Traduzione dei significati Sura Al-Hijr - Traduzione filippina (Maguindanao) - Pioneer Translation Center (Ruwwad at-Tarjama) - Numero di pagina 264 - L'Enciclopedia del Nobile Corano

Versetto: 32

قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ

Tig nu Allah: seka Iblis ngin i nakabangun sa leka ka da ka makuyug kanu manga malaikat a sinumugyud?

Versetto: 33

قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ

Tig nu Iblis: da aku maaden sa sumugyud sa manusya a binaluy nengka sa yanin andangan na libubuk a lupa a mategas a matilak.

Versetto: 34

قَالَ فَٱخۡرُجۡ مِنۡهَا فَإِنَّكَ رَجِيمٞ

Tig nu Allah: liyu ka sa surga, ka saben-sabenal sa leka na inawa sa leka su limu nu Allah.

Versetto: 35

وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ

Nanget sa leka su mulka ku taman sa gay a mawli.

Versetto: 36

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Endu tig nu Iblis: Kadenan ku pakalendu ka i umur ko taman sa kambuwat sa kubur.

Versetto: 37

قَالَ فَإِنَّكَ مِنَ ٱلۡمُنظَرِينَ

Tig nu Allah: kuyug ka den kanu manga lendu i umur in.

Versetto: 38

إِلَىٰ يَوۡمِ ٱلۡوَقۡتِ ٱلۡمَعۡلُومِ

Taman bu kanu gay a waktu a natawan (kabangkit sa dunya).

Versetto: 39

قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ

Tig nu Iblis: Kadenan ku kagina ka namulkan aku na ebpiyapiyanan ku kanilan sya sa lupa su kadupangan, endu tadingeng ku silan tanan a manusya.

Versetto: 40

إِلَّا عِبَادَكَ مِنۡهُمُ ٱلۡمُخۡلَصِينَ

Ya bu tabiya na su manga ulipen nengka a manga ikhlas.

Versetto: 41

قَالَ هَٰذَا صِرَٰطٌ عَلَيَّ مُسۡتَقِيمٌ

Tig nu Allah: nan su lalan a matidtu a titayan nu sa kasampay sya sa laki.

Versetto: 42

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ

Endu saben-sabenal su manga ulipen ku na da bagel nengka kanilan sa katading nilan, ya bu tabiya na su minunut sa leka a sinumibay kanu lalan ku.

Versetto: 43

وَإِنَّ جَهَنَّمَ لَمَوۡعِدُهُمۡ أَجۡمَعِينَ

Endu benal su naraka (jahannam) i pasad kanilan langun.

Versetto: 44

لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ

A pitu i bengawanin, uman i isa a bengawan na pimbad-bad sa uman i dayt a galbek u taw a kadarwakan.

Versetto: 45

إِنَّ ٱلۡمُتَّقِينَ فِي جَنَّٰتٖ وَعُيُونٍ

Saben-sabenal su manga taw a magilek sa Allah na lu silan kanu manga surga a manga buwal.

Versetto: 46

ٱدۡخُلُوهَا بِسَلَٰمٍ ءَامِنِينَ

(Pidtalu kanilan): ludep kanu den lu ba (surga) sa sajahatra kanu, tumatana kanu.

Versetto: 47

وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ

Endu inawa nami kanu laleb ilan su kandedengkya, sa edusuled silan, sa bagayan silan kanu manga kantil (katri) a pedsasangula.

Versetto: 48

لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ

Da magedam nilan a lugat sa surga, endu dala kanilan i makalyu silan sa surga.

Versetto: 49

۞ نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ

Panudtul ka (Muhammad) kanu manga ulipen ku i saki na bangampun a malimu.

Versetto: 50

وَأَنَّ عَذَابِي هُوَ ٱلۡعَذَابُ ٱلۡأَلِيمُ

Endu su siksa ku na entu ba i siksa a masakit a mapasang.

Versetto: 51

وَنَبِّئۡهُمۡ عَن ضَيۡفِ إِبۡرَٰهِيمَ

Endu panudtul ka kanilan su (bisita) nu Ibrahim.