対訳 章 巻き上げる章 - الترجمة القيرغيزية - クルアーン百科事典

Таквир

節: 1

إِذَا ٱلشَّمۡسُ كُوِّرَتۡ

Күн оролуп (нуру жоголуп),

節: 2

وَإِذَا ٱلنُّجُومُ ٱنكَدَرَتۡ

жылдыздар (кыйрап) төгүлүп,

節: 3

وَإِذَا ٱلۡجِبَالُ سُيِّرَتۡ

Тоолор (тытылган жүн сыяктуу) учурулуп,

節: 4

وَإِذَا ٱلۡعِشَارُ عُطِّلَتۡ

курсагында он айлык баласы бар (кымбат баалуу) төөлөр дагы көңүл сыртында калып,^[1]

[1] Кыямат кыйроосу башталганда адамдардын көзүнө өз жанынан бөлөк эч нерсенин кызыгы калбайт: Арабдардын назарында эң баалуу деп эсептелип, аздектелген жана «Ишаар» (курсагында он айлык баласы бар) деп аталган төөлөр менен дагы эч кимдин иши болбой, кароосуз калат.

節: 5

وَإِذَا ٱلۡوُحُوشُ حُشِرَتۡ

жапайы айбандар (үркүп, бир жерге) чогулуп,^[1]

[1] Жаралгандан бери бири-бирине кас болуп келген коён-карышкыр, кабылан-кийик сыяктуу жапайы айбандар ошол күндүн коркунучунан катуу үркүп, бир жерге чогулуп калышат.

節: 6

وَإِذَا ٱلۡبِحَارُ سُجِّرَتۡ

деңиздер жанып – от болуп,

節: 7

وَإِذَا ٱلنُّفُوسُ زُوِّجَتۡ

жандар бири-бирине коштолуп…^[1]

[1] Ал эми «жандардын кошулуусун» кээ бир тафсирчилер жандын денелерге кошулуп кайра тирилүүсү деп түшүндүрүшөт.

節: 8

وَإِذَا ٱلۡمَوۡءُۥدَةُ سُئِلَتۡ

Тирүүлөй көмүп жиберилген бөбөк кыздар суралганда -

節: 9

بِأَيِّ ذَنۢبٖ قُتِلَتۡ

Кайсы күнөө(ңөр) үчүн өлтүрүлдү(ңөр деп)...^[1]

[1] Исламга чейинки доордо арабдар эгер кыз перзент көрсө аны тирүү бойдон көмүп салышчу. Ислам келип, бул жапайы жорукту токтоткон.

節: 10

وَإِذَا ٱلصُّحُفُ نُشِرَتۡ

Жана (бардык адамдарга) амал баракчалары таратылып,

節: 11

وَإِذَا ٱلسَّمَآءُ كُشِطَتۡ

асман сыйрылып алынганда...

節: 12

وَإِذَا ٱلۡجَحِيمُ سُعِّرَتۡ

Тозок (катуу) кызытылып,

節: 13

وَإِذَا ٱلۡجَنَّةُ أُزۡلِفَتۡ

Бейиш (ыймандуу адамдарга) жакын алып келингенде…

節: 14

عَلِمَتۡ نَفۡسٞ مَّآ أَحۡضَرَتۡ

(Ошол күнү бардык) жан (Акырет үчүн) эмне алып келгенин билет.

節: 15

فَلَآ أُقۡسِمُ بِٱلۡخُنَّسِ

Жок. Артта кала турган жылдыздарга ант ичип,

節: 16

ٱلۡجَوَارِ ٱلۡكُنَّسِ

(аларга) жолдош, көрүнбөгөн жылдыздарга ант ичип,

節: 17

وَٱلَّيۡلِ إِذَا عَسۡعَسَ

(караңгысы менен) келген түнгө ант ичип,

節: 18

وَٱلصُّبۡحِ إِذَا تَنَفَّسَ

агарган таңга ант ичип (айтамын):

節: 19

إِنَّهُۥ لَقَوۡلُ رَسُولٖ كَرِيمٖ

Чынында, ал (Куран) Улуу Элчинин Сөзү!^[1]

[1] Бул аяттагы улуу элчи Жебирейил периште. Ал вахий кабарларын Аллахтан кабыл алып, Мухаммадга жеткирген.

節: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Арш Ээсинин^[1] алдында (Жебирейилдин) туруктуу урматы бар (жана ал) өтө күч-кубаттуу.

[1] Аллахтын

節: 21

مُّطَاعٖ ثَمَّ أَمِينٖ

Ал жерде (жогорку жамаат арасында) сөзү өтүмдүү (жана) ишенимдүү.

節: 22

وَمَا صَاحِبُكُم بِمَجۡنُونٖ

(Эй, мушриктер!) Силердин дайым бирге жүргөн шеригиңер (Мухаммад) жинди эмес.

節: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ал чынында аны (Жебирейилди) айкын мейкиндикте көргөн.

節: 24

وَمَا هُوَ عَلَى ٱلۡغَيۡبِ بِضَنِينٖ

Жана ал кайыпты (силерден) кызгануучу эмес.^[1]

[1] Аллах ага кандай гана кайып кабарын билдирсе, бардыгын адамдарга жеткирген. Ошондой эле, кайыптагы Аллахтан келген Дин-Шарияттын бирин калтырбай элдерге жеткирген.

節: 25

وَمَا هُوَ بِقَوۡلِ شَيۡطَٰنٖ رَّجِيمٖ

Жана ал^[1] каргышка жолуккан Шайтандын сөзү да эмес!^[2]

[1] Куран.
[2] Мушриктер «Мухаммадка эч ким сүйлөй албаган сөздөрдү жин-шайтандар үйрөтөт» дешчү.

節: 26

فَأَيۡنَ تَذۡهَبُونَ

Эми, (чындыктан жүз буруп) кайда бара жатасыңар?!

節: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Ал (Куран) албетте, ааламдар үчүн эскертүү!

節: 28

لِمَن شَآءَ مِنكُمۡ أَن يَسۡتَقِيمَ

Силердин араңардан оңолууну каалгандар үчүн (эскертүү!)

節: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Жана силер (оо, пенделер) ааламдардын Раббиси каалагандан башканы каалай албайсыңар!