対訳 節 7 章 戦利品章 - グルジア語対訳 - 作業中 - クルアーン百科事典

節: 7

وَإِذۡ يَعِدُكُمُ ٱللَّهُ إِحۡدَى ٱلطَّآئِفَتَيۡنِ أَنَّهَا لَكُمۡ وَتَوَدُّونَ أَنَّ غَيۡرَ ذَاتِ ٱلشَّوۡكَةِ تَكُونُ لَكُمۡ وَيُرِيدُ ٱللَّهُ أَن يُحِقَّ ٱلۡحَقَّ بِكَلِمَٰتِهِۦ وَيَقۡطَعَ دَابِرَ ٱلۡكَٰفِرِينَ

აკი ალლაჰი გპირდებოდათ, რომ ორი რაზმიდან ერთ-ერთი თქვენი იქნებოდა^[1] და თქვენ გინდოდათ რომ შეუიარაღებელი^[2] ყოფილიყო თქვენი, თუმცა ალლაჰს თავისი სიტყვებით^[3] ჭეშმარიტების აღსრულება და ურწმუნოთა უკანასკნელამდე ამოძირკვა უნდოდა.

[1] ყურეიშელი წარმართები მუსლიმებს იმდენად ავიწროებდნენ, რომ შუამავალი იძულებილი გახდა თანამორწმუნეებთან ერთად მედინაში გადასახლებულიყო, თუმცა ამ გადასახლებიდან ანუ ჰიჯრეთიდან ორი წლის შემდეგაც წარმართები მუსლიმებს მოსვენებას არ აძლევდნენ. მათ მიიტაცეს მუსლიმთა აქლემები, რომლებიც მედინას მახლობლად ბალახობდნენ. მედინას ლიდერებს წერდნენ, რომ მუჰამმედი მოეკლათ ან მედინადან გაეძევებინათ, წინააღმდეგ შემთხვევაში ისინი თავს დაესხნენ მედინას. მეორე მხრივ, დამასკოში დიდი სავაჭრო ქარავანი გაგზავნეს, რომელიც მედინაში გახიზნულ მუსლიმთა ქონებასაც შეიცავდა და მისით მუსლიმტა წინააღმდეგ მებრძოლი ჯარის აღჭურვას აპირებდნენ. მუსლიმები ამ საფრთხის მიმართ უნდა ყოფილიყვნენ ფხიზლად და რაიმე ზომები მიეღეს. ალლაჰის შუამავალმა ﷺ დამასკოდან მომავალი სავაჭრო ქარავნის დაბრკოლება გადაწყვიტა. აღნიშნული მიზნის განსახორციელებლად 305 კაციან ჯართან ერთად, აბუ სუფიანის თანხლებით დამასკოდან მომავალი ქარავნის დასახვედრად გავიდა. როდესაც ეს ამბავი ყურეიშელმა წარმართებმა გაიგეს, მათაც 950 კაციანი ლაშქრით მედინას მიმართულებით დაიძრნენ. მუსლიმები მედინადან არა საბრძოლველად არამედ აღნიშნული ქარავნის დასაბრკოლებლად და წარმართთა გეგმების ჩასაშლელად წავიდნენ. თუმცა მოგვიანებით შეიტყვეს, რომ მუსლიმთა წინააღმდეგ საბრძოლველად მექქადან წარმართთა ჯარი მოემართებოდა. მუსლიმთა ნაწილს წარმართებთან ბრძოლის სურვილი არ ქონდა, მაგრამ შუამავალმა საჰაბეებთან მსჯელობის შემდეგ წარმართებთან შერკინება გადაწყვიტა. ღმერთის შეწევნით მუსლიმებმა მათზე სამჯერ მაღალ რიცხოვანი ჯარი დაამარცხეს. ეს ამბავი ჰიჯრეთის მეორე წელს ისტორიაში ბედირის ბრძოლად არის ცნობილი, იგი ჰიჯრეთის მეორე წელს 17 რამადანს (13 მარტı 624 წ.) მოხდა. დეტალური ინფორმაციისთვის იხილეთ ისლამის ისტორია, ბედირის ბრძოლა.
[2] სავაჭრო ქარავანი.
[3] სიტყვებით, რომელიც თქვენთვის ყყურეიშელ წარმართებთან შერკინების ბრძანებას შეიცავდა.