Traduction des sens Sourate AL-FAJR - Traduction kurde - Encyclopédie du Noble Coran

سورەتی الفجر

Verset: 1

وَٱلۡفَجۡرِ

سوێند بە بەرەبەیان

Verset: 2

وَلَيَالٍ عَشۡرٖ

وە بە دە شەوی سەرەتای مانگی(ذی الحجە)

Verset: 3

وَٱلشَّفۡعِ وَٱلۡوَتۡرِ

وە بەتاك و بەجووت

Verset: 4

وَٱلَّيۡلِ إِذَا يَسۡرِ

وە بەشەوگار کاتێك کە تێدەپەڕێت

Verset: 5

هَلۡ فِي ذَٰلِكَ قَسَمٞ لِّذِي حِجۡرٍ

ئایا ئەمانەی کە سوێندیان پێ خورا شایستەی سوێند پێ خواردن نین لای کەسانی تێگەیشتوو

Verset: 6

أَلَمۡ تَرَ كَيۡفَ فَعَلَ رَبُّكَ بِعَادٍ

ئایا نابینیت کە پەروەردگاری تۆ چی کرد بە گەلی عاد

Verset: 7

إِرَمَ ذَاتِ ٱلۡعِمَادِ

وە بەھۆزی ئیرەم ؟ خاوەنی پایە (و دەسەڵات)

Verset: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

کە وێنەیان دروست نەکرابوو لە ھەموو ووڵاتدا

Verset: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

وە(چی کرد) بە گەلی سەموود ئەوانەی کە(شاخی) بەردیان دەتاشیی لە شیوو دۆڵەکاندا

Verset: 10

وَفِرۡعَوۡنَ ذِي ٱلۡأَوۡتَادِ

وە فیرعەونی خاوەن سنگی زۆر(وەك ئەھرامەکان، کە وەك سنگ چوون بە زەویدا)

Verset: 11

ٱلَّذِينَ طَغَوۡاْ فِي ٱلۡبِلَٰدِ

ئەوانەی کە یاخی بوون لە وڵاتدا

Verset: 12

فَأَكۡثَرُواْ فِيهَا ٱلۡفَسَادَ

وە زۆریان خراپە تێداکرد

Verset: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

ئەمجا پەروەردگاری تۆ دایگرتن بە قامچی سزا

Verset: 14

إِنَّ رَبَّكَ لَبِٱلۡمِرۡصَادِ

بەڕاستی پەروەردگاری تۆ لە کەمینی ستەمكاراندایە

Verset: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

جا کاتێك کە خوا ئادەمی تاقی کردەوە وڕێزی گرت ونازو نیعمەتی بەسەردا ڕشت، ئەوە دەڵێ پەروەردگارم ڕێزی گرتووم

Verset: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

وە ئەگەر تاقیكردەوە وڕۆزی کەم پێدا، ئەوسا دەڵێ پەروەردگارم ڕیسوای کردووم

Verset: 17

كَلَّاۖ بَل لَّا تُكۡرِمُونَ ٱلۡيَتِيمَ

نا، وانیە (کە ئێوە بیری لێ دەکەنەوە) بەڵکو ئێوە ڕێزی ھەتیوان ناگرن

Verset: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

وە ھانی یەکتری نادەن لەسەر خواردەمەنی دان(وبەخێو کردنی) ھەژاران

Verset: 19

وَتَأۡكُلُونَ ٱلتُّرَاثَ أَكۡلٗا لَّمّٗا

(بەڵکو سەرەڕای ئەمەش بەشە) میراتی(بەشداران) ھەمووی(بە ھەڵپە) دەخۆن

Verset: 20

وَتُحِبُّونَ ٱلۡمَالَ حُبّٗا جَمّٗا

وە ماڵ وسامانتان خۆش دەوێت بە خۆش ویستنێکی زۆر

Verset: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

نابێ وا بکەن ! کاتێك کەزەوی بە توندی درا بەیەکدا وپارە پارە کرا

Verset: 22

وَجَآءَ رَبُّكَ وَٱلۡمَلَكُ صَفّٗا صَفّٗا

(لەڕۆژی دواییدا) پەروەردگارت دێت ( بۆ لێپرسینەوەی خەڵکی، ھاتنێك شیاوی زاتی خۆی بێت، بڕوامان پێیەتی بەبێ ھیچ لێچواندن ولێکدانەوەیەك، وە چۆنیەتیەکەی نازانین، تەنھا خوا خۆی دەزانێت) وە فریشتەکانیش پۆل پۆل دێن

Verset: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

وە لەو ڕۆژەدا دۆزەخ دەھێنرێت و(نزیك دەكرێتەوە لە دۆزەخیەكان) لەو ڕۆژەدا ئینسان(کردەوەی خۆی) بیر دەکەوێتەوە، بەڵام ئەو بیرکەوتنەوەیە چ سوودێك بەو دەگەیەنێت؟

Verset: 24

يَقُولُ يَٰلَيۡتَنِي قَدَّمۡتُ لِحَيَاتِي

(ئەمجا بە داخەوە) دەڵێ خۆزگە لە دونیادا کاری چاکەم پێش بخستایە بۆ ئەم ژیانەم

Verset: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

ئەمجا لەو ڕۆژەدا کەس سزای کەس نادات وەکو سزای خوا

Verset: 26

وَلَا يُوثِقُ وَثَاقَهُۥٓ أَحَدٞ

وە کەس کەلەپچەی کەس ناکات وەکو کەلەپچە کردنی خوا (بۆ بێ باوەڕان)

Verset: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

(لەو ڕۆژەدا بە خوا پەرست دەووترێت ) ئەی نەفسی بە ئارام

Verset: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

بگەڕێرەوە بۆ لای پەروەردگاری خۆت بە ڕەزامەندی ولێ ڕازی بوون

Verset: 29

فَٱدۡخُلِي فِي عِبَٰدِي

ئەمجا بچۆرە ناو بەندە چاکەکانی من

Verset: 30

وَٱدۡخُلِي جَنَّتِي

و بچۆرە ناو بەھەشتی منەوە