Маънолар таржимаси Сура Таквир сураси - الترجمة القيرغيزية للمختصر في تفسير القرآن الكريم - Қуръони Карим қомуси

Таквир

Суранинг мақсадларидан..:

كمال القرآن في تذكير الأنفس باختلال الكون عند البعث.

Кайра тирилүү учурундагы ааламдын тең салмаксыздыгын эскертүүдөгү Курандын толуктугу.

---

Оят: 1

إِذَا ٱلشَّمۡسُ كُوِّرَتۡ

Күндүн бөлүкчөлөрү жуурулушуп, анын нуру өчкөндө.

Оят: 2

وَإِذَا ٱلنُّجُومُ ٱنكَدَرَتۡ

Жылдыздар күбүлүп, жарыктары кеткенде.

Оят: 3

وَإِذَا ٱلۡجِبَالُ سُيِّرَتۡ

Тоолор өз ордунан кыймылга келгенде.

Оят: 4

وَإِذَا ٱلۡعِشَارُ عُطِّلَتۡ

Ээлери атаандашкан бооз төөлөр ээси жок кароосуз калганда.

Оят: 5

وَإِذَا ٱلۡوُحُوشُ حُشِرَتۡ

Жапайы айбанаттар адамзат менен кошо бир жерге топтолуп калганда.

Оят: 6

وَإِذَا ٱلۡبِحَارُ سُجِّرَتۡ

Деңиздер от болуп жанганда.

Оят: 7

وَإِذَا ٱلنُّفُوسُ زُوِّجَتۡ

Жандар өзүнө окшогондор менен биригип, бузуку бузуку менен, такыба такыба менен бирге болгондо.

Оят: 8

وَإِذَا ٱلۡمَوۡءُۥدَةُ سُئِلَتۡ

Аллах тирүүлөй көмүлгөн наристе кыздардан сураганда.

Оят: 9

بِأَيِّ ذَنۢبٖ قُتِلَتۡ

Сени өлтүргөн адам кайсы күнөөң үчүн өлтүрдү деп.

Оят: 10

وَإِذَا ٱلصُّحُفُ نُشِرَتۡ

Пенделердин ар бири өзүнүн амал баракчасын окуш үчүн аларга амал баракчалары таркатылганда.

Оят: 11

وَإِذَا ٱلسَّمَآءُ كُشِطَتۡ

Асман койдун териси сыйрылган сыяктуу сыйрылганда.

Оят: 12

وَإِذَا ٱلۡجَحِيمُ سُعِّرَتۡ

Тозок жандырылганда.

Оят: 13

وَإِذَا ٱلۡجَنَّةُ أُزۡلِفَتۡ

Бейиш такыбаларга жакындатылганда.

Оят: 14

عَلِمَتۡ نَفۡسٞ مَّآ أَحۡضَرَتۡ

Ушулар болгон кезде ар бир жан бул күнгө кандай иш-аракеттерди даярдаганын билет.

Оят: 15

فَلَآ أُقۡسِمُ بِٱلۡخُنَّسِ

Аллах түндөсү жаркыраганга чейинки жашыруун жылдыздар менен ант берди.

Оят: 16

ٱلۡجَوَارِ ٱلۡكُنَّسِ

Алар өз орбитасында жүрүшөт, таң агарганда антилопа бадалдарга жашынган сыяктуу көрүнбөй калышат.

Оят: 17

وَٱلَّيۡلِ إِذَا عَسۡعَسَ

Жана кирип келген түндүн башталышы жана кетип бараткан түндүн акыры менен ант берди.

Оят: 18

وَٱلصُّبۡحِ إِذَا تَنَفَّسَ

Ошондой эле нурун чачкан таң менен ант берди.

Оят: 19

إِنَّهُۥ لَقَوۡلُ رَسُولٖ كَرِيمٖ

Чындыгында Мухаммадга түшкөн Куран – Аллахтын сөзү. Аны ага Аллах аманат кылган чынчыл периште Жебреил жеткирген.

Оят: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Ал Арштын Раббисинин алдында улуу даражага ээ болгон кубаттуулук ээси.

Оят: 21

مُّطَاعٖ ثَمَّ أَمِينٖ

Асмандагылар ага баш ийишет жана ал вахийди жеткирүүгө ишенимдүү.

Оят: 22

وَمَا صَاحِبُكُم بِمَجۡنُونٖ

Силер менен бирге жүргөн, силер анын акылдуулугун, аманаткөйлүгүн жана чынчылдыгын билген Мухаммад, силер жалаа жапкандай жинди эмес.

Оят: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ал досуңар Жебреилди асман мейкиндигинде өз жаратылган келбетинде ачык көрдү.

Оят: 24

وَمَا هُوَ عَلَى ٱلۡغَيۡبِ بِضَنِينٖ

Ал досуңар силерге жеткир деп буйрулган нерсени жеткирүүдө сараң эмес жана ал көзү ачыктарга окшоп акы да албайт.

Оят: 25

وَمَا هُوَ بِقَوۡلِ شَيۡطَٰنٖ رَّجِيمٖ

Жана бул Куран Аллахтын ырайымынан куулган шайтандын сөзү эмес.

Оят: 26

فَأَيۡنَ تَذۡهَبُونَ

Бул далилдерден кийин анын Аллахтан экенин четке кагуу үчүн дагы кандай жолдорго барасыңар?

Оят: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Куран жиндер менен адамзат үчүн эскертме жана насыйкат.

Оят: 28

لِمَن شَآءَ مِنكُمۡ أَن يَسۡتَقِيمَ

Араңарда акыйкат жолго түшүүнү каалагандар үчүн.

Оят: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Бүткүл макулуктардын Раббиси силерге туура жолду же башка нерсени каалаганда гана силер ошону каалайсыңар.

Ушбу саҳифадаги оят фойдаларидан:

• حَشْر المرء مع من يماثله في الخير أو الشرّ.

Адам жакшылыкта же жамандыкта өзүнө окшогондор менен бирге чогултулат.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Эгерде тирүүлөй көмүлгөн кыз суралып жатса, анда көмгөн адам кандай абалда болот деп ойлойсуң? Бул ошол жайдын катаалдыгына далил болот.

• مشيئة العبد تابعة لمشيئة الله.

Пенденин каалоосу Аллахтын каалоосуна баш ийет.