Terjemahan makna Surah Surah Al-Qaṣaṣ - الترجمة الفلبينية المجندناوية - Ensiklopedia Alquran Alkarim

Al-Qasas (Su mga Tudtulan)

Ayah: 1

طسٓمٓ

Ta. Sin. Mim. Su Allah i labi a mataw kanu maa'na nin.

Ayah: 2

تِلۡكَ ءَايَٰتُ ٱلۡكِتَٰبِ ٱلۡمُبِينِ

Nya ba a mga ayatan nu Qur-an a mapayag.

Ayah: 3

نَتۡلُواْ عَلَيۡكَ مِن نَّبَإِ مُوسَىٰ وَفِرۡعَوۡنَ بِٱلۡحَقِّ لِقَوۡمٖ يُؤۡمِنُونَ

Pambatyan nami salka (Muhammad) su tudtulan kana Musa andu su Fir-awn sa benal, kanu mga taw a mga bamaginugut.

Ayah: 4

إِنَّ فِرۡعَوۡنَ عَلَا فِي ٱلۡأَرۡضِ وَجَعَلَ أَهۡلَهَا شِيَعٗا يَسۡتَضۡعِفُ طَآئِفَةٗ مِّنۡهُمۡ يُذَبِّحُ أَبۡنَآءَهُمۡ وَيَسۡتَحۡيِۦ نِسَآءَهُمۡۚ إِنَّهُۥ كَانَ مِنَ ٱلۡمُفۡسِدِينَ

Si Fir-awn na mib-papulu sya sa lupa andu binaluy nin su mga taw nin sa lumpuk-lumpuk, papeg-kapasangan nin su isa tumpuk, banumbalin nin i mga wata a mama, yanin baguyagen na mga babay, sekanin (Fir-awn) i isa kanu baminasa.

Ayah: 5

وَنُرِيدُ أَن نَّمُنَّ عَلَى ٱلَّذِينَ ٱسۡتُضۡعِفُواْ فِي ٱلۡأَرۡضِ وَنَجۡعَلَهُمۡ أَئِمَّةٗ وَنَجۡعَلَهُمُ ٱلۡوَٰرِثِينَ

Andu ya nami kyug na maka-kalimu nami su papeg-kapasangan sya sa lupa andu baluwin nami silan a kaunutan sa mapya andu silan i maka-warith kanu dalpa.

Ayah: 6

وَنُمَكِّنَ لَهُمۡ فِي ٱلۡأَرۡضِ وَنُرِيَ فِرۡعَوۡنَ وَهَٰمَٰنَ وَجُنُودَهُمَا مِنۡهُم مَّا كَانُواْ يَحۡذَرُونَ

Andu padtakenan nami silan kanu dalpa andu ipaylay nami kani Fir-awn andu si Haman andu su mga tantara nilan su bangabungan nilan. (si Musa)

Ayah: 7

وَأَوۡحَيۡنَآ إِلَىٰٓ أُمِّ مُوسَىٰٓ أَنۡ أَرۡضِعِيهِۖ فَإِذَا خِفۡتِ عَلَيۡهِ فَأَلۡقِيهِ فِي ٱلۡيَمِّ وَلَا تَخَافِي وَلَا تَحۡزَنِيٓۖ إِنَّا رَآدُّوهُ إِلَيۡكِ وَجَاعِلُوهُ مِنَ ٱلۡمُرۡسَلِينَ

Inilham nami kanu ina ni Musa i pasusu ka, amayka kagilkan ka na idtug nengka sa lagat, na daka magilek andu dika lamidu i ginawa nengka, ka imbalingan nami bun selka andu baluwin nami abpun kanu mga sinugu.

Ayah: 8

فَٱلۡتَقَطَهُۥٓ ءَالُ فِرۡعَوۡنَ لِيَكُونَ لَهُمۡ عَدُوّٗا وَحَزَنًاۗ إِنَّ فِرۡعَوۡنَ وَهَٰمَٰنَ وَجُنُودَهُمَا كَانُواْ خَٰطِـِٔينَ

Nasabet nu kadakel nu Fir-awn (su Musa) sa mabalu a satru nilan andu makalidu sa ginawa nilan, si Fir-awn andu si Haman andu su mga tantara nilan na nalimban silan.

Ayah: 9

وَقَالَتِ ٱمۡرَأَتُ فِرۡعَوۡنَ قُرَّتُ عَيۡنٖ لِّي وَلَكَۖ لَا تَقۡتُلُوهُ عَسَىٰٓ أَن يَنفَعَنَآ أَوۡ نَتَّخِذَهُۥ وَلَدٗا وَهُمۡ لَا يَشۡعُرُونَ

Andu pidtalu nu kaluma ni Fir-awn i kalimu limu kanu bun a di nu bagimatay, ka basi makangguna salkita atawka amba-batanta taden, na silan na di nilan kagedam. (sa namba i makabinasa sakanilan)

Ayah: 10

وَأَصۡبَحَ فُؤَادُ أُمِّ مُوسَىٰ فَٰرِغًاۖ إِن كَادَتۡ لَتُبۡدِي بِهِۦ لَوۡلَآ أَن رَّبَطۡنَا عَلَىٰ قَلۡبِهَا لِتَكُونَ مِنَ ٱلۡمُؤۡمِنِينَ

Andu nangalingasa su ina nu Musa, paydu sama na madtalu nin i wata nin, o dikena bu tinegkes nami su pusung nin, ka andu makuyug kanu mga taw a bangimbenal.

Ayah: 11

وَقَالَتۡ لِأُخۡتِهِۦ قُصِّيهِۖ فَبَصُرَتۡ بِهِۦ عَن جُنُبٖ وَهُمۡ لَا يَشۡعُرُونَ

Andu pidtalu nu (ina ni Musa) kanu suled nu Musa a babay i pangilay ka (su Musa) na nasandeng nin (su Musa) sa mawatan sa di katawan (o mga taw) i suled nu Musa.

Ayah: 12

۞ وَحَرَّمۡنَا عَلَيۡهِ ٱلۡمَرَاضِعَ مِن قَبۡلُ فَقَالَتۡ هَلۡ أَدُلُّكُمۡ عَلَىٰٓ أَهۡلِ بَيۡتٖ يَكۡفُلُونَهُۥ لَكُمۡ وَهُمۡ لَهُۥ نَٰصِحُونَ

Andu da nami pakalilini kanu (Musa) i makasusu kanu mga babay, pidtalu nu suled nin (a babay) i tutulun ku sekanu sa babay a basi nin susuwan sa taldun nin salkanu sa mapya andu pagungayan nin salkanu. (antu ba su ina nu Musa)

Ayah: 13

فَرَدَدۡنَٰهُ إِلَىٰٓ أُمِّهِۦ كَيۡ تَقَرَّ عَيۡنُهَا وَلَا تَحۡزَنَ وَلِتَعۡلَمَ أَنَّ وَعۡدَ ٱللَّهِ حَقّٞ وَلَٰكِنَّ أَكۡثَرَهُمۡ لَا يَعۡلَمُونَ

Imbalingan nami kani ina nin, ka andu mapya i ginawa nin andu di malido i ginawa nin andu nin katawan i pasad nu Allah na benal, ugayd na ya madakel sakanilan i di mga mataw.

