શબ્દોનું ભાષાંતર સૂરહ અદ્ દુખાન - ફુલાની ભાષા - કુરઆન કરીમનો એન્સાઈક્લોપીડિયા

Simoore Cuurki

આયત: 1

حمٓ

Haa, miim.^[1]

[1] Ɗe alkule taƴaaɗe e arwan'de cimooje ɗe njoopiiima won'de alkur'aana no roŋkina ɗum yani dikkaade sirkooɓe ɓe ɓe ndoŋki aarnaade ɗum tafra ɗemngal arabi tafori tinndi ni roŋker arabi addude yeru mum wond'ude e pasintaagal maɓɓe waɗde alkur'aana ko ɗum wahyu ummade e alla.

આયત: 2

وَٱلۡكِتَٰبِ ٱلۡمُبِينِ

Mi wooɗndirii defere ɓanngunde nde !

આયત: 3

إِنَّآ أَنزَلۡنَٰهُ فِي لَيۡلَةٖ مُّبَٰرَكَةٍۚ إِنَّا كُنَّا مُنذِرِينَ

Min njippinirii nde e jemma barkinaaɗo, Min siforii won'de jeertinooɓe.

આયત: 4

فِيهَا يُفۡرَقُ كُلُّ أَمۡرٍ حَكِيمٍ

Ko e on (jehma) woni ko seerndetee kala fiyaaku ñeñaaɗo.

આયત: 5

أَمۡرٗا مِّنۡ عِندِنَآۚ إِنَّا كُنَّا مُرۡسِلِينَ

Ɗuum ko yamiroore immorde ka amen. Min siforii won'de Nulooɓe.

આયત: 6

رَحۡمَةٗ مِّن رَّبِّكَۚ إِنَّهُۥ هُوَ ٱلسَّمِيعُ ٱلۡعَلِيمُ

yurmeende immornde ka Joomi maa. Pellet, ko Kaŋko woni Nanoowo, gannduɗo oon.

આયત: 7

رَبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ

Jeyɗo kammuuji ɗiin e leydi ndiin e ko woni kon hakkunde majji, si wonii ko on yananaaɓe.

આયત: 8

لَآ إِلَٰهَ إِلَّا هُوَ يُحۡيِۦ وَيُمِيتُۖ رَبُّكُمۡ وَرَبُّ ءَابَآئِكُمُ ٱلۡأَوَّلِينَ

Deweteeɗo goo alaa, si wanaa Kaŋko. Homo wuurna, Himo wara. Jeyɗo on Jeyi baabiraaɓe mon aramɓe ɓeen.

આયત: 9

بَلۡ هُمۡ فِي شَكّٖ يَلۡعَبُونَ

Ko woni tan, ɓe wonii e sikke, heɓe pija.

આયત: 10

فَٱرۡتَقِبۡ يَوۡمَ تَأۡتِي ٱلسَّمَآءُ بِدُخَانٖ مُّبِينٖ

Habbito ñande kammu ngun ardata e curki feeñuuki,

આયત: 11

يَغۡشَى ٱلنَّاسَۖ هَٰذَا عَذَابٌ أَلِيمٞ

suddayki yimɓe ɓen. [Ɓe mbi'anee]: "Ɗuum ko lepte mu'usuuɗe" !

આયત: 12

رَّبَّنَا ٱكۡشِفۡ عَنَّا ٱلۡعَذَابَ إِنَّا مُؤۡمِنُونَ

"Joomi amen, huncan min lepte ɗeen. Minen ko men gooŋɗinɓe".

આયત: 13

أَنَّىٰ لَهُمُ ٱلذِّكۡرَىٰ وَقَدۡ جَآءَهُمۡ رَسُولٞ مُّبِينٞ

Ko honno ɓe mbaajitorta, ko goongo Nulaaɗo ɓannginɗo ariino ɓe?

