Fassarar Ma'anoni Sura Suratu Al'ifidar - Fassara da yaren Sawahili - Abdullah Muhammad da Nasir Khamis - Kundin Alqurani Mai girma

Surat Al-Infitar

Aya: 1

إِذَا ٱلسَّمَآءُ ٱنفَطَرَتۡ

Pindi mbingu zitakapopasuka na ukaharibika mpango wake.

Aya: 2

وَإِذَا ٱلۡكَوَاكِبُ ٱنتَثَرَتۡ

Na pindi nyota zitakapoangukiana.

Aya: 3

وَإِذَا ٱلۡبِحَارُ فُجِّرَتۡ

Na pindi Mwenyezi Mungu Atakapozifanya bahari kulipuka na maji yake kutoweka.

Aya: 4

وَإِذَا ٱلۡقُبُورُ بُعۡثِرَتۡ

Na pindi makaburi yatakapogeuzwa kwa kufufuliwa waliokuwamo ndani yake.

Aya: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Wakati huo itajua kila nafsi vitendo vyake vyote ilivyovifanya, vilivyotangulia na vilivyoahirika na italipwa kwa vitendo hivyo.

Aya: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ewe binadamu unayekanusha kufufuliwa! Ni kipi kilichokufanya uhadaike na ughurike kuhusu Mola wako Mpaji Mwenye kheri nyingi, Anayestahiki kushukuriwa na kutiiwa?

Aya: 7

ٱلَّذِي خَلَقَكَ فَسَوَّىٰكَ فَعَدَلَكَ

Kwani si Yeye Aliyekuumba, Akalisawazisha umbo lako, Akakuweka katika hali ya sawa na Akakurekibisha ili uweze kutekeleza nyadhifa zako,

Aya: 8

فِيٓ أَيِّ صُورَةٖ مَّا شَآءَ رَكَّبَكَ

katika sura yoyote ile Aliyoitaka Akakuumba?

Aya: 9

كَلَّا بَلۡ تُكَذِّبُونَ بِٱلدِّينِ

Mambo hayako kama vile mnavyosema kwamba nyinyi mna haki ya kumuabudu asiyekuwa Mwenyezi Mungu. Bali nyinyi mnaikanusha Siku ya Hesabu na Malipo.

Aya: 10

وَإِنَّ عَلَيۡكُمۡ لَحَٰفِظِينَ

Na mjue kuwa wako na nyinyi Malaika wachunguzi,

Aya: 11

كِرَامٗا كَٰتِبِينَ

watukufu kwa Mwenyezi Mungu, waandishi wa yale waliyowakilishwa kuyadhibiti. Hakiwapiti, katika vitendo vyenu na siri zenu, chochote.

Aya: 12

يَعۡلَمُونَ مَا تَفۡعَلُونَ

Wanayajua mnayoyafanya, ya kheri au ya shari.

Aya: 13

إِنَّ ٱلۡأَبۡرَارَ لَفِي نَعِيمٖ

Hakika wachamungu wanaotekeleza haki za Mwenyezi Mungu na haki za waja wake watakuwa kwenye neema.

Aya: 14

وَإِنَّ ٱلۡفُجَّارَ لَفِي جَحِيمٖ

Hakika watu waovu waliopuuza haki za Mwenyezi Mungu na haki za waja wake watakuwa katika Moto mkali.

Aya: 15

يَصۡلَوۡنَهَا يَوۡمَ ٱلدِّينِ

Ukali wake, Moto huo, utawapata Siku ya Malipo.Na wala wao hawatakuwa ni wenye kughibu,

Aya: 16

وَمَا هُمۡ عَنۡهَا بِغَآئِبِينَ

wakawa hawamo ndani ya Moto wa Jahanamu, si kwa kutoka wala kwa kufa.

Aya: 17

وَمَآ أَدۡرَىٰكَ مَا يَوۡمُ ٱلدِّينِ

Ni kipi kinachokujuza ni upi utukufu wa Siku ya Hesabu?

Aya: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Kisha ni kipi kinachokujuza ni upi utukufu wa Siku ya Hesabu?

Aya: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Siku ya Hesabu, hataweza yoyote kumnufaisha yoyote. Na amri zote Siku Hiyo ni za Mwenyezi Mungu Peke yake Ambaye hakuna mwenye kumshinda, wala hakuna mwenye kumtendesha nguvu, wala hakuna mwenye kushindana na Yeye.