Traduction des sens Sourate Al Qiyâmah - La traduction en yorouba - Aboû Raḥîmah Mickaël - Numéro de la page 578 - Encyclopédie du Noble Coran

Verset: 20

كَلَّا بَلۡ تُحِبُّونَ ٱلۡعَاجِلَةَ

Kò rí bẹ́ẹ̀, bí kò ṣe pé, ẹ nífẹ̀ẹ́ ayé ni.

Verset: 21

وَتَذَرُونَ ٱلۡأٓخِرَةَ

Ẹ sì ń gbé ọ̀run jù sílẹ̀.

Verset: 22

وُجُوهٞ يَوۡمَئِذٖ نَّاضِرَةٌ

Àwọn ojú kan ní ọjọ́ yẹn yóò tutù (fún ìdùnnú).

Verset: 23

إِلَىٰ رَبِّهَا نَاظِرَةٞ

Olúwa wọn ni wọn yóò máa wò.

Verset: 24

وَوُجُوهٞ يَوۡمَئِذِۭ بَاسِرَةٞ

Àwọn ojú kan ní ọjọ́ yẹn sì máa bàjẹ́.

Verset: 25

تَظُنُّ أَن يُفۡعَلَ بِهَا فَاقِرَةٞ

(Ojú náà) yóò mọ̀ dájú pé wọ́n máa fi aburú kan òhun.

Verset: 26

كَلَّآ إِذَا بَلَغَتِ ٱلتَّرَاقِيَ

Kò rí bẹ́ẹ̀, nígbà tí ẹ̀mí bá dé gògòńgò.

Verset: 27

وَقِيلَ مَنۡۜ رَاقٖ

A sì máa sọ pé: “Ǹjẹ́ olùpọfọ̀ kan wà bí (tí ó máa pọfọ̀ láti gbà á sílẹ̀ lọ́wọ́ ikú)?

Verset: 28

وَظَنَّ أَنَّهُ ٱلۡفِرَاقُ

Ó sì máa dá a lójú pé dájúdájú ìpínyà ayé ti dé.

Verset: 29

وَٱلۡتَفَّتِ ٱلسَّاقُ بِٱلسَّاقِ

Ojúgun yó sì lọ́mọ́ ojúgun.

Verset: 30

إِلَىٰ رَبِّكَ يَوۡمَئِذٍ ٱلۡمَسَاقُ

Ọ̀dọ̀ Olúwa rẹ sì ni wíwa ẹ̀dá lọ ní ọjọ́ yẹn.

Verset: 31

فَلَا صَدَّقَ وَلَا صَلَّىٰ

Kò kúkú gba òdodo gbọ́, kò sì kírun.

Verset: 32

وَلَٰكِن كَذَّبَ وَتَوَلَّىٰ

Ṣùgbọ́n ó pe òdodo ní irọ́. Ó sì kẹ̀yìn sí i.

Verset: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Lẹ́yìn náà, ó lọ sí ọ̀dọ̀ àwọn ènìyàn rẹ̀, ó sì ń ṣe fáàrí.

Verset: 34

أَوۡلَىٰ لَكَ فَأَوۡلَىٰ

(Ìparun nílé ayé) ló tọ́ sí ọ jùlọ (lórí àwọn ẹ̀ṣẹ̀ rẹ wọ̀nyẹn). (Ìyẹn) ló sì tọ́ sí ọ jùlọ.

Verset: 35

ثُمَّ أَوۡلَىٰ لَكَ فَأَوۡلَىٰٓ

Lẹ́yìn náà, (Iná) ló tọ́ sí ọ jùlọ (ní ọ̀run). (Ìyẹn) ló sì tọ́ sí ọ jùlọ.

Verset: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ṣé ènìyàn lérò pé A máa fi òun sílẹ̀ lásán ni?

Verset: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Ṣé kò ti jẹ́ àtọ̀ mọnī tí wọ́n dà jáde sínú àpòlùkẹ́ ni?

Verset: 38

ثُمَّ كَانَ عَلَقَةٗ فَخَلَقَ فَسَوَّىٰ

Lẹ́yìn náà, ó di ẹ̀jẹ̀ dídì. (Allāhu) sì ṣẹ̀dá (rẹ̀). Ó sì ṣe é tó dọ́gba jálẹ̀ léèyàn.

Verset: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

(Allāhu) sì ṣe ìran méjì jáde láti ara rẹ̀, akọ àti abo.

Verset: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ǹjẹ́ Ẹni tí Ó ṣe ìyẹn kò níí ní agbára láti jí àwọn òkú dìde bí?