Terjemahan makna Surah Al-Qiyāmah - Terjemahan Berbahasa Kinyarwanda - Asosiasi Muslim Ruwanda - Nomor Halaman 578 - Ensiklopedia Alquran Alkarim

Ayah: 20

كَلَّا بَلۡ تُحِبُّونَ ٱلۡعَاجِلَةَ

(Ibyo mukeka ko mutazazurwa mukanabazwa ibyo mwakoze) si ko biri; ahubwo mukunda ubuzima bwo ku isi butaramba,

Ayah: 21

وَتَذَرُونَ ٱلۡأٓخِرَةَ

Mukirengagiza imperuka.

Ayah: 22

وُجُوهٞ يَوۡمَئِذٖ نَّاضِرَةٌ

Kuri uwo munsi, uburanga (bw’abemeramana) buzaba burabagirana,

Ayah: 23

إِلَىٰ رَبِّهَا نَاظِرَةٞ

Bureba Nyagasani wabwo.

Ayah: 24

وَوُجُوهٞ يَوۡمَئِذِۭ بَاسِرَةٞ

Kuri uwo munsi kandi, uburanga (bw’abahakanyi) buzaba bwijimye,

Ayah: 25

تَظُنُّ أَن يُفۡعَلَ بِهَا فَاقِرَةٞ

Bibaza ko bagiye guhura n’ishyano.

Ayah: 26

كَلَّآ إِذَا بَلَغَتِ ٱلتَّرَاقِيَ

Uramenye (utazarutisha isi imperuka, kuko) iyo (roho) igeze mu ngoto (igihe cyo gupfa),

Ayah: 27

وَقِيلَ مَنۡۜ رَاقٖ

Hanyuma hakavugwa ngo “Ni nde wamutabara (akamurinda urupfu)?”

Ayah: 28

وَظَنَّ أَنَّهُ ٱلۡفِرَاقُ

Nuko (ugiye gupfa) akamenya ko igihe cyo gutandukana (gupfa) cyageze.

Ayah: 29

وَٱلۡتَفَّتِ ٱلسَّاقُ بِٱلسَّاقِ

Maze (kubera ububabare bwo gukurwamo roho), ukuguru kwe kuzahuzwa n’ukundi.

Ayah: 30

إِلَىٰ رَبِّكَ يَوۡمَئِذٍ ٱلۡمَسَاقُ

Kuri uwo munsi, (wowe muntu ukuwemo roho) uzerekezwa kwa Nyagasani wawe.

Ayah: 31

فَلَا صَدَّقَ وَلَا صَلَّىٰ

Ariko (umuhakanyi) ntiyigeze yemera ndetse nta n’ubwo yigeze asali,

Ayah: 32

وَلَٰكِن كَذَّبَ وَتَوَلَّىٰ

Ahubwo yahinyuye (Qur’an) maze ayitera umugongo,

Ayah: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Hanyuma akagenda yibona yerekeza mu muryango we,

Ayah: 34

أَوۡلَىٰ لَكَ فَأَوۡلَىٰ

Ufite akaga (yewe muntu w’umuhakanyi)! Kandi na none ufite akaga!

Ayah: 35

ثُمَّ أَوۡلَىٰ لَكَ فَأَوۡلَىٰٓ

Nyamara ufite akaga (yewe muntu w’umuhakanyi)! Kandi ufite akaga!

Ayah: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ese umuntu yibwira ko azarekwa gusa (atabajijwe ibyo yakoze ngo abihemberwe cyangwa ngo abihanirwe)?

Ayah: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Ese ntiyari intanga mu masohoro asohowe?

Ayah: 38

ثُمَّ كَانَ عَلَقَةٗ فَخَلَقَ فَسَوَّىٰ

Hanyuma akaba urusoro rw’amaraso, maze Allah akamurema, akanamutunganya (akaba umuntu wuzuye)?

Ayah: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Maze akamuremamo ibitsina bibiri: gabo na gore,

Ayah: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ese uwo (Allah ukora ibyo) si We ushoboye kuzura abapfuye?