Traduction des sens Verset 22 Sourate Yûnus - La traduction peule du Résumé dans l'Exégèse du noble Coran - Encyclopédie du Noble Coran

Verset: 22

هُوَ ٱلَّذِي يُسَيِّرُكُمۡ فِي ٱلۡبَرِّ وَٱلۡبَحۡرِۖ حَتَّىٰٓ إِذَا كُنتُمۡ فِي ٱلۡفُلۡكِ وَجَرَيۡنَ بِهِم بِرِيحٖ طَيِّبَةٖ وَفَرِحُواْ بِهَا جَآءَتۡهَا رِيحٌ عَاصِفٞ وَجَآءَهُمُ ٱلۡمَوۡجُ مِن كُلِّ مَكَانٖ وَظَنُّوٓاْ أَنَّهُمۡ أُحِيطَ بِهِمۡ دَعَوُاْ ٱللَّهَ مُخۡلِصِينَ لَهُ ٱلدِّينَ لَئِنۡ أَنجَيۡتَنَا مِنۡ هَٰذِهِۦ لَنَكُونَنَّ مِنَ ٱلشَّٰكِرِينَ

Ko Alla woni On doginoowo on, onon ɓee yimɓe, ka njorndi, e hoore koyɗe mon maa e hoore daabeeji mon. Ko kanko kadi woni doginoowo on ka maayo e nder laaɗe mon. Haa si on wonii ka laaɗe maayo, ɗe doginira ɓe henndu laaɓundu, waɗɗiiɓe ɓen weltora ndun henndu laaɓundu. E nder nden weltaare maɓɓe, hanndu nduluuru (duleendu bippooru ara e maɓɓe, molloode mollooɗe(bempejje) ara e maɓɓe iwrabanngeeji ɗi fow, ɓe fellita wonnde kamɓe ɓe halkoto woni, ontuma ɓe toroo Alla tun, ɓe kafidataa Mo e goɗɗum goo, ɓe wi'a :"Si tawii tun A daɗndii men e ɗee jaribaaji ɗoo, pellet, men laatodat e yettooɓe Ma ɓe e dow ko neeminɗaa kon e amen".

Parmi les bénéfices ( méditations ) des versets de cette page:

• الله أسرع مكرًا بمن مكر بعباده المؤمنين.

Ko Alla ɓuri yaccaade pewje diini fewjanooɓe jeyaaɓe Makko gomɗimɓe ɓen.

• بغي الإنسان عائد على نفسه ولا يضر إلا نفسه.

Bewre neɗɗo on ko e makko yantata, ɗum lorrataa si wanaa hoore makko.

• بيان حقيقة الدنيا في سرعة انقضائها وزوالها، وما فيها من النعيم فهو فانٍ.

Aayeeje ɗen hino ɓanngini haqiiqa lannugol aduna ko yaawi, e wonnde neemaaji makko ɗin ko ko lannata.

• الجنة هي مستقر المؤمن؛ لما فيها من النعيم والسلامة من المصائب والهموم.

Ko Aljanna woni ñiiɓirde gomɗinɗo, ko ton neema e kisal immorde masiibo e aande woni.