Firo maanaaji Simoore Simoore hajju - الترجمة الفلبينية المجندناوية - Mawsuuwa al-quraan tedduɗo oo

Al-Hajj (Su Kapagkagi)

Aaya: 1

يَٰٓأَيُّهَا ٱلنَّاسُ ٱتَّقُواْ رَبَّكُمۡۚ إِنَّ زَلۡزَلَةَ ٱلسَّاعَةِ شَيۡءٌ عَظِيمٞ

Sekanu a mga taw ikagileku su kadnan nu, su kalinug a ipenggubal (sa dunya) na masla. (timbang a siksa)

Aaya: 2

يَوۡمَ تَرَوۡنَهَا تَذۡهَلُ كُلُّ مُرۡضِعَةٍ عَمَّآ أَرۡضَعَتۡ وَتَضَعُ كُلُّ ذَاتِ حَمۡلٍ حَمۡلَهَا وَتَرَى ٱلنَّاسَ سُكَٰرَىٰ وَمَا هُم بِسُكَٰرَىٰ وَلَٰكِنَّ عَذَابَ ٱللَّهِ شَدِيدٞ

U mailay nu bu na kalimpangan nu babay a ped- susuwan i paped-susunin, andu makambata su magingay sa dikena waqto, andu ya nengka mailay kanu mga taw na galangut, (sabap sa gilekin) na dikena silan galangut- ugayd na siksa nu Allah a sangati kapasangin. (di nilan gag'nggen)

Aaya: 3

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَيَتَّبِعُ كُلَّ شَيۡطَٰنٖ مَّرِيدٖ

Kaped-kanu manusya nabpalawa kanu Allah sa dala sabutin, andu yanin unutan i shaytan a natading.

Aaya: 4

كُتِبَ عَلَيۡهِ أَنَّهُۥ مَن تَوَلَّاهُ فَأَنَّهُۥ يُضِلُّهُۥ وَيَهۡدِيهِ إِلَىٰ عَذَابِ ٱلسَّعِيرِ

Pinadtanan den (kanu Shaytan) sa entain i munut lun natadingen nin, andu lunin tutulun sa siksa a peg-kalaw-kaalaw. (a siksa)

Aaya: 5

يَٰٓأَيُّهَا ٱلنَّاسُ إِن كُنتُمۡ فِي رَيۡبٖ مِّنَ ٱلۡبَعۡثِ فَإِنَّا خَلَقۡنَٰكُم مِّن تُرَابٖ ثُمَّ مِن نُّطۡفَةٖ ثُمَّ مِنۡ عَلَقَةٖ ثُمَّ مِن مُّضۡغَةٖ مُّخَلَّقَةٖ وَغَيۡرِ مُخَلَّقَةٖ لِّنُبَيِّنَ لَكُمۡۚ وَنُقِرُّ فِي ٱلۡأَرۡحَامِ مَا نَشَآءُ إِلَىٰٓ أَجَلٖ مُّسَمّٗى ثُمَّ نُخۡرِجُكُمۡ طِفۡلٗا ثُمَّ لِتَبۡلُغُوٓاْ أَشُدَّكُمۡۖ وَمِنكُم مَّن يُتَوَفَّىٰ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡلَا يَعۡلَمَ مِنۢ بَعۡدِ عِلۡمٖ شَيۡـٔٗاۚ وَتَرَى ٱلۡأَرۡضَ هَامِدَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡ وَأَنۢبَتَتۡ مِن كُلِّ زَوۡجِۭ بَهِيجٖ

Sekanu a mga taw amayka panduwa-duwa kanu sa kambuat nu- na benal a binaloy nami sekanu ebpn sa lupa, mawli na Nutfah (midsimbol a ig a mama-babay) mawli na lugo a aden sapu nin (manot) a napasad i gapa nin, andu aden bun da mapasad (galudos), ipeb- payagami salkanu, andu paped-tang'nen nami kanu (ludep nu tyan)su mag-kahanda nami taman sa timpu nin a napasad, mauli na palyun nami sekanu a wata a manot, mawli na masampay nu su kabagel nu (kanguda) andu aden bun pebpatay (mangagan), andu aden bun pakagus sa mababa gayd i kailay lun ka mimbalingan wata andu dala den katawanin apiya paido (bungao) andu mailay nengka su lupa sa mamala, na amayka pinatulunan nami sa ulan na eng-gagalbek andu egkapulu, andu patunin imbalangana mapiya i palasin.

Aaya: 6

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّهُۥ يُحۡيِ ٱلۡمَوۡتَىٰ وَأَنَّهُۥ عَلَىٰ كُلِّ شَيۡءٖ قَدِيرٞ

Kagina su Allah na sekanin i Haqq(bantang), andu sekanin i banguyag sa namamatay, andu kagaga nin i languna enggaga-isa.

Aaya: 7

وَأَنَّ ٱلسَّاعَةَ ءَاتِيَةٞ لَّا رَيۡبَ فِيهَا وَأَنَّ ٱللَّهَ يَبۡعَثُ مَن فِي ٱلۡقُبُورِ

Benal a gay a mawli na dibpelis na makawma, andu benal su Allah na pambuaten nin su (mga taw) sa Qubor.

Aaya: 8

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ

Andu ped kanu taw na ebpalawa sa Allah sa dala kataw nin, andu dala tutulo, andu dala kitabin a masigay.

Aaya: 9

ثَانِيَ عِطۡفِهِۦ لِيُضِلَّ عَن سَبِيلِ ٱللَّهِۖ لَهُۥ فِي ٱلدُّنۡيَا خِزۡيٞۖ وَنُذِيقُهُۥ يَوۡمَ ٱلۡقِيَٰمَةِ عَذَابَ ٱلۡحَرِيقِ

Lemengi sa bala sa kasandag ka andu gatading sa agama, lekanin sya sa dunya i kayaya, andu pananamen nami sekanin sa gay a mauli kanu siksa a pakatutung.

