अर्थों का अनुवाद सूरा सूरा अल्-वाक़िआ़ - الترجمة الأوزبكية للمختصر في تفسير القرآن الكريم - पवित्र क़ुरआ विश्वकोश

Воқеъа сураси

सूरा के उद्देश्य:

بيان أحوال العباد يوم المعاد.

Бандаларнинг қиёмат кунидаги аҳволини баён қилиш.

---

आयत: 1

إِذَا وَقَعَتِ ٱلۡوَاقِعَةُ

Қиёмат қоим бўлганда. Унинг қоим бўлишида шак-шубҳа йўқ.

आयत: 2

لَيۡسَ لِوَقۡعَتِهَا كَاذِبَةٌ

Бу дунёда унинг рўй беришини ёлғон деяверишади. Аммо у кунда ёлғон дейдиган бирон одам қолмайди.

आयत: 3

خَافِضَةٞ رَّافِعَةٌ

Кофир, фожирларни дўзахга киритиб пастлатади. Тақводор мўминларни жаннатга киритиб баланд кўтаради.

आयत: 4

إِذَا رُجَّتِ ٱلۡأَرۡضُ رَجّٗا

Замин жуда қаттиқ силкинганда.

आयत: 5

وَبُسَّتِ ٱلۡجِبَالُ بَسّٗا

Тоғлар титилиб кетганда.

आयत: 6

فَكَانَتۡ هَبَآءٗ مُّنۢبَثّٗا

Титилиб-титилиб, чанг-тўзонга айланиб кетганда.

आयत: 7

وَكُنتُمۡ أَزۡوَٰجٗا ثَلَٰثَةٗ

Сиз уч тоифага бўлинган кунда.

आयत: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Ўнг тараф эгалари номаи аъмолларини ўнг қўллари билан оладилар. Уларнинг мартаба-мақомлари нақадар юксак!

आयत: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Чап тараф эгалари номаи аъмолларини чап қўллари билан оладилар. Уларнинг жойлари нақадар ёмон ва паст!

आयत: 10

وَٱلسَّٰبِقُونَ ٱلسَّٰبِقُونَ

Шу дунёда эзгу ишлари билан пешқадам бўлган зотлар охиратда ҳам жаннатга киришларида пешқадам бўладилар.

आयत: 11

أُوْلَٰٓئِكَ ٱلۡمُقَرَّبُونَ

Ана ўшалар Аллоҳга яқин бўлган бандалардир.

आयत: 12

فِي جَنَّٰتِ ٱلنَّعِيمِ

Ноз-неъмат жаннатларида турли хил неъматлардан баҳраманд бўладилар.

आयत: 13

ثُلَّةٞ مِّنَ ٱلۡأَوَّلِينَ

Мана шу умматдан ҳам, олдинги умматлардан ҳам бир жамоа.

आयत: 14

وَقَلِيلٞ مِّنَ ٱلۡأٓخِرِينَ

Охир замондаги одамлар орасида муқарраб собиқинлар жуда ҳам оздир.

आयत: 15

عَلَىٰ سُرُرٖ مَّوۡضُونَةٖ

Олтиндан тўқилган сўриларда ўтирадилар.

आयत: 16

مُّتَّكِـِٔينَ عَلَيۡهَا مُتَقَٰبِلِينَ

Мана шу сўриларда бир-бирларига қараб ястаниб ўтирадилар. Биронтасига бошқасининг орти бўлиб қолмайди.

इस पृष्ठ की आयतों से प्राप्त कुछ बिंदु:

• دوام تذكر نعم الله وآياته سبحانه موجب لتعظيم الله وحسن طاعته.

Аллоҳнинг неъматларини ва оятларини ҳар доим мунтазам эслаб туриш У Зотни улуғлаш ва У Зотга мукаммал тарзда тоат-ибодат қилишга олиб боради.

• انقطاع تكذيب الكفار بمعاينة مشاهد القيامة.

Кофирлар Қиёмат даҳшатларини кўрганларидан кейин уни ёлғон дейишдан тўхтайдилар.

• تفاوت درجات أهل الجنة بتفاوت أعمالهم.

Жаннат аҳли ҳам амалларига қараб даражаларга бўлинадилар.

आयत: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Атрофларида ёш болалар ҳар доим хизматга шай бўлиб турадилар. Улар ҳеч қачон қаримайдилар, ўлмайдилар.

आयत: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Жаннатдаги ҳеч қачон тугаб қолмайдиган оқар булоқдан олинган майли косалар, кўзалар ва косаларни айлантириб турадилар.