આયત: 14

ثُمَّ تَوَلَّوۡاْ عَنۡهُ وَقَالُواْ مُعَلَّمٞ مَّجۡنُونٌ

Refti ɓe nduŋti, ɓe mb'i: "Ko tinndinaaɗo, kaangaaɗo".

આયત: 15

إِنَّا كَاشِفُواْ ٱلۡعَذَابِ قَلِيلًاۚ إِنَّكُمۡ عَآئِدُونَ

Awa ko Min ittooɓe lepte ɗen seeɗa; kono pellet, ko on ruttitotooɓe.

આયત: 16

يَوۡمَ نَبۡطِشُ ٱلۡبَطۡشَةَ ٱلۡكُبۡرَىٰٓ إِنَّا مُنتَقِمُونَ

Ñande Min nanngiroyta bippannde mawnde nden, pellet, ko Min yoɓtoytooɓe.

આયત: 17

۞ وَلَقَدۡ فَتَنَّا قَبۡلَهُمۡ قَوۡمَ فِرۡعَوۡنَ وَجَآءَهُمۡ رَسُولٞ كَرِيمٌ

Gooŋɗii Min njarribinoke ado maɓɓe, yimɓe Fir'awna ɓen, Nulaaɗo tedduɗo ari e maɓɓe,

આયત: 18

أَنۡ أَدُّوٓاْ إِلَيَّ عِبَادَ ٱللَّهِۖ إِنِّي لَكُمۡ رَسُولٌ أَمِينٞ

won'de: "mbaɗee e juuɗe am, jiyaaɓe Allah ɓeen. Min ko mi Nulaaɗo e mon, koolniiɗo.

આયત: 19

وَأَن لَّا تَعۡلُواْ عَلَى ٱللَّهِۖ إِنِّيٓ ءَاتِيكُم بِسُلۡطَٰنٖ مُّبِينٖ

E won'de wota on townitano Allah, tawde mi addanay on hujja ɓannguɗo.

આયત: 20

وَإِنِّي عُذۡتُ بِرَبِّي وَرَبِّكُمۡ أَن تَرۡجُمُونِ

Min kadi noon, mi moolorii Jeyɗo kam oon Jeyi on, nde piɗotonmi kaaƴe.

આયત: 21

وَإِن لَّمۡ تُؤۡمِنُواْ لِي فَٱعۡتَزِلُونِ

Si on ngooŋɗinaa kam, haray celee kam".

આયત: 22

فَدَعَا رَبَّهُۥٓ أَنَّ هَٰٓؤُلَآءِ قَوۡمٞ مُّجۡرِمُونَ

O noddi Joomi makko, won'de: "Ɓee ɗoo, ko yimɓe bonɓe".

આયત: 23

فَأَسۡرِ بِعِبَادِي لَيۡلًا إِنَّكُم مُّتَّبَعُونَ

"Yaadir e jiyaaɓe Am ɓen jehma; nganndon ko on sukketeeɓe.

આયત: 24

وَٱتۡرُكِ ٱلۡبَحۡرَ رَهۡوًاۖ إِنَّهُمۡ جُندٞ مُّغۡرَقُونَ

Ngaccaa maayo ngoon deeƴa [si on lummbii] ɓeya kan, ko konu yooleteengu".

આયત: 25

كَمۡ تَرَكُواْ مِن جَنَّٰتٖ وَعُيُونٖ

Ɗuuɗii ko ɓe ngacci e gese e ɓulli,

આયત: 26

وَزُرُوعٖ وَمَقَامٖ كَرِيمٖ

e remuruuji e koɗan'de tedduɗe,

આયત: 27

وَنَعۡمَةٖ كَانُواْ فِيهَا فَٰكِهِينَ

e dokke ɓe ngonnoo e neeminireede.

આયત: 28

كَذَٰلِكَۖ وَأَوۡرَثۡنَٰهَا قَوۡمًا ءَاخَرِينَ

Ko wano noon. Hooti Min ndonini ɗi yimɓe woɓɓe.

