Traduction des sens Verset 58 Sourate AN-NOUR - الترجمة الفولانية للمختصر في تفسير القرآن الكريم - Encyclopédie du Noble Coran

Verset: 58

يَٰٓأَيُّهَا ٱلَّذِينَ ءَامَنُواْ لِيَسۡتَـٔۡذِنكُمُ ٱلَّذِينَ مَلَكَتۡ أَيۡمَٰنُكُمۡ وَٱلَّذِينَ لَمۡ يَبۡلُغُواْ ٱلۡحُلُمَ مِنكُمۡ ثَلَٰثَ مَرَّٰتٖۚ مِّن قَبۡلِ صَلَوٰةِ ٱلۡفَجۡرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعۡدِ صَلَوٰةِ ٱلۡعِشَآءِۚ ثَلَٰثُ عَوۡرَٰتٖ لَّكُمۡۚ لَيۡسَ عَلَيۡكُمۡ وَلَا عَلَيۡهِمۡ جُنَاحُۢ بَعۡدَهُنَّۚ طَوَّٰفُونَ عَلَيۡكُم بَعۡضُكُمۡ عَلَىٰ بَعۡضٖۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِۗ وَٱللَّهُ عَلِيمٌ حَكِيمٞ

Ko onon yo gomɗinɓe Alla, ɓe golliri Sari'a mo O waɗani ɓe on, yo ɗaɓɓu duŋayee e mooɗon maccuɓe mooɗon ɓen e horɓe mooɗon ɓen e sukaaɓe mooɗon rimɓe ɓen, ɓen ɓe yottaaki duuɓi kellefuyee e waqtuuji tati: Ko adii Julde Subaka nden, waqtu wattitugol conci waalorɗi ɗin e conci gollirɗi ɗin, e ka waqtu jolloro tuma ɓortoto ɗon conci mooɗon fii ɗoykal njolloor, e ka ɓaawo Julde geeƴe; sabu ko on fewndo ɓortotoɗon conci mooɗon gollirɗi ɗin ɓornoɗon conci ɗaanorɗi ɗin, ɗii waqtuuji ɗoo tati ko awraaji mooɗon, wata ɓe naatu ka mooɗon e majji si wonaa ɓaawo duŋayee mooɗon. Bakkaatu fawaaki on fii naatugol maɓɓe hara ɓe cakkitinaaki, bakkaatu fawaaki ɓe ko wonaa e nder ɗiiɗoo immorde e waqtuuji. kamɓe ko ɓe heewuɓe wangagol, yoga e mooɗon kadi no liigoo ka yoga, gasataa haɗugol ɓe naatugol e kala waqtu si wanaa ɓe duŋini. Ko wano Alla ɓannginirani on nii ñaawooje duŋinagol ngol O ɓannginiranta on Aayeeje tinndinɗe e ko O Sar'inani on kon immorde e ñaawooje. Alla ko Annduɗo nafaaji jeyaaɓe Makko ɓen ko O Ñeeñuɗo e nder waɗanngol ɓe ngol ñaawooje.

Parmi les bénéfices ( méditations ) des versets de cette page:

• اتباع الرسول صلى الله عليه وسلم علامة الاهتداء.

Ko jokkugol Nulaaɗo on (yo Alla juulu e makko hisna) woni maande e peewal ngal.

• على الداعية بذل الجهد في الدعوة، والنتائج بيد الله.

Ko fawii noddoowo on ko waɗugol tinnaare e nder noddaandu ndun, ɓattane ɗen ko e junngo Alla woni.

• الإيمان والعمل الصالح سبب التمكين في الأرض والأمن.

Ko gomɗinal ngal e golle moƴƴe ɗen won sabu weeɓinaneede ka leydi e hoolaare nden.

• تأديب العبيد والأطفال على الاستئذان في أوقات ظهور عورات الناس.

Ne'ugol maccuɓe ɓen e sukaaɓe ɓen fii duŋinagol e waqtuuji feeñugol awraaji yimɓe ɓen.