Ayah: 14

وَلَمَّا بَلَغَ أَشُدَّهُۥ وَٱسۡتَوَىٰٓ ءَاتَيۡنَٰهُ حُكۡمٗا وَعِلۡمٗاۚ وَكَذَٰلِكَ نَجۡزِي ٱلۡمُحۡسِنِينَ

Guna makasampay (umul nin) sa lagun a kanakan a mapya i kapagitung nin, na inenggay nami salkanin su unga-ngen andu kataw sa hukuman, ka mamba i kapembalas nami kanu mga taw a mga mapya.

Ayah: 15

وَدَخَلَ ٱلۡمَدِينَةَ عَلَىٰ حِينِ غَفۡلَةٖ مِّنۡ أَهۡلِهَا فَوَجَدَ فِيهَا رَجُلَيۡنِ يَقۡتَتِلَانِ هَٰذَا مِن شِيعَتِهِۦ وَهَٰذَا مِنۡ عَدُوِّهِۦۖ فَٱسۡتَغَٰثَهُ ٱلَّذِي مِن شِيعَتِهِۦ عَلَى ٱلَّذِي مِنۡ عَدُوِّهِۦ فَوَكَزَهُۥ مُوسَىٰ فَقَضَىٰ عَلَيۡهِۖ قَالَ هَٰذَا مِنۡ عَمَلِ ٱلشَّيۡطَٰنِۖ إِنَّهُۥ عَدُوّٞ مُّضِلّٞ مُّبِينٞ

Andu linudepan nin su dalpa sa waktu a ibangintana (napulidi senang) nawma nin i bagukag, su sakataw na tagapeda nin (sa agama), su sakataw na satru nin, napatabang su tagapeda nin salkanin kanu satru nin, na tinabangan nu (Musa) su tagapeda nin sa binatay nu Musa na minatay, yanin nadtalu na nya ba na kuyug sa galbekan na shaytan a satru a pedtading a mapayag.

Ayah: 16

قَالَ رَبِّ إِنِّي ظَلَمۡتُ نَفۡسِي فَٱغۡفِرۡ لِي فَغَفَرَ لَهُۥٓۚ إِنَّهُۥ هُوَ ٱلۡغَفُورُ ٱلرَّحِيمُ

(Si Musa) na pidtalu nin kadnan ku nadupang ku i ginawa ku, ampun ka salaki, inampun salkanin nu (Allah) ka su Allah na mangampun a malimu.

Ayah: 17

قَالَ رَبِّ بِمَآ أَنۡعَمۡتَ عَلَيَّ فَلَنۡ أَكُونَ ظَهِيرٗا لِّلۡمُجۡرِمِينَ

Pidtalu nin pan: kadnan ku kagina ka inikalimu ako nengka na di aku den makatabang kanu mga baradusa.

Ayah: 18

فَأَصۡبَحَ فِي ٱلۡمَدِينَةِ خَآئِفٗا يَتَرَقَّبُ فَإِذَا ٱلَّذِي ٱسۡتَنصَرَهُۥ بِٱلۡأَمۡسِ يَسۡتَصۡرِخُهُۥۚ قَالَ لَهُۥ مُوسَىٰٓ إِنَّكَ لَغَوِيّٞ مُّبِينٞ

Napitan sekanin (Musa) lu kanu dalpa sa bangandam andu bagangat o ngin i ulyan na kinapatay, na ngin pan ka su napatabang kagay n paped-tabang den manem, pid-talu nu Musa salkanin i darwaka ka sa mapayag.

Ayah: 19

فَلَمَّآ أَنۡ أَرَادَ أَن يَبۡطِشَ بِٱلَّذِي هُوَ عَدُوّٞ لَّهُمَا قَالَ يَٰمُوسَىٰٓ أَتُرِيدُ أَن تَقۡتُلَنِي كَمَا قَتَلۡتَ نَفۡسَۢا بِٱلۡأَمۡسِۖ إِن تُرِيدُ إِلَّآ أَن تَكُونَ جَبَّارٗا فِي ٱلۡأَرۡضِ وَمَا تُرِيدُ أَن تَكُونَ مِنَ ٱلۡمُصۡلِحِينَ

Guna su pagkyugan nin pambetay su satru nin, na yanin pidtalu O Musa kyugan aku nengka den mimatay sa mana su kina-imatay nengka kagay?dala kahanda nengka (Musa) ya tabya na mameges ka sya sa lupa andu dikena ka basen papeg-kapya.

Ayah: 20

وَجَآءَ رَجُلٞ مِّنۡ أَقۡصَا ٱلۡمَدِينَةِ يَسۡعَىٰ قَالَ يَٰمُوسَىٰٓ إِنَّ ٱلۡمَلَأَ يَأۡتَمِرُونَ بِكَ لِيَقۡتُلُوكَ فَٱخۡرُجۡ إِنِّي لَكَ مِنَ ٱلنَّٰصِحِينَ

Andu nakawma i mama a nakabpun sa tadtab nu inged a bamagayas, tigin ni Musa namagumpung i mga taw sa kabunu nilan salka, na awa ka den, ka bagungayang ku seka.

Ayah: 21

فَخَرَجَ مِنۡهَا خَآئِفٗا يَتَرَقَّبُۖ قَالَ رَبِّ نَجِّنِي مِنَ ٱلۡقَوۡمِ ٱلظَّٰلِمِينَ

Minawa (si Musa) sa bangandam sa bamamati, tig nin kadnan ku lepas aku kanu mga taw a Zalimeen.

Ayah: 22

وَلَمَّا تَوَجَّهَ تِلۡقَآءَ مَدۡيَنَ قَالَ عَسَىٰ رَبِّيٓ أَن يَهۡدِيَنِي سَوَآءَ ٱلسَّبِيلِ

Guna su maytu na lu den sinumangul sa Madyan, pidtalu nin i basi i tutulun nu Allah salaki i bantang a lalan.

Ayah: 23

وَلَمَّا وَرَدَ مَآءَ مَدۡيَنَ وَجَدَ عَلَيۡهِ أُمَّةٗ مِّنَ ٱلنَّاسِ يَسۡقُونَ وَوَجَدَ مِن دُونِهِمُ ٱمۡرَأَتَيۡنِ تَذُودَانِۖ قَالَ مَا خَطۡبُكُمَاۖ قَالَتَا لَا نَسۡقِي حَتَّىٰ يُصۡدِرَ ٱلرِّعَآءُۖ وَأَبُونَا شَيۡخٞ كَبِيرٞ

Guna makawma sa kalut na ig sa Madyan, na nawman nin i mga taw a pabpaginum sa kambing andu aden duwa kataw a mga babay a padseg-seg sa kambing, tig nu Musa ngin i galbek ku sya? Tig nu mga babay: di nami pakapainum i kambing nami taman sa di pan makapasad i mga taw anan andu si ama nami na matwa den.