आयत: 19

لَّا يُصَدَّعُونَ عَنۡهَا وَلَا يُنزِفُونَ

Улар шу дунёнинг майига ўхшамайди. Уни ичган кишининг боши оғримайди. Ақли ҳам кетмайди, жойида тураверади.

आयत: 20

وَفَٰكِهَةٖ مِّمَّا يَتَخَيَّرُونَ

Болалар жаннатийлар учун истаган меваларини ҳам тинимсиз айлантириб турадилар.

आयत: 21

وَلَحۡمِ طَيۡرٖ مِّمَّا يَشۡتَهُونَ

Иштаҳалари тусаган қуш гўштини ҳам айлантириб турадилар.

आयत: 22

وَحُورٌ عِينٞ

Улар учун жаннатда оҳу кўзли ҳурлар ҳам бор.

आयत: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Худди садаф ичидаги яширин дурдек.

आयत: 24

جَزَآءَۢ بِمَا كَانُواْ يَعۡمَلُونَ

Бу нарсаларга дунёда қилиб ўтган солиҳ амалларининг мукофоти сифатида ноил бўладилар.

आयत: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Жаннатда ёмон сўзни ҳам, гуноҳ бўладиган гапни ҳам эшитмаслар.

आयत: 26

إِلَّا قِيلٗا سَلَٰمٗا سَلَٰمٗا

Фаришталарнинг уларга салом беришларини ва бир-бирларига салом беришларинигина эшитарлар.

आयत: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Ўнг тараф эгалари номаи аъмолларини ўнг қўллари билан оладилар. Уларнинг Аллоҳ наздидаги мартаба-мақомлари нақадар юксак!

आयत: 28

فِي سِدۡرٖ مَّخۡضُودٖ

Ҳеч бир озори йўқ тикансиз бутазорларда.

आयत: 29

وَطَلۡحٖ مَّنضُودٖ

Қатор тизилган бананзорларда.

आयत: 30

وَظِلّٖ مَّمۡدُودٖ

Ёйилган, ҳар доим тураверадиган сояда.

आयत: 31

وَمَآءٖ مَّسۡكُوبٖ

Ҳеч қачон тўхтаб қолмайдиган оқар сувларда.

आयत: 32

وَفَٰكِهَةٖ كَثِيرَةٖ

Ҳеч қачон камайиб қолмайдиган мўл-кўл меваларда.

आयत: 33

لَّا مَقۡطُوعَةٖ وَلَا مَمۡنُوعَةٖ

Улар ҳеч қачон тугаб қолмайдилар. Уларнинг бирон мавсими йўқки, ўшанда бор бўлиб, қолган пайтда йўқ бўлсалар. Истаган пайтларида у мевалардан тановул қиладилар. Уларни олишдан ҳеч ким қайтармайди.

आयत: 34

وَفُرُشٖ مَّرۡفُوعَةٍ

Сўрилар устига баланд қилиб тўшалган кўрпачаларда.

आयत: 35

إِنَّآ أَنشَأۡنَٰهُنَّ إِنشَآءٗ

Дарҳақиқат, Биз мазкур ҳурларни одатдагидек туғилиш, ўсиб-улғайиш орқали эмас, дафъатан, жаннат аҳлига хос қилиб яратдик.

आयत: 36

فَجَعَلۡنَٰهُنَّ أَبۡكَارًا

Уларни олдин ҳеч ким тарафидан тегилмаган бокиралар қилдик.

आयत: 37

عُرُبًا أَتۡرَابٗا

Ёшда ҳам, ҳусну латофатда ҳам бир-бири билан баробар, ўз жуфтлари учун севимли ҳурлар.

आयत: 38

لِّأَصۡحَٰبِ ٱلۡيَمِينِ

Бу ҳурларни номаи аъмолини ўнг қўли билан олиб, бахт-саодатга ноил бўлган ўнг тараф эгалари учун яратганмиз.

आयत: 39

ثُلَّةٞ مِّنَ ٱلۡأَوَّلِينَ

Улар олдинги пайғамбарларнинг умматларидан ҳам бир жамоа.

आयत: 40

وَثُلَّةٞ مِّنَ ٱلۡأٓخِرِينَ

Охирги уммат бўлмиш Муҳаммад алайҳиссаломнинг умматидан ҳам бир жамоа.

आयत: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Чап тараф эгалари номаи аъмолларини чап қўллари билан оладилар. Уларнинг жойлари нақадар ёмон ва паст!

आयत: 42

فِي سَمُومٖ وَحَمِيمٖ

Жуда иссиқ эсадиган самум ва ўта қайноқ сув ичрадирлар.