Aaya: 10

ذَٰلِكَ بِمَا قَدَّمَتۡ يَدَاكَ وَأَنَّ ٱللَّهَ لَيۡسَ بِظَلَّٰمٖ لِّلۡعَبِيدِ

Sabap sa galbekan nu lima nengka, andu benal su allah na di edtalimbut kanu mga ulipenin.

Aaya: 11

وَمِنَ ٱلنَّاسِ مَن يَعۡبُدُ ٱللَّهَ عَلَىٰ حَرۡفٖۖ فَإِنۡ أَصَابَهُۥ خَيۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡيَا وَٱلۡأٓخِرَةَۚ ذَٰلِكَ هُوَ ٱلۡخُسۡرَانُ ٱلۡمُبِينُ

Andu ped-kanu mga taw a ped-simba sa Allah sa panduwa-duwa, na amayka nasugat a mapiya na makatana su atay nin, andu amayka nasugat na batalu na endanin su agama, na nalapis sa dunya andu lusa Akhirat, nantuba i kinalapis a mapayag.

Aaya: 12

يَدۡعُواْ مِن دُونِ ٱللَّهِ مَا لَا يَضُرُّهُۥ وَمَا لَا يَنفَعُهُۥۚ ذَٰلِكَ هُوَ ٱلضَّلَٰلُ ٱلۡبَعِيدُ

Pedsimba sa salakaw sa Allah a di makagkayd salkanin, andu di bun makangguna salkanin, entuba i gatading sa mawatan.

Aaya: 13

يَدۡعُواْ لَمَن ضَرُّهُۥٓ أَقۡرَبُ مِن نَّفۡعِهِۦۚ لَبِئۡسَ ٱلۡمَوۡلَىٰ وَلَبِئۡسَ ٱلۡعَشِيرُ

Ped-simbanin i yamasupeg i kabinasanin sa pakangguna nin, mawag a benal a ped-tabang, andu ngin den i kawagin a tagapeda.

Aaya: 14

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۚ إِنَّ ٱللَّهَ يَفۡعَلُ مَا يُرِيدُ

Benal su Allah na paludepenin su mga Mu'min a ming-galbek sa mga mapiya sa mga surga a belagilay sa kababanin i mga pulangi, su Allah nang-galbekenin i kahandanin.

Aaya: 15

مَن كَانَ يَظُنُّ أَن لَّن يَنصُرَهُ ٱللَّهُ فِي ٱلدُّنۡيَا وَٱلۡأٓخِرَةِ فَلۡيَمۡدُدۡ بِسَبَبٍ إِلَى ٱلسَّمَآءِ ثُمَّ لۡيَقۡطَعۡ فَلۡيَنظُرۡ هَلۡ يُذۡهِبَنَّ كَيۡدُهُۥ مَا يَغِيظُ

Entain i taw a antapenin i di tabangan nu Allah su sinugu nin (Muhammad) sya sa dunya andu Akhirat na-pek'Inin i ginawa nin sa tali kanu atepu walay nin ka ebpatay, na ilaynin o ngintu su galbekin antu na maawa nin su dinin kalilinyan a tabang. (kanu Muhammad).

Aaya: 16

وَكَذَٰلِكَ أَنزَلۡنَٰهُ ءَايَٰتِۭ بَيِّنَٰتٖ وَأَنَّ ٱللَّهَ يَهۡدِي مَن يُرِيدُ

Andu mamba i kina-patulun nami sa mga ayat a mga mapayag, andu su Allah na tutulunin indaw i mag-kahandanin.

Aaya: 17

إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّٰبِـِٔينَ وَٱلنَّصَٰرَىٰ وَٱلۡمَجُوسَ وَٱلَّذِينَ أَشۡرَكُوٓاْ إِنَّ ٱللَّهَ يَفۡصِلُ بَيۡنَهُمۡ يَوۡمَ ٱلۡقِيَٰمَةِۚ إِنَّ ٱللَّهَ عَلَىٰ كُلِّ شَيۡءٖ شَهِيدٌ

Benal su mga Mu'min andu su mga yahudie andu su mga kristyan andu su sabit andu su majusie andu su mga mushrik, na su Allah i kemukum kanilan sa gay a mauli, su Allah na langunu enggaga-isa na kad- saksyanin.

Aaya: 18

أَلَمۡ تَرَ أَنَّ ٱللَّهَ يَسۡجُدُۤ لَهُۥۤ مَن فِي ٱلسَّمَٰوَٰتِ وَمَن فِي ٱلۡأَرۡضِ وَٱلشَّمۡسُ وَٱلۡقَمَرُ وَٱلنُّجُومُ وَٱلۡجِبَالُ وَٱلشَّجَرُ وَٱلدَّوَآبُّ وَكَثِيرٞ مِّنَ ٱلنَّاسِۖ وَكَثِيرٌ حَقَّ عَلَيۡهِ ٱلۡعَذَابُۗ وَمَن يُهِنِ ٱللَّهُ فَمَا لَهُۥ مِن مُّكۡرِمٍۚ إِنَّ ٱللَّهَ يَفۡعَلُ مَا يَشَآءُ۩

Ngintu da nengka katawi su Allah na ped- sujudanu dalemu mga langit andu su lupa andu senang andu ulan ulan andu su mga bitun andu su mga palaw andu su mga kayu andu su mamelanap lanap, andu su kadakelan kanu mga taw? andu madakel bun menem (kanu mga taw) i nawagib salkanin su siksa, andu su taw a ilusak nu Allah na dala makapulo lun, andu su Allah na peng-galbekenin i kahandanin.