Ayah: 24

فَسَقَىٰ لَهُمَا ثُمَّ تَوَلَّىٰٓ إِلَى ٱلظِّلِّ فَقَالَ رَبِّ إِنِّي لِمَآ أَنزَلۡتَ إِلَيَّ مِنۡ خَيۡرٖ فَقِيرٞ

Pinainum nin sakanilan, mawli na lu mib-pawang sa masilung sa pidtalu nin: kadnan ku gagutem aku, na sya aku patumpa (pab-pawang) sa aden makan ku lun.

Ayah: 25

فَجَآءَتۡهُ إِحۡدَىٰهُمَا تَمۡشِي عَلَى ٱسۡتِحۡيَآءٖ قَالَتۡ إِنَّ أَبِي يَدۡعُوكَ لِيَجۡزِيَكَ أَجۡرَ مَا سَقَيۡتَ لَنَاۚ فَلَمَّا جَآءَهُۥ وَقَصَّ عَلَيۡهِ ٱلۡقَصَصَ قَالَ لَا تَخَفۡۖ نَجَوۡتَ مِنَ ٱلۡقَوۡمِ ٱلظَّٰلِمِينَ

Nakawma su isa kanu mga babay sa gamamala, sa ya nin pidtalu na lu ka kun tig ni ama, ka pembalasang kanin sa kina pa-inumen ka kanu kambing nami, guna makawma andu napanudtul nin su nanggula nin, tig nu matwa (namba su Shuaib a nabi) daka magilek, ka nalepas ka den kanu mga taw a darwaka.

Ayah: 26

قَالَتۡ إِحۡدَىٰهُمَا يَٰٓأَبَتِ ٱسۡتَـٔۡجِرۡهُۖ إِنَّ خَيۡرَ مَنِ ٱسۡتَـٔۡجَرۡتَ ٱلۡقَوِيُّ ٱلۡأَمِينُ

Tig nu isa kanu mga babay: ama sukay ka (sa anggalbek) sa katuganul sa kambing ka mapya a ped-sukayan ka mabagel andu kasaligan.

Ayah: 27

قَالَ إِنِّيٓ أُرِيدُ أَنۡ أُنكِحَكَ إِحۡدَى ٱبۡنَتَيَّ هَٰتَيۡنِ عَلَىٰٓ أَن تَأۡجُرَنِي ثَمَٰنِيَ حِجَجٖۖ فَإِنۡ أَتۡمَمۡتَ عَشۡرٗا فَمِنۡ عِندِكَۖ وَمَآ أُرِيدُ أَنۡ أَشُقَّ عَلَيۡكَۚ سَتَجِدُنِيٓ إِن شَآءَ ٱللَّهُ مِنَ ٱلصَّٰلِحِينَ

Tig nu ama nilan (Shuaib) kyugan ku a mag- kaluma nengka i sakataw sa mga wata ku a nya, sa (yanin sarat) tuganul ka i kambing anan sa walu lagun, amayka manem ka pengganapen nengka sa sapulu lagun na san den salka andu diku kyugan i kapasangan ka andu mabaratamu ako nengka bun o myug su Allah sa mapya aku a taw.

Ayah: 28

قَالَ ذَٰلِكَ بَيۡنِي وَبَيۡنَكَۖ أَيَّمَا ٱلۡأَجَلَيۡنِ قَضَيۡتُ فَلَا عُدۡوَٰنَ عَلَيَّۖ وَٱللَّهُ عَلَىٰ مَا نَقُولُ وَكِيلٞ

Tig nu Musa: nya ba i pageltan ta, apya andaw i magaga ku sa dwa anan na dala tuntuten ku andu su Allah mataw kanu bityala ta.

Ayah: 29

۞ فَلَمَّا قَضَىٰ مُوسَى ٱلۡأَجَلَ وَسَارَ بِأَهۡلِهِۦٓ ءَانَسَ مِن جَانِبِ ٱلطُّورِ نَارٗاۖ قَالَ لِأَهۡلِهِ ٱمۡكُثُوٓاْ إِنِّيٓ ءَانَسۡتُ نَارٗا لَّعَلِّيٓ ءَاتِيكُم مِّنۡهَا بِخَبَرٍ أَوۡ جَذۡوَةٖ مِّنَ ٱلنَّارِ لَعَلَّكُمۡ تَصۡطَلُونَ

Guna masampay nu Musa su pasad na balalakaw silan kani kaluma nin, na aden na sandangan kanu palaw a apuy, tig nin kanu kaluma nin: sya kanu dumpan, ka aden naylay ku a apuy, bawangan ku ka basi aden tudtul atawka kumwa aku sa apuy a madsulu tanu atawka ipagegong.

Ayah: 30

فَلَمَّآ أَتَىٰهَا نُودِيَ مِن شَٰطِيِٕ ٱلۡوَادِ ٱلۡأَيۡمَنِ فِي ٱلۡبُقۡعَةِ ٱلۡمُبَٰرَكَةِ مِنَ ٱلشَّجَرَةِ أَن يَٰمُوسَىٰٓ إِنِّيٓ أَنَا ٱللَّهُ رَبُّ ٱلۡعَٰلَمِينَ

Guna nin mawma (su apuy) na tinawag su (Musa) kanu tampal sa kawanan nin lu kanu tampat a barakat a kayu, Hee Musa saki su Allah a kadnan nu dunya.

Ayah: 31

وَأَنۡ أَلۡقِ عَصَاكَۚ فَلَمَّا رَءَاهَا تَهۡتَزُّ كَأَنَّهَا جَآنّٞ وَلَّىٰ مُدۡبِرٗا وَلَمۡ يُعَقِّبۡۚ يَٰمُوسَىٰٓ أَقۡبِلۡ وَلَا تَخَفۡۖ إِنَّكَ مِنَ ٱلۡأٓمِنِينَ

Andu butawani ka i tungkaten ka anan, guna nin maylay a peng-gagalbek sa mana den nipay, tinangka nin sa tinumaligkud sa di den lumangi, (pidtalu salkanin) Hee Musa na daka kagilek, ka dala manggula nengka.

Ayah: 32

ٱسۡلُكۡ يَدَكَ فِي جَيۡبِكَ تَخۡرُجۡ بَيۡضَآءَ مِنۡ غَيۡرِ سُوٓءٖ وَٱضۡمُمۡ إِلَيۡكَ جَنَاحَكَ مِنَ ٱلرَّهۡبِۖ فَذَٰنِكَ بُرۡهَٰنَانِ مِن رَّبِّكَ إِلَىٰ فِرۡعَوۡنَ وَمَلَإِيْهِۦٓۚ إِنَّهُمۡ كَانُواْ قَوۡمٗا فَٰسِقِينَ

Iludepen ka i lima nengka kanu uyut nengka, ka lumyu maputi pagelin sa dala simbul nin andu kagkem ka i lima nengka (ka mawa su gilek nengka) ka dwa timan anan na tindeg nu abpun kanu kadnan nengka (na ipaylay nu) kani Fir-awn andu su kadakel nin, ka silan a mga taw na mga Fasiq. (nakalyu sa suguwan nu Allah)

Ayah: 33

قَالَ رَبِّ إِنِّي قَتَلۡتُ مِنۡهُمۡ نَفۡسٗا فَأَخَافُ أَن يَقۡتُلُونِ

Tig nu Musa kadnan ku aden binunu ku kanilan, na basi bunun aku nilan bun.