આયત: 29

فَمَا بَكَتۡ عَلَيۡهِمُ ٱلسَّمَآءُ وَٱلۡأَرۡضُ وَمَا كَانُواْ مُنظَرِينَ

Kammu nguun toɓaali ɓe, wonaa leydi ndin, ɓe ngonaani kadi muñanteeɓe.

આયત: 30

وَلَقَدۡ نَجَّيۡنَا بَنِيٓ إِسۡرَٰٓءِيلَ مِنَ ٱلۡعَذَابِ ٱلۡمُهِينِ

Gooŋɗii Min ndaɗndii ɓiɗɓe Israa'iila ɓeen e lepte koyneeje;

આયત: 31

مِن فِرۡعَوۡنَۚ إِنَّهُۥ كَانَ عَالِيٗا مِّنَ ٱلۡمُسۡرِفِينَ

immorde e Fir'awna, tawde o laatino townitiiɗo, jiyaaɗo e fantimɓe ɓeen.

આયત: 32

وَلَقَدِ ٱخۡتَرۡنَٰهُمۡ عَلَىٰ عِلۡمٍ عَلَى ٱلۡعَٰلَمِينَ

Gooŋɗii Min cuɓorike ɓe e dow ganndal e hoore winndere ndeen,

આયત: 33

وَءَاتَيۡنَٰهُم مِّنَ ٱلۡأٓيَٰتِ مَا فِيهِ بَلَٰٓؤٞاْ مُّبِينٌ

Min ngokki ɓe Ma'andeeji, ɗi jarrabuyee ɓannguɗo woni e mum.

આયત: 34

إِنَّ هَٰٓؤُلَآءِ لَيَقُولُونَ

Ɓee kan no mbi'a:

આયત: 35

إِنۡ هِيَ إِلَّا مَوۡتَتُنَا ٱلۡأُولَىٰ وَمَا نَحۡنُ بِمُنشَرِينَ

"Ndee wonaani, si wonaa maayde amen aranere nden tan. Min wonatah immintinoyteeɓe.

આયત: 36

فَأۡتُواْ بِـَٔابَآئِنَآ إِن كُنتُمۡ صَٰدِقِينَ

Awa artiree baabiraaɓe amen ɓeen, si wonii ko on gooŋɗuɓe".

આયત: 37

أَهُمۡ خَيۡرٌ أَمۡ قَوۡمُ تُبَّعٖ وَٱلَّذِينَ مِن قَبۡلِهِمۡ أَهۡلَكۡنَٰهُمۡۚ إِنَّهُمۡ كَانُواْ مُجۡرِمِينَ

Kere ko kamɓe ɓuri moƴƴude kaa ko yimɓe "Tubba'in" ɓeen e ɓeya adinooɓe ɓe? Min kalkuno ɓeen, tawde hari ko ɓe bonɓe.

આયત: 38

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا لَٰعِبِينَ

Min tagiraali kammuuji ɗin e leydi ndin e ko woni hakkunde majji kon, fijooɓe.

આયત: 39

مَا خَلَقۡنَٰهُمَآ إِلَّا بِٱلۡحَقِّ وَلَٰكِنَّ أَكۡثَرَهُمۡ لَا يَعۡلَمُونَ

Min tagiraali ɗin ɗiɗi, si wonaa e goonga. Kono ko ɓuri ɗuuɗude e maɓɓe, ɓe nganndaa.

આયત: 40

إِنَّ يَوۡمَ ٱلۡفَصۡلِ مِيقَٰتُهُمۡ أَجۡمَعِينَ

Pellet, ko Ñalaande Seerndindiro ngon, woni ko ɓe saatinanaa, kamɓe fof.

આયત: 41

يَوۡمَ لَا يُغۡنِي مَوۡلًى عَن مَّوۡلٗى شَيۡـٔٗا وَلَا هُمۡ يُنصَرُونَ

Ñalnde nde giɗo duncanoytaa giɗo [mum] hay hu'unde; ɓe wonaani kadi walloyteeɓe,

આયત: 42

إِلَّا مَن رَّحِمَ ٱللَّهُۚ إِنَّهُۥ هُوَ ٱلۡعَزِيزُ ٱلرَّحِيمُ

si wonaa mo Allah yurmaa woo. Pellet, ko Kaŋko woni pooluɗo, jurmotooɗo On.

