Terjemahan makna Surah Al-Baqarah - Terjemahan Berbahasa Filipina (Maguindanao) - Markaz Ruwād Terjemah - Nomor Halaman 23 - Ensiklopedia Alquran Alkarim

Ayah: 146

ٱلَّذِينَ ءَاتَيۡنَٰهُمُ ٱلۡكِتَٰبَ يَعۡرِفُونَهُۥ كَمَا يَعۡرِفُونَ أَبۡنَآءَهُمۡۖ وَإِنَّ فَرِيقٗا مِّنۡهُمۡ لَيَكۡتُمُونَ ٱلۡحَقَّ وَهُمۡ يَعۡلَمُونَ

Su silan a inenggay nami sa kanilan su kitab (Yahudi endu Nasrani), na katawan nilan su entuba sa mana kataw nilan kanu manga wata nilan, endu saben-sabenal na su lumpukan sa kanilan na ibagena nilan su bantang sa ula-ula a katawan nilan.

Ayah: 147

ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ

Su bantang na ebpun kanu pedtyakap sa leka (Allah), na di ka den a benal bagadena su ginawa nengka sa makuyug kanu manga taw a penduwa-duwa.

Ayah: 148

وَلِكُلّٖ وِجۡهَةٌ هُوَ مُوَلِّيهَاۖ فَٱسۡتَبِقُواْ ٱلۡخَيۡرَٰتِۚ أَيۡنَ مَا تَكُونُواْ يَأۡتِ بِكُمُ ٱللَّهُ جَمِيعًاۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Endu uman i maginged (umat) na aden sa kanılan i pedsangulan, na egkuya-kuya kanu sa manga mapiya, apiya endaw kanu maaden na limuden kanu nu Allah langun, saben-sabenal na su Allah kanu langun na enggagaisa na labi a pakagaga.

Ayah: 149

وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۖ وَإِنَّهُۥ لَلۡحَقُّ مِن رَّبِّكَۗ وَمَا ٱللَّهُ بِغَٰفِلٍ عَمَّا تَعۡمَلُونَ

Endu apiya endaw ka nakalyu na isangul nengka i beneng nengka sa Masjidil Haram (sa kadsambayang), endu saben-sabenal na su entuba na di ebplis na bantang a ebpun kanu pedtyakap sa leka (Allah) endu dala sa Allah i kapegkalimpang kanu nganin a penggalebeken nu.

Ayah: 150

وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۚ وَحَيۡثُ مَا كُنتُمۡ فَوَلُّواْ وُجُوهَكُمۡ شَطۡرَهُۥ لِئَلَّا يَكُونَ لِلنَّاسِ عَلَيۡكُمۡ حُجَّةٌ إِلَّا ٱلَّذِينَ ظَلَمُواْ مِنۡهُمۡ فَلَا تَخۡشَوۡهُمۡ وَٱخۡشَوۡنِي وَلِأُتِمَّ نِعۡمَتِي عَلَيۡكُمۡ وَلَعَلَّكُمۡ تَهۡتَدُونَ

Endu apiya endaw ka nakalyu na isangul nengka i beneng nengka sa Masjidil Haram (sa kadsambayang) endu apiya endaw kanu na isangul nu i manga beneng nu sa Masjidil Haram, ka endu di maaden sa lekanu kanu manga taw i tindeg ya tabiya na su manga namedsalimbut ebpun sa kanilan, na di nu ipegkagilek silan, endu saki nu i ikagilek, ka endu masampulna ku i limu ku sa lekanu endu malemu-lemu i katutulu nu.

Ayah: 151

كَمَآ أَرۡسَلۡنَا فِيكُمۡ رَسُولٗا مِّنكُمۡ يَتۡلُواْ عَلَيۡكُمۡ ءَايَٰتِنَا وَيُزَكِّيكُمۡ وَيُعَلِّمُكُمُ ٱلۡكِتَٰبَ وَٱلۡحِكۡمَةَ وَيُعَلِّمُكُم مَّا لَمۡ تَكُونُواْ تَعۡلَمُونَ

Sa mana kinapapayt nami sa lekanu sa sugu a ebpun sa lekanu a pembatya sa lekanu sa kanu manga tanda (ayatan) nami, endu pedsuti sa lekanu endu bamandu sa lekanu sa kitab endu ungangen, endu ibamandu nin sa lekanu su nganin a kaaden nu a di nu katawan.

Ayah: 152

فَٱذۡكُرُونِيٓ أَذۡكُرۡكُمۡ وَٱشۡكُرُواْ لِي وَلَا تَكۡفُرُونِ

Na tademi aku nu ka tademan ku sekanu, endu edsukuri aku nu endu da kanu pegkafir.

Ayah: 153

يَٰٓأَيُّهَا ٱلَّذِينَ ءَامَنُواْ ٱسۡتَعِينُواْ بِٱلصَّبۡرِ وَٱلصَّلَوٰةِۚ إِنَّ ٱللَّهَ مَعَ ٱلصَّٰبِرِينَ

Hay sekanu a manga bamalityala (bamangimbenal)! patabang kanu (sa Allah) sa ukit na katigkel endu kadsambayang, saben-sabenal na su Allah na salta kanu manga matigkel.