Ayah: 34

وَأَخِي هَٰرُونُ هُوَ أَفۡصَحُ مِنِّي لِسَانٗا فَأَرۡسِلۡهُ مَعِيَ رِدۡءٗا يُصَدِّقُنِيٓۖ إِنِّيٓ أَخَافُ أَن يُكَذِّبُونِ

Na suled ku a nya a si Harun na nya mapantas i dila nin salaki, na sekami dwa i mangay (kanu Fir-awn) makatabang salaki sa makabagel salaki, bangandam aku sa pan-dalbuten aku nilan.

Ayah: 35

قَالَ سَنَشُدُّ عَضُدَكَ بِأَخِيكَ وَنَجۡعَلُ لَكُمَا سُلۡطَٰنٗا فَلَا يَصِلُونَ إِلَيۡكُمَا بِـَٔايَٰتِنَآۚ أَنتُمَا وَمَنِ ٱتَّبَعَكُمَا ٱلۡغَٰلِبُونَ

Tig nu Allah: bagelen nami seka kanu suled nengka andu baluwin nami salkanu i tindeg sa dika nu nilan mawma sa malat sabap kanu mga tanda name andu sekanu dwa andu su bagumut salkanu i makatalaw sakanilan.

Ayah: 36

فَلَمَّا جَآءَهُم مُّوسَىٰ بِـَٔايَٰتِنَا بَيِّنَٰتٖ قَالُواْ مَا هَٰذَآ إِلَّا سِحۡرٞ مُّفۡتَرٗى وَمَا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ

Guna makawma sakanilan su Musa sa (nakadtapik) sa mga tanda a mapayag, na ya nilan pidtalu na: nan a sihir sa inidtabu andu da nami makineg kanu mga kalukesan nami a nangawna.

Ayah: 37

وَقَالَ مُوسَىٰ رَبِّيٓ أَعۡلَمُ بِمَن جَآءَ بِٱلۡهُدَىٰ مِنۡ عِندِهِۦ وَمَن تَكُونُ لَهُۥ عَٰقِبَةُ ٱلدَّارِۚ إِنَّهُۥ لَا يُفۡلِحُ ٱلظَّٰلِمُونَ

Tig nu Musa su Allah i labi a mataw sa kanu naka- pananggit sa kanu tutulu abpun sa Allah andu katawan nu Allah antayn i mapya i ulyanan nin sa gay a mawli, ka di den maka-untung su mga darwaka.

Ayah: 38

وَقَالَ فِرۡعَوۡنُ يَٰٓأَيُّهَا ٱلۡمَلَأُ مَا عَلِمۡتُ لَكُم مِّنۡ إِلَٰهٍ غَيۡرِي فَأَوۡقِدۡ لِي يَٰهَٰمَٰنُ عَلَى ٱلطِّينِ فَٱجۡعَل لِّي صَرۡحٗا لَّعَلِّيٓ أَطَّلِعُ إِلَىٰٓ إِلَٰهِ مُوسَىٰ وَإِنِّي لَأَظُنُّهُۥ مِنَ ٱلۡكَٰذِبِينَ

Tig nu Fir-awn kanu kadakel nin: da natawan ku kadnan nu a salakaw salaki, seka Haman na adum ka sa lupa, ka umbali aku sa maligay a mapulu (malambeg) ka basi ku maylay i kadnan ni Musa, sabap sa bagantapen ku i pan-dalbut sekanin.

Ayah: 39

وَٱسۡتَكۡبَرَ هُوَ وَجُنُودُهُۥ فِي ٱلۡأَرۡضِ بِغَيۡرِ ٱلۡحَقِّ وَظَنُّوٓاْ أَنَّهُمۡ إِلَيۡنَا لَا يُرۡجَعُونَ

Andu mimamasla sekanin andu su mga tantara nin sya sa lupa sa dala kawagib nin andu ya nilan kataw na di silan makam-balingan salkami.

Ayah: 40

فَأَخَذۡنَٰهُ وَجُنُودَهُۥ فَنَبَذۡنَٰهُمۡ فِي ٱلۡيَمِّۖ فَٱنظُرۡ كَيۡفَ كَانَ عَٰقِبَةُ ٱلظَّٰلِمِينَ

Bininasa nami (si Fir-awn) andu su mga tantara la nin, pina-galeda nami kanu lagat, ilayka (Muhammad) o ngin i nanggula nu mga taw a baradusa.

Ayah: 41

وَجَعَلۡنَٰهُمۡ أَئِمَّةٗ يَدۡعُونَ إِلَى ٱلنَّارِۖ وَيَوۡمَ ٱلۡقِيَٰمَةِ لَا يُنصَرُونَ

Andu binaluy nami silan a kawnutan na mangenggat lu sa naraka, andu lu sa gay a mawli na dala tabang sakanilan.

Ayah: 42

وَأَتۡبَعۡنَٰهُمۡ فِي هَٰذِهِ ٱلدُّنۡيَا لَعۡنَةٗۖ وَيَوۡمَ ٱلۡقِيَٰمَةِ هُم مِّنَ ٱلۡمَقۡبُوحِينَ

Andu tinunduga nami silan sya sa dunya sa mulka andou lu sa gay a mawli na silan i nakatangka sa kanu mapya.

Ayah: 43

وَلَقَدۡ ءَاتَيۡنَا مُوسَى ٱلۡكِتَٰبَ مِنۢ بَعۡدِ مَآ أَهۡلَكۡنَا ٱلۡقُرُونَ ٱلۡأُولَىٰ بَصَآئِرَ لِلنَّاسِ وَهُدٗى وَرَحۡمَةٗ لَّعَلَّهُمۡ يَتَذَكَّرُونَ

Andu inenggay nami kani Musa su kitab (Tawrat) sa ulyan na kinabinasan nu mga taw a nangawna sa maka-pasigay sapusong andu tutulu andu limu, ka malmu-lamu sakanilan i ma-indaw silan.

Ayah: 44

وَمَا كُنتَ بِجَانِبِ ٱلۡغَرۡبِيِّ إِذۡ قَضَيۡنَآ إِلَىٰ مُوسَى ٱلۡأَمۡرَ وَمَا كُنتَ مِنَ ٱلشَّٰهِدِينَ

Andu daka matabu (Muhammad) sa palaw sa kanu waktu a kina-wahi nami kani Musa andu dala ka makad-saksi kanu langun antu.

