Traduzione dei significati Sura ‘Abasa - الترجمة القيرغيزية للمختصر في تفسير القرآن الكريم - L'Enciclopedia del Nobile Corano

Абаса

Alcuni scopi di questa Sura comprendono:

تذكير الكافرين المستغنين عن ربهم ببراهين البعث.

Раббисин тоотпогон каапырларга кайра тирилүүгө далил келтирип эскертүү

---

Versetto: 1

عَبَسَ وَتَوَلَّىٰٓ

Аллахтын элчиси кабагын чытып, жүзүн бурду.

Versetto: 2

أَن جَآءَهُ ٱلۡأَعۡمَىٰ

Абдуллах ибн Умму Мактум андан туура жол сурап келгендиги үчүн. Ал сокур эле. Ал келгенде Аллахтын элчиси мушриктердин башчылары туура жолго түшөбү деген үмүттө ошолор менен алек болчу.

Versetto: 3

وَمَا يُدۡرِيكَ لَعَلَّهُۥ يَزَّكَّىٰٓ

Оо, пайгамбар! Сен кайдан билесиң? Балким ал сокур киши күнөөлөрүнөн тазаланмак.

Versetto: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Же болбосо сенден уккан насыйкаттардан сабак алып, ал үчүн пайдалуу болмок.

Versetto: 5

أَمَّا مَنِ ٱسۡتَغۡنَىٰ

Ал эми өзүндөгү мал-мүлктөн улам сен алып келген ыйманга муктаж эмесмин деген адамга

Versetto: 6

فَأَنتَ لَهُۥ تَصَدَّىٰ

сен көңүл буруп, аны карап алдың.

Versetto: 7

وَمَا عَلَيۡكَ أَلَّا يَزَّكَّىٰ

Эгер ал Аллахка тообо кылып күнөөлөрүнөн тазаланбаса, анда сен эмнеге жетишесиң?

Versetto: 8

وَأَمَّا مَن جَآءَكَ يَسۡعَىٰ

Ал эми жакшылык издеп сага шашылып келген адам

Versetto: 9

وَهُوَ يَخۡشَىٰ

ал Раббисинен коркот.

Versetto: 10

فَأَنتَ عَنۡهُ تَلَهَّىٰ

Сен анын ордуна мушриктердин башчыларынан болгон башка бирөөгө алаксып туруп алдың.

Versetto: 11

كَلَّآ إِنَّهَا تَذۡكِرَةٞ

Андай эмес! Чындыгында бул кабыл алгандар үчүн насыйкат жана эскертме.

Versetto: 12

فَمَن شَآءَ ذَكَرَهُۥ

Аллахты эскерүүнү каалаган адам Аны эскерет жана бул Курандагы нерседен сабак алат.

Versetto: 13

فِي صُحُفٖ مُّكَرَّمَةٖ

Бул Куран периштелердин алдындагы ардактуу баракчаларда.

Versetto: 14

مَّرۡفُوعَةٖ مُّطَهَّرَةِۭ

Алар бийик орунга көтөрүлгөн жана эч кандай кир да, ыпылас да тийбегендей таза.

Versetto: 15

بِأَيۡدِي سَفَرَةٖ

Алар периштелерден болгон элчилердин колунда.

Versetto: 16

كِرَامِۭ بَرَرَةٖ

Алар Раббисинин алдында кадырлуу, көптөгөн жакшылыктарды жана ибадаттарды кылуучулар.

Versetto: 17

قُتِلَ ٱلۡإِنسَٰنُ مَآ أَكۡفَرَهُۥ

Каапыр адамга каргыш болсун! Анын Аллахка болгон каапырлыгы кандай күчтүү!

Versetto: 18

مِنۡ أَيِّ شَيۡءٍ خَلَقَهُۥ

Ал жер бетинде текеберлик жана каапырлык кылгыдай Аллах аны эмнеден жараткан экен?

Versetto: 19

مِن نُّطۡفَةٍ خَلَقَهُۥ فَقَدَّرَهُۥ

Аны аз өлчөмдөгү суудан жаратып, анын жаралуусун баскыч-баскыч кылып белгилеп койду.

Versetto: 20

ثُمَّ ٱلسَّبِيلَ يَسَّرَهُۥ

Анан аны мына ушул баскычтардан кийин энесинин курсагынан чыгуусун жеңил кылды.

Versetto: 21

ثُمَّ أَمَاتَهُۥ فَأَقۡبَرَهُۥ

Андан соң аны бул жашоодо өмүр сүрүүсүн белгилегенден кийин өлтүрдү.

Versetto: 22

ثُمَّ إِذَا شَآءَ أَنشَرَهُۥ

Андан соң Өзү каалаганда аны сурак алуу жана жаза же сыйлыгын берүү үчүн кайра тирилтип алат.

