Terjemahan makna Surah Surah Al-Infiṭār - الترجمة البشتوية للمختصر في تفسير القرآن الكريم - Ensiklopedia Alquran Alkarim

الإنفطار

Tujuan Pokok Surah Ini:

تحذير الإنسان من الاغترار ونسيان يوم القيامة.

د انسان له غروره او د قيامت د ورځې له هېرولو څخه ډارول.

---

Ayah: 1

اِذَا السَّمَآءُ انْفَطَرَتْ ۟ۙ

او کله چې آسمان د پریښتو د راکوزیدو لپاره څيرې کړل شي.

Ayah: 2

وَاِذَا الْكَوَاكِبُ انْتَثَرَتْ ۟ۙ

او کله چې ستوري تيت او شيندلي را ولوېږي.

Ayah: 3

وَاِذَا الْبِحَارُ فُجِّرَتْ ۟ۙ

او کله چې دريابونه يو پر بل پرانېستل شي او سره ګډوډ شي.

Ayah: 4

وَاِذَا الْقُبُوْرُ بُعْثِرَتْ ۟ۙ

او هر کله چې د قبرونو خاورې لاندې باندې شي د هغه چا د راپورته کېدو په موخه چې پکې دي.

Ayah: 5

عَلِمَتْ نَفْسٌ مَّا قَدَّمَتْ وَاَخَّرَتْ ۟ؕ

هغه مهال به هر نفس پر هغه عمل پوه شي چې مخکې يې کړی دی او پر هغه څه چې ترې پاتې دی او نه يې دی کړی.

Ayah: 6

یٰۤاَیُّهَا الْاِنْسَانُ مَا غَرَّكَ بِرَبِّكَ الْكَرِیْمِ ۟ۙ

اې پر خپل پالونکي کافر انسانه! څه شي داسې ګرځولی يې چې د خپل پالونکي له امر سرغړونه کوې کله چې هغه مهلت درکړ او په سزا درکولو کې يې له خپل لوري د مهربانۍ له مخې بيړه ونه کړه.

Ayah: 7

الَّذِیْ خَلَقَكَ فَسَوّٰىكَ فَعَدَلَكَ ۟ۙ

هغه ذات چې ته يې وروسته ستا له نشتون څخه را منځته کړی يې او بيا يې د برابرو او معتدلو غړو والا ګرځولی يې.

Ayah: 8

فِیْۤ اَیِّ صُوْرَةٍ مَّا شَآءَ رَكَّبَكَ ۟ؕ

په کومه بڼه يې چې ستا پيداکول غوښتل همغسې يې پيداکړې، او پر تا يې دا پېرزوينه وکړه چې د خره، بېزو، سپي يا بل څه په شکل کې پيدا نه کړې.

Ayah: 9

كَلَّا بَلْ تُكَذِّبُوْنَ بِالدِّیْنِ ۟ۙ

اې دوکه شويو خلکو! داسې نه ده لکه تاسې چې فکر کړئ، بلکې تاسې د بدلې ورځ درواغ ګڼئ؛ نو د هغې لپاره عمل نه کوئ.

Ayah: 10

وَاِنَّ عَلَیْكُمْ لَحٰفِظِیْنَ ۟ۙ

او پر تاسې داسې پرېښتې ګومارل شوې چې ستاسو اعمال ساتي.

Ayah: 11

كِرَامًا كٰتِبِیْنَ ۟ۙ

د الله په وړاندې عزتمنې دي، ليکونکې دي چې ستاسې اعمال ليکي.

Ayah: 12

یَعْلَمُوْنَ مَا تَفْعَلُوْنَ ۟

پر هغو کارونو پوهيږي چې تاسې يې کوئ؛ نو ليکي يې.

Ayah: 13

اِنَّ الْاَبْرَارَ لَفِیْ نَعِیْمٍ ۟ۙ

او د ډېر خير او پيروۍ کوونکي به د قيامت په ورځ په تلپاتې نعمتونو کې وي.

Ayah: 14

وَاِنَّ الْفُجَّارَ لَفِیْ جَحِیْمٍ ۟ۙ

او د بې لارۍ څښتنان به په داسې اور کې وي چې پرې بليږي به.

Ayah: 15

یَّصْلَوْنَهَا یَوْمَ الدِّیْنِ ۟

د بدلې په ورځ به ور ننوځي چې ګرمي به يې زغمي.

Ayah: 16

وَمَا هُمْ عَنْهَا بِغَآىِٕبِیْنَ ۟ؕ

او هيڅکله به له هغې پټېدونکي نه وي، بلکې تل به پکې وي.

Ayah: 17

وَمَاۤ اَدْرٰىكَ مَا یَوْمُ الدِّیْنِ ۟ۙ

او اې رسوله! ته څه پوه يې چې د بدلې ورځ څه ده؟!.

Ayah: 18

ثُمَّ مَاۤ اَدْرٰىكَ مَا یَوْمُ الدِّیْنِ ۟ؕ

بيا ته څه پوهېږې چې د بدلې ورځ څه ده؟!.

Ayah: 19

یَوْمَ لَا تَمْلِكُ نَفْسٌ لِّنَفْسٍ شَیْـًٔا ؕ— وَالْاَمْرُ یَوْمَىِٕذٍ لِّلّٰهِ ۟۠

په کومه ورځ چې هيڅوک به هيچاته ګټه نه شي رسولای، او دغه ورځ به امر ټول يوازې الله لره وي، څنګه چې غواړي تصرف به کوي، بل به هيچا لره نه وي.

Beberapa Faedah Ayat-ayat di Halaman Ini:

• التحذير من الغرور المانع من اتباع الحق.

له هغې لویۍ څخه منع کول چې د حق د پیروۍ لامل ګرځي.

• الجشع من الأخلاق الذميمة في التجار ولا يسلم منه إلا من يخاف الله.

بد حرص په سوداګرو کې له ناوړه خويونو څخه دی يوازې هغه څوک ترې خوندي وي چې له الله څخه وېريږي.

• تذكر هول القيامة من أعظم الروادع عن المعصية.

د قيامت سختۍ ور په يادول له ګناه څخه تر ټولو لوی منع کوونکی دی.