Traduzione dei significati Sura Tâ-Hâ - Traduzione fulani dell'Abbreviata Esegesi del Nobile Corano - Numero di pagina 319 - L'Enciclopedia del Nobile Corano

Versetto: 99

كَذَٰلِكَ نَقُصُّ عَلَيۡكَ مِنۡ أَنۢبَآءِ مَا قَدۡ سَبَقَۚ وَقَدۡ ءَاتَيۡنَٰكَ مِن لَّدُنَّا ذِكۡرٗا

Yeru koo ko Men fillanimaa ɗoo -an Nulaaɗo- kumpital fii Muusaa e Fir'awna, e kumpita fii yimɓe maɓɓe ɓen Men filloranay maa kumpitti ɓen adiiɓe ma immorde e Annabaaɓe e moftaaji fii yo ɗum laato munñintinayɗum ma, gomɗii Men okkii ma ka Amen Alqur'aana no waajitora nde on waajitotooɗo.

Versetto: 100

مَّنۡ أَعۡرَضَ عَنۡهُ فَإِنَّهُۥ يَحۡمِلُ يَوۡمَ ٱلۡقِيَٰمَةِ وِزۡرًا

Mo ɗurnike e ndee Alqur'aanaare Jippinaande e maaɗa hara o gomɗinaali nde, o golliraali ko woni kon e mayre; pellet, o aroyay Ñalnde Darngal ko o ronndiiɗo bakkaatu mawɗo, hara himo hanndi e Lepte muusuɗe.

Versetto: 101

خَٰلِدِينَ فِيهِۖ وَسَآءَ لَهُمۡ يَوۡمَ ٱلۡقِيَٰمَةِ حِمۡلٗا

Ko ɓe ñiiɓuɓe e nder ɗen Lepte e duumaade, bonii donngal ngal ɓe ronndoytoo ɗum Ñalnde Darngal.

Versetto: 102

يَوۡمَ يُنفَخُ فِي ٱلصُّورِۚ وَنَحۡشُرُ ٱلۡمُجۡرِمِينَ يَوۡمَئِذٖ زُرۡقٗا

Ñalnde Malaa'ikaajo on wuttoyta ka alaadu wuttannde ɗiɗaɓere nden fii immital ngal, Men mooɓa yedduɓe ɓen e nden Ñalnde ko mbuliiɓe sabu waylagol noone gite maɓɓe ɗen immorde e saɗtude ko ɓe hawri kon e mu'n immorde e kulaleeji Laakara.

Versetto: 103

يَتَخَٰفَتُونَ بَيۡنَهُمۡ إِن لَّبِثۡتُمۡ إِلَّا عَشۡرٗا

hiɓe sowndoo wi'a: "On ñiiɓaali ka barjakhu ɓaawo mayde nden si wanaa jemmaaji sappo".

Versetto: 104

نَّحۡنُ أَعۡلَمُ بِمَا يَقُولُونَ إِذۡ يَقُولُ أَمۡثَلُهُمۡ طَرِيقَةً إِن لَّبِثۡتُمۡ إِلَّا يَوۡمٗا

Ko Menen Ɓuri Anndude ko ɓe sowndondirta kon, hay huunde e mun foltotaako Men, tuma nde ɓurɗo ɓe timmude hakkil on wi'ata: "On ñiiɓaali ka barjakhu si wanaa ñallal gootal ɓuraa ɗum".

Versetto: 105

وَيَسۡـَٔلُونَكَ عَنِ ٱلۡجِبَالِ فَقُلۡ يَنسِفُهَا رَبِّي نَسۡفٗا

Hiɓe lanndaade ma -an Nulaaɗo- fii alhaali pelle ɗen Ñalnde Darngal, maakan ɓe: "Pelle ɗen Joomi am ɓorayɗe ka lasili majje O ruyna ɗe, ɗe wonta funndu=punndi.

Versetto: 106

فَيَذَرُهَا قَاعٗا صَفۡصَفٗا

O ɗala leydi ndin, ndin laatonoondi no ronndii ɗe hara ko ndi fotondirndi maadi alaa e hoore mayri wanaa puiɗi.

Versetto: 107

لَّا تَرَىٰ فِيهَا عِوَجٗا وَلَآ أَمۡتٗا

A yi'ataa ka leydi -an ndaaroowo e mayri- sabu timmugol fotondirgol mayri ka ooñii wanaa ko toowiti maa ka jolti.

Versetto: 108

يَوۡمَئِذٖ يَتَّبِعُونَ ٱلدَّاعِيَ لَا عِوَجَ لَهُۥۖ وَخَشَعَتِ ٱلۡأَصۡوَاتُ لِلرَّحۡمَٰنِ فَلَا تَسۡمَعُ إِلَّا هَمۡسٗا

Ko nden Ñalnde yimɓe ɓen jokkata hito noddoowo on ka mofturu, selugol alanaa ɓe gaayi jokkugol mo, hitooji ɗin deƴƴana Hinnorante On sabu kulol, a nanataa nden Ñalnde si wanaa hito suuɗii ngo.

