क़ुरआन के अर्थों का अनुवाद - कुर्दी अनुवाद - सलाहुद्दीन * - अनुवादों की सूची
سورەتی الشمس
وَٱلشَّمۡسِ وَضُحَىٰهَا
سووره‌تی (شه‌مس) (واته: خۆر) سووره‌تێكى مه‌ككى یه‌و (١٥) ئایه‌ته بِسْمِ اللَّهِ الرَّحْمَنِ الرَّحِيمِ [ وَالشَّمْسِ وَضُحَاهَا (١) ] خوای گه‌وره سوێند ئه‌خوات به خۆرو ڕووناكییه‌كه‌ى، یاخود به (ضُحَى) واته: كاتی چێشته‌نگاو كاتێك كه خۆر به‌ئه‌ندازه‌ى ڕمێك به‌رز ئه‌بێته‌وه‌و ڕووناكییه‌كه‌ی ده‌رئه‌كه‌وێ.
अरबी तफ़सीरें:
وَٱلۡقَمَرِ إِذَا تَلَىٰهَا
[ وَالْقَمَرِ إِذَا تَلَاهَا (٢) ] وه سوێند بێ به مانگ كاتێك كه به‌دوای خۆردا دێت كاتێك كه خۆر ئاوابێ مانگی یه‌ك شه‌وه ئه‌بیندرێت و به‌دوایدا دێت و ده‌رئه‌كه‌وێت، یاخود له (لَيالي البِيض) واته: شه‌وانی سیانزه‌و چوارده‌و پانزه كه خۆر ئاوابێ له ڕۆژهه‌ڵاته‌وه مانگ به‌ته‌واوی ده‌رئه‌كه‌وێ.
अरबी तफ़सीरें:
فَأَلۡهَمَهَا فُجُورَهَا وَتَقۡوَىٰهَا
[ فَأَلْهَمَهَا فُجُورَهَا وَتَقْوَاهَا (٨) ] وه خوای گه‌وره ڕێنمایی مرۆڤی كردووه بۆ هه‌ردوو ڕێگاكه: ڕێگای خراپ و ڕێگای چاك، كامه خراپه‌كارییه‌و كامه ته‌قوای خوای گه‌وره‌یه ڕێگای خێرو شه‌ڕی به مرۆڤ ناساندووه‌و بۆی ڕوون كردۆته‌وه، وه فه‌رمانی پێ كردووه كه ڕێگای چاك بگرێته‌به‌رو خۆی له ڕێگای خراپ دوور بگرێ.
अरबी तफ़सीरें:
قَدۡ أَفۡلَحَ مَن زَكَّىٰهَا
{پاك كردنه‌وه‌ى دڵ و ده‌رون} [ قَدْ أَفْلَحَ مَنْ زَكَّاهَا (٩) ] به‌دڵنیایی هه‌ر كه‌سێك ته‌زكیه‌ی نه‌فسی خۆی بكات و ده‌روونی خۆی پاك بكاته‌وه له هه‌موو تاوان و سه‌رپێچی و خراپه‌كاریه‌ك ئه‌و كه‌سانه به‌دڵنیایی سه‌ربه‌رزو سه‌رفراز بوونه، پێغه‌مبه‌ری خوا - صلی الله علیه وسلم - خۆی دوعای ئه‌كردو ده‌یفه‌رموو: (اللَّهُمَّ آتِ نَفْسِي تَقْوَاهَا وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا) واته: خوایه ته‌قوا به نه‌فسم ببه‌خشه‌و نه‌فسم پاك بكه‌وه هه‌ر تۆی كه به باشترین شێواز پاكی ئه‌كه‌یته‌وه، وه هه‌ر تۆی كه سه‌رپه‌رشتی ئه‌كه‌یت.
अरबी तफ़सीरें:
وَقَدۡ خَابَ مَن دَسَّىٰهَا
[ وَقَدْ خَابَ مَنْ دَسَّاهَا (١٠) ] وه ئه‌وانه‌یشی كه نه‌فسی خۆیان وێڵ و گومڕاو سه‌رگه‌ردان ئه‌كه‌ن به دڵنیایى ئه‌وانه زه‌ره‌رمه‌ند بوونه‌و زه‌ره‌رمه‌ندی ڕاسته‌قینه ئه‌وانه‌ن كه نه‌فسیان هان ناده‌ن بۆ گوێڕایه‌ڵى خوای گه‌وره‌و كرده‌وه‌ی چاك، به‌ڵكو جڵه‌وی نه‌فسیان به‌ر ئه‌ده‌نه‌وه بۆ ئه‌وه‌ی كه هه‌موو خراپه‌كاری و تاوان و سه‌رپێچییه‌ك بكات ئه‌وانه زه‌ره‌رمه‌ندن.
अरबी तफ़सीरें:
فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا
[ فَقَالَ لَهُمْ رَسُولُ اللَّهِ ] پێغه‌مبه‌ری خوا كه مه‌به‌ست پێی صاڵح پێغه‌مبه‌ره - صلی الله علیه وسلم - پێی فه‌رموون [ نَاقَةَ اللَّهِ ] واز له‌و حوشتره بێنن كه خوای گه‌وره وه‌كو موعجیزه بۆی ناردوون، وه ئاگاداری بن و لێی نزیك نه‌كه‌ونه‌وه [ وَسُقْيَاهَا (١٣) ] وه نزیك مه‌كه‌ونه‌وه‌و ده‌ستدرێژى مه‌كه‌نه سه‌رى له‌و ڕۆژه‌ی كه تیایدا ئاو ده‌خواته‌وه، له‌به‌ر ئه‌وه‌ی ئاوه‌كه ڕۆژێك بۆ حوشتره‌كه بوو ڕۆژێك بۆ ئه‌وان بوو.
अरबी तफ़सीरें:
فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا
[ فَكَذَّبُوهُ فَعَقَرُوهَا ] ئه‌وان پێغه‌مبه‌ری خوایان به‌درۆ زانی و حوشتره‌كه‌یان سه‌ربڕی [ فَدَمْدَمَ عَلَيْهِمْ رَبُّهُمْ بِذَنْبِهِمْ ] خوای گه‌وره غه‌زه‌بی لێ گرتن و سزای بۆ ناردن و له‌ناوی بردن به‌هۆی تاوانی خۆیانه‌وه [ فَسَوَّاهَا (١٤) ] به‌شێوه‌یه‌ك سزای دان كه هه‌موویانی گرته‌وه‌و زه‌ویه‌كه‌ی ته‌خت كرد لێیان، واته: سزایه‌كی وای دان كه خستیانییه ژێر خۆڵه‌وه.
अरबी तफ़सीरें:
अर्थों का अनुवाद सूरा: सूरा अश्-शम्स
क़ुरआन के अर्थों का अनुवाद - कुर्दी अनुवाद - सलाहुद्दीन - अनुवादों की सूची
पवित्र क़ुरआन के अर्थों का कुर्दी अनुवाद, अनुवादक : सलाहुद्दीन अब्दुल करीम