Ayah: 45

وَلَٰكِنَّآ أَنشَأۡنَا قُرُونٗا فَتَطَاوَلَ عَلَيۡهِمُ ٱلۡعُمُرُۚ وَمَا كُنتَ ثَاوِيٗا فِيٓ أَهۡلِ مَدۡيَنَ تَتۡلُواْ عَلَيۡهِمۡ ءَايَٰتِنَا وَلَٰكِنَّا كُنَّا مُرۡسِلِينَ

Ugayd na napambwat kami sa mga taw sa ulyan nu (Musa) a mga lando i umur nin andu dikena ka kaped sa taw na Madyan, ka pambatyan nengka su mga ayatan nami, ugayd na sakami i sinemugu kanu mga sinugu.

Ayah: 46

وَمَا كُنتَ بِجَانِبِ ٱلطُّورِ إِذۡ نَادَيۡنَا وَلَٰكِن رَّحۡمَةٗ مِّن رَّبِّكَ لِتُنذِرَ قَوۡمٗا مَّآ أَتَىٰهُم مِّن نَّذِيرٖ مِّن قَبۡلِكَ لَعَلَّهُمۡ يَتَذَكَّرُونَ

Andu dala ka lu sa takilidan na palaw kanu kina- tawag nami (kanu Musa) ugayd na limu abpun sa kadnan nengka (kinasugu salka) ka andu nengka kapa-kagilkan su mga taw kanu nakawma sakanilan a nawna salka, ka basi maka-tadem silan..

Ayah: 47

وَلَوۡلَآ أَن تُصِيبَهُم مُّصِيبَةُۢ بِمَا قَدَّمَتۡ أَيۡدِيهِمۡ فَيَقُولُواْ رَبَّنَا لَوۡلَآ أَرۡسَلۡتَ إِلَيۡنَا رَسُولٗا فَنَتَّبِعَ ءَايَٰتِكَ وَنَكُونَ مِنَ ٱلۡمُؤۡمِنِينَ

(Umana bu ka da nami seka sugwa) na amayka masugat silan na tyuba sabap kanu kawagan nu galbek nilan, na ya nilan adtalun na: upama nya baka aden sinugu nengka sya salkami a Rasul na unutan nami su ayatan nengka, na mabaluy kami a mga bamaginugut.

Ayah: 48

فَلَمَّا جَآءَهُمُ ٱلۡحَقُّ مِنۡ عِندِنَا قَالُواْ لَوۡلَآ أُوتِيَ مِثۡلَ مَآ أُوتِيَ مُوسَىٰٓۚ أَوَلَمۡ يَكۡفُرُواْ بِمَآ أُوتِيَ مُوسَىٰ مِن قَبۡلُۖ قَالُواْ سِحۡرَانِ تَظَٰهَرَا وَقَالُوٓاْ إِنَّا بِكُلّٖ كَٰفِرُونَ

Guna makawma sakanilan su bantang (sinugu andu su Qur-an) na ya nilan kadtalu na: upama ka namba ka inenggan si (Muhammad) sa mana su inenggay kanu Musa anduken dikena nilan sinupak bun su inenggay kanu (Musa) a nawna? Ya nilan pidtalu na sihir -a midtabanga, (su Tawrat andu Qur-an) andu pidtalu nilan i sekami na langun nu pidtalu nu na supaken nami.

Ayah: 49

قُلۡ فَأۡتُواْ بِكِتَٰبٖ مِّنۡ عِندِ ٱللَّهِ هُوَ أَهۡدَىٰ مِنۡهُمَآ أَتَّبِعۡهُ إِن كُنتُمۡ صَٰدِقِينَ

Adtalu ka sakanilan i pambwat nu i kitab nu abpun sa Allah a muna pan i katutulu nin (sa Qur-an) ka unutan ku amayka benal kanu.

Ayah: 50

فَإِن لَّمۡ يَسۡتَجِيبُواْ لَكَ فَٱعۡلَمۡ أَنَّمَا يَتَّبِعُونَ أَهۡوَآءَهُمۡۚ وَمَنۡ أَضَلُّ مِمَّنِ ٱتَّبَعَ هَوَىٰهُ بِغَيۡرِ هُدٗى مِّنَ ٱللَّهِۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ

Amayka di ka nilan taliman na ya nilan bagunutan na su hawa-nafsu nilan, na dala nakalawan i kinatadin nin kanu taw a ya nin bagunutan su hawa-nafsu nin sa dala tutulu abpun sa Allah, su Allah na di nin tutulun su mga taw a darwaka.

Ayah: 51

۞ وَلَقَدۡ وَصَّلۡنَا لَهُمُ ٱلۡقَوۡلَ لَعَلَّهُمۡ يَتَذَكَّرُونَ

Andu saben-sabenal a pinayag nami sakanilan su kadtalu (Qur-an) ka basi maka-tadem silan.(kanu Allah)

Ayah: 52

ٱلَّذِينَ ءَاتَيۡنَٰهُمُ ٱلۡكِتَٰبَ مِن قَبۡلِهِۦ هُم بِهِۦ يُؤۡمِنُونَ

Su mga taw a ineggan nami sa kitab a nawna sa (Qur-an) na nangimbenal silan.

Ayah: 53

وَإِذَا يُتۡلَىٰ عَلَيۡهِمۡ قَالُوٓاْ ءَامَنَّا بِهِۦٓ إِنَّهُ ٱلۡحَقُّ مِن رَّبِّنَآ إِنَّا كُنَّا مِن قَبۡلِهِۦ مُسۡلِمِينَ

Andu amayka batyan sakanilan (su Qur-an) na ya nilan madtalu na: nangimbenal kami sa benal abpun kanu kadnan nami, dapan makatulun na sinumangkup kami den.

Ayah: 54

أُوْلَٰٓئِكَ يُؤۡتَوۡنَ أَجۡرَهُم مَّرَّتَيۡنِ بِمَا صَبَرُواْ وَيَدۡرَءُونَ بِٱلۡحَسَنَةِ ٱلسَّيِّئَةَ وَمِمَّا رَزَقۡنَٰهُمۡ يُنفِقُونَ

Silan antu a mga taw na dwa takep i balas nin kanu kinad-sabar nilan andu bagalon nilan su mawag sa mapya andu su ped kanu ini-ridzki nami sakanilan na pem-baranggyan nilan sa Allah.

Ayah: 55

وَإِذَا سَمِعُواْ ٱللَّغۡوَ أَعۡرَضُواْ عَنۡهُ وَقَالُواْ لَنَآ أَعۡمَٰلُنَا وَلَكُمۡ أَعۡمَٰلُكُمۡ سَلَٰمٌ عَلَيۡكُمۡ لَا نَبۡتَغِي ٱلۡجَٰهِلِينَ

Andu amayka nakineg nilan i da katagan nin na taligkudan nilan, andu ya nilan kadtalu na: lekami den i lekami, lekanu den i lekanu, sajahatra salkanu, di nami kyugan i ka-jahilan.

Ayah: 56

إِنَّكَ لَا تَهۡدِي مَنۡ أَحۡبَبۡتَ وَلَٰكِنَّ ٱللَّهَ يَهۡدِي مَن يَشَآءُۚ وَهُوَ أَعۡلَمُ بِٱلۡمُهۡتَدِينَ

Di nengka matutulu su kalilinyan nengka, ugayd na su Allah i temutulu kanu kag-kahanda nin, ka sekanin i mataw kanu natutulu.