आयत: 43

وَظِلّٖ مِّن يَحۡمُومٖ

Қоп-қора тутундан иборат соя остидалар.

आयत: 44

لَّا بَارِدٖ وَلَا كَرِيمٍ

Эсиши ёқимли ҳам эмас, кўриниши чиройли ҳам эмас.

आयत: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Улар шу азобга йўлиқишларидан олдин дунёда маишатпараст эдилар. Шаҳватларидан, орзу-ҳавасларидан бошқа ғамлари йўқ эди.

आयत: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Аллоҳга куфр келтириш, бутларга ибодат қилиш каби гуноҳларни саркашлик билан давом қилаверардилар.

आयत: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Улар қайта тирилишни инкор этиб, масхара, мазахлар қилиб: "Ўлиб, тупроқ ва чириган суякка айланиб кетганимиздан кейин яна қайта тириламизми?", дер эдилар.

आयत: 48

أَوَءَابَآؤُنَا ٱلۡأَوَّلُونَ

Биздан олдин ўлиб кетган ота-боболаримиз ҳам қайта тириладиларми?

आयत: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Эй Пайғамбар, анави қайта тирилишни инкор этаётганларга айтинг: "Олдинги одамлар ҳам, кейинги одамлар ҳам

आयत: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Шак-шубҳасиз, Қиёмат куни ҳисоб-китоб ва жазо ёки мукофот учун тўпланажаклар.

इस पृष्ठ की आयतों से प्राप्त कुछ बिंदु:

• العمل الصالح سبب لنيل النعيم في الآخرة.

Охиратдаги неъматларга солиҳ амал билан эришилади.

• الترف والتنعم من أسباب الوقوع في المعاصي.

Маишатпарастлик, дунё неъматларига муккадан кетиш одамни гуноҳлар лойига ботириб қўяди.

• خطر الإصرار على الذنب.

Гуноҳни тез тўхтатмасдан саркашлик билан давом эттиравериш ўта хатарли.

आयत: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Кейин сизлар, эй қайта тирилишни ёлғон дейдиган, тўғри йўлдан озган гумроҳлар, Қиёмат куни албатта заққум дарахтидан егувчисизлар. У жуда аччиқ ва сассиқ бўлади.

आयत: 52

لَأٓكِلُونَ مِن شَجَرٖ مِّن زَقُّومٖ

Кейин сизлар, эй қайта тирилишни ёлғон дейдиган, тўғри йўлдан озган гумроҳлар, Қиёмат куни албатта заққум дарахтидан егувчисизлар. У жуда аччиқ ва сассиқ бўлади.

आयत: 53

فَمَالِـُٔونَ مِنۡهَا ٱلۡبُطُونَ

Мана шу аччиқ дарахтдан оч қоринларингизни тўлдирасизлар.

आयत: 54

فَشَٰرِبُونَ عَلَيۡهِ مِنَ ٱلۡحَمِيمِ

Унинг устидан ўта қайноқ сув ичгувчисизлар.

आयत: 55

فَشَٰرِبُونَ شُرۡبَ ٱلۡهِيمِ

Касалга учраган ташна туя тўймасдан ичавергани каби сизлар ҳам ичаверасизлар, ичаверасизлар.

आयत: 56

هَٰذَا نُزُلُهُمۡ يَوۡمَ ٱلدِّينِ

Мана шу аччиқ таом ва қайноқ сув уларнинг Қиёмат кунидаги зиёфатларидир.

आयत: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Эй ҳақни ноҳаққа чиқарадиганлар, сизларни Биз йўқдан бор қилганмиз. Шундай бўлгач, ўлганингиздан кейин сизларни қайта тирилтиришимизга ҳам ишонаверсангиз бўлмайдими?

आयत: 58

أَفَرَءَيۡتُم مَّا تُمۡنُونَ

Эй инсонлар, сизлар аёлларингизнинг бачадонларига тўкадиган маний ҳақида ўйлаб кўрдингларми?

आयत: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Шу манийни сизлар яратасизларми ёки уни яратган Бизми?

आयत: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Орангизда содир бўлиб турадиган ўлимни Биз тақдир қилиб қўйганмиз. Ҳар бирингизнинг ўз ажали бор. Уни олдга ҳам, ортга ҳам сура олмайди. Биз ожизлар эмасмиз.

आयत: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Ҳозирги хилқатингизни ўзингиз биладиган бошқа бир шаклга алмаштириб қўйишга ҳам, сизлар билмайдиган бошқа бир шаклга келтиришга ҳам қодирмиз.

