अर्थों का अनुवाद सूरा हूद - पवित्र क़ुरआन की संक्षिप्त व्याख्या का फुलानी अनुवाद - पृष्ठ संख्या 231 - पवित्र क़ुरआ विश्वकोश

आयत: 82

فَلَمَّا جَآءَ أَمۡرُنَا جَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهَا حِجَارَةٗ مِّن سِجِّيلٖ مَّنضُودٖ

Nde yamiroore Amen halkugol yimɓe Luutu ɓen arunoo, Men waɗtiri dow saare maɓɓe nden ley mayre e hoore maɓɓe. Men saaƴini e maɓɓe kaaƴe iwruɗe e loope joorɗe fawondire.

आयत: 83

مُّسَوَّمَةً عِندَ رَبِّكَۖ وَمَا هِيَ مِنَ ٱلظَّٰلِمِينَ بِبَعِيدٖ

Ɗe kaaƴe no maandiniraa ka Joomi maaɗa maande heeriinde. Ɗen kaaƴe wonaali woɗɗuɗe e tooñooɓe qurayshi ɓen e woɗɓe goo. Ɗen no hebilii tuma kala Alla hoddiri jippingol ɗe e maɓɓe, ɗe jippoo.

आयत: 84

۞ وَإِلَىٰ مَدۡيَنَ أَخَاهُمۡ شُعَيۡبٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ وَلَا تَنقُصُواْ ٱلۡمِكۡيَالَ وَٱلۡمِيزَانَۖ إِنِّيٓ أَرَىٰكُم بِخَيۡرٖ وَإِنِّيٓ أَخَافُ عَلَيۡكُمۡ عَذَابَ يَوۡمٖ مُّحِيطٖ

Men Nulii kadi e Madyana'en musiɗɗo makko on Shu'aybu, o m maaki: Ko onon yo yimɓe am, rewee Alla tun. Reweteeɗo haanduɗo e dewal alanaa on ko woori Mo. Wata on ɗuytu ɓetu ngun e manndake ɗen tuma etanton yimɓe ɓen. Min on miɗo yi'i on e yaajraaɓe arsike e neema. Wata on waɗtitir neema Alla on e mooɗon geddi. Min non miɗo hulani on lepte ñalaande fiiltotoonde kala gooto e mo'on, on heɓataa ka dogiri wanaa ka faaboɗon.

आयत: 85

وَيَٰقَوۡمِ أَوۡفُواْ ٱلۡمِكۡيَالَ وَٱلۡمِيزَانَ بِٱلۡقِسۡطِۖ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Ko onon yo yimɓe am, hunniree ɓetu ngun e manndake ɗen nunɗal tuma etanton woɗɓe goo. Wata on ɗuytiran yimɓe ɓen huunde e haqqeeji maɓɓe ɗin hodo e janfa, wata on bonnir ka leydi warugol e geddi ko wonaa ɗum.

आयत: 86

بَقِيَّتُ ٱللَّهِ خَيۡرٞ لَّكُمۡ إِن كُنتُم مُّؤۡمِنِينَۚ وَمَآ أَنَا۠ عَلَيۡكُم بِحَفِيظٖ

Ko keddiide Alla ɗe O accani on ɗen e kon ko daganii on ɓaawo jonnitirgol yimɓe ɓen haqqeeji maɓɓe ɗin, ɓuri wondannde on e nafa diini ɓeydaari heɓorayndi ndin ɗuytugol ɓetu maa bonnugol ka leydi. Si on laatike gomɗimɓe ka goonga. Si on laatike gomɗimɓe, yarlitoree ɗen kedde Alla ɗon. Min on mi wonaali reenoowo on e golle mon, sakko mi hasba on e majje. Reenoowo on e ɗum, ko O annduɗo ko suuɗii e ko .

आयत: 87

قَالُواْ يَٰشُعَيۡبُ أَصَلَوٰتُكَ تَأۡمُرُكَ أَن نَّتۡرُكَ مَا يَعۡبُدُ ءَابَآؤُنَآ أَوۡ أَن نَّفۡعَلَ فِيٓ أَمۡوَٰلِنَا مَا نَشَٰٓؤُاْۖ إِنَّكَ لَأَنتَ ٱلۡحَلِيمُ ٱلرَّشِيدُ

Yimɓe Shu'aybu ɓen wi'ani mo: Ko an yo Shuaybu! E ko julde maa nde juulataa nden fii Alla yamir-maa nde men accata rewugol ko baabiraaɓe amen ɓen rewaynoo kon e sanamu, maa nde men accata waɗugol e jawle amen ɗen ko men yiɗi, men ɓeydira ɗen no men yiɗiri? Pellet an ko a muññiiɗo feewuɗo. An oo haqqilɗo ñeeño no men anndirno-maa ado nduu noddaandu maa, ko heɓu-maa?

आयत: 88

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٖ مِّن رَّبِّي وَرَزَقَنِي مِنۡهُ رِزۡقًا حَسَنٗاۚ وَمَآ أُرِيدُ أَنۡ أُخَالِفَكُمۡ إِلَىٰ مَآ أَنۡهَىٰكُمۡ عَنۡهُۚ إِنۡ أُرِيدُ إِلَّا ٱلۡإِصۡلَٰحَ مَا ٱسۡتَطَعۡتُۚ وَمَا تَوۡفِيقِيٓ إِلَّا بِٱللَّهِۚ عَلَيۡهِ تَوَكَّلۡتُ وَإِلَيۡهِ أُنِيبُ

Shu'aybu maakani yimɓe makko ɓen: Ko onon yo yimɓe am, yeetee lam: si tawii ko e ɓanngannduyee immorde ka Joomi am won-mi, O arsikii lam immorde ka Makko arsike dagiiɗo, wano Annabaaku ngun?... Mi faandaaki haɗugol on huunde, mi lunndoo on e waɗugol nde. Mi faandaaki e noddaandu am ndun si wanaa moƴƴingol bajjinnde Joomi mon ɗoftoo Mo yeru ko waaw-mi. Hawrinneede am e ɗum ko ka Alla Seniiɗo On. Ko e Makko tun mi fawi denndaangal fiyakuuji am, ko ka Makko kadi woni ruttorde am.

इस पृष्ठ की आयतों से प्राप्त कुछ बिंदु:

• من سنن الله إهلاك الظالمين بأشد العقوبات وأفظعها.

Hino jeyaa e sunnaji Alla ɗin, halkirgol tooñooɓe ɓen ko ɓuri tiiɗude hulɓinii e lepte.

• حرمة نقص الكيل والوزن وبخس الناس حقوقهم.

Hino harmi ɗuytugol ɓetu ngun e manndake ɗen raɓɓindinoo e haqqeeji yimɓe ɓen.

• وجوب الرضا بالحلال وإن قل.

Hino waɗɗii weleede dagiiɗi ɗin ko ɗi fanɗi woo.

• فضل الأمر بالمعروف والنهي عن المنكر، ووجوب العمل بما يأمر الله به، والانتهاء عما ينهى عنه.

Aayeeje ɗen hino joopii ɓural yamirugol ko moƴƴi haɗa ko boni. E wonnde hino waɗɗii gollirde ko Alla yamiri kon, haɗitoo e ko O haɗi kon.