Ayah: 57

وَقَالُوٓاْ إِن نَّتَّبِعِ ٱلۡهُدَىٰ مَعَكَ نُتَخَطَّفۡ مِنۡ أَرۡضِنَآۚ أَوَلَمۡ نُمَكِّن لَّهُمۡ حَرَمًا ءَامِنٗا يُجۡبَىٰٓ إِلَيۡهِ ثَمَرَٰتُ كُلِّ شَيۡءٖ رِّزۡقٗا مِّن لَّدُنَّا وَلَٰكِنَّ أَكۡثَرَهُمۡ لَا يَعۡلَمُونَ

Andu pidtalu nilan amayka munut kami salka kanu tutulu na pawang kami kanu dalpa nami, (tig nu Allah) binaluy nami salkanu su (Makkah) a tumatana kanu, a bananggitan sa ambalangan a unga na kayu, a ridzqi abpun salkami (Allah) ugayd na ya madakel sakanilan na di mataw.

Ayah: 58

وَكَمۡ أَهۡلَكۡنَا مِن قَرۡيَةِۭ بَطِرَتۡ مَعِيشَتَهَاۖ فَتِلۡكَ مَسَٰكِنُهُمۡ لَمۡ تُسۡكَن مِّنۢ بَعۡدِهِمۡ إِلَّا قَلِيلٗاۖ وَكُنَّا نَحۡنُ ٱلۡوَٰرِثِينَ

Andu madakel den i bininasa nami a dalpa a madakel i ridzki nin, antu ba su mga dalpa nilan, na dala den kan-dalpay sa ulyan nilan-ya tabya na paydu bu (a mga taw) andu sekami (Allah) i mawaris kanu dalpa.

Ayah: 59

وَمَا كَانَ رَبُّكَ مُهۡلِكَ ٱلۡقُرَىٰ حَتَّىٰ يَبۡعَثَ فِيٓ أُمِّهَا رَسُولٗا يَتۡلُواْ عَلَيۡهِمۡ ءَايَٰتِنَاۚ وَمَا كُنَّا مُهۡلِكِي ٱلۡقُرَىٰٓ إِلَّا وَأَهۡلُهَا ظَٰلِمُونَ

Andu dala kanu kadnan nengka i binasan nin i dalpa sa dipan makambwat i masla nin a sinugu, sa batyan sakanilan i ayatan nami, andu dala salkami i binasan nami i dalpa-ya tabya na dupang i taw nin.

Ayah: 60

وَمَآ أُوتِيتُم مِّن شَيۡءٖ فَمَتَٰعُ ٱلۡحَيَوٰةِ ٱلدُّنۡيَا وَزِينَتُهَاۚ وَمَا عِندَ ٱللَّهِ خَيۡرٞ وَأَبۡقَىٰٓۚ أَفَلَا تَعۡقِلُونَ

Andu apiya ngin i inenggay salkanu na igka- kalilini nu bu sa kab-paguyag sa dunya andu kapalasan,su lu sa Allah na nya mapya andu nya gasama, na ngintu ka di kanu magungangen?.

Ayah: 61

أَفَمَن وَعَدۡنَٰهُ وَعۡدًا حَسَنٗا فَهُوَ لَٰقِيهِ كَمَن مَّتَّعۡنَٰهُ مَتَٰعَ ٱلۡحَيَوٰةِ ٱلدُّنۡيَا ثُمَّ هُوَ يَوۡمَ ٱلۡقِيَٰمَةِ مِنَ ٱلۡمُحۡضَرِينَ

Antayn i pibpasadan nami sa pasad a mapiya (surga) na mawma nin, sa mana bun su (pasad nami) kanu inenggan nami sa kalilinyan nin (a uyaguyag) sa dunya, mawli na lu sa gay a mauli na kuyug kanu ped-siksan. (su mga taw a nabimban sa dunya)

Ayah: 62

وَيَوۡمَ يُنَادِيهِمۡ فَيَقُولُ أَيۡنَ شُرَكَآءِيَ ٱلَّذِينَ كُنتُمۡ تَزۡعُمُونَ

Andu su gay a katawag nu (Allah) sakanilan andu (katawag) kanu mga barahala nu sa ya nu padtalun na tagapeda ku. (Allah)

Ayah: 63

قَالَ ٱلَّذِينَ حَقَّ عَلَيۡهِمُ ٱلۡقَوۡلُ رَبَّنَا هَٰٓؤُلَآءِ ٱلَّذِينَ أَغۡوَيۡنَآ أَغۡوَيۡنَٰهُمۡ كَمَا غَوَيۡنَاۖ تَبَرَّأۡنَآ إِلَيۡكَۖ مَا كَانُوٓاْ إِيَّانَا يَعۡبُدُونَ

Pidtalu nu mga kangaunutan sa katadingan a paka- naraka (amayka siksan den) na: kadnan nami silan ba anan a pinasibay nami na dikena tinagel (sa sumibay silan) sa mana su kinasibay nami, mibpukas kami sakanilan salka (Allah) dikena kami paped-simba sakanilan.

Ayah: 64

وَقِيلَ ٱدۡعُواْ شُرَكَآءَكُمۡ فَدَعَوۡهُمۡ فَلَمۡ يَسۡتَجِيبُواْ لَهُمۡ وَرَأَوُاْ ٱلۡعَذَابَۚ لَوۡ أَنَّهُمۡ كَانُواْ يَهۡتَدُونَ

Adtalun sakanilan i tawag nu su barahala nu, tinawag nilan na da silan makasawal (a barahala) andu naylay nilan su siksa, na o natutulu silan. (sya sa dunya na di silan masiksa)

Ayah: 65

وَيَوۡمَ يُنَادِيهِمۡ فَيَقُولُ مَاذَآ أَجَبۡتُمُ ٱلۡمُرۡسَلِينَ

Andu su gay a tawagen silan sa adtalun sakanilan sa ngin i ini-talima nu kanu mga sinugu?.

Ayah: 66

فَعَمِيَتۡ عَلَيۡهِمُ ٱلۡأَنۢبَآءُ يَوۡمَئِذٖ فَهُمۡ لَا يَتَسَآءَلُونَ

(Namba a gay) na napelen sakanilan i kadtalu a makalepas sakanilan, kanu namba a gay na di silan mamaka-pagidsaya.

Ayah: 67

فَأَمَّا مَن تَابَ وَءَامَنَ وَعَمِلَ صَٰلِحٗا فَعَسَىٰٓ أَن يَكُونَ مِنَ ٱلۡمُفۡلِحِينَ

Su mid-tawbat andu nangimbenal andu minggalbek sa mapiya, na di abpalis na makuyug kanu mga taw a naka-untung.

