Terjemahan makna Surah Al-Ḥāqqah - Terjemahan Berbahasa Philipina (Bisaya) - Pusat Terjemah Ruwwād - Nomor Halaman 566 - Ensiklopedia Alquran Alkarim

Al-Ḥāqqah

Ayah: 1

ٱلۡحَآقَّةُ

Ang dili kalikayan nga kamatooran (nga labing dayag)!

Ayah: 2

مَا ٱلۡحَآقَّةُ

Unsa ang dili kalikayan nga Kamatuoran.

Ayah: 3

وَمَآ أَدۡرَىٰكَ مَا ٱلۡحَآقَّةُ

Ug unsa ang makapahibalo kanimo kung unsa ang dili kalikayan nga Kamatuoran?

Ayah: 4

كَذَّبَتۡ ثَمُودُ وَعَادُۢ بِٱلۡقَارِعَةِ

(Ang mga tribo ni) Thamud ug ‘Aad milimod sa mihampak nga Katalagman (ang Pagkabanhaw sa dili pa ang Paghukom).

Ayah: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Unya mahitungod sa (katawhan sa) Thamud, sila gilaglag pinaagi sa gamhanan (nga pagbuto).

Ayah: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ug mahitungod sa (mga katawhan sa) ‘Aad, sila gilaglag pinaagi sa usa ka mabangis ug mapintas nga hangin.

Ayah: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Nga (ang Allah) nagpahamtang (niini) kanila sulod sa pito ka gabii ug walo ka adlaw nga walay hunong, aron imong makita ang mga tawo didto nga nanggibuy-od (nangalaglag) ingon nga sila sama sa mga haw-ang nga mga punoan sa palma (datiles).

Ayah: 8

فَهَلۡ تَرَىٰ لَهُم مِّنۢ بَاقِيَةٖ

Busa, nakakita ka ba ug salin kanila (nga buhi)?