Terjemahan makna Surah Surah Al-Muṭaffifīn - Terjemahan Berbahasa Uzbek - Pusat Terjemah Ruwwād - Ensiklopedia Alquran Alkarim

Мутоффифийн сураси

Ayah: 1

وَيۡلٞ لِّلۡمُطَفِّفِينَ

Уриб қолгувчиларга ҳалокат бўлсин!

Ayah: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

Улар одамлардан нарса ўлчаб олсалар, тўла оладилар.

Ayah: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Уларга ўлчаб ёки тортиб берганларида эса кам қилиб берадилар.

Ayah: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Улар ўзларининг қайта тирилишларини ўйламайдиларми?!

Ayah: 5

لِيَوۡمٍ عَظِيمٖ

Улуғ бир кунда.

Ayah: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

Барча одамлар бутун оламлар Парвардигори ҳузурида тик турадиган кунда.

Ayah: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Йўқ! Албатта, фожирларларнинг китоби Сижжийндадир.

Ayah: 8

وَمَآ أَدۡرَىٰكَ مَا سِجِّينٞ

Сижжийн нима эканини сиз қаердан ҳам билардингиз?

Ayah: 9

كِتَٰبٞ مَّرۡقُومٞ

(У) битилган китобдир.

Ayah: 10

وَيۡلٞ يَوۡمَئِذٖ لِّلۡمُكَذِّبِينَ

У кунда ёлғонга чиқарувчиларга ҳалокат бўлгай!

Ayah: 11

ٱلَّذِينَ يُكَذِّبُونَ بِيَوۡمِ ٱلدِّينِ

Улар жазо кунини ёлғонга чиқарадилар.

Ayah: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Уни ҳар бир ҳаддан ошган ва гуноҳга ботган кимсагина ёлғон дер!

Ayah: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Оятларимиз унга тиловат қилинса, аввалгиларнинг афсоналари, дер.

Ayah: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Йўқ! Уларнинг қилган касблари қалбларига моғор бўлиб ўрнашиб қолгандир.

Ayah: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Йўқ! Албатта, улар ўша кунда Парвардигорларидан тўсилгувчидирлар!

Ayah: 16

ثُمَّ إِنَّهُمۡ لَصَالُواْ ٱلۡجَحِيمِ

Сўнгра, албатта, улар дўзахга киргувчидирлар.

Ayah: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Сўнгра, сизлар ёлғонга чиқариб юрган нарса мана шудир, дейилади.

Ayah: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Асло! Яхшиларнинг номаи аъмоллари, шак-шубҳасиз, Иллийюндадир.

Ayah: 19

وَمَآ أَدۡرَىٰكَ مَا عِلِّيُّونَ

Иллийюн нималигини қаердан ҳам билардингиз!

Ayah: 20

كِتَٰبٞ مَّرۡقُومٞ

(У) битилган китобдир.

Ayah: 21

يَشۡهَدُهُ ٱلۡمُقَرَّبُونَ

Унга муқарраб (фаришта)лар гувоҳ бўлурлар.

Ayah: 22

إِنَّ ٱلۡأَبۡرَارَ لَفِي نَعِيمٍ

Албатта, яхшилар неъматдадирлар.

Ayah: 23

عَلَى ٱلۡأَرَآئِكِ يَنظُرُونَ

Сўриларда қараб (ўтирадилар).

Ayah: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Чеҳраларида неъмат жилвасини кўрасиз.

Ayah: 25

يُسۡقَوۡنَ مِن رَّحِيقٖ مَّخۡتُومٍ

Улар муҳрланган шаробдан ичурлар.

Ayah: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Унинг муҳри мушк бўлур. Бас, беллашадиганлар мана шу ишда беллашсинлар.

Ayah: 27

وَمِزَاجُهُۥ مِن تَسۡنِيمٍ

Унинг аралашмаси таснимдандир.

Ayah: 28

عَيۡنٗا يَشۡرَبُ بِهَا ٱلۡمُقَرَّبُونَ

У бир чашмадирки, ундан муқарраблар ичадилар.

Ayah: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Албатта, жиноят қилганлар иймон келтирганлар устидан кулар эдилар.

Ayah: 30

وَإِذَا مَرُّواْ بِهِمۡ يَتَغَامَزُونَ

Уларнинг ёнидан ўтиб қолсалар, масхаралаб имо-ишоралар қилардилар.

Ayah: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Қачон уйларига қайтсалар, ҳузурланиб қайтардилар.

Ayah: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Уларни кўрганларида, анавилар ҳақиқий адашганлардир, дер эдилар.

Ayah: 33

وَمَآ أُرۡسِلُواْ عَلَيۡهِمۡ حَٰفِظِينَ

Ҳолбуки, улар (мўминларнинг) устига қўриқчи қилиб юборилган эмасдилар.

Ayah: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Энди бу кунда иймон келтирганлар кофирлар устидан куладилар.

Ayah: 35

عَلَى ٱلۡأَرَآئِكِ يَنظُرُونَ

Сўриларда қараб (ўтирадилар).

Ayah: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Кофирлар ўзлари қилиб ўтган қилмишларининг жазосини олдиларми?