Aaya: 19

۞ هَٰذَانِ خَصۡمَانِ ٱخۡتَصَمُواْ فِي رَبِّهِمۡۖ فَٱلَّذِينَ كَفَرُواْ قُطِّعَتۡ لَهُمۡ ثِيَابٞ مِّن نَّارٖ يُصَبُّ مِن فَوۡقِ رُءُوسِهِمُ ٱلۡحَمِيمُ

Su duwa a di magayun (Mu'min-kafir) na lu silan egkukum sa Allah, su kafir i ginapa i balegkasin ebpun sa naraka sa pembubuwan su ulu nin sa midtaman i kayaw nin a ig sa naraka.

Aaya: 20

يُصۡهَرُ بِهِۦ مَا فِي بُطُونِهِمۡ وَٱلۡجُلُودُ

Pakatunag sa dalem na tyan nilan andu upisilan.

Aaya: 21

وَلَهُم مَّقَٰمِعُ مِنۡ حَدِيدٖ

Aden pan kanilan i mga putaw a ipembetay.(dinidisan)

Aaya: 22

كُلَّمَآ أَرَادُوٓاْ أَن يَخۡرُجُواْ مِنۡهَا مِنۡ غَمٍّ أُعِيدُواْ فِيهَا وَذُوقُواْ عَذَابَ ٱلۡحَرِيقِ

Uman silan miyug lemyu sa naraka andu lidu na ginawa nilan na-imbalingan bun silan (nadtalun menem kanilan) i nanaminu su siksa a pakatutung.

Aaya: 23

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٖ وَلُؤۡلُؤٗاۖ وَلِبَاسُهُمۡ فِيهَا حَرِيرٞ

Saben-sabenal su Allah na paludepenin su mga Mu'min a ming-galbek silan sa mga mapiya, sa surga a belagilay sa kababanin i mga pulangi, na aden pamun kanilan i mga pagigimuwan a mga bulusu a bulawan andu muntya, andu ya nilan balegkas na sutra.

Aaya: 24

وَهُدُوٓاْ إِلَى ٱلطَّيِّبِ مِنَ ٱلۡقَوۡلِ وَهُدُوٓاْ إِلَىٰ صِرَٰطِ ٱلۡحَمِيدِ

Andu natutulu silan sa mapiya a kadtalu (laa ilaaha illa Allah)andu tinutuli silan kanu lalan a mapiya (agama Islam).

Aaya: 25

إِنَّ ٱلَّذِينَ كَفَرُواْ وَيَصُدُّونَ عَن سَبِيلِ ٱللَّهِ وَٱلۡمَسۡجِدِ ٱلۡحَرَامِ ٱلَّذِي جَعَلۡنَٰهُ لِلنَّاسِ سَوَآءً ٱلۡعَٰكِفُ فِيهِ وَٱلۡبَادِۚ وَمَن يُرِدۡ فِيهِ بِإِلۡحَادِۭ بِظُلۡمٖ نُّذِقۡهُ مِنۡ عَذَابٍ أَلِيمٖ

Benal su mga kafir na ipedsapal nilan i kaunut sa lalan sa Allah (Islam) andu su masgidil haram na binaluy nami kanu mga taw sa mamagidsan,(hadj-umrah) su pedtakena andu su belagkut, andu su (mga taw) peg- kahanda kanu dalem nin sa mawag na pananamen nami sekanin sa siksa a masakit.

Aaya: 26

وَإِذۡ بَوَّأۡنَا لِإِبۡرَٰهِيمَ مَكَانَ ٱلۡبَيۡتِ أَن لَّا تُشۡرِكۡ بِي شَيۡـٔٗا وَطَهِّرۡ بَيۡتِيَ لِلطَّآئِفِينَ وَٱلۡقَآئِمِينَ وَٱلرُّكَّعِ ٱلسُّجُودِ

Andu initutulu nami kanu Ibrahem su nabetadan nu baytullah, na di aku semakutu sa apiya paydu, andu sutika su walay ku kanu bamed-tawaf andu su bamed-tindeg andu su peruku' ped-sujud.

Aaya: 27

وَأَذِّن فِي ٱلنَّاسِ بِٱلۡحَجِّ يَأۡتُوكَ رِجَالٗا وَعَلَىٰ كُلِّ ضَامِرٖ يَأۡتِينَ مِن كُلِّ فَجٍّ عَمِيقٖ

Pakatawika (Ibrahem) sa mga taw su kag-kagi, makawma silan sa belalakaw andu peg-kuda sa unta a malubay, embala-bala a mawatan i gasungowanin.

Aaya: 28

لِّيَشۡهَدُواْ مَنَٰفِعَ لَهُمۡ وَيَذۡكُرُواْ ٱسۡمَ ٱللَّهِ فِيٓ أَيَّامٖ مَّعۡلُومَٰتٍ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۖ فَكُلُواْ مِنۡهَا وَأَطۡعِمُواْ ٱلۡبَآئِسَ ٱلۡفَقِيرَ

Ka andu nilan kad-saksyan su makam- barapantag kanilan (sa gay a mauli), andu katademan nilan ingalan nu Allah kanu paydu a gay (kanu kasumbali nilan) sa kanu iniridzqi nu Allah kanilan abpun kanu mga binatang a pangangayamen a ped-sumbalin (Qurban- Hadyie), na kang kanu lun andu pakan nu su gapasangan gayd sa kabpaguyag.

Aaya: 29

ثُمَّ لۡيَقۡضُواْ تَفَثَهُمۡ وَلۡيُوفُواْ نُذُورَهُمۡ وَلۡيَطَّوَّفُواْ بِٱلۡبَيۡتِ ٱلۡعَتِيقِ

Mauli na ituman nilan su langunu (manasikul hadj) andu itman nilan i mga samaya nilan, andu tumawaf silan sa (ka'bah) a danden a walay.