आयत: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Сизларни дастлаб қандай яратганимизни билдинглар-ку. Шундан ибрат олиб, биринчи марта яратган Зот ўлганингиздан кейин қайта тирилтиришга ҳам қодир эканини билиб олмайсизларми?

आयत: 63

أَفَرَءَيۡتُم مَّا تَحۡرُثُونَ

Ерга сиз қадаётган дон, уруғ ҳақида ўйлаб кўрдингизми?

आयत: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Ўша донни ундириб-ўстираётган сизларми ёки Бизми?

आयत: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Агар истасак, ўша экинни пишиб етилаёзган бир пайтда қуруқ чўпга айлантириб қўйган бўлар эдик. Сизлар эса бу ҳолатдан ҳайрон бўлиб қолар эдинглар.

आयत: 66

إِنَّا لَمُغۡرَمُونَ

"Сарф-харажатларимизга куйиб қолдик, зарар кўрдик", деб қолар эдинглар.

आयत: 67

بَلۡ نَحۡنُ مَحۡرُومُونَ

"Яна ҳам тўғрироғи биз ризқдан маҳрум бўлганлармиз", деб қолар эдинглар.

आयत: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Чанқаган пайтингизда ўзингиз ичадиган сув ҳақида ўйлаб кўрдингларми?

आयत: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Уни самодаги булутлардан ёғдирган сизларми ёки Бизми?

आयत: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Агар истасак, уни ичиб ҳам бўлмайдиган, ерни суғориб ҳам бўлмайдиган ўта шўр сувга айлантириб қўйган бўлар эдик. Уни ширин, фойдали сув қилиб берган Аллоҳга шукр қилмайсизларми?

आयत: 71

أَفَرَءَيۡتُمُ ٱلنَّارَ ٱلَّتِي تُورُونَ

Бирон манфаатни кўзлаб ўзингиз ёқадиган олов ҳақида ўйлаб кўрдингларми?

आयत: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Унинг дарахтини пайдо қилган сизларми ёки Бизми?

आयत: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Биз бу ўтни охират оловини эслатиб турадиган бир эслатма ҳамда орангиздаги мусофирлар учун бир манфаат қилиб қўйдик.

आयत: 74

فَسَبِّحۡ بِٱسۡمِ رَبِّكَ ٱلۡعَظِيمِ

Бас, эй Пайғамбар, улуғ Парвардигорингизни Ўзига нолойиқ бўлган нуқсонлардан покланг!

आयत: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Аллоҳ юлдузларнинг турган ўринларига, ботар жойларига қасам ичди.

आयत: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Бундай жойларга қасам ичиш, агар билсангизлар, жуда улуғ қасам. Зеро, уларда сон-саноқсиз белгилар, ибратлар бор.

इस पृष्ठ की आयतों से प्राप्त कुछ बिंदु:

• دلالة الخلق الأول على سهولة البعث ظاهرة.

Илк бора яратиш қайта тирилтиришнинг енгил иш эканига яққол далилдир.

• إنزال الماء وإنبات الأرض والنار التي ينتفع بها الناس نعم تقتضي من الناس شكرها لله، فالله قادر على سلبها متى شاء.

Ёмғирнинг ёғиши, ўсимликларнинг униб-ўсиши, одамларнинг бирон манфаатни кўзлаб ўт ёқишлари Аллоҳ ато этган неъматлардир. Уларнинг шукрини адо қилмоқ лозим. Зеро, Аллоҳ уларни истаган пайтида қайтариб олиши мумкин.

• الاعتقاد بأن للكواكب أثرًا في نزول المطر كُفْرٌ، وهو من عادات الجاهلية.

Ёмғирнинг ёғишига юлдузларнинг таъсири бор, деб билиш куфрдир. Бу жоҳилиятдаги одатлардан бири эди.

आयत: 77

إِنَّهُۥ لَقُرۡءَانٞ كَرِيمٞ

Эй одамлар, сизларга ўқиб берилаётган Қуръон улуғ Қуръондир. Унинг фойдалари сон-саноқсиз.

आयत: 78

فِي كِتَٰبٖ مَّكۡنُونٖ

Одамларнинг кўзидан асралган китобда, яъни, Лавҳул-Маҳфузда.

आयत: 79

لَّا يَمَسُّهُۥٓ إِلَّا ٱلۡمُطَهَّرُونَ

Уни гуноҳлару айблардан пок фаришталаргина ушлайдилар.

