Traduction des sens Sourate AT-TÂRIQ - الترجمة المورية - رواد - Encyclopédie du Noble Coran

Aṭ-ṭaarɩƙ (Yʋng pukdã sʋʋra)

Verset: 1

وَٱلسَّمَآءِ وَٱلطَّارِقِ

M wẽn ne saagã la ne yʋng pukdã (ãdgã).

Verset: 2

وَمَآ أَدۡرَىٰكَ مَا ٱلطَّارِقُ

La bõe n wilg foom, bõe la yʋng pukdã.

Verset: 3

ٱلنَّجۡمُ ٱلثَّاقِبُ

Yaa ãd-witga.

Verset: 4

إِن كُلُّ نَفۡسٖ لَّمَّا عَلَيۡهَا حَافِظٞ

Ad yõor fãa, a tara gũusda.

Verset: 5

فَلۡيَنظُرِ ٱلۡإِنسَٰنُ مِمَّ خُلِقَ

Bɩ ninsaal ges bõe la b naan ne-a.

Verset: 6

خُلِقَ مِن مَّآءٖ دَافِقٖ

B naan-a lame ne ko-tusdga.

Verset: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

A yita rɑo poorẽ ne pɑg kokolondẽ (yãoogã kõbɑ) sʋka.

Verset: 8

إِنَّهُۥ عَلَىٰ رَجۡعِهِۦ لَقَادِرٞ

Ad Yẽnda yaa tõogd ne a lebsgo.

Verset: 9

يَوۡمَ تُبۡلَى ٱلسَّرَآئِرُ

Raar ning yεl-soondɩ sẽn na n vẽnege.

Verset: 10

فَمَا لَهُۥ مِن قُوَّةٖ وَلَا نَاصِرٖ

T'a pa tar pãnga, a pa tar sõangda.

Verset: 11

وَٱلسَّمَآءِ ذَاتِ ٱلرَّجۡعِ

La M wẽen ne saagã sẽn yaa sɑ-koom sikdã.

Verset: 12

وَٱلۡأَرۡضِ ذَاتِ ٱلصَّدۡعِ

La ne Tẽngã sẽn yaa pãrgdã.

Verset: 13

إِنَّهُۥ لَقَوۡلٞ فَصۡلٞ

Ad yãoã yaa welgr koεεga.

Verset: 14

وَمَا هُوَ بِٱلۡهَزۡلِ

A pa reem ye.

Verset: 15

إِنَّهُمۡ يَكِيدُونَ كَيۡدٗا

Ad bãmbã rabsda rabre.

Verset: 16

وَأَكِيدُ كَيۡدٗا

Tɩ Ma me rabsd rabre.

Verset: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Bɩ f yaoolg kɩfr-dãmbã, yaoolg-b bilfu, lɑ f rɑ yãg ne b nɑngã lɑ b hɑlkrã ye.