Aaya: 30

ذَٰلِكَۖ وَمَن يُعَظِّمۡ حُرُمَٰتِ ٱللَّهِ فَهُوَ خَيۡرٞ لَّهُۥ عِندَ رَبِّهِۦۗ وَأُحِلَّتۡ لَكُمُ ٱلۡأَنۡعَٰمُ إِلَّا مَا يُتۡلَىٰ عَلَيۡكُمۡۖ فَٱجۡتَنِبُواْ ٱلرِّجۡسَ مِنَ ٱلۡأَوۡثَٰنِ وَٱجۡتَنِبُواْ قَوۡلَ ٱلزُّورِ

Su taw a pakaslanin su agama nu Allah nantuba i makag-kapiya salkanin lusa kadnanin, andu inihalal salkanu su mga binatang, ya tabiya na su hinaram, na zanggilay nu su maledsik abpun kanu mga barahala, andu zanggilainu su kadtalu a kalbutan. (atawa sakuto)

Aaya: 31

حُنَفَآءَ لِلَّهِ غَيۡرَ مُشۡرِكِينَ بِهِۦۚ وَمَن يُشۡرِكۡ بِٱللَّهِ فَكَأَنَّمَا خَرَّ مِنَ ٱلسَّمَآءِ فَتَخۡطَفُهُ ٱلطَّيۡرُ أَوۡ تَهۡوِي بِهِ ٱلرِّيحُ فِي مَكَانٖ سَحِيقٖ

Bantang i kasangkup sa Allah, di simakuto salkanin,andu su taw a simakuto sa Allah na mana bun tinumibpu ebpun sa langit a bamagagawan na papanuk, atawa ka mana bun nasugat na sambel a nakabayug sa mawatan.

Aaya: 32

ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ

Su taw a pakaslanin su mga (galbekanin) a simba sa ebpiya-piya nanin na tanda nu gilek sa Allah abpun sa mga atay.

Aaya: 33

لَكُمۡ فِيهَا مَنَٰفِعُ إِلَىٰٓ أَجَلٖ مُّسَمّٗى ثُمَّ مَحِلُّهَآ إِلَى ٱلۡبَيۡتِ ٱلۡعَتِيقِ

Aden kangataganin salkanu (pinanumbali) taman kanu timpu a paydu, mawli na su tidtu a kataganin na lusa walay a danden. (baytullah)

Aaya: 34

وَلِكُلِّ أُمَّةٖ جَعَلۡنَا مَنسَكٗا لِّيَذۡكُرُواْ ٱسۡمَ ٱللَّهِ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۗ فَإِلَٰهُكُمۡ إِلَٰهٞ وَٰحِدٞ فَلَهُۥٓ أَسۡلِمُواْۗ وَبَشِّرِ ٱلۡمُخۡبِتِينَ

Umani sa tumpuk kanu nangawna na aden pedsumbaliyanin, ka andu nilan katademan su ngalanu Allah kanu ini-ridzqi nin kanilan a mga binatang a pangangayamen,su kadnan nu na kadnan a isa bu, na sekanin i sangkupinu, andu pakalilini ka (Muhammad) su mga taw a bangalimbaban sa Allah.

Aaya: 35

ٱلَّذِينَ إِذَا ذُكِرَ ٱللَّهُ وَجِلَتۡ قُلُوبُهُمۡ وَٱلصَّٰبِرِينَ عَلَىٰ مَآ أَصَابَهُمۡ وَٱلۡمُقِيمِي ٱلصَّلَوٰةِ وَمِمَّا رَزَقۡنَٰهُمۡ يُنفِقُونَ

Amayka linabit su Allah nagkelep i atay nilan sa gilek nilan, andu matigkel silan sa makasugat kanilan a mapasang (batalu), andu ped-tindeg silan sa sambayang, andu su ped kanu ridzqi kanilan na pem-baranggyan nilan.

Aaya: 36

وَٱلۡبُدۡنَ جَعَلۡنَٰهَا لَكُم مِّن شَعَٰٓئِرِ ٱللَّهِ لَكُمۡ فِيهَا خَيۡرٞۖ فَٱذۡكُرُواْ ٱسۡمَ ٱللَّهِ عَلَيۡهَا صَوَآفَّۖ فَإِذَا وَجَبَتۡ جُنُوبُهَا فَكُلُواْ مِنۡهَا وَأَطۡعِمُواْ ٱلۡقَانِعَ وَٱلۡمُعۡتَرَّۚ كَذَٰلِكَ سَخَّرۡنَٰهَا لَكُمۡ لَعَلَّكُمۡ تَشۡكُرُونَ

Binaloy nami salkanu su unta a tanda nu agama nu Allah, aden pakag-kapiya nin salkanu, na labitu i ngala nu Allah sa kasumbali lun, amayka minatay den sa dala den galbekin nantupan ka pagitungo i kakanu lun, andu pakan nu su dala pegkenin a di bangeni, andu su dala bun pegkenin a bangeni, mamba i kina-pandaya nami lun salkanu, ka andu kanu makad-sukur sa Allah.

Aaya: 37

لَن يَنَالَ ٱللَّهَ لُحُومُهَا وَلَا دِمَآؤُهَا وَلَٰكِن يَنَالُهُ ٱلتَّقۡوَىٰ مِنكُمۡۚ كَذَٰلِكَ سَخَّرَهَا لَكُمۡ لِتُكَبِّرُواْ ٱللَّهَ عَلَىٰ مَا هَدَىٰكُمۡۗ وَبَشِّرِ ٱلۡمُحۡسِنِينَ

Di pakasampay sa Allah su lugu andu su sapu nin, ugayd a ya pakasampay na su gilek abpun salkanu, mamba i kina-pandaaya nami Iun salkanu, ka andu kanu maka-takbir sa Allah kanu initutulo nin salkanu, andu pakalilini ka (Muhammad) su mga taw a ebpiya-piya.

