Fassarar Ma'anoni Sura Al'waki'ah - Fassara da harshan Shishiyo - Khalid Ibrahim Bitala - Lambar shafi 535 - Kundin Alqurani Mai girma

Aya: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Anyamata osasintha adzakhala akuwazungulira iwo (ndi kuwatumikira).

Aya: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Uku atatenga matambula ndi maketulo (odzaza ndi zakumwa za ku Jannah), ndi zipanda zodzaza ndi zakumwa zochokera mu akasupe oyenda;

Aya: 19

لَّا يُصَدَّعُونَ عَنۡهَا وَلَا يُنزِفُونَ

(Zakumwa zake) zosapweteketsa mutu ndiponso zosaledzeretsa;

Aya: 20

وَفَٰكِهَةٖ مِّمَّا يَتَخَيَّرُونَ

Ndi zipatso (zamitundumitundu) zimene azikazisankha;

Aya: 21

وَلَحۡمِ طَيۡرٖ مِّمَّا يَشۡتَهُونَ

Ndi nyama yambalame imene mitima yawo izikafuna;

Aya: 22

وَحُورٌ عِينٞ

Ndi akazi ophanuka maso mokongola,

Aya: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

(Kukongola kwawo) ndiye ngati ngale zosungidwa bwino mzigoba zake.

Aya: 24

جَزَآءَۢ بِمَا كَانُواْ يَعۡمَلُونَ

Kukhala mphoto chifukwa cha zimene amachita (zabwino padziko lapansi).

Aya: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

M’menemo sakamva mawu achabe ngakhale (mawu a) machimo,

Aya: 26

إِلَّا قِيلٗا سَلَٰمٗا سَلَٰمٗا

Koma mawu oti: “Mtendere! Mtendere!”

Aya: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Anthu akudzanja lamanja. Taonani kukula malipiro a anthu akudzanja lamanja!

Aya: 28

فِي سِدۡرٖ مَّخۡضُودٖ

(Adzakhala m’mithunzi ya) mitengo ya masawu yopanda minga.

Aya: 29

وَطَلۡحٖ مَّنضُودٖ

Ndi mitengo ya nthochi yobereka kwambiri.

Aya: 30

وَظِلّٖ مَّمۡدُودٖ

Ndi m’mithunzi yotambasuka kwambiri, yosachoka,

Aya: 31

وَمَآءٖ مَّسۡكُوبٖ

Ndi madzi oyenda mosalekeza,

Aya: 32

وَفَٰكِهَةٖ كَثِيرَةٖ

Ndi zipatso zambiri,

Aya: 33

لَّا مَقۡطُوعَةٖ وَلَا مَمۡنُوعَةٖ

Zopezeka mnyengo zonse, ndiponso zosaletsedwa (kwa amene akuzifuna).

Aya: 34

وَفُرُشٖ مَّرۡفُوعَةٍ

Ndi zoyala zapamwamba (zawofuwofu).

Aya: 35

إِنَّآ أَنشَأۡنَٰهُنَّ إِنشَآءٗ

Ndithu tidzawalenga (akazi okhulupirira) m’kalengedwe kapamwamba.

Aya: 36

فَجَعَلۡنَٰهُنَّ أَبۡكَارًا

Tidzawapanga kukhala anamwali.

Aya: 37

عُرُبًا أَتۡرَابٗا

Okondedwa ndi amuna awo; ofanana misinkhu,

Aya: 38

لِّأَصۡحَٰبِ ٱلۡيَمِينِ

A anthu akudzanja la manja.

Aya: 39

ثُلَّةٞ مِّنَ ٱلۡأَوَّلِينَ

Gulu lalikulu lochokera ku m’badwo woyamba.

Aya: 40

وَثُلَّةٞ مِّنَ ٱلۡأٓخِرِينَ

Ndiponso gulu lalikulu lochokera ku mibadwo yotsiriza.

Aya: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Anthu akudzanja lakumanzere. Taonani chilango choopsa kwa anthu akudzanja lakumanzere!

Aya: 42

فِي سَمُومٖ وَحَمِيمٖ

Adzakhala mu mvuchi wamoto ndi m’madzi owira.

Aya: 43

وَظِلّٖ مِّن يَحۡمُومٖ

Ndi mumthunzi wa utsi wakuda.

Aya: 44

لَّا بَارِدٖ وَلَا كَرِيمٍ

Siwoziziritsa ndiponso siwosangalatsa.

Aya: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Ndithu iwo amakhala kalelo mosangalala (samalabadira kumvera Allah),

Aya: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Ndipo amapitiriza kuchita machimo aakulu (polinga kuti palibe kuuka ku imfa).

Aya: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Ndipo amanena (motsutsa); “Kodi tikadzafa nkusanduka fumbi ndi mafupa ofumbwa, tidzaukitsidwanso?”

Aya: 48

أَوَءَابَآؤُنَا ٱلۡأَوَّلُونَ

“Kodi ndi makolo athu akale (adzaukitsidwanso!)”

Aya: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Nena kwa iwo (poyankha kutsutsa kwawo). Ndithudi, amibadwo yoyamba ndi mibadwo yomaliza (omwe inu muli m’gulu lawo),

Aya: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Adzasonkhanitsidwa m’nthawi ya tsiku lomwe lakhazikitsidwa.