Versetto: 23

كَلَّا لَمَّا يَقۡضِ مَآ أَمَرَهُۥ

Абал бул каапырдын Раббисинин алдындагы милдеттерин аткардым деп элестеткениндей эмес. Ал Аллахтын ага милдет кылган парздарын аткарган жок.

Versetto: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Аллахка каапыр болгон адам жеп жаткан тамак-ашы кайдан келгенин карабайбы?

Versetto: 25

أَنَّا صَبَبۡنَا ٱلۡمَآءَ صَبّٗا

Анын келип чыгышы асмандан нөшөрлөп жана күч менен түшкөн жамгырдан.

Versetto: 26

ثُمَّ شَقَقۡنَا ٱلۡأَرۡضَ شَقّٗا

Андан соң Биз жерди жардык, ал жарылып өсүмдүктөр чыкты.

Versetto: 27

فَأَنۢبَتۡنَا فِيهَا حَبّٗا

Андан соң ага буудай, жүгөрү жана башка дандарды өстүрдүк.

Versetto: 28

وَعِنَبٗا وَقَضۡبٗا

Ошондой эле ага жүзүмдөрдү жана мал-жандыктарыңарга тоюп болсун деп көк чөптөрдү өстүрдүк.

Versetto: 29

وَزَيۡتُونٗا وَنَخۡلٗا

Зайтундарды жана курмаларды өстүрдүк.

Versetto: 30

وَحَدَآئِقَ غُلۡبٗا

Көп бак-дарактуу бактарды өстүрдүк.

Versetto: 31

وَفَٰكِهَةٗ وَأَبّٗا

Мөмө-жемиштерди жана силердин мал-жандыктарыңарга жайыттарды өстүрдүк.

Versetto: 32

مَّتَٰعٗا لَّكُمۡ وَلِأَنۡعَٰمِكُمۡ

Силер жана мал-жандыктарыңардын пайдасы үчүн деп.

Versetto: 33

فَإِذَا جَآءَتِ ٱلصَّآخَّةُ

Качан экинчи жолу керней тартылып кулактарды тундуруучу катуу кыйкырык келгенде.

Versetto: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Ал күнү адам өз ага-инисинен качат.

Versetto: 35

وَأُمِّهِۦ وَأَبِيهِ

Апасынан жана атасынан качат.

Versetto: 36

وَصَٰحِبَتِهِۦ وَبَنِيهِ

Аялынан жана балдарынан качат.

Versetto: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Ошол күндөгү катуу кыйынчылыктан улам алардын баарысы башкаларга көңүл бурбай калат.

Versetto: 38

وُجُوهٞ يَوۡمَئِذٖ مُّسۡفِرَةٞ

Ал күнү бактылуулардын жүздөрү жаркырап турат.

Versetto: 39

ضَاحِكَةٞ مُّسۡتَبۡشِرَةٞ

Аллах аларга Өз ырайымы менен даярдап койгон нерселер үчүн күлүп-жайнап, кубанышып турушат.

Versetto: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Ал эми ал күнү бактысыздардын жүздөрүн чаң басып турат.

Alcuni insegnamenti da trarre da questi versi sono:

• عتاب الله نبيَّه في شأن عبد الله بن أم مكتوم دل على أن القرآن من عند الله.

Аллахтын Абдуллах ибн Умму Мактум тууралуу Өз пайгамбарын жемелеши Курандын Аллахтан экенине далил болот.

• الاهتمام بطالب العلم والمُسْتَرْشِد.

Илим үйрөнүүчү жана багыт берүүчү адамга көңүл буруу.

• شدة أهوال يوم القيامة حيث لا ينشغل المرء إلا بنفسه، حتى الأنبياء يقولون: نفسي نفسي.

Кыямат күндөгү коркунучтардын катаалдыгы. Анткени адам өзүн гана ойлоп калат. Жада калса пайгамбарлар да: «Жаным, жаным» – деп калышат.

Versetto: 41

تَرۡهَقُهَا قَتَرَةٌ

Аларды караңгылык каптайт.

Versetto: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Мына ушундай абалда болгон адамдар – алар каапырлык менен бузукулукту бирдей кылгандар.

Alcuni insegnamenti da trarre da questi versi sono:

• حَشْر المرء مع من يماثله في الخير أو الشرّ.

Адам жакшылыкта же жамандыкта өзүнө окшогондор менен бирге чогултулат.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

Эгерде тирүүлөй көмүлгөн кыз суралып жатса, анда көмгөн адам кандай абалда болот деп ойлойсуң? Бул ошол жайдын катаалдыгына далил болот.

• مشيئة العبد تابعة لمشيئة الله.

Пенденин каалоосу Аллахтын каалоосуна баш ийет.