Aaya: 38

۞ إِنَّ ٱللَّهَ يُدَٰفِعُ عَنِ ٱلَّذِينَ ءَامَنُوٓاْۗ إِنَّ ٱللَّهَ لَا يُحِبُّ كُلَّ خَوَّانٖ كَفُورٍ

Benal su Allah na pangalawanin sa makagkayd su mga Mu'min, su Allah na dinin kiyugan i di kasaligan.

Aaya: 39

أُذِنَ لِلَّذِينَ يُقَٰتَلُونَ بِأَنَّهُمۡ ظُلِمُواْۚ وَإِنَّ ٱللَّهَ عَلَىٰ نَصۡرِهِمۡ لَقَدِيرٌ

Inisugut kanu mga Mu'min imbunuwa silan, kagina dinupang silan, and su Allah i tumabang kanilan a pakagaga.

Aaya: 40

ٱلَّذِينَ أُخۡرِجُواْ مِن دِيَٰرِهِم بِغَيۡرِ حَقٍّ إِلَّآ أَن يَقُولُواْ رَبُّنَا ٱللَّهُۗ وَلَوۡلَا دَفۡعُ ٱللَّهِ ٱلنَّاسَ بَعۡضَهُم بِبَعۡضٖ لَّهُدِّمَتۡ صَوَٰمِعُ وَبِيَعٞ وَصَلَوَٰتٞ وَمَسَٰجِدُ يُذۡكَرُ فِيهَا ٱسۡمُ ٱللَّهِ كَثِيرٗاۗ وَلَيَنصُرَنَّ ٱللَّهُ مَن يَنصُرُهُۥٓۚ إِنَّ ٱللَّهَ لَقَوِيٌّ عَزِيزٌ

Su silan a binugaw sa dalpa nilan sa dala kawagibin, ya tabiya (a kinabugao) na kapedtalu nilan sa ya nami kadnan su Allah, andu dikena bu su kalbihan nu Allah kanu mga taw a Mu'min-kanu mga kafir na nagubal su pedsimban nu ulama nu mga yahudie, andu su pedsimbanu mga kristyan, andu su mga masgid a pedtademan sa Allah sa madakel, andu idsabeku Allah su taw a idsabekin su agama nu Allah, su Allah i mabagel a mapulu.

Aaya: 41

ٱلَّذِينَ إِن مَّكَّنَّٰهُمۡ فِي ٱلۡأَرۡضِ أَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ وَأَمَرُواْ بِٱلۡمَعۡرُوفِ وَنَهَوۡاْ عَنِ ٱلۡمُنكَرِۗ وَلِلَّهِ عَٰقِبَةُ ٱلۡأُمُورِ

Silan a mga taw na amayka nakadtakena silan kanu lupa na itunay nilan su sambayang andu Zakat andu isugu nilan su mapiya andu isapal nilan su mawag, andu lubun sa Allah i kambalinganan o mga taw andu langunu galbek.

Aaya: 42

وَإِن يُكَذِّبُوكَ فَقَدۡ كَذَّبَتۡ قَبۡلَهُمۡ قَوۡمُ نُوحٖ وَعَادٞ وَثَمُودُ

Amayka pandalbuten kanilan na pinandalbut nilan su nangawna kanilan su Qawmu Nuh andu su Aa'd andu su Thamud.

Aaya: 43

وَقَوۡمُ إِبۡرَٰهِيمَ وَقَوۡمُ لُوطٖ

Andu su Qawmu Ibrahem andu Qawmu Lut.

Aaya: 44

وَأَصۡحَٰبُ مَدۡيَنَۖ وَكُذِّبَ مُوسَىٰۖ فَأَمۡلَيۡتُ لِلۡكَٰفِرِينَ ثُمَّ أَخَذۡتُهُمۡۖ فَكَيۡفَ كَانَ نَكِيرِ

Andu su mga tagapedanu Madyan, andu pinadalbut bun su Musa, na pinadtaday ku su kafir, mawli na bininasa ku silan, na dibpelis i katumpalak ku kanilan.

Aaya: 45

فَكَأَيِّن مِّن قَرۡيَةٍ أَهۡلَكۡنَٰهَا وَهِيَ ظَالِمَةٞ فَهِيَ خَاوِيَةٌ عَلَىٰ عُرُوشِهَا وَبِئۡرٖ مُّعَطَّلَةٖ وَقَصۡرٖ مَّشِيدٍ

Madakel i mga dalpa a bininasa nami santoba na dupangi taw nin, na nalundos i mga walay nilan, andu su kalut a nailatan, andu maligay a mabagel sa namamatay igkuwan lun.

Aaya: 46

أَفَلَمۡ يَسِيرُواْ فِي ٱلۡأَرۡضِ فَتَكُونَ لَهُمۡ قُلُوبٞ يَعۡقِلُونَ بِهَآ أَوۡ ءَاذَانٞ يَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَٰرُ وَلَٰكِن تَعۡمَى ٱلۡقُلُوبُ ٱلَّتِي فِي ٱلصُّدُورِ

Ngintu ka di silan lumalakao kanu lupa ka andu kataguwan silan a pusung a magu ngangen, atawa mga tangila a ipanuliman, ka diman gapisek su mga mata nu, ugayda ya gapisek na su mga pusung sya sa laleb.

