Terjemahan makna Surah Surah Al-Gāsyiyah - Terjemahan Berbahasa Yoruba - Ensiklopedia Alquran Alkarim

Suuratul-Gaashiyah

Ayah: 1

هَلۡ أَتَىٰكَ حَدِيثُ ٱلۡغَٰشِيَةِ

Ṣebí ọ̀rọ̀ nípa ohun tó máa bo ẹ̀dá mọ́lẹ̀ ti dé ọ̀dọ̀ rẹ?

Ayah: 2

وُجُوهٞ يَوۡمَئِذٍ خَٰشِعَةٌ

Àwọn ojú kan yóò wálẹ̀ (ní ti ìyẹpẹrẹ) ní ọjọ́ yẹn.

Ayah: 3

عَامِلَةٞ نَّاصِبَةٞ

Wọ́n ṣe iṣẹ́ àṣekúdórógbó (ni nílé ayé).

Ayah: 4

تَصۡلَىٰ نَارًا حَامِيَةٗ

Wọ́n sì máa wọ inú Iná tó gbóná janjan (ní ọ̀run).

Ayah: 5

تُسۡقَىٰ مِنۡ عَيۡنٍ ءَانِيَةٖ

Wọ́n sì máa fún (wọn) ní omi ìṣẹ́lẹ̀rú gbígbóná mu.

Ayah: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Kò sí oúnjẹ kan fún wọn àyàfi igi ẹlẹ́gùn-ún gbígbẹ.

Ayah: 7

لَّا يُسۡمِنُ وَلَا يُغۡنِي مِن جُوعٖ

Kò níí mú wọn sanra. Kò sì níí rọ̀ wọ́n lọ́rọ̀ nínú ebi.

Ayah: 8

وُجُوهٞ يَوۡمَئِذٖ نَّاعِمَةٞ

Àwọn ojú kan yó sì kún fún ìgbádùn ní ọjọ́ yẹn

Ayah: 9

لِّسَعۡيِهَا رَاضِيَةٞ

nítorí pé (ó) yọ́nú sí (ẹ̀san) iṣẹ́ rẹ̀.

Ayah: 10

فِي جَنَّةٍ عَالِيَةٖ

(Ó máa) wà nínú Ọgbà Ìdẹ̀ra gíga.

Ayah: 11

لَّا تَسۡمَعُ فِيهَا لَٰغِيَةٗ

Wọn kò níí gbọ́ ìsọkúsọ nínú rẹ̀.

Ayah: 12

فِيهَا عَيۡنٞ جَارِيَةٞ

Omi ìṣẹ́lẹ̀rú tó ń ṣàn wà nínú rẹ̀.

Ayah: 13

فِيهَا سُرُرٞ مَّرۡفُوعَةٞ

Àwọn ibùsùn tí wọ́n gbé sókè wà nínú rẹ̀,

Ayah: 14

وَأَكۡوَابٞ مَّوۡضُوعَةٞ

àti àwọn ife ìmumi tí wọ́n gbé kalẹ̀ (sí àrọ́wọ́tó wọn),

Ayah: 15

وَنَمَارِقُ مَصۡفُوفَةٞ

àti àwọn ìrọ̀rí tí wọ́n tò sí ẹ̀gbẹ́ ara wọn,

Ayah: 16

وَزَرَابِيُّ مَبۡثُوثَةٌ

àti àwọn ìtẹ́ àtẹ́ẹ̀ká.

Ayah: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Nítorí náà, ṣé wọn kò wòye sí ràkúnmí, bí A ti ṣẹ̀dá rẹ̀ ni;

Ayah: 18

وَإِلَى ٱلسَّمَآءِ كَيۡفَ رُفِعَتۡ

àti sánmọ̀, bí A ti ṣe gbé e sókè;

Ayah: 19

وَإِلَى ٱلۡجِبَالِ كَيۡفَ نُصِبَتۡ

àti àpáta, bí A ti ṣe gbé e nàró (sínú ilẹ̀);

Ayah: 20

وَإِلَى ٱلۡأَرۡضِ كَيۡفَ سُطِحَتۡ

àti ilẹ̀, bí A ti ṣe tẹ́ ẹ sílẹ̀ pẹrẹsẹ?

Ayah: 21

فَذَكِّرۡ إِنَّمَآ أَنتَ مُذَكِّرٞ

Nítorí náà, ṣèrántí. Ìwọ kúkú ni olùṣèràntí.

Ayah: 22

لَّسۡتَ عَلَيۡهِم بِمُصَيۡطِرٍ

Ìwọ kì í ṣe ajẹni-nípá lórí wọn

Ayah: 23

إِلَّا مَن تَوَلَّىٰ وَكَفَرَ

àfi ẹni tí ó bá pẹ̀yìndà (sí òdodo), tí ó sì ṣàì gbàgbọ́.

Ayah: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Allāhu sì máa jẹ ẹ́ níyà tó tóbi jùlọ.

Ayah: 25

إِنَّ إِلَيۡنَآ إِيَابَهُمۡ

Dájúdájú ọ̀dọ̀ Wa ni àbọ̀ wọn wà.

Ayah: 26

ثُمَّ إِنَّ عَلَيۡنَا حِسَابَهُم

Lẹ́yìn náà, dájúdájú Àwa l’A máa ṣe ìṣírò-iṣẹ́ wọn.