Firo maanaaji Aaya 61 Simoore Simoore korndolli - الترجمة الفولانية للمختصر في تفسير القرآن الكريم - Mawsuuwa al-quraan tedduɗo oo

Aaya: 61

أَمَّن جَعَلَ ٱلۡأَرۡضَ قَرَارٗا وَجَعَلَ خِلَٰلَهَآ أَنۡهَٰرٗا وَجَعَلَ لَهَا رَوَٰسِيَ وَجَعَلَ بَيۡنَ ٱلۡبَحۡرَيۡنِ حَاجِزًاۗ أَءِلَٰهٞ مَّعَ ٱللَّهِۚ بَلۡ أَكۡثَرُهُمۡ لَا يَعۡلَمُونَ

Kaa ko hommbo waɗi leydi ndin ñiiɓundi tabitundi ndi yeƴodataa e ko woni kon e mayri, O waɗi e nder mayri canɗi ilooji, O waɗani ndi pelle tabituɗe, O waɗi hakkunde maaje ɗen ɗiɗi: Lammungo ngon e welungo ngon heedo haɗayngo jillondirgol lanɗanwo ngon e welungo ngon fii wata ngo bonnu ngoya, hara ngo moƴƴataa yarugol. Enee, ko reweteeɗo goo waɗi ɗum wonndude e Alla?! Wanaa non woniri, ko woni, ɓurɓe ɗuuɗude e maɓɓe ɓen ɓe Anndaa, sinndo hiɓe anndunoo ɓe sirkantaano Alla hay e gooto e tageefooji Makko ɗin.

Ina jeyaa e nafoore aayeeje ɗee e ngol hello:

• لجوء أهل الباطل للعنف عندما تحاصرهم حجج الحق.

Tuugagol yimɓe meere nden e ñaadde tuma nde hujjaaji goonga kan maaɓi ɓe.

• رابطة الزوجية دون الإيمان لا تنفع في الآخرة.

Humondiral fii dewgal ko aldah e gomɗinal, ɗum nafataa ka Laakara.

• ترسيخ عقيدة التوحيد من خلال التذكير بنعم الله.

Tutugol finnde Ngootimmbaaku wonirta ko e nder anndintinngol neemaaji Alla ɗin.

• كل مضطر من مؤمن أو كافر فإن الله قد وعده بالإجابة إذا دعاه.

Kala tampuɗo woni ko gomɗinɗo maaɗum hara ko yedduɗo pellet, Alla fodii mo jaabinanngol mo si o torike Mo.