Salin ng mga Kahulugan Surah Al-Baqarah - Salin sa Wikang Filipino (Maguindanao) - Numero ng Pahina 23 - Ensayklopedia ng Marangal na Qur-an

Ayah: 146

ٱلَّذِينَ ءَاتَيۡنَٰهُمُ ٱلۡكِتَٰبَ يَعۡرِفُونَهُۥ كَمَا يَعۡرِفُونَ أَبۡنَآءَهُمۡۖ وَإِنَّ فَرِيقٗا مِّنۡهُمۡ لَيَكۡتُمُونَ ٱلۡحَقَّ وَهُمۡ يَعۡلَمُونَ

Atagin su silan mga taw a inenggan nami silan sa kitab, na katawan nilan su Rasulullah sa mana bun su kataw nilan kanu mga wata nilan, andu su kaped sakanilan na ibagena nilan su bantang inunta na katawan nilan.

Ayah: 147

ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ

147 Su bantang na abpun kanu kadnan nengka, daka anggula sa makuyug ka kanu mga taw a penduwa-duwa.

Ayah: 148

وَلِكُلّٖ وِجۡهَةٌ هُوَ مُوَلِّيهَاۖ فَٱسۡتَبِقُواْ ٱلۡخَيۡرَٰتِۚ أَيۡنَ مَا تَكُونُواْ يَأۡتِ بِكُمُ ٱللَّهُ جَمِيعًاۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Andu uman isa na aden pamıkilan nın a paped-sangul salkanin, na nya nu pamagayasi na su mga mapiya- ka apiya andaw kanu maaden na limudan kanu nu Allah langun, ka saben-sabenal su Allah na langun na anggaga-isa na kagaga nin.

Ayah: 149

وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۖ وَإِنَّهُۥ لَلۡحَقُّ مِن رَّبِّكَۗ وَمَا ٱللَّهُ بِغَٰفِلٍ عَمَّا تَعۡمَلُونَ

Andu apiya andaw kanu nakalyu na isangul nengka i biyas nengka sa masjidil Haram sa kadsambayang ka antu na bantang abpun sa kadnan nengka andu dala sa Allah ilimpangan nin su penggalbakan nu.

Ayah: 150

وَمِنۡ حَيۡثُ خَرَجۡتَ فَوَلِّ وَجۡهَكَ شَطۡرَ ٱلۡمَسۡجِدِ ٱلۡحَرَامِۚ وَحَيۡثُ مَا كُنتُمۡ فَوَلُّواْ وُجُوهَكُمۡ شَطۡرَهُۥ لِئَلَّا يَكُونَ لِلنَّاسِ عَلَيۡكُمۡ حُجَّةٌ إِلَّا ٱلَّذِينَ ظَلَمُواْ مِنۡهُمۡ فَلَا تَخۡشَوۡهُمۡ وَٱخۡشَوۡنِي وَلِأُتِمَّ نِعۡمَتِي عَلَيۡكُمۡ وَلَعَلَّكُمۡ تَهۡتَدُونَ

Andu apiya andaw ka nakalyu na isangul nengka i biyas nengka sa lemba kanu masjidil Haram sa kadsambayang andu apiya andaw kanu na isangul nu i mga biyas nu sa lemba kanu baytullah, andu di maaden kanu mga taw i tindeg nilan salkanu, ya tabiya na su mga kafeer sa kanilan, Na dinu ikagilek silan, andu saki nu i ikagilek, andu sampulnan ku i limu ku salkanu andu malmu-lamu i matutulu kanu.

Ayah: 151

كَمَآ أَرۡسَلۡنَا فِيكُمۡ رَسُولٗا مِّنكُمۡ يَتۡلُواْ عَلَيۡكُمۡ ءَايَٰتِنَا وَيُزَكِّيكُمۡ وَيُعَلِّمُكُمُ ٱلۡكِتَٰبَ وَٱلۡحِكۡمَةَ وَيُعَلِّمُكُم مَّا لَمۡ تَكُونُواْ تَعۡلَمُونَ

Mamba i kina sampulna sa limu, na sinugu nami salkanu su rasul abpun bun salkanu, a batyan nin salkanu i mga ayatan nami , andu suttin kanu nin andu pamandun kanu nin sa kitab andu hikma (kaungangen)andu pakatawan nin salkanu su dinu kangatawan.

Ayah: 152

فَٱذۡكُرُونِيٓ أَذۡكُرۡكُمۡ وَٱشۡكُرُواْ لِي وَلَا تَكۡفُرُونِ

Tadami aku nu sa inugot, ka tademan ku bun sekanu sa ampun andu adsukuri aku nu andu da kanu padsupak.

Ayah: 153

يَٰٓأَيُّهَا ٱلَّذِينَ ءَامَنُواْ ٱسۡتَعِينُواْ بِٱلصَّبۡرِ وَٱلصَّلَوٰةِۚ إِنَّ ٱللَّهَ مَعَ ٱلصَّٰبِرِينَ

Sekanu a mga bamaginugut patabang kanu sa Allahu (sa kakwa sa kahanda nu) sa sabar kanu andu sambayang kanu, ka su Allah na salta kanu mga matigkel.