Terjemahan makna Surah Surah Al-Gāsyiyah - Terjemahan Berbahasa Bisaya - Ruwwād - Ensiklopedia Alquran Alkarim

Surah Al-Gāsyiyah

Ayah: 1

هَلۡ أَتَىٰكَ حَدِيثُ ٱلۡغَٰشِيَةِ

Midangat ba kanimo ang balita mahitungod sa Makalilisang nga hitabo (sa Pagkabanhaw)?

Ayah: 2

وُجُوهٞ يَوۡمَئِذٍ خَٰشِعَةٌ

Pipila ka mga nawong nga nianang Adlawa mapakaulawan (ang mga nawong sa mga manlilimod),

Ayah: 3

عَامِلَةٞ نَّاصِبَةٞ

Nga hago pag-ayo 'sa kini niini kinabuhi', ug gikapoy uban ang hila-bihan nga kaluya (sa Pikas Kinabuhi),

Ayah: 4

تَصۡلَىٰ نَارًا حَامِيَةٗ

Sila mosulod sa naga-dilaab nga kalayo,

Ayah: 5

تُسۡقَىٰ مِنۡ عَيۡنٍ ءَانِيَةٖ

Ug didto sila paga-paimnon sa usa ka nagbukal nga init nga tubod.

Ayah: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Ug didto wala silay makaon gawas sa usa ka makahilo ug tunokon nga tanum,

Ayah: 7

لَّا يُسۡمِنُ وَلَا يُغۡنِي مِن جُوعٖ

Nga dili makaamuma o makatagbaw (kanila) batok sa kagutom.

Ayah: 8

وُجُوهٞ يَوۡمَئِذٖ نَّاعِمَةٞ

Ubang mga nawong nianang adlawa magmalipayon (ang mga nawong sa mga magtotoo),

Ayah: 9

لِّسَعۡيِهَا رَاضِيَةٞ

Nalipay pag-ayo sa ilang pagpaningkamot,

Ayah: 10

فِي جَنَّةٍ عَالِيَةٖ

Sila paga-dawaton sa tanaman (Paraiso), nga habug,

Ayah: 11

لَّا تَسۡمَعُ فِيهَا لَٰغِيَةٗ

Didto dili ka makadungog ug mga pulong nga kawang (o dautan).

Ayah: 12

فِيهَا عَيۡنٞ جَارِيَةٞ

Didto adunay nagadagayday langit-nong nga mga tubod,

Ayah: 13

فِيهَا سُرُرٞ مَّرۡفُوعَةٞ

Uban sa mga trono nga gipataas,

Ayah: 14

وَأَكۡوَابٞ مَّوۡضُوعَةٞ

Ug mga kopa nga gibutang andam,

Ayah: 15

وَنَمَارِقُ مَصۡفُوفَةٞ

Ug mga unlan nga gipanglaray,

Ayah: 16

وَزَرَابِيُّ مَبۡثُوثَةٌ

Ug mga alpombra nangabuklad.

Ayah: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Nan dili ba sila motan-aw sa mga kamelyo, kun giunsa sila paglalang?

Ayah: 18

وَإِلَى ٱلسَّمَآءِ كَيۡفَ رُفِعَتۡ

Ug sa langit, kun giunsa kini pagpataas?

Ayah: 19

وَإِلَى ٱلۡجِبَالِ كَيۡفَ نُصِبَتۡ

Ug ang mga kabukiran, kun giunsa sila pagbutang nga malig-on?

Ayah: 20

وَإِلَى ٱلۡأَرۡضِ كَيۡفَ سُطِحَتۡ

Ug ang yuta, giunsa kini mao mikaylap?

Ayah: 21

فَذَكِّرۡ إِنَّمَآ أَنتَ مُذَكِّرٞ

Busa (padayon sa) pagpahinumdom (kanila), kay ikaw usa lamang ka tigpahinumdom.

Ayah: 22

لَّسۡتَ عَلَيۡهِم بِمُصَيۡطِرٍ

Dili nimo sila mapugos (sa pagtuo);

Ayah: 23

إِلَّا مَن تَوَلَّىٰ وَكَفَرَ

Apan bisan kinsa nga motalikod ug naglimod (sa Kamatuoran),

Ayah: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Ang Allah mosilot kaniya sa Labing Dako nga pagsakit.

Ayah: 25

إِنَّ إِلَيۡنَآ إِيَابَهُمۡ

Sa pagkatinuod nganhi Kanamo (Allah) ang ilang pagbalik,

Ayah: 26

ثُمَّ إِنَّ عَلَيۡنَا حِسَابَهُم

Ug unya, sa pagkatinuod ngadhi Kanamo (Allah) mao ang ilang pag-ihap (ug Paghusay).