Versetto: 109

يَوۡمَئِذٖ لَّا تَنفَعُ ٱلشَّفَٰعَةُ إِلَّا مَنۡ أَذِنَ لَهُ ٱلرَّحۡمَٰنُ وَرَضِيَ لَهُۥ قَوۡلٗا

E nden Ñalnde Mawnde tefoore nden nafataa immorde e kala tefoowo, si wanaa tefoowo mo Alla duŋanii yo o tefu, o weltori konngol makko ka tefoore.

Versetto: 110

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يُحِيطُونَ بِهِۦ عِلۡمٗا

Alla O Senike hiMo Anndi ko fewti kon yimɓe ɓen e fiyaake Darngal ngal, hiMo Anndi kadi ko ɓe feƴƴi kon ka aduna maɓɓe, jeyaaɓe ɓen ɓe fow maɓɓe ɓe huɓindortaa ganndal Jaati Alla Kin e Sifaaji Makko Ɗin.

Versetto: 111

۞ وَعَنَتِ ٱلۡوُجُوهُ لِلۡحَيِّ ٱلۡقَيُّومِۖ وَقَدۡ خَابَ مَنۡ حَمَلَ ظُلۡمٗا

Geece jeyaaɓe ɓen hoyi, ɗe yankinanii Wuuruɗo Mo maayataa On, Dariiɗo On e fiyakuuji jeyaaɓe Makko ɓen fii Fewjugol ɗi e yiilugol ɗi, gomɗii hayrii on ronndiiɗo bakkaatu sabu jolnugol makko wonkii makko kin jolirde halkaare.

Versetto: 112

وَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا يَخَافُ ظُلۡمٗا وَلَا هَضۡمٗا

On mo golli golle moƴƴe ɗen hara ko o gomɗinɗo Alla e Nulaaɗo Makko on aray o heɓa njoɗdi makko ndin hara ko timmundi, hara o hulaa tooñe ɗum woni leptireede bakkaatu mo o huuwaali ɗum, wanaa uytaneede mbarjaari golle makko moƴƴe ɗen.

Versetto: 113

وَكَذَٰلِكَ أَنزَلۡنَٰهُ قُرۡءَانًا عَرَبِيّٗا وَصَرَّفۡنَا فِيهِ مِنَ ٱلۡوَعِيدِ لَعَلَّهُمۡ يَتَّقُونَ أَوۡ يُحۡدِثُ لَهُمۡ ذِكۡرٗا

Ko yeru no Men jippiniri nii fillayee feƴƴuɓe ɓen Men jippiniri ndee Alqur'aanaare e ɗenngal Aarabu ɓanngungal, Men ɓanngini e nder mayre nooneeji kammbaaji ɗin immorde e giƴugol e hulɓinngol; tijjagol ɓe hulay Alla, maaɗum Alqur'aana on fuɗɗanay ɓe waaju e tasakuyee.

Alcuni insegnamenti da trarre da questi versi sono:

• القرآن العظيم كله تذكير ومواعظ للأمم والشعوب والأفراد، وشرف وفخر للإنسانية.

Alqur'aanaare Mawnde nden nde fow mayre ko nde anndintinirde e waajuuji wonannde moftaaji ɗin e jammaaji ɗin e gooto kala ko nde teddungal e wasu wonannde neɗɗankaaku ngun.

• لا تنفع الشفاعة أحدًا إلا شفاعة من أذن له الرحمن، ورضي قوله في الشفاعة.

Tefoore nden nafataa hay e gooto si wanaa tefoore on mo Hinnorante On duŋanii, O weltore konngol makko ngol e nder tefoore nden.

• القرآن مشتمل على أحسن ما يكون من الأحكام التي تشهد العقول والفطر بحسنها وكمالها.

Alqur'aanaare nden no mofti ko ɓuri moƴƴuɗe e ñaawooje ɗe hakkille ɗen e fitra on seeditii moƴƴugol majje e timmugol majje.

• من آداب التعامل مع القرآن تلقيه بالقبول والتسليم والتعظيم، والاهتداء بنوره إلى الصراط المستقيم، والإقبال عليه بالتعلم والتعليم.

No jeyaa e neediiji huuwondiral ngal wonndunde e Alqur'aanaare nden yankinorgol jaɓugol e jebbila-gol e mawninngol, e feewirgol ndayngu mayre faade e Laawol Focciingol ngol, e fewtirgol e mayre anndinagol e anndinngol.

• ندم المجرمين يوم القيامة حيث ضيعوا الأوقات الكثيرة، وقطعوها ساهين لاهين، معرضين عما ينفعهم، مقبلين على ما يضرهم.

Nimse bonɓe ɓen Ñalnde Darngal nokku ka ɓe yeebi waqtuuji ɗuuɗuɗi, ɓe taƴi ɗi ko ɓe fijooɓe welsindiiɓe, ko ɓe ɗurniiɓe ko nafata ɓe kon, ko ɓe fewtuɓe e ko lorrata ɓe kon.