Aaya: 47

وَيَسۡتَعۡجِلُونَكَ بِٱلۡعَذَابِ وَلَن يُخۡلِفَ ٱللَّهُ وَعۡدَهُۥۚ وَإِنَّ يَوۡمًا عِندَ رَبِّكَ كَأَلۡفِ سَنَةٖ مِّمَّا تَعُدُّونَ

Andu pedtagadan kanilan sa makauma den kanilan i siksa, na diman ebpelis i pasadu Allah, andu benal a sagay lusa kadnan nengka-na timbang a sangibu lagun sya sa dunya.

Aaya: 48

وَكَأَيِّن مِّن قَرۡيَةٍ أَمۡلَيۡتُ لَهَا وَهِيَ ظَالِمَةٞ ثُمَّ أَخَذۡتُهَا وَإِلَيَّ ٱلۡمَصِيرُ

Andu madakel a dalpa a pinadtaday ku, a benal a dupang i taw nin,mauli na bininasa ku, andu sya bun silan salaki makad-sunud.

Aaya: 49

قُلۡ يَٰٓأَيُّهَا ٱلنَّاسُ إِنَّمَآ أَنَا۠ لَكُمۡ نَذِيرٞ مُّبِينٞ

Edtaluka kanilan (Muhammad) sekanu a mga taw baenal a saki na ya bu laki na kapa- pedtidtu a mapayag.

Aaya: 50

فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةٞ وَرِزۡقٞ كَرِيمٞ

Su mga Mu'min andu minggalbek sa mga mapiya na kanilan su ampun andu ridzqi a mapulu. (Surga)

Aaya: 51

وَٱلَّذِينَ سَعَوۡاْ فِيٓ ءَايَٰتِنَا مُعَٰجِزِينَ أُوْلَٰٓئِكَ أَصۡحَٰبُ ٱلۡجَحِيمِ

51 Su mga taw menem a yanilan galbek na pebpelnen (su Qur-an) a dinilan pagalagan su namangunut kanu nabi, na silan i mga taw agkuwan sa apoy sa naraka.

Aaya: 52

وَمَآ أَرۡسَلۡنَا مِن قَبۡلِكَ مِن رَّسُولٖ وَلَا نَبِيٍّ إِلَّآ إِذَا تَمَنَّىٰٓ أَلۡقَى ٱلشَّيۡطَٰنُ فِيٓ أُمۡنِيَّتِهِۦ فَيَنسَخُ ٱللَّهُ مَا يُلۡقِي ٱلشَّيۡطَٰنُ ثُمَّ يُحۡكِمُ ٱللَّهُ ءَايَٰتِهِۦۗ وَٱللَّهُ عَلِيمٌ حَكِيمٞ

Andu dala sinugu nami a nauna salka (Muhammad) a sinugu andu dala nabi ya tabiya na aden binatya nin a ayat, na simbulanu shaitan su binatya nin, na batalenu Allah su inamung nu shaitan, mauli na atulnu Allah su mga ayatin, su Allah i mataw sa mapayag-masulen.

Aaya: 53

لِّيَجۡعَلَ مَا يُلۡقِي ٱلشَّيۡطَٰنُ فِتۡنَةٗ لِّلَّذِينَ فِي قُلُوبِهِم مَّرَضٞ وَٱلۡقَاسِيَةِ قُلُوبُهُمۡۗ وَإِنَّ ٱلظَّٰلِمِينَ لَفِي شِقَاقِۭ بَعِيدٖ

Ka mabaloy su binatya nu shaitan a fitnah kan nakadalem kanu mga atay nilan i dalo, andu mga tegas i mga atay nilan, andu su mga talimbuten na mawatan i katalima nilan sa haqq

Aaya: 54

وَلِيَعۡلَمَ ٱلَّذِينَ أُوتُواْ ٱلۡعِلۡمَ أَنَّهُ ٱلۡحَقُّ مِن رَّبِّكَ فَيُؤۡمِنُواْ بِهِۦ فَتُخۡبِتَ لَهُۥ قُلُوبُهُمۡۗ وَإِنَّ ٱللَّهَ لَهَادِ ٱلَّذِينَ ءَامَنُوٓاْ إِلَىٰ صِرَٰطٖ مُّسۡتَقِيمٖ

Andu katawanu mga taw a aden ilmo nin su Qur-an na haqq abpun kanu kadnan nengka na pangimbenalen nilan andu makatana su mga atay nilan, andu su Allah i tumutulo kanu mga Mu'min kanu lalan a matidtu. (Islam)

Aaya: 55

وَلَا يَزَالُ ٱلَّذِينَ كَفَرُواْ فِي مِرۡيَةٖ مِّنۡهُ حَتَّىٰ تَأۡتِيَهُمُ ٱلسَّاعَةُ بَغۡتَةً أَوۡ يَأۡتِيَهُمۡ عَذَابُ يَوۡمٍ عَقِيمٍ

Andu di gapinda kanu mga kafir i kanduwa- duwa kanu Qur-an taman sa makauman kanilan sa matekaw su kabangkit sa dunya, (atawa kapatay) atawa makauma kanilan i siksa kanu gay a da den kapiyanin kanilan.

Aaya: 56

ٱلۡمُلۡكُ يَوۡمَئِذٖ لِّلَّهِ يَحۡكُمُ بَيۡنَهُمۡۚ فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فِي جَنَّٰتِ ٱلنَّعِيمِ

Su ka-datu kanu gay a mauli na kanu Allah, kukumenin silan, na su mga Mu'min a ming- galbek sa mga mapiya na lusilan kan dalemu surga a naiem.

Aaya: 57

وَٱلَّذِينَ كَفَرُواْ وَكَذَّبُواْ بِـَٔايَٰتِنَا فَأُوْلَٰٓئِكَ لَهُمۡ عَذَابٞ مُّهِينٞ

Su mga kafir menem andu napandalbut sa mga ayatan nami na kanilan menem i siksa a makalosak kanilan.

