Terjemahan makna Surah Surah At-Takwīr - Terjemahan Berbahasa Pashtun - Ruwwād - Ensiklopedia Alquran Alkarim

التكوير

Ayah: 1

اِذَا الشَّمْسُ كُوِّرَتْ ۟

كله چې لمر ونغښتل شي.

Ayah: 2

وَاِذَا النُّجُوْمُ انْكَدَرَتْ ۟

او کله چې ستوري خړ واوړي.

Ayah: 3

وَاِذَا الْجِبَالُ سُیِّرَتْ ۟

او كله چې غرونه روان كړل شي.

Ayah: 4

وَاِذَا الْعِشَارُ عُطِّلَتْ ۟

او كله چې لس مياشتینۍ (بلاربې اوښې) خوشې كړل شي.

Ayah: 5

وَاِذَا الْوُحُوْشُ حُشِرَتْ ۟

او كله چې (وحشي) ځناور سره غونډ كړل شي.

Ayah: 6

وَاِذَا الْبِحَارُ سُجِّرَتْ ۟

او كله چې سمندرونه لمبې وكړي.

Ayah: 7

وَاِذَا النُّفُوْسُ زُوِّجَتْ ۟

او كله چې ساوې (روحونه) جوړه كړاى شي (جسدونو سره).

Ayah: 8

وَاِذَا الْمَوْءٗدَةُ سُىِٕلَتْ ۟

او كله چې ژوندۍ خښه شوې جينۍ وپوښتل شي.

Ayah: 9

بِاَیِّ ذَنْۢبٍ قُتِلَتْ ۟ۚ

چې په كومه ګناه وژل شوې ده؟

Ayah: 10

وَاِذَا الصُّحُفُ نُشِرَتْ ۟

او كله چې عملنامې پرانيستل شي.

Ayah: 11

وَاِذَا السَّمَآءُ كُشِطَتْ ۟

او كله چې د آسمان پوستكى واړول شي.

Ayah: 12

وَاِذَا الْجَحِیْمُ سُعِّرَتْ ۟

او كله چې د دوزخ لمبې بلې كړى شي.

Ayah: 13

وَاِذَا الْجَنَّةُ اُزْلِفَتْ ۟

او كله چې جنت را نېږدې كړى شي.

Ayah: 14

عَلِمَتْ نَفْسٌ مَّاۤ اَحْضَرَتْ ۟ؕ

بيا به هركس ته معلومه شي چې څه يې راوړي.

Ayah: 15

فَلَاۤ اُقْسِمُ بِالْخُنَّسِ ۟ۙ

نو نه، زه پر بېرته پټېدونکو ستورو لوړه كوم.

Ayah: 16

الْجَوَارِ الْكُنَّسِ ۟ۙ

پر ګرځېدونكو - پټېدونكو باندې.

Ayah: 17

وَالَّیْلِ اِذَا عَسْعَسَ ۟ۙ

او پر شپه چې كله ولاړه شي.

Ayah: 18

وَالصُّبْحِ اِذَا تَنَفَّسَ ۟ۙ

او قسم دی پر سهار کله چې سا واخلي.

Ayah: 19

اِنَّهٗ لَقَوْلُ رَسُوْلٍ كَرِیْمٍ ۟ۙ

چې بېشكه دا د يو عزتمن رسول وينا ده.

Ayah: 20

ذِیْ قُوَّةٍ عِنْدَ ذِی الْعَرْشِ مَكِیْنٍ ۟ۙ

چې زورور (او) د عرش څښتن پر وړاندې مرتبې والا دى.

Ayah: 21

مُّطَاعٍ ثَمَّ اَمِیْنٍ ۟ؕ

هلته ( په پرېښتو كې) د ده خبره منل كيږي - امانتداره دی.

Ayah: 22

وَمَا صَاحِبُكُمْ بِمَجْنُوْنٍ ۟ۚ

او ستاسې (دا) ملګرى هم لېونى نه دى.

Ayah: 23

وَلَقَدْ رَاٰهُ بِالْاُفُقِ الْمُبِیْنِ ۟ۚ

او ده هغه په يوه روښانه څنډه كې ليدلى دى.

Ayah: 24

وَمَا هُوَ عَلَی الْغَیْبِ بِضَنِیْنٍ ۟ۚ

او نه هغه (محمد صلی الله عليه وسلم) پر غيبو (رسولو) بخيل دى.

Ayah: 25

وَمَا هُوَ بِقَوْلِ شَیْطٰنٍ رَّجِیْمٍ ۟ۙ

او نه دا د رټلي شيطان خبره ده.

Ayah: 26

فَاَیْنَ تَذْهَبُوْنَ ۟ؕ

نو بيا چېرته ځئ؟

Ayah: 27

اِنْ هُوَ اِلَّا ذِكْرٌ لِّلْعٰلَمِیْنَ ۟ۙ

هغه د ټولو نړيوالو لپاره پرته له نصيحته بل څه نه دى.

Ayah: 28

لِمَنْ شَآءَ مِنْكُمْ اَنْ یَّسْتَقِیْمَ ۟ؕ

له تاسې څخه د هغه چا لپاره چې غواړي په لاره سم شي.

Ayah: 29

وَمَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ ۟۠

او ستاسې په غوښتو څه كېداى شي پرته له دې چې رب العالمين څه وغواړي.