आयत: 80

تَنزِيلٞ مِّن رَّبِّ ٱلۡعَٰلَمِينَ

Бутун махлуқотлар Парвардигори тарафидан Муҳаммад алайҳиссаломга нозил қилинган.

आयत: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Эй мушриклар, сизлар мана шу сўзни ёлғон деяпсизларми? Мана шу сўзга ишонмаяпсизларми?

आयत: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Аллоҳ сизларга шунча ризқ берса, ўшаларни ёлғонга чиқаришингиз У Зотга шукр қилишингиз бўлдими? Масалан, фалон юзлдуз ёмғир ёғдирди, дейсизлар.

आयत: 83

فَلَوۡلَآ إِذَا بَلَغَتِ ٱلۡحُلۡقُومَ

Жон ҳалқумга келганда.

आयत: 84

وَأَنتُمۡ حِينَئِذٖ تَنظُرُونَ

Ҳолбуки, ўзларингиз ўша пайтда олдингиздаги ўлим тўшагида ётган одамга қараб турган бўласизлар.

आयत: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Биз эса Ўз илмимиз, қудратимиз ва фаришталаримиз ила ўша маййитга сизлардан ҳам яқинроқмиз. Лекин сизлар у фаришталарни кўрмайсизлар.

आयत: 86

فَلَوۡلَآ إِن كُنتُمۡ غَيۡرَ مَدِينِينَ

Агар сизлар, қайта тирилмаймиз, амалларимиз учун ҳисоб бермаймиз, жазо ёки мукофот олмаймиз, деб ўйлайдиган бўлсангизлар.

आयत: 87

تَرۡجِعُونَهَآ إِن كُنتُمۡ صَٰدِقِينَ

Агар гапларингиз рост бўлса, ўша жонни яна жасадга қайтаринглар-чи! Бу ишни ҳаргиз қила олмассизлар!

आयत: 88

فَأَمَّآ إِن كَانَ مِنَ ٱلۡمُقَرَّبِينَ

Бас, агар маййит эзгуликлар сари биринчилардан бўлиб қадам ташлаган пешқадамлардан, Аллоҳга яқин бандалардан бўлса,

आयत: 89

فَرَوۡحٞ وَرَيۡحَانٞ وَجَنَّتُ نَعِيمٖ

Бас, у роҳат-фароғатда, ёқимли ризқ қўйнида, жаннатда, истаган нарсаси муҳайё қилинадиган неъматлар ичида бўлади.

आयत: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Агар маййит ўнг тараф эгаларидан бўлса, ундан ғам еманг. У тинчлик ва саломатликдадир.

आयत: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

Агар маййит ўнг тараф эгаларидан бўлса, ундан ғам еманг. У тинчлик ва саломатликдадир.

आयत: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Агар маййит Пайғамбар алайҳиссалом олиб келган рисолатни ёлғон дейдиган, тўғри йўлдан озган гумроҳлардан бўлса,

आयत: 93

فَنُزُلٞ مِّنۡ حَمِيمٖ

Бас, у ўта қайноқ сув билан меҳмон қилинади.

आयत: 94

وَتَصۡلِيَةُ جَحِيمٍ

Ва дўзах оловида ёниш билан.

आयत: 95

إِنَّ هَٰذَا لَهُوَ حَقُّ ٱلۡيَقِينِ

Эй Пайғамбар, мана шу сизга қисса қилиб берганларимиз заррача шубҳа аралашмаган айни ҳақиқатдир.

आयत: 96

فَسَبِّحۡ بِٱسۡمِ رَبِّكَ ٱلۡعَظِيمِ

Бас, улуғ Парвардигорингиз номини нуқсонлардан поклаб тасбеҳ айтинг.

इस पृष्ठ की आयतों से प्राप्त कुछ बिंदु:

• شدة سكرات الموت وعجز الإنسان عن دفعها.

Ўлим талвасалари ўта шиддатли бўлади. Инсон уларни даф қила олмайди.

• الأصل أن البشر لا يرون الملائكة إلا إن أراد الله لحكمة.

Аслида инсон зоти фаришталарни кўра олмайди. Фақат Аллоҳ хоҳласагина кўради ва бу иш остида бир ҳикмат бўлади.

• أسماء الله (الأول، الآخر، الظاهر، الباطن) تقتضي تعظيم الله ومراقبته في الأعمال الظاهرة والباطنة.

Аллоҳнинг Аввал, Охир, Зоҳир ва Ботин исмлари У Зотни улуғлашни тақозо этади ҳамда У Зотнинг зоҳирий ва ботиний ҳамма ишларни кузатиб туришини англатади.