Aaya: 58

وَٱلَّذِينَ هَاجَرُواْ فِي سَبِيلِ ٱللَّهِ ثُمَّ قُتِلُوٓاْ أَوۡ مَاتُواْ لَيَرۡزُقَنَّهُمُ ٱللَّهُ رِزۡقًا حَسَنٗاۚ وَإِنَّ ٱللَّهَ لَهُوَ خَيۡرُ ٱلرَّٰزِقِينَ

Andu su mga taw a nalalagoy sabap sa agama nilan, mauli na nabunu silan atawa minatay silan, na peridzqyan n Allah silan sa mapiya a ridzqi, andu su Allah I mapiya gayd a peridzqi.

Aaya: 59

لَيُدۡخِلَنَّهُم مُّدۡخَلٗا يَرۡضَوۡنَهُۥۚ وَإِنَّ ٱللَّهَ لَعَلِيمٌ حَلِيمٞ

Paludepenu Allah silan sa kaludepan a kasuwatan nilan, nu andu su Allah i mataw sa mapayag-masulen.

Aaya: 60

۞ ذَٰلِكَۖ وَمَنۡ عَاقَبَ بِمِثۡلِ مَا عُوقِبَ بِهِۦ ثُمَّ بُغِيَ عَلَيۡهِ لَيَنصُرَنَّهُ ٱللَّهُۚ إِنَّ ٱللَّهَ لَعَفُوٌّ غَفُورٞ

Kagina su taw a Mu'min a sinemuli sa mana bun su kinapakaidon, mauli na pindopangan sekanin na tabanganu Allah, ka su Allah na malasam a bangampun.

Aaya: 61

ذَٰلِكَ بِأَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَأَنَّ ٱللَّهَ سَمِيعُۢ بَصِيرٞ

Su Allah na ibelodepin su magabi kanu malmag, andu ildepin su malmag kanu umagabi, andu su Allah na pakakineg a pakailay.

Aaya: 62

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِۦ هُوَ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ

Saben-sabenal kanu Allah na bantang andu s pedsimban nilan a salakaw sa Allah a barahala na baatal, andu benal su Allah i mapulo a masla.

Aaya: 63

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءٗ فَتُصۡبِحُ ٱلۡأَرۡضُ مُخۡضَرَّةًۚ إِنَّ ٱللَّهَ لَطِيفٌ خَبِيرٞ

Di nengka gailay i paped-tulun nu Allah ebpun sa langit i ig, na mabaloy su lupa sa pegka-gadung, su Allah na magungaya kanu ulipenin a mataw kanilan.

Aaya: 64

لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَإِنَّ ٱللَّهَ لَهُوَ ٱلۡغَنِيُّ ٱلۡحَمِيدُ

Lekanin a (Allah) su dalem pitu lapis a langit andu lupa, andu su Allah i kawasa a pebpugin.

Aaya: 65

أَلَمۡ تَرَ أَنَّ ٱللَّهَ سَخَّرَ لَكُم مَّا فِي ٱلۡأَرۡضِ وَٱلۡفُلۡكَ تَجۡرِي فِي ٱلۡبَحۡرِ بِأَمۡرِهِۦ وَيُمۡسِكُ ٱلسَّمَآءَ أَن تَقَعَ عَلَى ٱلۡأَرۡضِ إِلَّا بِإِذۡنِهِۦٓۚ إِنَّ ٱللَّهَ بِٱلنَّاسِ لَرَءُوفٞ رَّحِيمٞ

Di nengka gailay i pinandaayanu Allah salkanu su lupa andu su bagedan a balalagoy sa lagat sa kahandanin, andu pedsegedanin su mga langit sa di makabetad sa lupa ya tabiya na kahandanin, su Allah na malasam a malimo kanu mga taw.

Aaya: 66

وَهُوَ ٱلَّذِيٓ أَحۡيَاكُمۡ ثُمَّ يُمِيتُكُمۡ ثُمَّ يُحۡيِيكُمۡۗ إِنَّ ٱلۡإِنسَٰنَ لَكَفُورٞ

Sekanina (Allah) i minuyag salkanu, mauli na i matayan kanu nin, entopan a uyagen kanu nin, benal su manusya na madakel i ka-kafirin.

Aaya: 67

لِّكُلِّ أُمَّةٖ جَعَلۡنَا مَنسَكًا هُمۡ نَاسِكُوهُۖ فَلَا يُنَٰزِعُنَّكَ فِي ٱلۡأَمۡرِۚ وَٱدۡعُ إِلَىٰ رَبِّكَۖ إِنَّكَ لَعَلَىٰ هُدٗى مُّسۡتَقِيمٖ

Binaloy name kanu umani-isa i agama nin a peng-galbekenin, na daka magokag (Muhammad) kanu salimpang nilan, andu pangenggat ka kanu agama nu kadnan nengka, ka seka i natutulu sa matidto.

Aaya: 68

وَإِن جَٰدَلُوكَ فَقُلِ ٱللَّهُ أَعۡلَمُ بِمَا تَعۡمَلُونَ

Amayka ibpalawa kanilan, nadtaloka (Muhammad) su Allah i mataw sa languna peng-galbekenu.

Aaya: 69

ٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِ فِيمَا كُنتُمۡ فِيهِ تَخۡتَلِفُونَ

Su Allah i kemukum salkanu sa gay a mauli A kanu langona dinu bamagayunan.