Ayah: 68

وَرَبُّكَ يَخۡلُقُ مَا يَشَآءُ وَيَخۡتَارُۗ مَا كَانَ لَهُمُ ٱلۡخِيَرَةُۚ سُبۡحَٰنَ ٱللَّهِ وَتَعَٰلَىٰ عَمَّا يُشۡرِكُونَ

Andu su kadnan nengka i bamaluy sa kahanda nin andukyugan nin, andu dala sakanilan (a mga kafeer) i kapamili, mahasutti su Allah kanu mga iped-sakutu nilan.

Ayah: 69

وَرَبُّكَ يَعۡلَمُ مَا تُكِنُّ صُدُورُهُمۡ وَمَا يُعۡلِنُونَ

Andu su kadnan nengka na katawan nin i kamedu kanu mga laleb nilan andu su ipeb-payag nilan.

Ayah: 70

وَهُوَ ٱللَّهُ لَآ إِلَٰهَ إِلَّا هُوَۖ لَهُ ٱلۡحَمۡدُ فِي ٱلۡأُولَىٰ وَٱلۡأٓخِرَةِۖ وَلَهُ ٱلۡحُكۡمُ وَإِلَيۡهِ تُرۡجَعُونَ

Andu sekanin su Allah a dala kadnan a salakaw salkanin andu lekanin su pugi sa dunya-Akhirat andu lekanin i hukuman andu lubun makam- balingan salkanin. (Allah)

Ayah: 71

قُلۡ أَرَءَيۡتُمۡ إِن جَعَلَ ٱللَّهُ عَلَيۡكُمُ ٱلَّيۡلَ سَرۡمَدًا إِلَىٰ يَوۡمِ ٱلۡقِيَٰمَةِ مَنۡ إِلَٰهٌ غَيۡرُ ٱللَّهِ يَأۡتِيكُم بِضِيَآءٍۚ أَفَلَا تَسۡمَعُونَ

Adtalu ka sakanilan sa o baluwin nu Alllah salkanu su magabi sa dayun sa dayun taman sa gay a mawli, na antayn i kadnan a salakaw sa Allah a maka- pambwat sa malinawag? na di nu gakineg?.

Ayah: 72

قُلۡ أَرَءَيۡتُمۡ إِن جَعَلَ ٱللَّهُ عَلَيۡكُمُ ٱلنَّهَارَ سَرۡمَدًا إِلَىٰ يَوۡمِ ٱلۡقِيَٰمَةِ مَنۡ إِلَٰهٌ غَيۡرُ ٱللَّهِ يَأۡتِيكُم بِلَيۡلٖ تَسۡكُنُونَ فِيهِۚ أَفَلَا تُبۡصِرُونَ

Nadtaloka o baluwino Allah salkano so malmag sa da den magabi taman sa gay a mauli, na entaini kadnan a salakaw sa Allah a mapam-buat salkano sa magabi a makateleng kano? Na nginto dino gailay so mga tandano Allah?.

Ayah: 73

وَمِن رَّحۡمَتِهِۦ جَعَلَ لَكُمُ ٱلَّيۡلَ وَٱلنَّهَارَ لِتَسۡكُنُواْ فِيهِ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ

73 Andu limu nin salkanu su magabi andu malmag, a maka-talen kanu (sa magabi) andu makapangilay kanu sa limu nin (sa malmag) ka makad-sukur kanu. (sa Allah)

Ayah: 74

وَيَوۡمَ يُنَادِيهِمۡ فَيَقُولُ أَيۡنَ شُرَكَآءِيَ ٱلَّذِينَ كُنتُمۡ تَزۡعُمُونَ

Andu su gay a tawagen silan nu (Allah) sa andaw su mga barahala nu a pedtalun nu (lus a dunya) a makad-tabang salkanu? (sya sa Akhirat)

Ayah: 75

وَنَزَعۡنَا مِن كُلِّ أُمَّةٖ شَهِيدٗا فَقُلۡنَا هَاتُواْ بُرۡهَٰنَكُمۡ فَعَلِمُوٓاْ أَنَّ ٱلۡحَقَّ لِلَّهِ وَضَلَّ عَنۡهُم مَّا كَانُواْ يَفۡتَرُونَ

Andu pinam-bwat nami kanu uman i ummat i saksi nilan (su mga nabi nilan) na adtalun nami: I sya nu su tindeg nu, na natawan nilan su Allah i (tindeg) a bantang andu natadin sakanilan su langun nu ipadtabu nilan. (kanu Allah)

Ayah: 76

۞ إِنَّ قَٰرُونَ كَانَ مِن قَوۡمِ مُوسَىٰ فَبَغَىٰ عَلَيۡهِمۡۖ وَءَاتَيۡنَٰهُ مِنَ ٱلۡكُنُوزِ مَآ إِنَّ مَفَاتِحَهُۥ لَتَنُوٓأُ بِٱلۡعُصۡبَةِ أُوْلِي ٱلۡقُوَّةِ إِذۡ قَالَ لَهُۥ قَوۡمُهُۥ لَا تَفۡرَحۡۖ إِنَّ ٱللَّهَ لَا يُحِبُّ ٱلۡفَرِحِينَ

Saben-sabenal kani harun na kaped kanu taw nu Musa na mig-kafeer sakanilan andu inenggan nami sa mga ginadung a tamuk, su mga gunsi na mga tamuk nin na kawgatan i mga taw a madakel a mabagel, pidtalu nu mga taw nin: sa daka kagalaw (Qarun) (pemamasla sa kadakel na tamuk) ka di kaswatan nu Allah su kagalaw (a kamamasla).

Ayah: 77

وَٱبۡتَغِ فِيمَآ ءَاتَىٰكَ ٱللَّهُ ٱلدَّارَ ٱلۡأٓخِرَةَۖ وَلَا تَنسَ نَصِيبَكَ مِنَ ٱلدُّنۡيَاۖ وَأَحۡسِن كَمَآ أَحۡسَنَ ٱللَّهُ إِلَيۡكَۖ وَلَا تَبۡغِ ٱلۡفَسَادَ فِي ٱلۡأَرۡضِۖ إِنَّ ٱللَّهَ لَا يُحِبُّ ٱلۡمُفۡسِدِينَ

Andi ituntuteng ka so inenggyan nu Allah salka (a tamuk) sa balas sa Akhirat andu dika lumimpangi su umun nengka sa dunya andu abpya-pya ka, sabap sa pibpya-pyanan ka nu Allah andu daka panggula sa makabinasa sya sa lupa, ka su Allah na di nin kaswatan i kabinasan.

