Terjemahan makna Ayah 1 Surah Surah Al-Fātiḥah - Terjemahan Al-Mukhtaṣar fī Tafsīr Al-Qur`ān Al-Karīm ke Bahasa Khmer - Ensiklopedia Alquran Alkarim

សូរ៉ោះអាល់ហ្វាទីហះ

Tujuan Pokok Surah Ini:

تحقيق العبودية الخالصة لله تعالى.

បញ្ជាក់ពីភាពជាខ្ញុំបម្រើដ៏ស្មោះសចំពោះអល់ឡោះជាម្ចាស់។

---

Ayah: 1

بِسۡمِ ٱللَّهِ ٱلرَّحۡمَٰنِ ٱلرَّحِيمِ

ខ្ញុំចាប់ផ្តើមសូត្រគម្ពីរគួរអាននឹងព្រះនាមអល់ឡោះ និងសុំជំនួយពីទ្រង់ ដោយសុំពីទ្រង់ឲ្យផ្តល់នូវពរជ័យតាមរយៈការរំលឹកព្រះនាមទ្រង់ផងដែរ។ ជាការពិតណាស់ នៅក្នុងពាក្យ”ពីសមិលឡះ”នេះ មានផ្ទុកទៅដោយព្រះនាមដ៏ល្អប្រពៃរបស់អល់ឡោះចំនួនបីគឺ ៖ ១. الله (អល់ឡោះ) មានន័យថា អ្នកដែលត្រូវគេគោរពសក្ការៈដ៏ពិត។ វាជាព្រះនាមពិសេសដោយឡែកសម្រាប់អល់ឡោះជាម្ចាស់តែមួយគត់ ហើយគេមិនប្រសិទ្ធិនាមនាមនេះចំពោះអ្នកផ្សេងក្រៅពីទ្រង់ឡើយ។ ២. الرحمن (អាល់រ៉ោះម៉ាន) មានន័យថា អ្នកដែលមានក្តីមេត្តាករុណាដ៏ទូលំទូលាយ។ វាជាក្តីមេត្តាពីខ្លួនរបស់ទ្រង់ផ្ទាល់។ ៣. الرحيم (អាល់រ៉ហ៊ីម) មានន័យថា អ្នកដែលមានក្តីមេត្តាករុណាជាពិសេស។ វាគឺជាក្តីមេត្តាសម្រាប់អ្នកដែលទ្រង់មានចេតនាក្នុងចំណោមម៉ាខ្លូក(អ្វីៗទាំងអស់ដែលអល់ឡោះបានបង្កើត)របស់ទ្រង់ ហើយក្នុងចំណោមពួកគេនោះ គឺបណ្តាអ្នកមានជំនឿក្នុងចំណោមខ្ញុំបម្រើទាំងឡាយរបស់ទ្រង់។

Beberapa Faedah Ayat-ayat di Halaman Ini:

• افتتح الله تعالى كتابه بالبسملة؛ ليرشد عباده أن يبدؤوا أعمالهم وأقوالهم بها طلبًا لعونه وتوفيقه.

• អល់ឡោះបានចាប់ផ្តើមគម្ពីរបស់ទ្រង់នឹង”ពីសមិលឡះ” ដើម្បីជាការណែនាំដល់ខ្ញុំបម្រើរបស់ទ្រង់ឱ្យពួកគេចាប់ផ្តើមរាល់កិច្ចការនិងពាក្យសំដីទាំងឡាយរបស់ពួកគេនឹងវា(ពីសមិលឡះ) ដើម្បីជាការសុំជំនួយ និងការចង្អុលបង្ហាញពីទ្រង់។

• من هدي عباد الله الصالحين في الدعاء البدء بتمجيد الله والثناء عليه سبحانه، ثم الشروع في الطلب.

• ជាការណែនាំដល់ខ្ញុំបម្រើអល់ឡោះក្នុងការបួងសួងនោះ គឺត្រូវចាប់ផ្តើមដោយការលើកតម្កើង និងការកោតសរសើរទៅចំពោះអល់ឡោះ។ បន្ទាប់មក ទើបចាប់ផ្តើមធ្វើការបួងសួងសុំតាមអ្វីដែលគេប្រាថ្នា។

• تحذير المسلمين من التقصير في طلب الحق كالنصارى الضالين، أو عدم العمل بالحق الذي عرفوه كاليهود المغضوب عليهم.

• ដាស់តឿនព្រមានជនមូស្លីមឲ្យប្រុងប្រយ័ត្នពីការធ្វេសប្រហែសក្នុងការស្វែងរកសេចក្តីពិត ដូចជាពួកគ្រឹស្ទានដែលវង្វេង ឬមិនអនុវត្តតាមសេចក្តីពិតដែលគេបានដឹង ដូចពួកយូដាដែលត្រូវបានគេខឹងសម្បាចំពោះពួកគេនោះ។

• دلَّت السورة على أن كمال الإيمان يكون بإخلاص العبادة لله تعالى وطلب العون منه وحده دون سواه.

• ជំពូកនេះបានបង្ហាញថា ការមានជំនឿដ៏ពេញលេញ គឺស្ថិតលើការគោរពសក្ការៈដោយចិត្តស្មោះសទៅចំពោះអល់ឡោះ ហើយសុំជំនួយពីទ្រង់តែមួយអង្គគត់ ដោយមិនសុំពីអ្នកផ្សេងក្រៅពីទ្រង់ឡើយ។