Aaya: 70

أَلَمۡ تَعۡلَمۡ أَنَّ ٱللَّهَ يَعۡلَمُ مَا فِي ٱلسَّمَآءِ وَٱلۡأَرۡضِۚ إِنَّ ذَٰلِكَ فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرٞ

Nginto di nengka katawan na su Allah na katawanin i dalma pitu lapis a langit andu lupa? langu-nantuba na nakadalem kanu kitab (Lauh Al-Mahfuz) andu benal a malmu gayd kanu Allah.

Aaya: 71

وَيَعۡبُدُونَ مِن دُونِ ٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَمَا لَيۡسَ لَهُم بِهِۦ عِلۡمٞۗ وَمَا لِلظَّٰلِمِينَ مِن نَّصِيرٖ

Andu pedsimban nilan i salakaw sa Allah, sa dala nakatulon kanilan abpun sa Allah a tindeg lun, andu dala kanilan a kataw andu dala kanu talimboten i makad-tabang kanilan.

Aaya: 72

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ تَعۡرِفُ فِي وُجُوهِ ٱلَّذِينَ كَفَرُواْ ٱلۡمُنكَرَۖ يَكَادُونَ يَسۡطُونَ بِٱلَّذِينَ يَتۡلُونَ عَلَيۡهِمۡ ءَايَٰتِنَاۗ قُلۡ أَفَأُنَبِّئُكُم بِشَرّٖ مِّن ذَٰلِكُمُۚ ٱلنَّارُ وَعَدَهَا ٱللَّهُ ٱلَّذِينَ كَفَرُواْۖ وَبِئۡسَ ٱلۡمَصِيرُ

Andu amayka batyan kanilan su mga ayatan nami a mga mapayag, na mailay nengka kanu mga biyasilan a mga kafir i kalibedteng, paydu gaydi dinilan kabetay kanu mga taw a pembatya kanilan kanu mga ayatan nami, na edtalungku salkanui mawag luba?su apoy sa naraka, inib- pasado Allah kanu mga kafir a ngin den i kawagin a kab-pawangan.

Aaya: 73

يَٰٓأَيُّهَا ٱلنَّاسُ ضُرِبَ مَثَلٞ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابٗا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـٔٗا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ

Sekanu a mga taw aden nakambuata upaman na panuliman nu, su pedsimbanu a salakaw sa Allah a mga watu, mga kayu, na di a benal maka-umbal sa apiya langaw bu i upamanin, apiya mimbolig silan, na amayka aden initangaga langao kanu inideket kanu barahala, na apiya paido na di magaganu barahala mapa- ulit, magidsan a dala kagaga nin su pedsimba andu su pedsimban.

Aaya: 74

مَا قَدَرُواْ ٱللَّهَ حَقَّ قَدۡرِهِۦٓۚ إِنَّ ٱللَّهَ لَقَوِيٌّ عَزِيزٌ

Danilan pakasela su Allah a wagib a papegkaslan, saben-sabenal su Allah i mabagel a mapulu.

Aaya: 75

ٱللَّهُ يَصۡطَفِي مِنَ ٱلۡمَلَٰٓئِكَةِ رُسُلٗا وَمِنَ ٱلنَّاسِۚ إِنَّ ٱللَّهَ سَمِيعُۢ بَصِيرٞ

Su Allah i bamili kanu Malaa-ikat sa mga sinugo, andu sya kan mga taw, su Allah i pakakineg a pakailay.

Aaya: 76

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۚ وَإِلَى ٱللَّهِ تُرۡجَعُ ٱلۡأُمُورُ

Katawan nu Allah su nang-galbek nilan den, andu s mang-galbekilan a mauli, andu lusa Allah i languna galbek a kambalinganan.

Aaya: 77

يَٰٓأَيُّهَا ٱلَّذِينَ ءَامَنُواْ ٱرۡكَعُواْ وَٱسۡجُدُواْۤ وَٱعۡبُدُواْ رَبَّكُمۡ وَٱفۡعَلُواْ ٱلۡخَيۡرَ لَعَلَّكُمۡ تُفۡلِحُونَ۩

Sekanu a mga Mu'min ruku' kanu andu sujod kanu, andu simbanU su kadnanu, andu enggalbeku i mapiya, ka malemu salkanU i makauntong kan.

Aaya: 78

وَجَٰهِدُواْ فِي ٱللَّهِ حَقَّ جِهَادِهِۦۚ هُوَ ٱجۡتَبَىٰكُمۡ وَمَا جَعَلَ عَلَيۡكُمۡ فِي ٱلدِّينِ مِنۡ حَرَجٖۚ مِّلَّةَ أَبِيكُمۡ إِبۡرَٰهِيمَۚ هُوَ سَمَّىٰكُمُ ٱلۡمُسۡلِمِينَ مِن قَبۡلُ وَفِي هَٰذَا لِيَكُونَ ٱلرَّسُولُ شَهِيدًا عَلَيۡكُمۡ وَتَكُونُواْ شُهَدَآءَ عَلَى ٱلنَّاسِۚ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَٱعۡتَصِمُواْ بِٱللَّهِ هُوَ مَوۡلَىٰكُمۡۖ فَنِعۡمَ ٱلۡمَوۡلَىٰ وَنِعۡمَ ٱلنَّصِيرُ

Andu en-jihad kanu sa Allah sa benal a Jihad, ka sekanin i namili salkanu (sa mamayapat sa Islam) andu danin baloya salkanu su agama sa makapasang salkanu, agama nu ama nu a si Ibrahem a minedto salkanu sa mga Muslim, sa unan a dapan makatulon s Qur-an, andu samba sa kitab anan su Rasul (Muhammad) a makad-saksi salkanu, na makad-saksi kanu bun kanu mga taw, na itindegu su sambayang andu inggainu su Zakat, andu kamali nu su agama nu Allah (Islam) ka sekanin i pedtuganul salkanu, na ngin den a kapiya na pedtuldo andu mapiya gayd a tumabang.