Fassarar Ma'anoni Sura Suratu Al'takweer - الترجمة القيرغيزية للمختصر في تفسير القرآن الكريم - Kundin Alqurani Mai girma

Таквир

daga cikin abunda Surar ta kunsa:

كمال القرآن في تذكير الأنفس باختلال الكون عند البعث.

Кайра тирилүү учурундагы ааламдын тең салмаксыздыгын эскертүүдөгү Курандын толуктугу.

---

Aya: 1

إِذَا ٱلشَّمۡسُ كُوِّرَتۡ

Күндүн бөлүкчөлөрү жуурулушуп, анын нуру өчкөндө.

Aya: 2

وَإِذَا ٱلنُّجُومُ ٱنكَدَرَتۡ

Жылдыздар күбүлүп, жарыктары кеткенде.

Aya: 3

وَإِذَا ٱلۡجِبَالُ سُيِّرَتۡ

Тоолор өз ордунан кыймылга келгенде.

Aya: 4

وَإِذَا ٱلۡعِشَارُ عُطِّلَتۡ

Ээлери атаандашкан бооз төөлөр ээси жок кароосуз калганда.

Aya: 5

وَإِذَا ٱلۡوُحُوشُ حُشِرَتۡ

Жапайы айбанаттар адамзат менен кошо бир жерге топтолуп калганда.

Aya: 6

وَإِذَا ٱلۡبِحَارُ سُجِّرَتۡ

Деңиздер от болуп жанганда.

Aya: 7

وَإِذَا ٱلنُّفُوسُ زُوِّجَتۡ

Жандар өзүнө окшогондор менен биригип, бузуку бузуку менен, такыба такыба менен бирге болгондо.

Aya: 8

وَإِذَا ٱلۡمَوۡءُۥدَةُ سُئِلَتۡ

Аллах тирүүлөй көмүлгөн наристе кыздардан сураганда.

Aya: 9

بِأَيِّ ذَنۢبٖ قُتِلَتۡ

Сени өлтүргөн адам кайсы күнөөң үчүн өлтүрдү деп.

Aya: 10

وَإِذَا ٱلصُّحُفُ نُشِرَتۡ

Пенделердин ар бири өзүнүн амал баракчасын окуш үчүн аларга амал баракчалары таркатылганда.

Aya: 11

وَإِذَا ٱلسَّمَآءُ كُشِطَتۡ

Асман койдун териси сыйрылган сыяктуу сыйрылганда.

Aya: 12

وَإِذَا ٱلۡجَحِيمُ سُعِّرَتۡ

Тозок жандырылганда.

Aya: 13

وَإِذَا ٱلۡجَنَّةُ أُزۡلِفَتۡ

Бейиш такыбаларга жакындатылганда.

Aya: 14

عَلِمَتۡ نَفۡسٞ مَّآ أَحۡضَرَتۡ

Ушулар болгон кезде ар бир жан бул күнгө кандай иш-аракеттерди даярдаганын билет.

Aya: 15

فَلَآ أُقۡسِمُ بِٱلۡخُنَّسِ

Аллах түндөсү жаркыраганга чейинки жашыруун жылдыздар менен ант берди.

Aya: 16

ٱلۡجَوَارِ ٱلۡكُنَّسِ

Алар өз орбитасында жүрүшөт, таң агарганда антилопа бадалдарга жашынган сыяктуу көрүнбөй калышат.

Aya: 17

وَٱلَّيۡلِ إِذَا عَسۡعَسَ

Жана кирип келген түндүн башталышы жана кетип бараткан түндүн акыры менен ант берди.

Aya: 18

وَٱلصُّبۡحِ إِذَا تَنَفَّسَ

Ошондой эле нурун чачкан таң менен ант берди.

Aya: 19

إِنَّهُۥ لَقَوۡلُ رَسُولٖ كَرِيمٖ

Чындыгында Мухаммадга түшкөн Куран – Аллахтын сөзү. Аны ага Аллах аманат кылган чынчыл периште Жебреил жеткирген.

Aya: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Ал Арштын Раббисинин алдында улуу даражага ээ болгон кубаттуулук ээси.

Aya: 21

مُّطَاعٖ ثَمَّ أَمِينٖ

Асмандагылар ага баш ийишет жана ал вахийди жеткирүүгө ишенимдүү.

Aya: 22

وَمَا صَاحِبُكُم بِمَجۡنُونٖ

Силер менен бирге жүргөн, силер анын акылдуулугун, аманаткөйлүгүн жана чынчылдыгын билген Мухаммад, силер жалаа жапкандай жинди эмес.

Aya: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ал досуңар Жебреилди асман мейкиндигинде өз жаратылган келбетинде ачык көрдү.

Aya: 24

وَمَا هُوَ عَلَى ٱلۡغَيۡبِ بِضَنِينٖ

Ал досуңар силерге жеткир деп буйрулган нерсени жеткирүүдө сараң эмес жана ал көзү ачыктарга окшоп акы да албайт.

Aya: 25

وَمَا هُوَ بِقَوۡلِ شَيۡطَٰنٖ رَّجِيمٖ

Жана бул Куран Аллахтын ырайымынан куулган шайтандын сөзү эмес.

Aya: 26

فَأَيۡنَ تَذۡهَبُونَ

Бул далилдерден кийин анын Аллахтан экенин четке кагуу үчүн дагы кандай жолдорго барасыңар?

Aya: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Куран жиндер менен адамзат үчүн эскертме жана насыйкат.

Aya: 28

لِمَن شَآءَ مِنكُمۡ أَن يَسۡتَقِيمَ

Араңарда акыйкат жолго түшүүнү каалагандар үчүн.

Aya: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Бүткүл макулуктардын Раббиси силерге туура жолду же башка нерсени каалаганда гана силер ошону каалайсыңар.

daga cikin fa'idodin Ayoyin wannan shafi:

• حَشْر المرء مع من يماثله في الخير أو الشرّ.

Адам жакшылыкта же жамандыкта өзүнө окшогондор менен бирге чогултулат.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Эгерде тирүүлөй көмүлгөн кыз суралып жатса, анда көмгөн адам кандай абалда болот деп ойлойсуң? Бул ошол жайдын катаалдыгына далил болот.

• مشيئة العبد تابعة لمشيئة الله.

Пенденин каалоосу Аллахтын каалоосуна баш ийет.