Traduzione dei significati Sura An-Najm - Traduzione urdu - Muhammad Gunakry - Numero di pagina 528 - L'Enciclopedia del Nobile Corano

Versetto: 45

وَاَنَّهٗ خَلَقَ الزَّوْجَیْنِ الذَّكَرَ وَالْاُ ۟ۙ

اور یہ کہ اسی نے جوڑا یعنی نر ماده پیدا کیا ہے.

Versetto: 46

مِنْ نُّطْفَةٍ اِذَا تُمْنٰی ۪۟

نطفہ سے جبکہ وه ٹپکایا جاتا ہے.

Versetto: 47

وَاَنَّ عَلَیْهِ النَّشْاَةَ الْاُخْرٰی ۟ۙ

اور یہ کہ اسی کے ذمہ دوباره پیدا کرنا ہے.

Versetto: 48

وَاَنَّهٗ هُوَ اَغْنٰی وَاَقْنٰی ۟ۙ

اور یہ کہ وہی مالدار بناتا ہے اور سرمایہ دیتا ہے.(1)

(1) یعنی کسی کو اتنی تونگری دیتا ہے کہ وہ کسی کا محتاج نہیں ہوتا اور اس کی تمام حاجتیں پوری ہو جاتی ہیں اور کسی کو اتنا سرمایہ دے دیتا ہے کہ اس کے پاس ضرورت سے زائد بچ رہتا ہے اور وہ اس کو جمع کر کے رکھتا ہے۔

Versetto: 49

وَاَنَّهٗ هُوَ رَبُّ الشِّعْرٰی ۟ۙ

اور یہ کہ وہی شعریٰ (ستارے) کا رب ہے.(1)

(1) رب تو وہ ہر چیز کا ہے، یہاں اس ستارے کا نام اس لیے لیا ہے کہ بعض عرب قبائل اس کو پوجا کرتےتھے۔

Versetto: 50

وَاَنَّهٗۤ اَهْلَكَ عَادَا ١لْاُوْلٰی ۟ۙ

اور یہ کہ اس نے عاد اول کو ہلاک کیا ہے.(1)

(1) قوم عاد کو اولیٰ اس لیے کہا کہ یہ ثمود سے پہلے ہوئی، یااس لیے کہ قوم نوح کے بعد سب سے پہلے یہ قوم ہلاک کی گئی بعض کہتےہیں، عاد نامی دو قومیں گزری ہیں، یہ پہلی ہے جسے باد تند سے ہلاک کیا گیا جبکہ دوسری زمانے کی گردشوں کےساتھ مختلف ناموں سے چلتی اور بکھرتی ہوئی موجود رہی۔

Versetto: 51

وَثَمُوْدَاۡ فَمَاۤ اَبْقٰی ۟ۙ

اور ﺛمود کو بھی (جن میں سے) ایک کو بھی باقی نہ رکھا.

Versetto: 52

وَقَوْمَ نُوْحٍ مِّنْ قَبْلُ ؕ— اِنَّهُمْ كَانُوْا هُمْ اَظْلَمَ وَاَطْغٰی ۟ؕ

اور اس سے پہلے قوم نوح کو، یقیناً وه بڑے ﻇالم اور سرکش تھے.

Versetto: 53

وَالْمُؤْتَفِكَةَ اَهْوٰی ۟ۙ

اور مؤتفکہ (شہر یا الٹی ہوئی بستیوں کو) اسی نے الٹ دیا.(1)

(1) اس سےمراد حضرت لوط (عليه السلام) کی بستیاں ہیں، جن کو ان پر الٹ دیا گیا۔

Versetto: 54

فَغَشّٰىهَا مَا غَشّٰی ۟ۚ

پھر اس پر چھا دیا جو چھایا.(1)

(1) یعنی اس کے بعد ان پر پتھروں کی بارش ہوئی۔

Versetto: 55

فَبِاَیِّ اٰلَآءِ رَبِّكَ تَتَمَارٰی ۟

پس اے انسان تو اپنے رب کی کس کس نعمت کے بارے میں جھگڑے گا؟(1)

(1) یا شک کرے گا اوران کو جھٹلائے گا،جب کہ وہ اتنی عام اور واضح ہیں کہ ان کا انکارممﻜﻦ ہے نہ ان کا اخفا ہی۔

Versetto: 56

هٰذَا نَذِیْرٌ مِّنَ النُّذُرِ الْاُوْلٰی ۟

یہ (نبی) ڈرانے والے ہیں پہلے ڈرانے والوں میں سے.

Versetto: 57

اَزِفَتِ الْاٰزِفَةُ ۟ۚ

آنے والی گھڑی قریب آ گئی ہے.

Versetto: 58

لَیْسَ لَهَا مِنْ دُوْنِ اللّٰهِ كَاشِفَةٌ ۟ؕ

اللہ کے سوا اس کا (وقت معین پر کھول) دکھانے واﻻ اور کوئی نہیں.

Versetto: 59

اَفَمِنْ هٰذَا الْحَدِیْثِ تَعْجَبُوْنَ ۟ۙ

پس کیا تم اس بات سے تعجب کرتے ہو.(1)

(1) بات سے مراد قرآن کریم ہے، یعنی اس سے تم تعجب کرتے اور اس کا استہزا کرتے ہو، حالانکہ اس میں نہ تعجب والی کوئی بات ہے نے استہزا وتکذیب والی۔

Versetto: 60

وَتَضْحَكُوْنَ وَلَا تَبْكُوْنَ ۟ۙ

اور ہنس رہے ہو؟ روتے نہیں؟

Versetto: 61

وَاَنْتُمْ سٰمِدُوْنَ ۟

(بلکہ) تم کھیل رہے ہو.

Versetto: 62

فَاسْجُدُوْا لِلّٰهِ وَاعْبُدُوْا ۟

اب اللہ کے سامنے سجدے کرو اور (اسی) کی عبادت کرو.(1)

(1) یہ مشرکین اور مکذبین کو توبیخ کے لیے حکم دیا۔ یعنی جب ان کامﻌاملہ یہ ہے کہ وہ قرآن کو ماننے کے بجائے، اس کا اسہتزا واستخفاف کرتے ہیں اور ہمارے پیغمبر کے وعظ ونصیحت کاکوئی اثر ان پر نہیں ہو رہا ہے، تو اے مسلمانو ! تم اللہ کی بارگاہ میں جھک کر اور اس کی عبادت واطاعت کا مظاہرہ کر کے قرآن کی تعظیم وتوقیر کا اہتمام کرو۔ چنانچہ اس حکم کی تعمیل میں نبی ﹲ نے اور صحابہ نےسجدہ کیا، حتیٰ کہ اس وقت مجلس میں موجود کفار نے بھی سجدہ کیا۔ جیساکہ احادیث میں ہے۔