આયત: 43

إِنَّ شَجَرَتَ ٱلزَّقُّومِ

Pellet, lekki Zaqquumi Kini.

આયત: 44

طَعَامُ ٱلۡأَثِيمِ

ko ñaametee bakkodinɓe ɓeen.

આયત: 45

كَٱلۡمُهۡلِ يَغۡلِي فِي ٱلۡبُطُونِ

A sikkay ko taayinaa ; hino fata ka ndeer deedi.

આયત: 46

كَغَلۡيِ ٱلۡحَمِيمِ

Wano ngulɗam fatirta.

આયત: 47

خُذُوهُ فَٱعۡتِلُوهُ إِلَىٰ سَوَآءِ ٱلۡجَحِيمِ

Nanngee mo pooɗiron ka hakkunde dulɓatnge.

આયત: 48

ثُمَّ صُبُّواْ فَوۡقَ رَأۡسِهِۦ مِنۡ عَذَابِ ٱلۡحَمِيمِ

refti njuppon ka hoore makko, lepte patinaaɗe ɗeen.

આયત: 49

ذُقۡ إِنَّكَ أَنتَ ٱلۡعَزِيزُ ٱلۡكَرِيمُ

Meeɗu noon ! Asn [sikkunooɗo] ko a poolɗo, tedduɗo.

આયત: 50

إِنَّ هَٰذَا مَا كُنتُم بِهِۦ تَمۡتَرُونَ

Awa ko ɗuum woni kon ko cikkitiɗon e mum.

આયત: 51

إِنَّ ٱلۡمُتَّقِينَ فِي مَقَامٍ أَمِينٖ

Pellet, gooŋɗuɓe ɓren ngonii e weerde koolniinde,

આયત: 52

فِي جَنَّٰتٖ وَعُيُونٖ

e ndeer gese e ɓulli,

આયત: 53

يَلۡبَسُونَ مِن سُندُسٖ وَإِسۡتَبۡرَقٖ مُّتَقَٰبِلِينَ

heɓe ɓoornoo ko ɗaati e ko tekki, hara hiɓe peewtondiri.

આયત: 54

كَذَٰلِكَ وَزَوَّجۡنَٰهُم بِحُورٍ عِينٖ

Ko wano noon. Min ndesini ɓe kadi yaacɓe gite.

આયત: 55

يَدۡعُونَ فِيهَا بِكُلِّ فَٰكِهَةٍ ءَامِنِينَ

Hiɓe nodda toon, kala muuyanteeɗi, hara ko ɓe hooliiɓe.

આયત: 56

لَا يَذُوقُونَ فِيهَا ٱلۡمَوۡتَ إِلَّا ٱلۡمَوۡتَةَ ٱلۡأُولَىٰۖ وَوَقَىٰهُمۡ عَذَابَ ٱلۡجَحِيمِ

Ɓe meeɗataa toon maayde, si wonaa maayde aranere nden. O daɗnda ɓe lepte Jahiimi ɗeen.

આયત: 57

فَضۡلٗا مِّن رَّبِّكَۚ ذَٰلِكَ هُوَ ٱلۡفَوۡزُ ٱلۡعَظِيمُ

ko dokkal noon, immorde ka Joomi maa. Awa ko ɗuum woni maloore mawnde ndeen.

આયત: 58

فَإِنَّمَا يَسَّرۡنَٰهُ بِلِسَانِكَ لَعَلَّهُمۡ يَتَذَكَّرُونَ

Ko Min newiniri nde e ɗamngal maaɗa, ko no ɓe mbaajitora.

આયત: 59

فَٱرۡتَقِبۡ إِنَّهُم مُّرۡتَقِبُونَ

Habito. Kamɓe ne ko ɓe habbitiiɓe.