحَكِيمُ

O toolni mawɓe makko ɓen ɗiɗo ka danki makko, ontuma ɓe hiwrori mo kamɓe e musiɗɓe makko ɓen sappo e go'o sujjugol. Ngol sujjugol wanaa dewal, ko teddungal, yahdungol e yamiroore Alla nden wano ardiri non ka koyɗol. Ko ɗum waɗi si Yuusufa maakani ben makko: Ngol hiwrorgol lam ɗoo sujjugol, ko firo koyɗol am ngol oya tuma ngol mi fillaninoo on. Gomɗii Joomi am waɗii ngol goonga, O moƴƴike kadi e am tuma O yaltinnoo lam ka kaso O itti on onon kadi ka ladde, ɓaawo nde seytaane bonni hakkunde am e musiɗɓe am ɓen. Pellet, Joomi am ko newaniiɗo toppitagol ko O muuyi kon. Pellet, ko Kanko woni Annduɗo fiyakuuji jeyaaɓe Makko ɓen, Ñeeñuɗo e toppitagol Makko ngol.

Ina jeyaa e nafoore aayeeje ɗee e ngol hello:

• بر الوالدين وتبجيلهما وتكريمهما واجب، ومن ذلك المسارعة بالبشارة لهما فيما يدخل السرور عليهما.

Ɗoftagol mawɓe ɓen, teddina ɓe, ko ko waɗɗii. Hino jeyaa e ɗum, hittinirgol ko weltinirta ɓe.

• التحذير من نزغ الشيطان، ومن الذي يسعى بالوقيعة بين الأحباب؛ ليفرق بينهم.

Aayeeje ɗen hino rentina e bonnere seytaane, e kala waddindiroowo hakkunde welduɓe fii no ɓe seedira.

• مهما ارتفع العبد في دينه أو دنياه فإنَّ ذلك كله مرجعه إلى تفضّل الله تعالى وإنعامه عليه.

Noone kala no jeyaaɗo ɓamtori e diina maa aduna, ɗum ko ɓural Alla e neema Makko hoore-ontigi.

• سؤال الله حسن الخاتمة والسلامة والفوز يوم القيامة والالتحاق برفقة الصالحين في الجنان.

Hino wasiyaa toragol Alla battane moƴƴe, e kisal, e maloore Ñalnde Darngal, e wattideede e moƴƴuɓe ɓen ka Aljannaaji.

• من فضل الله تعالى أنه يُطْلع أنبياءه على بعض من أمور الغيب لغايات وحكم.

Hino jeyaa e ɓure Alla, tawde O ƴellitiniray Annbaaɓe Makko ɓen yoga e piiji wirniiɗi faandunnde ñeñaande.