Ayah: 78

قَالَ إِنَّمَآ أُوتِيتُهُۥ عَلَىٰ عِلۡمٍ عِندِيٓۚ أَوَلَمۡ يَعۡلَمۡ أَنَّ ٱللَّهَ قَدۡ أَهۡلَكَ مِن قَبۡلِهِۦ مِنَ ٱلۡقُرُونِ مَنۡ هُوَ أَشَدُّ مِنۡهُ قُوَّةٗ وَأَكۡثَرُ جَمۡعٗاۚ وَلَا يُسۡـَٔلُ عَن ذُنُوبِهِمُ ٱلۡمُجۡرِمُونَ

Ya pidtalu nu (Qarun) tamuk ku a nya na sabap bun sa kataw ko (i kinakwa ku lun) ngintu di nin katawan i saben-sabenal su Allah na bininasa nin su nawna pan salkanin a mga taw a muna pan salkanin i kabagel nin? Andu nya pan madakel salkanin i bilangan nin? Andu di bagidsan nu Allah kanu kadusan nin (amayka tyuban den silan)

Ayah: 79

فَخَرَجَ عَلَىٰ قَوۡمِهِۦ فِي زِينَتِهِۦۖ قَالَ ٱلَّذِينَ يُرِيدُونَ ٱلۡحَيَوٰةَ ٱلدُّنۡيَا يَٰلَيۡتَ لَنَا مِثۡلَ مَآ أُوتِيَ قَٰرُونُ إِنَّهُۥ لَذُو حَظٍّ عَظِيمٖ

Linamyu (si Qarun) kanu mga taw nin sa masla i pib-palas nin (midsandag), ya nadtalu nu (mga taw) a aden kyug nin sa dunya na: nya ba ka aden bu lekitanu a mamba sa kani Qarun, ka sekanin a taw (Qarun) na sangat i kapya na bagi nin a masla.

Ayah: 80

وَقَالَ ٱلَّذِينَ أُوتُواْ ٱلۡعِلۡمَ وَيۡلَكُمۡ ثَوَابُ ٱللَّهِ خَيۡرٞ لِّمَنۡ ءَامَنَ وَعَمِلَ صَٰلِحٗاۚ وَلَا يُلَقَّىٰهَآ إِلَّا ٱلصَّٰبِرُونَ

Ya nadtalu nu aden ilmu nin na: da kanu pegkuman, ka su balas nu Allah kanu nangimbenal andu ming-galbek sa mapya na muna pan i kapya nin, na dala makakwa lun o dikena (mga taw) a midsabar.

Ayah: 81

فَخَسَفۡنَا بِهِۦ وَبِدَارِهِ ٱلۡأَرۡضَ فَمَا كَانَ لَهُۥ مِن فِئَةٖ يَنصُرُونَهُۥ مِن دُونِ ٱللَّهِ وَمَا كَانَ مِنَ ٱلۡمُنتَصِرِينَ

Na tinampulan nami (si Qarun) andu su walay nin sa lupa, na dala salkanin i kadakel a makatabang salkanin a salakaw sa Allah andu dala den makuyug sa tabangan.

Ayah: 82

وَأَصۡبَحَ ٱلَّذِينَ تَمَنَّوۡاْ مَكَانَهُۥ بِٱلۡأَمۡسِ يَقُولُونَ وَيۡكَأَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُۖ لَوۡلَآ أَن مَّنَّ ٱللَّهُ عَلَيۡنَا لَخَسَفَ بِنَاۖ وَيۡكَأَنَّهُۥ لَا يُفۡلِحُ ٱلۡكَٰفِرُونَ

Nabaluy manem su padsakel (kani Qarun) kagay sa nadtalu nilan i benal su Allah a kalaganin (pakawladen nin) sa ridzki su mag-kahanda nin kanu mga ulipen nin andu kasimpitan su kahanda nin, o dikena bu ini-kalimu tanu nu Allah na makamung tanu (kani Qarun) andu di den maka-untung su mga kafeer. (lu sa gay a mawli)

Ayah: 83

تِلۡكَ ٱلدَّارُ ٱلۡأٓخِرَةُ نَجۡعَلُهَا لِلَّذِينَ لَا يُرِيدُونَ عُلُوّٗا فِي ٱلۡأَرۡضِ وَلَا فَسَادٗاۚ وَٱلۡعَٰقِبَةُ لِلۡمُتَّقِينَ

Su surga sa gay a mawli na baluwin nami a kanu mga taw a dala sa ginawa nilan i kab-papulu andu dala sa kanilan i maka-binasa, nya bun mapya i mawli nin su mga gilek sa Allah.

Ayah: 84

مَن جَآءَ بِٱلۡحَسَنَةِ فَلَهُۥ خَيۡرٞ مِّنۡهَاۖ وَمَن جَآءَ بِٱلسَّيِّئَةِ فَلَا يُجۡزَى ٱلَّذِينَ عَمِلُواْ ٱلسَّيِّـَٔاتِ إِلَّا مَا كَانُواْ يَعۡمَلُونَ

Su taw a mapya i napa-nanggit nin (sa gay a mawli) na sawalu bu na nya pan mapya i balas nin (sa kanu nait nin) andu su malat manem i nait nin na dala balas nu mga taw a ming-galbek sa malat ya tabya na malat bun.

Ayah: 85

إِنَّ ٱلَّذِي فَرَضَ عَلَيۡكَ ٱلۡقُرۡءَانَ لَرَآدُّكَ إِلَىٰ مَعَادٖۚ قُل رَّبِّيٓ أَعۡلَمُ مَن جَآءَ بِٱلۡهُدَىٰ وَمَنۡ هُوَ فِي ضَلَٰلٖ مُّبِينٖ

(Su Allah) na initulun nin salka (Muhammad) su Qur-an, na pambalinganen kanin bun sa (sa Makkah) adtaluka su kadnan ku i mataw sa nakait sa tutulu andu su taw a natadin sa mapayag.

Ayah: 86

وَمَا كُنتَ تَرۡجُوٓاْ أَن يُلۡقَىٰٓ إِلَيۡكَ ٱلۡكِتَٰبُ إِلَّا رَحۡمَةٗ مِّن رَّبِّكَۖ فَلَا تَكُونَنَّ ظَهِيرٗا لِّلۡكَٰفِرِينَ

Dikena nengka napagingarap i makatulun salka (Muhammad) su kitab (Qur-an) nya tabya na limu abpun sa kadnan nengka, na daka anggula sa tumabang ka sa kanu mga kafeer.

Ayah: 87

وَلَا يَصُدُّنَّكَ عَنۡ ءَايَٰتِ ٱللَّهِ بَعۡدَ إِذۡ أُنزِلَتۡ إِلَيۡكَۖ وَٱدۡعُ إِلَىٰ رَبِّكَۖ وَلَا تَكُونَنَّ مِنَ ٱلۡمُشۡرِكِينَ

Andu daka mapasapal (sa kapayapat) kanu mga ayatan nu Allah sa ulyan na kinatulun nin salka andu pangenggat ka lu sa Allah andu daka bu anggula sa makuyug ka kanu mga Mushrik.

Ayah: 88

وَلَا تَدۡعُ مَعَ ٱللَّهِ إِلَٰهًا ءَاخَرَۘ لَآ إِلَٰهَ إِلَّا هُوَۚ كُلُّ شَيۡءٍ هَالِكٌ إِلَّا وَجۡهَهُۥۚ لَهُ ٱلۡحُكۡمُ وَإِلَيۡهِ تُرۡجَعُونَ

Andu daka sumimba sa aden pan kaped nu Allah, ka dala kadnan ya tabya na sekanin, langun nu anggaga-isa na gadala ya tabya na su pamenengan nu Allah lekanin i hukuman andu lukanobon makambalingan salkanin.