Traduction des sens Verset 94 Sourate YOUNOUS - Traduction en yorouba

Traduction des sens du Noble Coran - Traduction en yorouba * - Lexique des traductions

PDF XML CSV Excel API

Please review the Terms and Policies

Traduction des sens Verset: (94) Sourate: YOUNOUS

Lexique des sourates Numéro de la page HTML

Affichez le texte du verset

Affichez la marge

Numéro de la page: 219

Verset: 94

فَإِن كُنتَ فِي شَكّٖ مِّمَّآ أَنزَلۡنَآ إِلَيۡكَ فَسۡـَٔلِ ٱلَّذِينَ يَقۡرَءُونَ ٱلۡكِتَٰبَ مِن قَبۡلِكَۚ لَقَدۡ جَآءَكَ ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ

Tí o bá wà nínú iyèméjì nípa n̄ǹkan tí A sọ̀kalẹ̀ fún ọ (pé orúkọ rẹ àti àsọtẹ́lẹ̀ nípa rẹ wà nínú at-Taorāt àti al-’Injīl), bi àwọn tó ń ka Tírà ṣíwájú rẹ léèrè wò.¹ Dájúdájú òdodo ti dé bá ọ láti ọ̀dọ̀ Olúwa rẹ. Nítorí náà, o ò gbọdọ̀ wà lára àwọn oníyèméjì.

1. Àwọn nasọ̄rọ̄ ń sọ pé “Āyah yìí ń pa Ànábì - kí ìkẹ́ àti ọlà Allāhu máa bá a - láṣẹ láti lọ gba ẹ̀kọ́ ní ọ̀dọ̀ àwọn onítírà torí kí ó lè ní ìmọ̀ àmọ̀dájú.” Ọ̀rọ̀ kò sì rí bẹ́ẹ̀ rárá nítorí àwọn ìdí wọ̀nyí:
Ìkíní: àwọn onítírà àsìkò náà mọ̀ ní àmọ̀dájú pé, Ànábì wa - kí ìkẹ́ àti ọlà Allāhu máa bá a - ni Òjíṣẹ́ ìkẹ́yìn fún gbogbo ayé ní ìbámu sí sūrah aṣ-Ṣu‘arọ̄’; 26:197.
Ìkejì: Ẹ̀sìn ’Islām àti òfin rẹ̀ ni Allāhu fi rán gbogbo àwọn Òjíṣẹ́ Rẹ̀, ní pàtàkì jùlọ àwọn Ànábì Mūsā àti Ànábì ‘Īsā - kí ìkẹ́ àti ọlà Allāhu máa bá wọn -. Nípa èyí, ìgbàkígbà tí Ànábì - kí ìkẹ́ àti ọlà Allāhu máa bá a - bá fẹ́ rí i rò pé ǹjẹ́ ti tòun kò fẹ́ le ju ti àwọn tó ṣíwájú rẹ̀, Allāhu máa pa á láṣẹ fún un pé, kí ó tún bi àwọn onímọ̀ nípa tírà at-Taorāt àti al-’Injīl léèrè wò nípa rẹ̀. Nígbà náà, ó máa rí i ní àrídájú pé, kò sí ìyàtọ̀ láààrin iṣẹ́ tí wọ́n jẹ́ fún àwọn ìjọ wọn àti iṣẹ́ jíjẹ́ tirẹ̀. Kódà nígbà mìíràn tí àwọn onítírà bá dá ọ̀ràn, Ànábì - kí ìkẹ́ àti ọlà Allāhu máa bá a - máa ń sọ fún wọn pé, “Ẹ̀yin náà ẹ ka ìdájọ́ tí ó wà nínú tírà yín jáde torí kí ẹ lè mọ̀ pé, ìdàjọ́ tí Allāhu fún òun náà kò yàtọ̀ sí tiyín.” Irú èyí ló jẹyọ nínú sūrah al-Mọ̄’idah; 5:43-50. Nígbà tí wọn kò sì yé parọ́, tí wọn kò yé ṣàbòsí sí at-Taorāt àti al-’Injīl, Allāhu padà kìlọ̀ fún Ànábì Rẹ̀ - kí ìkẹ́ àti ọlà Allāhu máa bá a – pé, wọ́n ti di onífẹ̀ẹ́-inú. Nítorí náà, kí ó ṣọra fún wọn gẹ́gẹ́ bí ó ṣe wà nínú sūrah al-Mọ̄’idah; 5:49.

Présentation des autres traductions

Les exégèses en arabe:

Traduction des sens Verset: (94) Sourate: YOUNOUS

Lexique des sourates Numéro de la page

Traduction des sens du Noble Coran - Traduction en yorouba - Lexique des traductions

Traduction des sens du Noble Coran en langue yorouba par Cheikh Abû Rahimah Mikhaïl Aikweiny et publiée en l'an 1432 de l'Hégire.