Terjemahan makna Surah Surah Al-A'lā - Terjemahan Berbahasa Hausa - Abu Bakar Jomy - Ensiklopedia Alquran Alkarim

Suratu Al'a'ala

Ayah: 1

سَبِّحِ ٱسۡمَ رَبِّكَ ٱلۡأَعۡلَى

Ka tsarkake sũnan Ubangijinka Mafi ɗaukaka.

Ayah: 2

ٱلَّذِي خَلَقَ فَسَوَّىٰ

Wanda Yã yi halitta sa'an nan Ya daidaita abin halittar.

Ayah: 3

وَٱلَّذِي قَدَّرَ فَهَدَىٰ

Kuma Wanda Ya ƙaddara (abin da Ya so) sannan Ya shiryar, (da mutum ga hanyar alhẽri da ta sharri).

Ayah: 4

وَٱلَّذِيٓ أَخۡرَجَ ٱلۡمَرۡعَىٰ

Kuma Wanda Ya fitar da makiyãyã.

Ayah: 5

فَجَعَلَهُۥ غُثَآءً أَحۡوَىٰ

Sa'an nan Ya mayar da ita ƙeƙasassa, baƙa.

Ayah: 6

سَنُقۡرِئُكَ فَلَا تَنسَىٰٓ

Za mu karantar da kai (Alƙur'ãni) sabõda haka bã zã ka mantã (shi) ba.

Ayah: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Fãce abin da Allah Ya so, lalle ne Shi (Allah) Ya san bayyane da abin da yake bõye.

Ayah: 8

وَنُيَسِّرُكَ لِلۡيُسۡرَىٰ

Kuma za Mu sauƙaƙe maka (al'amari) zuwa ga (Shari'a) mai sauƙi.

Ayah: 9

فَذَكِّرۡ إِن نَّفَعَتِ ٱلذِّكۡرَىٰ

Sabõda baka, ka tunãtar, idan tunatarwa zã ta yi amfãni.

Ayah: 10

سَيَذَّكَّرُ مَن يَخۡشَىٰ

Wanda yake tsõron (Allah) Zai tuna.

Ayah: 11

وَيَتَجَنَّبُهَا ٱلۡأَشۡقَى

Kuma shaƙiyyi, zai nisanceta,

Ayah: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Wanda zai shiga wutar da tã fi girma.

Ayah: 13

ثُمَّ لَا يَمُوتُ فِيهَا وَلَا يَحۡيَىٰ

Sa'an nan bã zai mutu ba a cikinta, kuma bã zai rãyu ba.

Ayah: 14

قَدۡ أَفۡلَحَ مَن تَزَكَّىٰ

Lalle ne wanda ya tsarkaka (da ĩmãni) yã sãmu babban rabo.

Ayah: 15

وَذَكَرَ ٱسۡمَ رَبِّهِۦ فَصَلَّىٰ

Kuma ya ambaci sũnan* Ubangijinsa, sa'an nan yã yi salla.

* Ya ambaci sũnan Allah ga ayyukansa duka, ya yi sallolin nan biyar da sauran.

Ayah: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Ba haka ba! Kunã zãɓin rãyuwa ta kusa dũniya.*

* Rayuwa iri biyu ce, ta dũniya da ta Lãhira.

Ayah: 17

وَٱلۡأٓخِرَةُ خَيۡرٞ وَأَبۡقَىٰٓ

Alhãli Lãhira ita ce mafi alheri kuma mafi wanzuwa.

Ayah: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Lalle ne, wannan* yanã a cikin littafan farko.

* Kamanta rãyuwar ciyãwa da rãyar da ummiyyi da ilmi bãbu mantuwa, da rãyar da mãtattu cikin sa'ãda ko cikin shaƙãwa yana cikin litaffan farko.

Ayah: 19

صُحُفِ إِبۡرَٰهِيمَ وَمُوسَىٰ

Littaffan Ibrãhĩm da Mũsã.